Agape - Love - Ást - Amor - Förälskelse - Liebe - Amour

Hvað er ást?

Oft hef ég velt þessari spurningu fyrir mér í þessum Guðlausa heimi. Jafnvel hér á Íslandi eru gamalmenni ekki óhult úti á götu, fólk í hjólastólum þarf einnig að vara sig á föntum sem berja þá og ræna. Jafnvel lögreglan beitir fólki af öðru þjóðerni ofbeldi, lemur það og hendir því nöktu inní tómann klefa. Jafnvel þegar glæpir eru drýgðir beint fyrir framan nefið á fólki, gerir enginn neitt, það horfir bara á og segir: “þetta kemur mér ekki við”. Dýrum er slátrað í þágu vísinda og menn þykjast ætla að græða á kjöti sem enginn er markaður fyrir.

Ást þarf ekki bara að vera á milli tveggja einstaklinga, hún getur einnig verið í formi góðverka, til dæmis að standa upp fyrir einhverjum í strætó, sýna tillit í umferðinni, bjóða náunga þínum góðan dag. Þetta getur verið svo einfalt og alls ekki flókið.

Þannig er trúin á Jésú Krist, hún er í raun og veru svona einföld. Þetta er ekki flókið, eina sem þarf er ást. 

Lampi líkamans
Það leiða ekki margir hugann að því að ástin getur verið sem geisli úr andliti okkar. Augun eru lampi líkamans, ritað er:

“Auga þitt er lampi líkamans. Þegar auga þitt er heilt, þá er og allur líkami þinn bjartur, en sé það spillt, þá er og líkami þinn dimmur". - Lúkasarguðspjall 11:34

Ég segi fyrir mig, áður en kynntist trúnni á Jésú, voru augu mín hulinn myrkri og hatri. Jafnvel engillinn mágur minn hafði á orði að það hefði ekki verið hægt að horfa í augu mér áður en ég komst til trúar. En í dag, er ég fullur af ást Jésú, í gegnum þá ást lýsa augu mín gleði og fögnuði. Ég vildi að ég gæti útskýrt það sem kemur frá hjarta mínu, en stundum er það ekki hægt, eina leiðin er að kynnast því sjálf/ur.

Jésús á þessa ást handa þér í dag, ert tilbúin til að veita henni mótöku?

Kjúklingar komnir af risaeðlum

Og hananú!  Nú geta þróunnarkenningsmenn fengið eitthvað til þess að hugsa um. Mér fannst þessi frétt svo innilega fyndin að ég varð að setja hana inn. Hugsum okkur tvisvar um næst þegar við förum á KFC, sem ætti kannski að breyta í: "Kentucky Fried T-Rex." hehehe ...

Þið getið lesið nánar um fréttina hér

Nekt - stolt eða skömm?

Ég hef mikið verið að velta fyrir mér þessi atriði síðan hin víðfrægi fermingarbæklingur Smáralindar kom út, hvað menn telja klám og hvað ekki. Ég er viss um að margir verða hneykslaðir á mér vegna þess að ég er trúaður að birta slíkar myndir sem ég set hér neðar í greinina. Það er ekki mitt vandamál að þið skammist ykkar fyrir það sköpunarverk sem ykkur er gefið. Mannslíkaminn er musteri Drottins sem hann gaf okkur og slíkt sköpunarverk er ekki á allra færi.

Ég spyr ykkur gott fólk, eru allir orðnir svona miklar teprur í dag að þeir þoli ekki að sjá smá nekt? Hvað er að? Afhverju má ekki upphefja það sem okkur er gefið? Ég er alls ekki að hvetja til neinna nektarsýninga né neitt svoleiðis, málið er bara að ég sé ekki vandamálið á bak við bert hold! Er ástandið svona slæmt að menn hafi ekki stjórn á sér þegar þau sjá bera manneskju?

Ég held því fram að maðurinn sé meistarastykki Guðs, en þó sérstaklega konan sem ég tel vera hátindur alls sköpunar.

Þarf meiri sannanir en þetta?

Ég veit að þetta er gömul frétt, en fyrir þá sem þurfa sannarnir fyrir hlutunum, þá liggja þær hér með fyrir. Það eru ekki til margar beinharðar sannanir fyrir tilvist Jésú. En þessi frétt sannar það að Páll Postuli var ekki skáldsagnar persóna eins og margir halda fram.

Biblían er ekki bara saga, heldur hefur hún að geyma marga merkilegustu atburða mannkynssögunar, eins og þetta dæmi sannar.

Ég segi fyrir mig persónulega að ég var í leitandi í mörg á áður en ég komst að sannleikanum. Sannleikanum sem lá beint fyrir framan nefið á mér allan tímann, ég var bara of stoltur til þess að taka við honum.

Allir menn fæðast með tómarúm í hjarta sínu, þetta tómarúm er til mikillar trafalla því við leitum allra leiða til þess að fylla það. Margir leita í efnishyggjuna og fylla líf sitt af dýrðargripum og telja það nóg til þess að uppfylla þarfir sínar. En nei, þótt við berjum okkur á brjóst og teljum okkur fullkominn eins og við erum, þá er þetta tómarúm alltaf til staðar. Ég fór þá leið sjálfur að aðhyllast ásatrúnna, þróunnarkenninguna, svo fór ég að leita til spíritista að lokum kynntist ég konu minni sem benti mér á þetta óuppfyllta tómarúm sem bjó í hjarta mér. Eftir þetta fór ég að rannsaka ritningarnar, ég helti mér í öll þau fræði sem ég komst í og taldi mig hólpinn.

Kona mín mótmælti og bað mig að prófa að biðja, og það upphátt. Ég var ekki alveg á buxunum að gera það, ég taldi það niðurlægingu fyrir mig og mína persónu. En viti menn, um leið og ég gerði það, þá sameinaðist sú þekking sem hafði aflað mér við hjarta mitt. Það tómarúm sem bjó innra með mér var horfið. Ást Jésú hafði fyllt það. Það er þess vegna sem ég ber þetta fram núna, sem "sönnun" fyrir þá vantrúuðu. Ég hvet ykkur til þess að kynna ykkur málin betur, leggja af stolt ykkar og skoðanir, aðeins Guð getur gert á ykkur það kraftaverk að tilheyra honum. Þetta er ekki eins erfitt og það hjómar þegar þú loksins tekur fyrsta skrefið.

Guð blessi ykkur öll og megi ásjóna Drottins vors lýsa yfir ykkur öllum.

Gröf Páls postula opnuð í Róm

Dýr notuð í herþjónustu

Nú hefur George W. Bush algjörlega skotið sig fótinn og svo sem ekki í fyrsta sinn. Nú fórnar hann höfrungum og sæljónum í sprengjuleit. Ég hef aldrei skilið siðferði bandaríkjamanna, en nú eru þeir rétt einu sinni komnir út í öfgar.

Höfrungar eru einu dýrin sem komast nálagt því að hafa heila á stærð við mannsskepnuna. Þeir hafa ítrekað sýnt að þeir hafa tilfinningar og bjarga oft fólki úr neyð þótt að þeir EKKERT verið þjálfaðir. Mér finnst viðurstyggð að vita til þess að dýrum sé fórnað á þennan hátt. Sértaklega gáfuð dýr eins og höfrungar og sæljón.

Er ekki nóg komið með að senda fólk útí stríð sem snúast bara um peninga og völd. Maðurinn meira að segja dirfist segja að hann sé að vinna verk Guðs með stríðinu í Írak. "Af ávöxtunum skulum við þekkja þá" stendur ritað. Ég get ekki viðurkennt slíkan slátrara sem bróðir minn í Kristi, hann hefur svo mikið blóð á höndum sér að jafnvel Stalín myndi skammast sín.

Þess vegna birti ég þessa háðsmynd af George W. Bush, hún sýnir allt sem mér finnst um hann og hans einræðisstjórn.

Eitt sem ég vil samt benda á og gleymist alltof oft hjá okkur íslendingum. Biðjum fyrir ekkjum og börnum þeirra hermanna sem látið hafa líf sitt fyrir þennan blóðþyrsta Texasbúa. Biðjum fyrir öllum fórnarlömbum þessa lygastríðs.

Höfrungar í herþjónustu

Kristileg barrátta og réttindi

Hvað gengur á hjá kristnum mönnum í dag? Undanfarna mánuði hafa kristnir orðið fyrir barðinu á krossförum vantrúaðra. Fyrst birtir Kompás þessa ægilegu herför á þjóðkirkjuna, í þeim þætti segir Sr. Hjörtur fríkirkjuprestur þá djöfulega sem töldu sig höndla sannleikann, hvað sem það nú þýðir. Ég skil ekkert hvað maðurinn er að fara, sérstaklega vegna þess að hann hopaði með orð sín á stöð2 í fyrrakvöld. Kvenpresturinn stóð sig mun betur en hann, einfaldlega vegna þess að hún bar þó rök fyrir máli sínu.

Nú er komið á daginn að prestar í Digraneskirkju sjá ekki fært að ferma stúlku sem tilheyrði söfnuði Sr. Hjartar. Ég þekki örfáa þjóðkirkjumenn sem dásömuðu verk Sr. Magnúsar í Digraneskirkju, þeim fannst þetta hið besta mál og upphófu Sr. Magnús fyrir mikinn myndugleik, síðan varð það í dag að Biskup Íslands skikkaði Sr. Magnús til þess að ferma stúlkuna, þá fóru þessir sömu menn að dásama biskup fyrir að taka í taumanna !?!  Framsóknarmenn allra flokka sameinist, segi ég nú bara!

Í fyrsta lagi átti svona vitleysa aldrei að koma upp, fyrr má nú vera hrokinn og vanþekkinging á siðareglum presta, það er skýrt kveðið á í reglum prestafélagsins að eigi megi gera greinarmun á sóknarbörnum, þess vegna greip biskup inní þetta.

Ég get ekki sagt að ég sé beinlínis skoðannabróðir Sr. Hjartar heldur, mér þykir hann lausmáll og með skrítnar skoðannir.

Hér er dæmi sem ég tók af heimasíðu hans:

Biskup í hópi bókstafstrúaðra

Í millitíðinni hefur lítill hópur strangtrúaðra sent fjölmiðlum yfirlýsingu biskupi til stuðnings.  Þar eru höfð eru uppi stór orð um hrikalega skaðsemi þess ef látið er eftir mannréttindakröfum samkynhneigðra.  

Það er athyglivert í upptalningu þeirra aðila sem sagðir eru standa að baki þeirri þeirri fréttatilkynningu að sama trúfélagið er talið upp a.m.k. 7 sinnum undir ólíkum staðarnöfnum.  Þetta er eflaust gert til að gefa yfirlýsingunni mun meira vægi en henni raunverulega ber sannleikanum samkvæmt.     Framsetningin minnir glögglega á aðferðir bókstafstrúarmanna víða um heim.  Gott fólk tilheyrir þessum litlu hópum en í grunninn er hér um að ræða fámennan hóp bókstafstrúarmanna sem hefur haft mjög hátt í okkar samfélagi undanfarin ár.  Og víst er að ef þeirra vilji næði fram að ganga í íslensku samfélagi, væri til að mynda jafnréttisbarátta kvenna undanfarna áratugi gersamlega unnin fyrir gíg.

Í fyrsta lagi skil ég ekki þessa tengingu við réttindabaráttu kvenna í þessu samhengi. Konur í dag hafa spjarað sig mjög vel í sinni réttindabaráttu og finnst mér því óréttlátt að blanda þessu inní þetta. Þessi rök hans eru ómálefnanleg og dæmin sem hann tekur léleg. Auk þess er hann hlyntur giftingu samkynhneigðra, sem mér þykir ganga gegn boðum biblíunar.

Ég skil ekki afhverju þeim er svona mikið hjartansmál að fá að gifta sig í kirkju, þeir vita mætavel afstöðu kristinna til lífernis þeirra. En nei, það er aldrei borin nein virðing fyrir skoðunum annarra, sérstaklega þegar um trúaða er að ræða. Við erum kölluð öllum illum nöfnum og taldir ólýðræðissinnaðir rasistar bara vegna þess að við erum á annarri skoðun en flestir. Það er til nóg af möguleikum fyrir samkynhneigða að gifta sig, til að mynda hjá sýslumanni eða hjá lögmanni. Þetta er bara okkar skoðun og við erum ekki að hata neinn eða bölva, við elskum þessa einstaklinga jaft og hvern annan einstakling. Það er lífernið sem við erum ósammála en fólkið sjáft er yndislegt eins og það er.  Það eina sem ég bið um er umburðarlyndi gagnvart skoðunum kristinna, því gleymið ekki að við kristnu erum einnig minnihlutahópur í landinu.

 

Hvað eru þeir að reyna að sanna með þessu?

Mér er spurn, hvað eru þessir menn að reyna að sanna með þessu?  Ég viðurkenni að mér finnst svona "löggjöf" sjálfum mjög skrítinn, og finnst svona lagað tilheyra lögum miðalda! En til eru skynsamlegri leiðir en þetta til þess að vekja athygli á sér, afhverju fara þeir ekki í undirskriftarsöfnun eða koma manni inná þing til þess að hafa einhver áhrif. En dettur þeim slíkt í hug? Nei, þeir eru í tilgangslausum fíflahætti á austurvelli.

Lög allra þjóða hafa einhver skrítinn lög, íslendingar eru enginn undantekning, samanber tyrkjalögin, ég dreg sjálfur mörkin við að banna böll og önnur skemmtannahöld á svona dögum. Mér finnst það persónulega asnalegt, en aldrei dytti mér í hug að fara dansa á einhverjum kassa á austurvelli til þess að vekja athygli á mér.  Mér finnast andstæðingar mínir kjánalegir í þessu heimskulega framtaki, hefðu þeir eitthvað á milli eyrnanna þá hefðu þeir reynt að hafa einhver áhrif, en nei, þeir kjósa að gera sig fíflum niður á austurvelli.

Það er sjálfsögð virðing við okkur sem kalla okkur Kristna þjóð að heiðra krossdauða Jésú og gefa frí á svona dögum, en leyfa skemmtannahald. Því við erum Kristinn þjóð hvort sem þeim líkar betur eða verr. Vantrúarmenn væla um að þeim er veitt frí á svona dögum, en ég vil benda þeim á að þeir geta vel samið við yfirmann sinn og fengið að vinna, fyrst það er svona mikið hjartansmál að mótmæla öllu sem heitir Kristni.  

Vantrú heldur bingó á Austurvelli

Elóí, Elóí, lama sabaktaní !

Í tilefni þessarar stórkostlegu hátíðar !  

Drottinn Guð minn hví hefur þú yfirgefið mig sagði Jésús þegar hann yfirgaf þennan heim. Það er ekkert skrítið að hann mælti þessi orð því á þessari stundu varð faðirinn að yfirgefa hann og setja ALLAR syndir heimsins á hann. Samanber:

Bréfið til Hebrea 2:7-10

7  Skamma stund gjörðir þú hann englunum lægri. Þú hefur krýnt hann vegsemd og heiðri. Og þú hefur skipað hann yfir verk handa þinna.

8  Allt hefur þú lagt undir fætur hans. Með því að leggja allt undir hann, þá hefur hann ekkert það eftir skilið, er ekki sé undir hann lagt. Ennþá sjáum vér ekki, að allir hlutir séu undir hann lagðir.

9  En vér sjáum, að Jesús, sem ,,skamma stund var gjörður englunum lægri, er ,,krýndur vegsemd og heiðri" vegna dauðans sem hann þoldi. Af Guðs náð skyldi hann deyja fyrir alla.

10 Allt er til vegna Guðs og fyrir Guð. Því varð hann, er hann leiðir marga syni til dýrðar, að fullkomna með þjáningum þann, er leiðir þá til hjálpræðis.

Markúsarguðspjall 15:22-39

22  Þeir fara með hann til þess staðar, er heitir Golgata, það þýðir ,,hauskúpustaður.``
23  Þeir báru honum vín, blandað myrru, en hann þáði ekki.
24  Þá krossfestu þeir hann. Og þeir skiptu með sér klæðum hans og köstuðu hlutum um, hvað hver skyldi fá.
25  En það var um dagmál, er þeir krossfestu hann.
26 Og yfirskriftin um sakargift hans var svo skráð: KONUNGUR GYÐINGA.
27 Með honum krossfestu þeir tvo ræningja, annan til hægri handar honum, en hinn til vinstri. [
28 Þá rættist sú ritning, er segir: Með illvirkjum var hann talinn.]
29 Þeir, sem fram hjá gengu, hæddu hann, skóku höfuð sín og sögðu: ,,Svei, þú, sem brýtur niður musterið og reisir það á þrem dögum!
30 Bjarga nú sjálfum þér, og stíg niður af krossinum.``
31 Eins gjörðu æðstu prestarnir gys að honum og fræðimennirnir og sögðu hver við annan: ,,Öðrum bjargaði hann, sjálfum sér getur hann ekki bjargað.
32 Stígi nú Kristur, konungur Ísraels, niður af krossinum, svo að vér getum séð og trúað.`` Einnig smánuðu hann þeir, sem með honum voru krossfestir.
33 Á hádegi varð myrkur um allt land til nóns.
34 Og á nóni kallaði Jesús hárri röddu: ,,Elóí, Elóí, lama sabaktaní! Það þýðir: Guð minn, Guð minn, hví hefur þú yfirgefið mig?
35 Nokkrir þeirra, er hjá stóðu, heyrðu þetta og sögðu: ,,Heyrið, hann kallar á Elía!``
36 Hljóp þá einn til, fyllti njarðarvött ediki, stakk á reyrstaf og gaf honum að drekka. Hann mælti: ,,Látum sjá, hvort Elía kemur að taka hann ofan."
37 En Jesús kallaði hárri röddu og gaf upp andann.
38 Og fortjald musterisins rifnaði í tvennt, ofan frá allt niður úr.
39 Þegar hundraðshöfðinginn, sem stóð gegnt honum, sá hann gefa upp andann á þennan hátt, sagði hann: ,,Sannarlega var þessi maður sonur Guðs.``

Hvað er fegurð?

Misjafnar eru skoðanir manna. Ég hef tekið eftir viðbrögum sumra við þessari frétt, það er eins og sýnd hafi verið mynd af Jenna Jameson frekar en Söndru Bullock. Ég persónulega set þetta ekki fyrir mér, líkamar bæði karla og kvenna eru stórkostleg sköpun Guðs, "Nakinn kom ég í heiminn og nakinn hverf ég þaðan aftur" sagði hin seinheppni Job.

Ég er trúaður, frelsaður og allt það, en ég sé ekki klám í hverju horni eins og flest trúsystkyni mín. Þessi mynd af Söndu Bullock er afar falleg að mínu mati, enda er ég myndlistarskólagenginn (þið getið séð nokkur sýnishorn í myndamöppunni) og er kannski ekki eins viðkvæmur fyrir þessu, þar sem ég lærði anatómíu og fékk að byggja líkaman upp frá grunni, mar byrjaði að skyssa beinin, svo vöðvanna og síðan húðina. Þess vegna á ég bágt með að sjá klám ef sést í bert hold, fyrir mér er þetta bara líkami viðkomandi og ekkert athugavert við það.

En ég tek fram að Guð vandaði sig betur þegar hann gerði konuna, enda eru þær að ég held meistaraverk Guðs í allri sköpuninni. Hann bætti nefnilega við meiri kynþokka í konur, við karlarnir getum verið svo þurrir ... en hvað er kynþokki svo sem, ég segi fyrir mig, mér finnst hann koma innan frá meira heldur utan. Útlit er bara rós sem fölnar, sálin og andinn er það sem gefur frá sér. Þess veit ég ekki hvað á að segja um sjálfann mig hvað þetta varðar  ... ég held að ég sé ekkert augnakonfekt né kynþokkafullur ... en það er bara mín skoðun.

 

Sandra Bullock leikur í kvikmynd á Íslandi

Hefur einhver heyrt þetta lag?

Þessi frétt er afar innihaldslaus, sérstaklega þegar er litið til þess að hvorki lag né text fylgja. Hefur einhver heyrt þetta lag eða séð textann einhversstaðar?

Krefjast banns á svissneska Evróvisjónlagið