Gagnrýni á auglýsingar allra flokkanna

Ég var að fletta í gegnum blöðin síðustu daga, og sé að það er talsverður munur á gæðum auglýsinganna, og er auðséð hver á peninganna í þessu tilfelli. Ég ætla að reyna að vera hlutlaus í þetta skipti, en auðvitað verð ég að pota smá áróður með!

Þökk sé vísi.is gat ég nálgast þessar auglýsingar þar sem þeir geyma blöðin á PDF formi, og þakka ég þeim kærlega fyrir þann myndugleika.

Til þess að stækka auglýsingarnar, þarf að smella á þær tvisvar, plássins vegna get ég ekki haft þær stærri.

Ég tek aðeins fyrir prentmiðlanna í þetta skiptið og hefst nú lesturinn:

Framsóknarflokkurinn - merkin (ég læt hin mörgu andlit Framsóknar fylgja með, bara uppá grínið):

 

 

 

 

Framsóknarmenn eiga greinilega erfitt með að gera upp hug sinn hvað kennimerki varðar. En nýjasta útspilið er seinasta merkið sem er eins og hjarta í laginu, sem ég verð að segja er vel útfærð og góð hönnun, þrátt fyrir erfileika að gera upp hug sinn.

Framsóknarflokkurinn - auglýsingar

 

 

 

 

 

 

 

 

 

 

Fyrsta auglýsingin er allt of "busy", og vísar meira til óreiðu en stöðuleika. Eins ofnota þeir græna litinn að mínu mati, það er vel hægt að skapa öndunarpláss með hvítu og haft grænan með, mér finnst akstursauglýsingin gott dæmi um það, þetta virkar á mig sem græn klessa.

X-B einkunn:
Merki: 8.5
Auglýsingar: 6.0

Sjálfstæðisflokkurinn - merki

 

 

 

 

 

 

 

 

Fálkinn er einstaklega vel heppnað eintak af kennimerki, hann er vel úthugsaður og fallegur. Hann höfðar til trausts og stöðuleika, sem ég vildi að væri raunin með þá. Ég varð auðvitað að láta mína tillögu af D-fálkanum fylgja með!

Sjálfstæðisflokkurinn - auglýsingar:

 

 

 

 

 

 

 

 

 

 

Fyrsta myndin af Þorgerði Katrínu minnir helst of mikið á nýríkann kapítalista, hún er afar vel photoshopuð og hvorki hrukka né bóla til staðar á henni. Hún er of Barbie-leg að mínu mati og í þjóðfélaginu í dag, fyllast margir velgju við að sjá myndir af nýríkum Íslendingum sem minna á árið 2007, það nákvæmlega sömu sögu er að segja um alla aðra frambjóðendur íhaldsins, Bjarni Ben er eins Ken hennar Barbie í sinni mynd.

Hópmyndin minnir mig helst á bandaríska sjónvarpsþætti sem heita "Brady Bunch", og er þar kominn saman hópur af nýríkum íslendingum sem varla eina hrukku má sjá. 

Síðastu myndinni af Bjarna hefðu þeir betur sleppt, þessa "trúverðugu leið" þeirra er búið að slá út af borðinu af forssvarsmönnum ESB, þeir hefðu mátt vinna heimvinnu sína betur áður en auglýsingin fór í loftið þar sem þessi leið er ekki trúverðug lengur, fremur en "traust efnahagsstjórn" þeirra Sjálfstæðismanna.

Eitt mega þeir þó eiga, auglýsingar þeirra eru stílhreinar og koma skilaboðunum til skila, þær eru fágaðar og ekki of "busy" eins og tilfelli framsóknarmanna.

X-D einkunn:
Merki: 10
Auglýsingar: 6.5

Borgarahreyfingin - merki

 

 

 

Þessu merki er ég ákaflega hrifinn af. Sér í lagi þar sem boðið var uppá svona litaða borða í mótmælunum fyrir þá sem kærðu sig ekki um ofbeldi. Eins er þetta hannað eins og U beygja sem sem sveigir fram hjá gömlu fjórflokkunum, og ber merki um nýja hugsun. Þetta er einfalt og stílhreint, og vona ég innilega aðþessi flokkur dafni og hvet ég þá til þess að falla ekki í gryfju Framsóknar og haldið í þetta merki! Það virkar!

Borgarahreyfingin - augýsingar

 

 

 

Ég fann engar auglýsingar fyrir borgarahreyfinguna aðra þá sem er inni á DV.is og á heimasíðu þeirra. Allt kostar þetta pening og get ég ekki gagnrýnt þá fyrir að eiga þá ekki, en það sem hefur greinilega verið hannað er gert af fagmanni og hef ég ekki mikið útá merki þeirra né auglýsingar að setja, nema þó skort á þeim, en þeir geta lítið gert af því. Þær eru aðlaðandi og þægilegar, öskra ekki á mann og eru vel stílfærðar.

X-0 einkunn:
Merki: 9.5
Auglýsingar: 7.5

Samfylkingin - merki:

 

 

Þarna er það, einfaldleikinn í allri sinni mynd. Þessi eini punktur sem sameinar alla A-flokkanna gömlu í einn. Þetta er alveg einstaklega vel lukkað og hittir vel á. Rauður hefur ætíð fylgt jafnaðarmönnumog er einnig tákn ástarinnar.

Samfylkingin - auglýsingar:

 

 

 

 

 

 

 

 

 

 

Þetta eru vel gerðar auglýsingar að mestu leyti. Persónulegu finnst mér öldugangurinn þarna ekki virka, ef þetta væri bara einn litur, og ekki verið að blanda svona mörgum saman þá myndi þetta heppnast að mínu mati betur. Sama má segja um "XS"ið sem er þarna, ég hefði nýtt mér hringinn og haft "S"ið hvítt inní honum. En það virkar vel að nota svart/hvítar myndir af frambjóðendum, því það höfðar til "gömlu góðu daganna" en er samt í nútímabúningi.

X-S einkunn:
Merki: 10
Auglýsingar: 7.5

Lýðræðishreyfingin - merki

 

 

 

 

Ég gerði dauðaleit að auglýsingu frá X-P fólki, en varð erindi ekki sem erfiði, þess vegna er þetta eina merki og get aðeins dæmt út frá því. Þetta er dæmi um afspyrnu lélega hönnun, tvær myndir límdar saman með stifti og texti yfir. Fyrirgefið hvað ég er harður, en þetta er ekki minn smekkur.

X-P einkunn:
Merki: 1.5

Vinstrihreyfingin grænt framboð - merki

 

 

 

 

 

 

 

 

Þetta minnir næu helst á tré sem þarf að snyrta. Alltaf hefur mér þótt þetta skrítið merki, og finnst mér hugmyndin ekki alveg nógu vel útfærð.

Vinstrihreyfingin grænt framboð - auglýsingar

 

 

 

 

 

 

 

 

 

 

Þessi "extreme close ups" eru ekki alveg að virka á mig. Það er greinilegt að VG þarf að tala við photoshop meistara þeirra D-listamanna! Það er of mikið af upplýsingum inná þessum myndum að mínu mati, ég kæri mig að minnsta kosti ekki um að vita hvar skegghárin á Ögmundi eru staðsett eða fílapenslarnir á Katrínu Jakobs! Úfff .... 

En að öðruleyti er hönnunin ágætt, þessi hálf gegnsæi rammi er alveg að virka og kemur skilaboðunum vel til skila.

X-V einkunn:
Merki: 6
Auglýsingar: 7.0

Frjálslyndiflokkurinn - merki

 

 

 

 

 

Þetta er eins málinu hafi verið reddað í "word art", svo afspyrnu lélegt finnst mér þetta merki. Ég gerði tillögur um breytingar þegar ég var þarna innanborðs, en talaði fyrir daufum eyrum. Andlitslyfting á grafíkinni hefði virkilega hjálpað þeim og farið af stað með endurnýjaða ímynd.

Frjálslyndiflokkurinn -auglýsingar

 

 

 

 

 

 

 

Sama á við um þessar auglýsingar, þetta er eins og krakki með litakassa hafi gert þessi ósköp!

X-V einkunn:
Merki: 1.0
Auglýsingar: 1.0

Þá er þessum langa pistli mínum lokið og þakka ég lesturinn.

 

Sunnlendingar athugið!

Ég fékk góðfúslegt leyfi hjá Þór Jónhannessyni, þeim ágæta barráttu manni til þess að birta þetta myndband, sem mér þykir ákaflega viðeigandi miðað við skelfilegt innihald tengdrar  fréttar:

 

Ég hvet alla sunnlendinga til þess að kanna málin betur og sér í lagi að hugsa til baka. Ég trúi ekki að Íslendingar séu með svona mikið gullfiskaminni.

 

D og S listi stærstir

Íhaldið slær fyrir neðan beltisstað

Ég vísa á mína síðustu grein um málfrelsið og Ástþór, sem er sennilega gamall hippi sem er notar sömu takta og hipparnir gerðu forðum. Ég held að hann sé besta sál og vill vel til, hann er bara soddan klaufi og eyðileggur hvað mest fyrir sér sjálfum stundum.

En núna er verulega farið yfir strikið, og er Ástþór hálfgerður engill í samanburði. Málfrelsi er það dýrmætasta sem við eigum í okkar lýðræðissamfélagi, en það er vissulega hægt að misnota það frelsi sem okkur er gefið.

Hér er eitt slíkt dæmi:

Hópur sem kallar sig ahahóprinn, (sem hefur ekki manndóm til þess að koma fram undir réttum formerkjum) og eru bersýnilega tendir við sama hræðsluáróður og íhaldið er með í auglýsingum sínum.

Þeir hafa reyndar breytt þessari mynd sem var upphaflega svona (fékk þetta lánað hjá Jenný Önnu bloggvinkonu)

 

 

Eftir að þessi mynd birtist og fékk mjög hörð viðbrögð, þá hafa þeir breytt henni í þessa og bætt henni við á sitt vefsetur:

 

Öll gagnrýni á rétt á sér, en hún verður að vera réttmæt, ekki skítkast! Orðin "Spilling" og "hagsmunatengsl" eru orð sem íhaldið ætti að fara sparlega með þessa daganna. Þeir sem búa í glerhúsum sem fengust á yfirverði í góðærinu, eiga ekki efni á því að vera í grjótkasti í þeim miðjum.

 

Eigum við ekki að halda okkur við að gagnrýna málefnin, og sleppa svona skítkasti? Virðum málfreslið okkar og komum með mótrök, ekki rökleysu sem þessa.

 

Kallaði lögreglu að Útvarpshúsinu

Fordómar okkar Íslendinga, horfum okkur nær!

Undanfarið hefur Ástþór Magnússon verið áberandi í fjölmiðlum. Hann hefur tekið uppá ýmsu til þess að fanga athygli fjölmiðla sem og landsmanna. Ég vil aðeins fjalla um þetta, því enginn hefur gert það á málefnalegan hátt að mínu mati.

Ég tek fram að sjálfur er ég að verja þann lýðræðislega rétt sem við eigum öll, og það er málfrelsið, ég er ekki tala fyrir nokkurs manns eða samtaka, þetta eru aðeins eigin pælingar sem koma hér fram. Munum að málfrelsið er það dýrmætasta sem mennirnir eiga í lýðræðissamfélagi.

Vissulega hefur Ástþór unnið sér til frægðar með furðulegum orðum og uppákomum, sú frægð má samt ekki standa í vegi fyrir boðskap þeim sem hreyfing hans hefur fram að bera, það er það sem ég á við í allri þessari grein.

Förum aðeins yfir stöðuna

• Ástþór og hans fólk stofnaði Lýðræðishreyfinguna með þá hugsjón að koma á laggirnar beinu lýðræða þar sem landsmenn sjálfir geta haft sitt að segja í stjórnun þessa lands.
  
  
• Frambjóðendur Lýðræðishreyfingarinnar alveg eins og Borgarahreyfingin er fyrsti smjörþefurinn af persónukjöri sem Ísland hefur beðið svo lengi eftir, en svo kemur á daginn að Íslendingar eru greinilega eitthvað smeykir við smáflokkanna og halda sig við sinn gamla spillta fjórflokk.
  
  
• Hver sem þú ert, eða hvað sem þú heitir þá átt þú sem þegn þessa lands málfrelsi, og eiga ljósvakamiðlar skömm skilið um hvernig er tekið á manni eins og Ástþóri. Þarna er á ferðinni maður sem hefur verulega sérstaka persónu sem og skoðanir, en þegar allt kemur til alls, þá á hann sem þegn þessa lands jafnmikið málsfrelsi og Davíð Oddsson, Lalli Johns eða Steingrímur J. Sigfússon. Sami réttur er hjá okkur öllum.
  
  
• Ástþór er afar umdeildur einstaklingur, sjálfur er ég ekki sammála hans orðum eða gjörðum og viðurkenni fúslega fyrrum fordóma í hans garð, og vona að þessi grein ásamt játningu minni geri upp þá fordóma. Ég ætla eftir fremsta megni að leggja af sleggjudóma mína og trúa á málfrelsið, sem allir eiga skilið. Því hver veit kannski kemur eitthvað vitrænt og mikilvægt í umræðuna ef við bara hlustum.

Sjálfur hef ég haft þann háttinn á að leyfa öllum að tjá sig, nema í svívirðulegum tilfellum, sem ég sem betur fer get talið á fingrum annarrar handar. Skilaboð mín er sem sé þessi: Sýnum fólki umburðarlyndi og hættum að fordæma fyrirfram, hlustum á málflutninginn og dæmum svo út frá því.

Ég ætla að minnsta kosti að reyna það sjálfur, og á það við um alla, ekki bara Ástþór, sama gildir um Sjallanna, Framsókn og alla aðra sem ég hef gagnrýnt í fortíðinni. Batnandi mönnum er best að lifa eins og sagt er og vona ég að þið sem lesið þetta gefið gaum að orðum mínum, því þegar allt kemur til alls eigum við að elska náunga okkar eins og okkur sjálf.

Að lokum Ástþór, þá segi ég við þig: Ef góður árangur á að nást, þá er jákvæð athygli sigurstranglegust til árangurs - endilega endurskoðaðu það þótt þú verðir fyrir mótlæti. Einnig eins og góð vinkona mín sagði, virðing er áunnin, ekki gefins.

Ég mun sennilega ekki kjósa hreyfingu þína Ástþór, svo ég sé fullkomlega heiðarlegur, en ég get illa liðið óréttlæti og mismunun, þess vegna skrifaði ég þessa grein og hvet ég þig til þess að ná athygli með jákvæðari hætti en undanfarið, ef ekki fyrir sjálfan þig, þá fyrir málsstaðinn sem þú ert að reyna að koma á framfæri og af virðingu við það fólk sem er að starfa með þér.

Komdu með raunhæfa tillögu um hvernig eigi að laga þetta ástand sem hrunið hefur kallað yfir okkur. Gerðu það málefnanlega og án upphrópanna, þá tekur fylgið þitt kannski einhvern kipp.

Guð blessi ykkur öll og þakka ég lesturinn.

Jarðarfararlagið mitt

Ég sé að nokkrir eru að spá í hvaða lög/lag ættu flutt við eigin jarðarför hér um bloggheima, og verð ég aðeins að leggja orð í belg um það líka. Hér á árum áður vildi ég helst láta flytja "The Roof is on Fire" með hljómsveitinni Bloodhoundgang, eða jafnvel "Nothing Else Matters" með Metallicu. Eða jafnvel fáranleg lög eins þetta gamla finnska lag!

En svo líða árin og maður þroskast og betrumbætist. Í dag er ég nokkuð viss um að ég fái því framgengt að þetta lag verði spilað við jarðarför mína:

 

 

Ég gef því skít í þá smekkleysu að velja "Highway to Hell" við sína eigin jarðarför, eins og fólk virðist velja í dag útí heimi, en það er bara mín skoðun! 

Á leið til heljar um hraðbraut

Gleðilega páska, kæru landsmenn!

Nú er páskahátíðin genginn í garð, sem er með þeim helgustu hátíðum kristinna manna. Ég vil því óska ykkur öllum gleðilegra hátíðar og vona að boðskapur þessa dags gleymist ekki í súkkulaði áti.

Ritað mörg hundruð árum en Jesús var krossfestur, þetta er tekið úr spádómsritinu Sálmunum:

Sálmur 22:2-25

2 Guð minn, Guð minn! Hví hefur þú yfirgefið mig?
Ég hrópa en hjálp mín er fjarlæg.
3 „Guð minn!“ hrópa ég um daga en þú svarar ekki,
og um nætur en ég finn enga fró.
4 Samt ert þú Hinn heilagi
sem ríkir yfir lofsöngvum Ísraels.
5 Þér treystu feður vorir,
þeir treystu þér og þú hjálpaðir þeim,
6 hrópuðu til þín og þeim var bjargað,
treystu þér og vonin brást þeim ekki.
7 En ég er maðkur og ekki maður,
smánaður af mönnum, fyrirlitinn af öllum.
8 Allir, sem sjá mig, gera gys að mér,
geifla sig og hrista höfuðið.
9 Hann fól málefni sitt Drottni,
hann hjálpi honum,
og frelsi hann, hafi hann þóknun á honum.
10 Þú leiddir mig fram af móðurlífi,
lést mig liggja öruggan við brjóst móður minnar.
11 Til þín var mér varpað úr móðurskauti,
frá móðurlífi ert þú Guð minn.
12 Ver eigi fjarri mér
því að neyðin er nærri
og enginn hjálpar.
13 Sterk naut umkringja mig,
Basans uxar slá hring um mig,
Basan nefndist hérað austan Jórdanar.
Nautpeningurinn þar þótti sérstaklega stórvaxinn.
Basans uxar merkja illvirkja.
14 glenna upp ginið í móti mér,
sem bráðsólgið, öskrandi ljón.
15 Ég er eins og vatn sem hellt er út,
öll bein mín gliðnuð í sundur,
hjarta mitt er sem vax,
bráðnað í brjósti mér.
16 Kverkar mínar eru þurrar sem brenndur leir,
tungan loðir við góminn,
þú leggur mig í duft dauðans.
17 Hundar umkringja mig,
hópur illvirkja slær hring um mig,
þeir hafa gegnumstungið hendur mínar og fætur.
18 Ég get talið öll mín bein,
þeir horfa á og hafa mig að augnagamni.
19 Þeir skipta með sér klæðum mínum,
kasta hlut um kyrtil minn.
20 En þú, Drottinn, ver ekki fjarri,
styrkur minn, skunda mér til hjálpar.
21 Frelsa mig undan sverðinu
og líf mitt frá hundunum.
22 Bjarga mér úr gini ljónsins
og frá hornum villinautanna.
Þú hefur bænheyrt mig.
23 Ég vil vitna um nafn þitt
fyrir bræðrum mínum,
í söfnuðinum vil ég lofa þig.
24 Þér, sem óttist Drottin, lofið hann,
tignið hann, allir niðjar Jakobs, óttist hann, allir niðjar Ísraels.
25 Því að hvorki fyrirleit hann hinn hrjáða
né virti að vettugi neyð hans.
Hann huldi ekki auglit sitt fyrir honum
heldur heyrði hróp hans á hjálp. 

Þessi nákvæma lýsing á krossdauða Jesú, er til marks um hve nákvæm biblían er í sínum spádómum. Þetta er eins og ég gat hér um ofar, skrifað mörg hundruð árum fyrir Krist.  Ég undirstrikaði þá þætti sem eru mest áberandi og rættust seinna meir í krossfestingu Jesú. 

Minnumst þessa dags í auðmýkt og þakklæti fyrir gjörðir eins manns fyrir tvö þúsund árum.

Guð blessi ykkur öll á þessum helga degi, og þakka ég lesturinn. 

Ég gerði myndband um Framsóknarflokkinn ...

Ég verð að segja, að ég er ekkert sérstaklega hrifinn af tillögum Framsóknarmanna. Sér í lagi vegna  þess að seðlabankinn hefur reiknað út hvað þetta kostar og sýnt að tillaga þessi mun koma þeim ríku sérstaklega til góða, en ekki þeim fátæku. Persónulega líst mér þá betur á tillögu Lilju Mósesdóttur, frambjóðanda VG um að afskrifa rúmar 4. milljónir á mann. En sú leið er dýr líka.

Allt kostar þetta pening og hef ég persónulega áhyggjur af þeim fjármálafyrirtækjum sem þyrftu þá að "afskrifa" þessi 20%, ég nefni þó sérstaklega íbúðarlánasjóð (sem betur fer gat Jóhanna stoppað Sjallanna af þegar þeir vildu leggja hann niður!) sem ég er ekki viss um að hafi burðarþol í að afskrifa svona háar upphæðir. Sömu sögu er að segja um þá banka sem eru ennþá með íbúðarlánastarfssemi. Er ekki nóg að hafa eitt hrun á fjármálakerfinu?!

Kostirnir við þessar tillögur er að peningaflæðið fer vissulega að streyma á ný, en á kostnað hvers? Hver græðir mest á þessu? Af hverju á ég að veita gullrössum sem eiga kannski risastóra íbúð svona mikinn afslátt fram yfir mig? Það skortir réttlæti í þessum tillögum og get ég ekki samþykkt þær að neinu leyti fyrir vikið. Þess vegna tel ég kostina ekki nógu skýra og hægt er að finna aðrar leiðir til þess að auka peningaflæðið.

Framsóknarflokkurinn stjórnaði bankamálaráðuneytinu þegar bankarnir voru einkavæddir. Meira að segja Geir Haarde viðurkenndi að mikil mistök höfðu orðið í því söluferli eins og alþjóð veit.

Eins get ég illa treyst flokki sem ekki er tilbúin að opna bókhald sitt og sýna fram á hvaða styrki þeir hafa fengið í gegnum tíðina, þótt þeir leyti "samþykkis" hjá þessum aðilum, þá dreg ég í efa að þær tölur birtist fyrir kosningar. Eins eru það furðuleg rök miðað við að allir aðrir flokkar hafa birt sínar tölur blygðunarlaust, hvað hafa þeir að fela spyr ég nú bara!

Hér ber svo að líta myndband sem ég setti saman í forritinu "Adobe Flash", og einnig mynd sem ég hannaði út frá því:

 

 

 Góðar stundir.

Framsókn leitar samþykkis

Við krossins helga tré

Á þessum helga degi, sem við minnumst þjáninga og fórnardauða Jesúm Krists, þar sem hann gaf líf sitt fyrir syndir okkar, með því að fórna sér og leggja allt í sölurnar fyrir okkur, er við hæfi að íhuga hvað hann gerði fyrir mankynið allt.

Þetta yndisfagra ljóð eftir Davíð Stefánsson frá Fagraskógi er til vitnis um það hvað gerðist á deginum langa, og birti ég það ekki bara vegna ljóðsins sjálfs, heldur vegna boðskaparins og áminningarinnar um atburði þessa merka dags.

Ég kveiki á kertum mínum

Ég kveiki á kertum mínum
við krossins helga tré.
Í öllum sálmum sínum
hinn seki beygir kné.
Ég villtist oft af vegi.
Ég vakti oft og bað.
Nú hallar helgum degi
á Hausaskeljastað.

Í gegnum móðu' og mistur
ég mikil undur sé.
Ég sé þig koma, Kristur,
með krossins þunga tré.
Af enni daggir drjúpa,
og dýrð úr augum skín.
Á klettinn vil ég krjúpa
og kyssa sporin þín.

Þín braut er þyrnum þakin,
hver þyrnir falskur koss.
Ég sé þig negldan nakinn
sem níðing upp á kross.
Ég sé þig hæddan hanga
á Hausaskeljastað.-
Þann lausnardaginn langa
var líf þitt fullkomnað.

Að kofa og konungshöllum
þú kemur einn á ferð.
Þú grætur yfir öllum
og allra syndir berð.
Þú veist er veikir kalla
á vin að leiða sig.
Þú sérð og elskar alla,
þó allir svíki þig.

Ég fell að fótum þínum
og faðma lífsins tré.
Með innri augum mínum
ég undur mikil sé.
Þú stýrir vorsins veldi
og verndar hverja rós.
Frá þínum ástareldi
fá allir heimar ljós.

Texti: Davíð Stefánsson
Lag: Guðrún Böðvarsdóttir

Gleðilega páska kæru landsmenn, og megi Guð blessa ykkur og geyma.

Ég hannaði nýtt merki fyrir SjálfstæðisFLokkinn ... :)

Ef skila á þessu fé, sem er greinilega lítið mál, þrátt fyrir fáránlega háa upphæð sem venjulegt fyrirtæki myndi ráða illa við. Hvað á SjálfgræðisFLokkurinn mikla peninga?

Í fyrsta sinn gerðist það á borgarfundinum í Kraganum, að formaður SjálfgræðisFLokksins vildi opna bókhaldið, þetta er algjört nýmæli að hálfu íhaldsins að svo sé gert. En jæja, kannski er þetta fyrsta skrefið í að verða heiðarlegur, batnandi mönnum er best að lifa og allt það.

Hér er svo nýtt lógó sem ég hannaði fyrir sjálfgræðismenn:

 

 

Og auðvitað þurfa þeir nýtt slagorð:

 

 

  Ég bara varð að gera þetta, eftir að ég sá kragabarráttuna áðan! Endilega látið þessar myndir ganga út um allt!!  

Skilað til lögaðila

Endalaus spilling SjálfstæðisFLokksins ...

Alveg er það undarlegt hvað það fær litla umfjöllun í fjölmiðlum að Sjálfgræðisflokkurinn hafi þegar 30.000.000  55.000.000 eða heilar þrjátíu* fimmtíu og fimm milljónir! Rúv þegir þunnu hljóði, eins Morgunblaðið. Samkvæmt frétt DV þá bað íhaldið um þennan styrk (eins og þeir væru ekki nógu ríkir fyrir! Íhaldið fær hæst framlög frá ríkinu allra flokka) og ekki nóg með það, þá er það tveim dögum fyrir gildistöku laganna, svo segir í DV , vísis og stöðvar 2:

Fréttastofa Stöðvar 2 hefur skoðað gögn sem sýna að 29. desember 2006, tveimur dögum áður en nýju lögin um fjárreiður stjórnmálaflokkanna tóku gildi, hafi 30 milljónir króna verið færðar af reikningi FL-Group yfir til Sjálfstæðisflokksins. „Hannes Smárason, þáverandi forstjóri FL-Group, mun hafa gefið vilyrði fyrir greiðslunni, samkvæmt heimildum, en Sjálfstæðisflokkurinn haft frumkvæði að því að óska eftir styrknum,“ segir í frétt www.visir.is í dag.
Í lögunum um framlög til stjórnmálaflokka, frambjóðenda og upplýsingaskyldu þeirra má lögaðili að hámarki styrkja stjórnmálaflokk um 300 þúsund krónur.

Hver veit, kannski eru "Baugsmiðlarnir" að fara aðra ferð inní Valhöll, til þess að leita sér annars fórnarlambs eftir að Davíð var krossfestur. En er Baugur ekki gjaldþrota þessa daganna? Þannig undan hverjum getur Sjálfgræðisflokkurinn grenjað undan núna fyrst erkióvinurinn er kominn í skuldafangelsi?

Erum við ekki búin að fá nóg af því? Gefum holdgervingi spillingarinnar langþráð frí núna 25. apríl.

Ég minni á að klukkan 18:00,  fjölmennir búsáhaldabyltingin fyrir utan alþinghúsið við Austurvöll til að mótmæla málþófi Sjálfstæðisflokksins.

*Ég mun uppfæra tölurnar ef þær hækka meira.

Allt upp á borðinu hjá VG og Frjálslyndum