Endalaus spilling SjálfstæðisFLokksins ...

Alveg er það undarlegt hvað það fær litla umfjöllun í fjölmiðlum að Sjálfgræðisflokkurinn hafi þegar 30.000.000  55.000.000 eða heilar þrjátíu* fimmtíu og fimm milljónir! Rúv þegir þunnu hljóði, eins Morgunblaðið. Samkvæmt frétt DV þá bað íhaldið um þennan styrk (eins og þeir væru ekki nógu ríkir fyrir! Íhaldið fær hæst framlög frá ríkinu allra flokka) og ekki nóg með það, þá er það tveim dögum fyrir gildistöku laganna, svo segir í DV , vísis og stöðvar 2:

Fréttastofa Stöðvar 2 hefur skoðað gögn sem sýna að 29. desember 2006, tveimur dögum áður en nýju lögin um fjárreiður stjórnmálaflokkanna tóku gildi, hafi 30 milljónir króna verið færðar af reikningi FL-Group yfir til Sjálfstæðisflokksins. „Hannes Smárason, þáverandi forstjóri FL-Group, mun hafa gefið vilyrði fyrir greiðslunni, samkvæmt heimildum, en Sjálfstæðisflokkurinn haft frumkvæði að því að óska eftir styrknum,“ segir í frétt www.visir.is í dag.
Í lögunum um framlög til stjórnmálaflokka, frambjóðenda og upplýsingaskyldu þeirra má lögaðili að hámarki styrkja stjórnmálaflokk um 300 þúsund krónur.

Hver veit, kannski eru "Baugsmiðlarnir" að fara aðra ferð inní Valhöll, til þess að leita sér annars fórnarlambs eftir að Davíð var krossfestur. En er Baugur ekki gjaldþrota þessa daganna? Þannig undan hverjum getur Sjálfgræðisflokkurinn grenjað undan núna fyrst erkióvinurinn er kominn í skuldafangelsi?

Erum við ekki búin að fá nóg af því? Gefum holdgervingi spillingarinnar langþráð frí núna 25. apríl.

Ég minni á að klukkan 18:00,  fjölmennir búsáhaldabyltingin fyrir utan alþinghúsið við Austurvöll til að mótmæla málþófi Sjálfstæðisflokksins.

*Ég mun uppfæra tölurnar ef þær hækka meira.


mbl.is Allt upp á borðinu hjá VG og Frjálslyndum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Baldvin Jónsson

Það verður að fylgja með í færslunni að greiðslan kom eins og þú segir tveimur dögum fyrir GILDISTÖKU laganna.

Það þýðir að lögin voru þá ÞEGAR samþykkt, lögin sem þeir komu að gerðinni á. Þeir samþykktu lögin og flýttu sér svo að sækja peningana ÁÐUR en að þau tæku actualt gildi.

Það er siðblinda í mínum bókum.

Sannleikurinn er leiðin - það er okkar að verja og skapa hér réttlæti.

Borgarahreyfingin mun öðru fremur segja bara satt. Að segja satt er stórt skref og fyrsta skrefið frá ógagnsæi, lygi og spillingu. 

Baldvin Jónsson, 8.4.2009 kl. 15:48

2 Smámynd: Guðsteinn Haukur Barkarson

Vel mælt Baldvin, takk fyrir þetta.

Guðsteinn Haukur Barkarson, 8.4.2009 kl. 16:27

3 Smámynd: Ingvar Valgeirsson

Hvar hefurðu verið hingað til þegar núverandi stjórnarflokkar stóðu fyrir málþófi?

Og hefur Sjálfstæðisflokkurinn ekki fengið sama styrk pr. þingmann og aðrir flokkar?

Ingvar Valgeirsson, 8.4.2009 kl. 16:41

4 Smámynd: Rósa Aðalsteinsdóttir

Sæll Guðsteinn minn

Minnir á peningana sem Júdas fékk á sínum tíma. Það er margt rotið hjá Sjöllunum. Því miður eru ekki öll kurl komin til grafar ennþá.

Vertu Guði falinn

Kær kveðja/Rósa

Rósa Aðalsteinsdóttir, 8.4.2009 kl. 17:12

5 identicon

Sá flokkur sem stillir sér upp með að segja að aðrir flokkar séu verri .... æi... æi... ég get ekkert kosið
Júdas karlinn, mesta hetjan í kristni og hann er dissaður tsk tsk... án Júdasar værum við í íslam... eða kannski gyðingar bara ha ;:) 

DoctorE (IP-tala skráð) 8.4.2009 kl. 17:19

6 Smámynd: Guðsteinn Haukur Barkarson

Ingvar - hver er að tala um málþóf? Annars er það í gangi núna niður á þingi.

Og hefur Sjálfstæðisflokkurinn ekki fengið sama styrk pr. þingmann og aðrir flokkar?

Nei, þetta fer eftir stærð og kosningaúrslitum. Og auk þess munar núna 30 milljónum.

Rósa - já, mikið er ég sammála, 30 silfurpeningar, það er ekki fjarri lagi.

Dokksi  - hef ég nokkurn tíma sagt þér hve skrítinn þú ert?

Guðsteinn Haukur Barkarson, 8.4.2009 kl. 17:52

7 Smámynd: Guðsteinn Haukur Barkarson

@ Ingvar - Jón Ásgeir var yfi FL group, meintum erkióvini Davíðs og fleirum í þínum röðum. Samt taka þeir við þessum peningum??? Er ekki í allt í lagi hjá ykkur? Þið getið ekki einu sinni verið sjálf ykkur samkvæm.

Guðsteinn Haukur Barkarson, 8.4.2009 kl. 17:56

8 Smámynd: Haraldur Hansson

Hefði átt að skrifa "helvítis FLokking FLokk" á kröfuspjöldin!

Haraldur Hansson, 8.4.2009 kl. 18:33

9 Smámynd: Guðsteinn Haukur Barkarson

hehehehe ... svo ljóta íslensku hefði ég ekki notað, en ég skil hvað þú meinar Haraldur.

Guðsteinn Haukur Barkarson, 8.4.2009 kl. 18:55

10 Smámynd: Rósa Aðalsteinsdóttir

Hæ og hó.

Haraldur er ekkert að skafa af hlutunum!!!

Jón Valur kominn með tvær greinar á mbl.is um Sjálfstæðisflokkinn og ýldufýluna í Valhöll

Vertu Guði falinn

Kær kveðja/Rósa

Rósa Aðalsteinsdóttir, 8.4.2009 kl. 19:00

11 Smámynd: Þorsteinn Ásgeirsson (Icerock)

Kannski þeir ættu að leita af fleiri peninga búntum í Valhöll áður en leitað verður á Tortula

Þorsteinn Ásgeirsson (Icerock), 8.4.2009 kl. 19:08

12 identicon

Þetta er örugglega í öllum flokkum, þ.e. spillingin. En það hef ég annars ekki hugmynd umm. En það er vitað að spilling er landlæg hér.

Valgeir Matthías Pálsson (IP-tala skráð) 8.4.2009 kl. 20:48

13 Smámynd: Brynjar Jóhannsson

Mér finnst hálf furðulegt ... að Ingvar segi

Og hefur Sjálfstæðisflokkurinn ekki fengið sama styrk pr. þingmann og aðrir flokkar?

Svarið við þessari spurningu er NEI. þeir voru svo miklu meira fjárstuddir heldur en aðrir flokkar hérlendis að það meikar ekki sens að þetta hafi verið per þingmaður. Eftir allt saman var sjálfstæðisflokkurinn og hefur verið ekki mikið meira en 35% íslensku þjóðarinnar og er því fáranlegt að hann skuli fá miklu meiri styrki en aðrir stjórnmálaflokkar.

Í öðru lagi á ekki að styrkja .... per ÞINGMANN um pening.. því þá er þetta orðin svo mikil hagsmunapolitík að það.. er ekki neinu lagi líkt og raun um hluti sem eru nær því að kallast SPYLLING. 

Raunar segir það sem segja þarf að Bjarni Benediktssson segist harma það að flokkurinn hafi þegið þetta fjármagn og hyggst skila því. Mér finnst það virðingarvert af Bjarna, því þá er hann ekki að þræta fyrir staðreyndir heldur ... gengst við hlutunum eins og þeir eru og tekst á við vandamálin í stað þess að þræta fyrir staðreyndir með afleiddum rökum eins og Ingvar reynir að gera. Raunar kom Ingvar ekki með nein rök heldur varpaði hann fram þvættingi.

Í raun fær Bjarni plúss í kladdan hjá mér fyrir þessa ákvörðun þó ég komi aldrei til með að kjósa blákalt og rotið í haldið meðan ég lifi. .

Brynjar Jóhannsson, 8.4.2009 kl. 20:52

14 Smámynd: Jón Valur Jensson

Ég er hræddur um, að þú getir enn átt eftir að skrifa yfir stóru tölurnar, Haukur minn, til að breyta þeim í aðrar enn stærri.

En kjósið ekki Borgarahreyfinguna, hún vill ekki standa staðföst með okkar fullveldisréttindum.

Jón Valur Jensson, 9.4.2009 kl. 03:29

15 Smámynd: Baldvin Jónsson

Jón Valur, bara til áminningar. Evrópusambands umræðan er EKKI á dagsrká hjá Borgarahreyfingunni og við höfum ekki tekið sem hreyfing afstöðu til þess.

Við höfum einfaldlega svarað því til þegar við erum spurð um ESB málið sem og önnur stór mál að þjóðin eigi að taka ákvörðun um málin í þjóðaratkvæðagreiðslu. Til þess að geta tekið afstöðu til ESB þyrftu að fara fram samningaviðræður við ESB fyrst til þess að við vissum um hvað ætti að kjósa. Þetta er bara lógík.

Það er hins vegar hvergi í stefnunni okkar að það eigi að sækja um aðild. Það eina sem við komum inn á er annars vegar að það verði að leita leiða út úr myntvandanum og hins vegar að Allar náttúruauðlindir verði í þjóðareigu og óheimilt að framselja þær nema tímabundið og þá aðeins með viðurkenndum gagnsæjum aðferðum þar sem fyllsta jafnræðis og arðs er gætt.

Seinna ákvæðið er þarna inni einmitt til þess að möguleg innganga í ESB geti EKKI tekið yfir stjórn auðlinda okkar eða eignarhald.

Við munum verja lýðveldi okkar og auðlindir með kjafti og klóm fáum við til þess umboð ykkar. Við munum hins vegar ekki standa í vegi fyrir vilja þjóðarinnar vilji mikill meirihluti hennar aðild að ESB, en það verður þá aðeins samþykkt af okkar hálfu sé eignarhald auðlindanna okkar tryggt.

Baldvin Jónsson, 9.4.2009 kl. 10:45

16 Smámynd: Baldvin Jónsson

Borgarahreyfingin er að mínu mati einfaldlega eini kostur þeirra sem ekki eru heldur til vinstri og hugnast VG.

Baldvin Jónsson, 9.4.2009 kl. 10:46

17 Smámynd: Ingvar Valgeirsson

Haukur, þú spyrð hver sé að tala um málþóf - lestu síðustu setninguna í bloggfærslunni þinni hér að ofan.

Og ekki segja "ykkur" þegar þú talar um Sjallana. Eins og ég hef sagt nokkurhundruð sinnum er ég ekki Sjálfstæðisflokksmaður. Ég er hinsvegar alltaf að verða meiri og meiri sjálfstæðismaður, sem þarf alls ekki að vera það sama. Er t.d. hundfúll að Bjarni Harðar verði ekki í framboði, leist eiginlega best á það dæmi.

Ingvar Valgeirsson, 9.4.2009 kl. 22:26

18 Smámynd: Jón Valur Jensson

Baldvin, þetta innlegg þitt til að svara mér var gersamlega hlægilegt. Þú ritar:

"Við höfum einfaldlega svarað því til þegar við erum spurð um ESB málið sem og önnur stór mál að þjóðin eigi að taka ákvörðun um málin í þjóðaratkvæðagreiðslu. Til þess að geta tekið afstöðu til ESB þyrftu að fara fram samningaviðræður við ESB fyrst til þess að við vissum um hvað ætti að kjósa. Þetta er bara lógík. Það er hins vegar hvergi í stefnunni okkar að það eigi að sækja um aðild."

Þú ert sem sé sá maður Borgarahreyfingarinnar sem sér um að vita ekki neitt um þessi mál, eða svo má ætla af þessum orðum þínum.

Til þess að fram fari samningaviðræður við ESB, svokallaðar aðildarviðræður, verður fyrst að sækja um aðild, öðruvísi fást ekki þær viðræður.

Svo eruð þið (og síðast Þór Saari á framboðsfundinum í fyrradag) víst að tala um að stefna á Evrópubandalagið.

Ég ræð öllum að KJÓSA YKKUR EKKI.

Svo er það engin "lógík", að til þess að vita um skilmála EBé, þurfi að fara í þessa umsókn um og þessar "aðildar"viðræður. Skilmálarnir, Rómarsáttmálinn o.m.fl., eru nú þegar þekkt skilyrði.

Lestu svo grandgæfilega þetta, sem hér kemur fram, fyrst í orðum Björns Bjarnasonar í Mbl.grein hans í EB-greinaflokki blaðsins 14. jan. sl. (lbr. jvj):

"Íslensk stjórnvöld verða að semja umsókn, vilji þau sækja um, og síðan ræða við ESB á grundvelli hennar. Engin ákvörðun hefur verið tekin um það hér, hvernig staðið yrði að því að semja umsóknina, hvað þá heldur, hvað í henni stæði."

Og hér er viðeigandi að benda enn og aftur á, að sjálf Samfylkingin hefur ekki einu sinni skilgreint, hvað hún vill hafa sem samningsmarkmið Íslands í aðildarumsókn! Hún gerði það jafnvel ekki, eftir að Stefán Jóhann Stefánsson, meðlimur í SF, skrifaði um það skýra ádrepu í Mbl. á sl. Þorláksmessu, þar sem hann minnti á, að SF hefði lofað að gera grein fyrir samningsmarkmiðum sínum, en það gerir hún jafnvel ekki enn, á síðustu metrunum fyrir kosningarnar!

Þá segir Björn ennfremur::

"Hann [Olli Rehn, stækkunarstjórinn í framkvæmdastjórn EB] hefur sagt um sjávarútvegsþátt hugsanlegra viðræðna: "Í sjávarútvegs-stefnunni eins og á öðrum sviðum höfum við takmarkaða heimild fyrir tilslakanir, það þýðir að þjóð fer að sameiginlegri stefnu. Það eru leiðir til að auðvelda aðlögun, en meginreglan er að þjóð eins og Íslendingar skuli fara að almennum reglum." Þetta gefur ekki til kynna mikið svigrún af hálfu ESB."

Í fullu samræmi eru þessi orð Rehns við það, sem Franz Fischler, þáverandi sjávarútvegsstjóri sambandsins, ítrekaði á sínum tíma, að varanlegar undanþágur frá sjávarútvegsstefnu EB væru einfaldlega ekki í boði, sjá hér á Heimssýnarsíðu 13. nóv. sl. Eftirfarandi upplýsingar í frábærri bók Ragnars Arnalds um Ísland og EB-mál, Sjálfstæðið er sístæð auðlind, s. 31, segja þó kannski mest (leturbr. hans, en aukið við undirstrikun minni, jvj):

"Forystumenn ESB hafa oft verið spurðir að því hvort Íslendingar fengju ekki undanþágur frá fiskveiðistefnu ESB ef þeir sæktu um aðild. 18. maí 1995 birtist í Morgunblaðinu viðtal Hjartar Gíslasonar við framkvæmdastj. sjávarútvegsmála í ESB, Emmu Bonino. Hjörtur spyr: "Ef Ísland sækti um aðild að ESB nú, kæmi til greina, að landið fengi full yfirráð yfir fiskveiðilögsögu sinni?" Svar framkvæmdastjórans var: "Nei, Ísland yrði, eins og önnur aðildarlönd, að gangast undir hina sameiginlegu fiskveiðistefnu ESB. Hins vegar yrði örugglega um einhvern aðlögunartíma að ræða eins og við inngöngu Spánar og Portúgals á sínum tíma og Svíþjóðar og Finnlands nú [1995]. Sá aðlögunartími getur verið langur, en meginreglan er sú, að sameiginleg stefna er öllum sameiginleg, hvort sem um er að ræða fiskveiðar eða landbúnað. Sami rammi gildir fyrir alla." Margir aðrir forystumenn ESB og þekktir stjórnmálamenn í aðildarríkjunum hafa lýst því sama yfir, að við yrðum vafalítið, ef til aðildar Íslands kæmi, að beygja okkur undir sjávarútvegsstefnu ESB að fengnum aðlögunartíma."

Og þetta, sem liggur hér skýrt og ótvírætt fyrir, Baldvin, er það, sem engir ærlegir Íslendingar geta nokkurn tímann fallizt á – ekki frekar en að gefa frá okkur æðstu yfirráð í löggjafarefnum, sem yrði annað stórslysið, sem henda mundi þjóðina, ef hennar gæfusnauðu pólitíkusar leiddu hana undir klafa þessa erlenda valds – Evrópubandalagsins, sem getur jafnvel ekki haldið sjálfu sér við. 1,5 börn fæðast þar á meðalkonuna, sem merkir um 30% fækkun hverrar einustu barneignakynslóðar miðað við þá á undan! Að leysa málið með inntöku Tyrklands gæti orðið þrautaráðið, en það myndi smám saman islamísera Evrópu, og svo þyrfti SAMT að bæta við fleiri þjóðum úr því umhverfi, t.d. Egyptum, ef bandalagið ætti ekki að veslast upp í mannfæð á næstu 50–90 árum. (Ég bæti þessu við hér í lokin, en gleymið ekki aðalatriðunum, sem komu fram í máli Fischlers og Rehns!)

Jón Valur Jensson, 10.4.2009 kl. 03:05

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Guðsteinn Haukur

Guðsteinn Haukur Barkarson
Guðsteinn Haukur Barkarson

"Our life is a gift from God,
what we do with that life,
is our gift to God"

Höf. óþekktur

Sjá höfundasíðu fyrir ákveðna skilmála og upplýsingar um bloggarann 

Önnur snilld...

Hvaða þjóðir heimsækja þetta blogg?

free counters

Heimsóknir

Flettingar

  • Í dag (29.3.): 0
  • Sl. sólarhring: 1
  • Sl. viku: 11
  • Frá upphafi: 0

Annað

  • Innlit í dag: 0
  • Innlit sl. viku: 11
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Skoðanna könnun

Á að aðskilja ríki og kirkju?

Innskráning

Ath. Vinsamlegast kveikið á Javascript til að hefja innskráningu.

Hafðu samband