Vaknið íslendingar !

Í ljósi hrottalegra atburða seinustu daga hef ég hugsað með mér að íslendingar hafa alvarlega misstigið sig. Þar á ég við að það er ekki lengur til neinn Guðsótti í þessu landi, menn gera það sem þeim sýnist án þess svo sem að spá í afleiðingar gjörða sinna.

Ef íslendingar myndu standa undir nafni sem þjóð með níutíu og eitthvað prósent kristinna, þá myndu þessir voða atburðir ekki gerast. Allt sem heitir náungakærleikur er farinn fyrir bí, það er ráðist á gamalmenni á stæðstu götu Reykjavíkur eins og ekkert væri sjálfsagðara. Fólk í hjólastólum er barið og stolið frá þeim. Svo er ráðist á aðra um hábjartann dag án þess að nokkur skipti sér af og komi til hjálpar. Dýrum er eitrað fyrir og skotinn niður í tilgangsleysu, allt er þetta skortur á Guðsótta að þakka.

Sum ykkar kannski telja mig einfelding að segja þetta vera niðurstöðuna, en hugsið aðeins útí það, ef það væri til raunverulegur Guðsótti hér á fróni, þá myndu allir hugsa útí afleiðingar gjörða sinna. Ég reyni í mínum auma mætti að gera það sem er Guði þóknanlegt, því ég hugsa alltaf með mér: "Hvernig hefði Jésús brugðist við þessu?" Það tel ég vera Guðsótta, að hugsa hvað er náungakærleikur og hvað ekki, að hugsa ekki endilega hvað er best fyrir mig heldur fyrir náunga minn.

Þess vegna er einlæg bæn mín að það verði vakning í þessu landi! Það verður til þess að menn fara að leita kærleikans og kannski haga sér samkvæmt honum. Því gleymum því ekki að Guð er kærleikur, ef þú leitar hans þá bankar hann á dyr hjarta þíns. Í hverjum manni er tómarúm sem aðeins ást Guðs getur uppfyllt, þess vegna eru svo margir leitandi í trú sinni.

Sönn og góð vinkona mín var svo góð að gefa mér bókina "Ómar frá hörpu Davíðs" eftir Sr. Sigurbjörn Einarsson í afmælisgjöf. Mér finnst þetta viðeigandi á þessum dimmu dögum, þar sem kærleikurinn er hafður að spotti.

Þetta er úr fyrsta Davíðssálmi:
"Sæll er sá maður, er eigi fer að ráðum óguðlegra,
eigi gengur á vegi syndaranna
og situr í hópi þeirra, er hafa Guð að háði,
heldur yndi af lögmáli Drottins
og hugleiðir lögmál hans dag og nótt.

Hann er sem tré, gróðursett hjá rennandi lækjum,
er ber ávöxt sinn á réttum tíma,
og blöð þess visna ekki.
Allt er hann gjörir lánast honum.

Svo fer eigi hinum óguðlega,
heldur sem sáðum, er vindur feykir.

Þess vegna munu hinir óguðlegu eigi standast í dóminum
og syndugir eigi í söfnuði réttlátra.
Því að Drottinn þekkir veg réttlátra,
en vegir óguðlegra endar í vegleysu. 

Með ofangreindu versu til stuðnings þá segi ég að það vanti guðsótta í land og þjóð. Þess vegna bið ég þess heitt að vakning verði í þessu fallega landi ! Guð blessi ykkur öll !

Hrottahátturinn algjör !

Ég á ekki til eitt aukatekið orð yfir þessum atburði ! Hvaða fæðingarhálfviti gerir svona lagað?? En árasar maðurinn er greinilega ekki með meiri manndóm en að þurfa á ráðast á fólk í hjólastólum !! Svei mér hvað þetta gerir mig reiðan !!! Ég bið fyrir því að lögreglan nái í skottið á þessu viðrini !! 

Barinn og rændur í hjólastól

Nautalund með tilheyrandi

Ég er mikill áhugamaður um matargerð og allt sem því viðkemur. Ég ætla að láta eina uppskrift flakka sem ég hef smíðað sjálfur frá grunni.

Nautalund 1 stk, skorið niður í sneiðar.

Þetta er það einfaldasta í uppskriftinni. Þú steikir hana eftir smekk. Gerir ekkert við hana nema skera og steikja. En mundu að halda til haga skáninni á pönnunni, hana á að nota í sósuna.

Sósan

Smjör - hveiti - rauðvín (helst sem er ætlað til matargerðar, annað er sóun) - mjólk - Truffle olía - villiberjasulta - pipar - nautakraftur - salt (helst Maldon salt) - rjómi 

Bakið upp smjör og hveiti saman í potti, bætið smá vatni og mjólk útí og látið malla. Hellið rauðvíni á pönnuna sem var notuð til þess að steikja kjötið og hellið útí sósuna, bætið nautakrafti, bullion og 1/2 teskeið af "Truffle" olíu. Bætið villiberja sultu út í og saltið eftir smekk. Setjið slatta af fínt möluðum pipar sem og gróf möluðum pipar (helst úr piparkvörn) útí sósuna.  Bætið svo slurk af rjóma útí rétt áður en þetta er borið fram.  Ég gef ekki upp hlutföll eða mælieiningar, því hver hefur sinn hátt á þessu, og ég held að hver sem treystir sér í þetta átti sig á þessu.

Grænmetið

Brokkólí og strengjabaunir

Þær eru einfaldlega gufusoðnar. Ég til dæmis nota stálsigti sem er ætlað fyrir pasta í pott með smá vatni útí og set lok yfir.

Gulrætur með appelsínukeim

Gulrætur - appelsínusafi - vínberjaedik - sykur - vatn

Hafið jöfn hlutföll af appelsínusafa og vatni. Setjið eina matskeið af vínberjaediki og eina matskeið af sykri, til þess að viðhalda jafnvægi í sætu og súru. Sjóðið svo gulræturnar þar til þið getið auðveldlega stungið gafli í þær, þá eru þær tilbúnar. Best finnst mér að nota 'mini' gulrætur sem fást í flestum verslunum.

Chili kartöflur

kartöflur - salt - chili olía - salt - paprikukrydd

Kartöflur eru skrældar og gufusoðnar, en þær eru gufusoðnar með chili og paprikukryddi í soðningunni. Þegar þær eru tilbúnar takið þær úr pottinum og setjið þær í ílát sem má fara inní ofn. Kryddið þær aftur með chili, paprikukryddi og salti. Skvettið smávegis chili olíu yfir þær allar. Stillið á grillstillingu á ofninum ykkar og bakið þar til þær verða gullinbrúnar.

Gljáður skarlottlaukur

5 skarlottlaukar - balsamik edik - sykur - salt

Skerið laukinn niður í smátt, steikið svo uppúr smjöri. Bætið við balsamik ediki og jafnmikið af sykri. Saltið eftir smekk.

Svo er þetta allt saman sameinað í á diska og borið fram með góðu rauðvíni.

Verði ykkur að góðu !

Til hamingju Hafnfirðingar !

Nú sver ég þess dýran eið að segja ekki Hafnfirðingabrandara framar. Það munaði aðeins 88 atkvæðum á fylgendum þessarar stækkunar. Nú geta Hafnfirðingar andað léttar og verið óhult fyrir þeim óhuggnaði sem svona skrímsli skilar frá sér. Nógu slæmt hafa þeir það nú þegar með það sem er fyrir. Mikið er ég feginn að sjá svona skynsama niðurstöðu úr Hafnarfirði.

Sem ætti kannski ekki að koma á óvart þar sem Hafnarfjörður er eitt helsta vígi vinstri manna.

Enn og aftur til Hamingju Hafnfirðingar og Guð blessi ykkur, með þessa líka skynsamlegu ákvörðun !!

 

Hafnfirðingar höfnuðu stækkun álversins

Öll dýrin í skóginum eiga að vera vinir ...

Þetta er málaflokkur sem ég hef oft velt fyrir mér, og hálf skammast mín fyrir að hafa ekki verið virkari í honum fyrr.    Eftir að hafa lesið bloggið hennar Halkötlu þá sé ég hve brýn þörf er á umfjöllun um meðferð dýra. Eftir að hafa lesið bloggið hennar Halkötlu snart við mér strengur sem ég vissi að ég hafði en aldrei komið honum til framkvæmdar. Nú verður breyting á !

Tökum máva sem dæmi, ég vissi til dæmis ekki að það væri notað eitur til þess að sporna við fjölgun þeirra! Ég er frá sjávarþorpi að nafni Grindavík og er alinn með þessum fuglum, og hef alltaf verið mikill fuglaáhugamaður. Ég man svo þegar ég fór með bræðrum afa niður í fjöru, þar sem þeir fóru að  gömlum vana í leit af baujum. Í þeirra tíð fengust aurar fyrir slíka hluti, en eftir að það var aflagt þá fóru þeir nú samt, og tóku mig ræfilinn oft með. Hjá þeim lærði ég hvað mest um fugla, hvað þeir hétu, hver voru sérkennin þeirra og útskýringar á hegðan þeirra. Eftir frá bræðranna hef ég ennþá þann dag í dag haldið í hefð þeirra, en því miður gefst ekki alltaf tími í það þar sem ég bý í Reykjavík.

En vegna fræðslu bræðranna um tilgang þessara dýrategunda, þá hef ég alltaf borið virðingu fyrir öllum dýrategundum. Allt hefur sinn tilgang eins og sagt er. Þess vegna ætla ég að fylga samvisku minni og handleiðslu Guðs um að gerast ötull dýravinur og verndari. Því það stendur skýrt í ritningunni að dýrin fari til himna líka, það má finna það í Jesaja.
Guð elskar allar sálir, hvort sem þú ert mávur, api eða sólskríkja.

Þess vegna ber okkur að vernda þau dýr sem verða fyrir barðinu á grimmilegum athöfnum mannsins, til dæmis nautaat, hanaslagi, nautahlaup o.s.f.v.

Einnig ber að stöðva tilgangslausar hvalveiðar íslendinga, sem ég sé varla rök fyrir. Sérstaklega þar sem enginn markaður er fyrir þetta kjöt, og það virkar á mig eins og við séum að veiða þá stolt okkar og sögu vegna. En tímarnir hafa breyst og mennirnir veiddu hval hér í gamla daga til þess að verða sér úti um lífsbjörg, allt var nýtt, t.d. notuðu menn lýsið í lampa, beinin voru notuð sem allskyns byggingarefni og svona mætti lengi telja. En við erum ekki lengur á heljarþröm og á hungurmörkum. Allir þessir hlutir eru svo til gagnslausir í dag nema kannski kjötið. 

Hvað gengur á eiginlega??

Svei mér hvað ég var hneykslaður þegar ég las þessa frétt ! Það er ráðist á mann á níræðisaldri !!! Hvert er þjóðfélagið að stefna eiginlega? Þurfa gamalmenni að ráða sér lífverði til þess að geta gengið óhult um miðbæinn? Það stendur ritað um svona menn:

Jesaja 11:1-5

1    Af stofni Ísaí mun kvistur fram spretta og angi upp vaxa af rótum hans.

2   Yfir honum mun hvíla andi Drottins: Andi vísdóms og skilnings, andi ráðspeki og kraftar, andi þekkingar og ótta Drottins.

3   Unun hans mun vera að óttast Drottin. Hann mun ekki dæma eftir því, sem augu hans sjá, og ekki skera úr málum eftir því, sem eyru hans heyra.

4   Með réttvísi mun hann dæma hina fátæku og skera með réttlæti úr málum hinna nauðstöddu í landinu. Hann mun ljósta ofbeldismanninn með sprota munns síns og deyða hinn óguðlega með anda vara sinna.

5   Réttlæti mun vera beltið um lendar hans og trúfesti beltið um mjaðmir hans.

Ég vona að það fari ekki framhjá neinum að þetta er spádómur um Jésú, enda mun hann dæma lifendur og dauða þegar að því kemur. Þessir menn sem frömdu þessa svívirðu eru fyrirbænarefni !

  

Ráðist á fullorðinn mann á Miklubraut

Björn Bjarna slær sig til hershöfðingjatignar !

Hæstvirtur Dóms og hermálaráðherra hefur í nýju frumvarpi sem hann ætlar að bera undir alþingi slegið sjálfann sig fyrirfram til hershöfðingjatignar. Ég sé persónulega ekki mikla þörf fyrir svona lagað, við höfum víkingasveitina hér innanlands og hefur dugað okkur hingað til. Auk þess erum við umkringd lýðræðisríkjum og ekki mikil hætta á einhverjum innrásum. Ekki nema kannski færeyingar safni saman í stórskotalið, ráðist á okkur og leggi okkur í þrældóm !

Ég skil bara ekki þess áráttu hjá Birni að vilja endilega her, ég var einmitt svo feginn að sjá hann fara og nú vill hann að íslendingar vopnist?? En auðvitað er hætta fyrir hendi, sérstaklega í formi hryðjuverkaárasa, það er einmitt þess vegna sem við tilheyrum Shengen samkomulaginu og erum aðilar af Nató. Ef ráðist yrði á okkur þá efast ég ekki um hjálpsemi nágrannaríkja okkar. Það er herrans árið 2007, ekki 1914.

Áhersla á heimavarnir

Að verða elliært gamalmenni ...

Úfff .... ég er orðinn 31 árs frá og með deginum í dag. Orðinn löggilt krumpudýr sem sé.

Ég vona bara að ég fái kynningar mánuð á Grund þar sem ég er að fara að ná tilætluðum aldri!

Svei mér ...  

Biðjum fyrir Spaugstofunni !

Það er naumast hvað má ekki í dag. Ég legg til að svona fornaldar lög verði felld úr gildi, ég var persónuleg mjög ánægður með lag þeirra spaugstofumanna og hvarflaði ekki að mér að þetta væri eitthvert lögbrot.

Mér finnst  persónulega að veita eigi undanþágu í þeirra tilfelli, ég veit að þetta er bannað með lögum og allt það, en þeir gerðu þetta fyrir framan alþjóð. Það eru kannski ekki sterk rök en mér þykir vænt um spaugstofuna og ég veit að flestir íslendingar eru sammála mér í þessu.

Biðjum fyrir því að þetta mál leysist á sem farsælasta hátt !

Handtaka átti Spaugstofumenn

Að draga karlmenn með sér í verslunarferðir

Ég er ekki vanur að vera með svona karlrembuhúmor en mér fannst þetta bara svo innilega fyndið að ég stóðst ekki mátið.

Þetta bréf var sent frá verslunarstjóra í Bretlandi og bað hana um að koma ekki oftar í verslunina sína.

Það var eiginmaður konunnar sem lét svona á meðan konan verslaði:

This letter was recently sent by Tesco's Head Office to a customer in Oxfordshire:-


Dear Mrs. Murray,

While we thank you for your valued custom and use of the Tesco Loyalty Card, the Manager of our store in Banbury is considering banning you and your family from shopping with us, unless your husband stops his antics.

Below is a list of offences over the past few months all verified by our surveillance cameras:

1. June 15: Took 24 boxes of condoms and randomly put them in people's trolleys when they weren't looking.

2. July 2: Set all the alarm clocks in Housewares to go off at 5-minute intervals.

3. July 7: Made a trail of tomato juice on the floor leading to feminine products aisle.

4. July 19: Walked up to an employee and told her in an official tone, "Code 3" in housewares..... And watched what happened.

5. August 14: Moved a 'CAUTION - WET FLOOR' sign to a carpeted area.

6. September 15: Set up a tent in the outdoor clothing department and told shoppers he'd invite them in if they would bring sausages and a Calor gas stove.

7. September 23: When the Deputy Manager asked if she could help him, he began to cry and asked, "Why can't you people just leave me alone?"

8. October 4: Looked right into the security camera; used it as a mirror, picked his nose, and ate it.

9. November 10: While appearing to be choosing kitchen knives in the Housewares aisle asked an assistant if he knew where the antidepressants were.

10. December 3: Darted around the store suspiciously, loudly humming the "Mission Impossible" theme.

11. December 6: In the kitchenware aisle, practiced the "Madonna look" using different size funnels.

12. December 18: Hid in a clothing rack and when people browsed, yelled "PICK ME!" "PICK ME!"

13. December 21: When an announcement came over the loud speaker, assumed the foetal position and screamed "NO! NO! It's those voices again."

And; last, but not least:

14. December 23: Went into a fitting room, shut the door, waited a while; then yelled, very loudly, "There is no toilet paper in here."