Færsluflokkur: Bloggar

Segðu af þér Jóhanna!

Er þetta ekki orðið ágætt Jóhanna? Getur ekki einu sinni virt einföld lög, meira að segja lög sem standa þér næst, og hefur þú barist fyrir í mörg ár. Í öllum öðrum ríkjum en Íslandi, þá væri ráðherra búinn að segja af sér. En það tíðkast víst ekki að bera neina ábyrgð hér á landi frekar en fyrri daginn.

Þinn tími var vissulega kominn, en nú er hann liðinn. Vonbrigðin með þessa "velferðarstjórn" eru orðinn svo mikil að það nær ekki tali. Fólk hefur fengið nóg. Loforð ykkar um "gagnsæ vinnubrögð", "skjaldborgir" og önnur fögur orð. Fyrr má nú vera, við vitum ekki einu sinni hverjir eiga bankanna í dag! Þessu er öllu haldið leyndu fyrir heimskum almúganum eins og t.d. mér.

Sama má segja um "skjaldborgina", heimilin brenna enn, og hver kastar olíu á eldinn! ÞIÐ! Angry

Skömm ykkar er mikil, og ykkur ber að iðrast og taka skynsamlega ákvörðun einu sinni. Sjáið sóma ykkar í að segja af ykkur, það eru mörg ný framboð kominn fram á sjónarviðið, og erum við ekki langur bundinn við að kjósa fjórflokkinn.

Ég skora á alla þá sem eru mér sama sinnis, að skrifa undir áskorun til Jóhönnu Sigurðardóttur á www.kjosendur.is - þar getur hver gert upp við sig hvað er réttast að gera.

 

Lifið heil.


mbl.is Brotið gegn lögum án afleiðinga
Tilkynna um óviðeigandi tengingu við frétt

Gleðileg jól!

gledileg_jol_350
 
Megi algóður Guð blessa ykkur öll um hátíðarnar.

Minni alla FLokksmenn á þetta ...

Eftir því sem ég best veit, þá er mútuþægni refsiverð samkvæmt landslögum. En gott verður að sjá niðurstöðu þessa dóms þegar hann liggur fyrir, þá kemur í ljós hið rétta í málinu. En ég er þakklátur Guðlaugi Þór fyrir aðeins eitt, hann veitti mér innblásturinn af neðangreindri mynd þegar ég var að horfa á kosningarsjónvarpið 2009.

 

xd-min.png

 

Hafðu þökk fyrir það Guðlaugur Þór, að veita mér þennan innblástur.

Svo má ekki gleyma þeirri glansmynd sem FLokkurinn hefur ætíð stillt upp af sér, og er þessi auglýsing frá flokknum ógleymanleg í sambandi við allar ásakanir um mútgreiðslur.

 

geir.jpg
 
 
Stundum segja myndir fleiri en þúsund orð, svo einfalt er það.

 


mbl.is Biðst ekki afsökunar
Tilkynna um óviðeigandi tengingu við frétt

Það er til þingmaður með samvisku og hreint hjarta ...

 ... og sá þingmaður heitir Margrét Tryggvadóttir. Ég vil þakka henni kærlega að sýna þann manndóm og hugreki sem öðrum þingmönnum skortir. Af hverju? Fyrir örfáum dögum skrifaði afar góð vinkona mín opið bréf til ráðamanna, þar sem hún skoraði á ráðamenn að taka þátt í matarúthlutunum hjá einhverjum hjálparsamtökum. Viti menn, það var EINN þingmaður sem svaraði þessari áskorun, hún Margrét Tryggvadóttir. Hún ætlar sum sé að vera

Ég vil nota tækifærið og þakka henni kærlega fyrir viðbrögðin, og vil ég einnig nota tækifærið og benda á að þingkona sem er guðleysingi er að verða við þessari beiðni. Oft hefur trúfólk ásakað guðleysingja um slæmt siðferði, og í sumum tilfellum slegið eignarrétti á gott siðferði. Þessi þingkona hefur aldeilis afsannað það! Ég vona bara að þetta sanni fyrir okkur öllum (sérstaklega trúfólki eins og mér) að gott hjarta og að vera í tengslum við það sem er að gerast í landinu er stundum eina sem til þarf.

Guð blessi þig samt sem áður Margrét Tryggvadóttir, og tek ég ofan fyrir framtaki þínu. Cool

*Uppfært - 1. des

Ég set inn frétt sem birtist í dag á pressunni. Í henni segir að þingkonan Margrét Tryggvadóttir hafi brugðist við áskoruninni.


Eitt orð ...

Takk!

 

Eva Joly! Cool

 


mbl.is Eva Joly hættir
Tilkynna um óviðeigandi tengingu við frétt

Vel gert!

Ég var alveg búinn að missa alla trú á þjóðkirkjunni. En eins og viðtengd frétt sannar þá er greinilega vilji hjá kirkjunarmönnum að bæta ráð sitt, sem ég persónulega fagna og líst vel á að það komi óháðir aðilar til þess að kryfja þau mál sem Ólafur Skúlason fyrrverandi biskup skildi eftir sig.

Þarna kemur berlega í ljós sá kraftur sem fjölmiðlar og almenningur býr yfir, og verður þá ríkiskirkjan að vinna í því að endurvinna það traust sem glatast hefur á undanförnum dögum.

Megi Guð blessa allt þjóðkirkjufólk og alla starfsmenn hennar.


mbl.is Boða rannsóknarnefnd
Tilkynna um óviðeigandi tengingu við frétt

Enginn er yfir landslög hafinn

Sama hversu heilagur þú ert! Meira að segja Jesús var prófaður af samtímamönnum sínum, og athugað hvort hann færi ekki alveg örugglega eftir landslögum:

„Þeir koma og segja við hann .. Leyfist að gjalda keisaranum skatt eða ekki? Eigum við að gjalda eða ekki gjalda? .. Þeir fengu honum pening. Hann spyr: Hvers mynd og nafn er á peningnum? Þeir svöruðu: Keisarans. En Jesús sagði við þá: Gjaldið keisaranum það sem keisarans er og Guði það sem Guðs er.“ Mark. 12:13-17. 

ist2_4364427-dove-symbol-of-peace-on-earth.jpgMálið er einfalt, eins og ofangreint dæmi sýnir, enginn getur sett sig ofar en þau lög þess lands sem hann/hún býr í, því annars eru lögin gagnslaus. Skoðun Geirs finnst mér vera keimlík Kaþólskra presta, þar sem þeir sjá um að hlusta á "skriftir" sóknarbarna sinna. En málið er, að við erum ekki kaþólikkar, og er staðan ALLT öðruvísi hjá okkur vegna þess.

Prestar eiga vissulega vera sálusorgarar, og eigum við að geta þeim treyst jafnvel fyrir lífi okkar. En við eigum einnig að geta treyst því að þeir fari með alvarleg kynferðisbrotamál á hendur ungra barna til viðeigandi yfirvalda. Ég sé ekki að það sé brotinn einhver "heilagur trúnaður" ef prestur lætur yfirvöld vita, heldur er hann að sinna sínu starfi sem prestur og er að hjálpa þeim sem er í vanda staddur til þess að koma afbrotamönnum á bak við lás og slá. Öryggi sóknarbarna á ávallt að ganga fyrir, og því hlutverki sinnir þú ekki með því að þegja!

Ég vona bara að Geir Waage endurskoði afstöðu sína, og Guð blessi prestastétt Íslands.


mbl.is „Nú þarf Geir Waage að hætta“
Tilkynna um óviðeigandi tengingu við frétt

Um afstöðu mína ... og margt fleira

Ég hef verið latur að blogga undanfarið, og eru góðar og gildar ástæður fyrir því. Ég hafði enga löngun til þess lengur. En það er eins spurning sem ég hef stundum verið spurður að sem mig langar að svara til þess að taka af allan vafa yfir þeim ástæðum sem ég hef mig í frammi að tjá mig yfirhöfuð, þó sérstaklegatheist_1001010.jpga um trúmál.


Ég var alinn upp af yndislegum foreldrum, sem kenndu mér gildi lífsins og siðferði. Eitt af því mikilvægasta sem ég lærði af þeim er að falla aldrei í öfgar. Þess vegna er ég að þessu, þess vegna tjái ég mig um trú annarra og gagnrýni þau.  Sumir kalla það hræsni að ég sé alltaf að setja útá skoðanir annarra, sér í lagi þar sem ég er ekki hlutlaus sjálfur. En ég gæti ekki verið meira ósammála því, hverjum þykir sinn fugl fallegastur og er því enginn maður hlutlaus.


Ég mun áfram gagnrýna alla þá öfga sem ég verð var við, og mun ekki taka neinum silkihönskum á því. Ég vona bara að ég valdi engum vonbrigðum og eru allir velkomnir að tjá sig eins og venjulega.

Á næstunni ætla ég að reyna að gera úttekt á nokkrum söfnuðum sem finnast á Íslandi, og á ég ekki bara við kristna söfnuði heldur önnur trúarbrögð líka. Ég lofa að vera engan veginn hlutlaus vegna þess að ég vil ekki ljúga að fólki. Ég ætla að segja mína hlið á málinu og hananú!

Nú verður tekinn upp þráðurinn að nýju, og óska ég eftir ykkar tillögum um hvaða söfnuð/trúfélag/samtök ég á að taka fyrir.


Íslenskir stjórnmálamenn athugið!

corruption1-2.jpgTakið þennan Ítalska ráðherra til fyrirmyndar!! Í engu öðru þróuðu ríki nema Íslandi myndi það líðast að styrkjakóngar og drottningar séu ennþá við völd eða í embætti!

Sú siðbót og hið nýja Ísland átti að byggja á er ný félagsleg vitund, og átti að úthýsa þeim boðskap einstaklingshyggjunnar sem var búinn að sannfæra okkur um að við værum ekki félagsverur og áttum bara að hugsa um eigið skinn. Nei, siðbótin felst í því að viðurkenna að þau mistök sem gerð haf verið í gegnum árin verður að taka ábyrgð á. 

Þess vegna tek ég ofan fyrir þessum Ítalska ráðherra sem segir af sér fyrir ekki minni sakir. 

Kæru stjórnmálamenn, miðaldir eru liðnar, það er 2010 núna. Þeir taki það til sín sem eiga það skilið.


mbl.is Ítalskur ráðherra segir af sér
Tilkynna um óviðeigandi tengingu við frétt

Næsta síða »

Guðsteinn Haukur

Guðsteinn Haukur Barkarson
Guðsteinn Haukur Barkarson

"Our life is a gift from God,
what we do with that life,
is our gift to God"

Höf. óþekktur

Sjá höfundasíðu fyrir ákveðna skilmála og upplýsingar um bloggarann 

Önnur snilld...

Hvaða þjóðir heimsækja þetta blogg?

free counters

Heimsóknir

Flettingar

  • Í dag (29.3.): 0
  • Sl. sólarhring: 1
  • Sl. viku: 11
  • Frá upphafi: 0

Annað

  • Innlit í dag: 0
  • Innlit sl. viku: 11
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Skoðanna könnun

Á að aðskilja ríki og kirkju?

Innskráning

Ath. Vinsamlegast kveikið á Javascript til að hefja innskráningu.

Hafðu samband