1000 heimsóknir bara í dag !!

Ég fer bara hjá mér, það er nóg með að ég er kominn með slíkan fjölda á einum degi, heldur er ég að nálgast 10 þús. gestinn líka !!

Ég þakka ykkur af mikilli auðmýkt að nenna að skoða röflið hjá mér.

Guð blessi ykkur öll !! 

Fyrirbænarefni

Er einhver hissa á það sé svo lítið traust borið til trúfélaga? Miðað við að við höfum verið gerð að óvinum í flestum málum undanfarið! Þar má nefna: Breiðavíkurmálið, Mál Sr. Auðar Eir, Má vígslu Biskups í Skálholti, Byrgismálið, málefni samkynhneigðra og svona mætti lengi telja.

Fjölmiðlar hafa verið á nornaveiðum á hendur trúfélaga í nokkurn tíma, má nefna þar Kompás þáttinn víðfræga þar sem Biskup var gerður að óvini nr. 1 í samfélaginu.

Við höfum átt undir högg að sækja undanfarið og hvet ég trúað fólk að leggjast á eitt og biðja fyrir þessu ástandi. Það stendur hvergi að það sé auðvelt að vera kristinn, en ofsóknir á hendur kristinna undanfarið hafa einkennst af nornaveiðum og að persónugera okkur sem einhvern fordómafullan óþjóðalýð.

Ég bið þess bænar að þessum ofsóknum linni og við getum lifað í sátt og samlyndi við hvort annað.

Treysta ríkisstjórninni betur en viðskiptalífinu

"This has been Guiding Light" ...

The neverending story continues!

Ég veit að landanum hlakkar virkilega til að heyra um baugsmálið í öllum fjölmiðlum ! 

*andvarp*

Farið nú að klára þessa þvælu strákar !!!

Jón Ásgeir og Tryggvi sætta sig ekki við sakfellingu að neinu leyti

Snilldar hugmynd ... held ég ...

Ekki skil ég hvernig þeir ætla að breyta veðurfarinu, en þetta á fólk á gott hrós skilið fyrir bjartsýni og frumlegheit.

Ég óska þeim alls hins besta í þessari barráttu og vona að þessi hreyfing vekji athygli á hlýnun jarðar og losun gróðurhúsarlofttegundar.

Guð blessi þetta góða fólk !

Baráttuhópur stofnaður um bætt veðurfar

Þeir standa með sínum

Auðvitað kemur svona yfirlýsing frá Birni Bjarna. Það er jú Sjálfgræðismaður tengdur þessu. Mér finnst þetta einungis yfirlýsing sem sannar sekt þeirra en betur. Auðvitað fór þetta "rétta leið" og allt það, en það er enginn að draga það í efa. Það er hvernig forgangsröðinni var breytt sem er gagnrýnivert. Afhverju er svona erfitt að viðurkenna mistök, ég bara spyr?

En hver dæmi fyrir sig!

Ráðuneytið segir ekkert athugavert við afgreiðslu umsóknar um ríkisfang

Alvöru fréttamennska!

Þórhallur í kastjósinu svarar Jónínu Bjartmarz á virkilega faglegann og góðann hátt í viðtengdri frétt. Hann gerir sér grein fyrir alvöru fréttamennsku, hlutverk fréttamanns er meðal annars til þess að fletta ofan af spillingu, hver getur álásað honum fyrir það, þótt það séu að koma kosningar.

Lygi er lygi, spilling er spilling, svo einfalt er það. Bjarni Ben og Jónína Bjartmarz hafa sannað að þau misnotuðu vald sitt til þess að þjóna eigin duttlungum.

Gott hjá þér Þórhallur! Þetta kalla ég alvöru fréttamennsku !!

Kastljós svarar Jónínu

Skrípaleikurinn loksins búinn!

Ég eins og aðrir landsmenn er búinn að fá uppí kok á baugsmálinu endalausa. Bæn mín er sú að þessum ófögnuði sé endanlega lokið og landsmenn fái hvíld frá þessu lengsta og dýrasta dómsmáli íslandssögunnar.

En að þeir skuli hafa verið sakfelldir fyrir einhverja kreditkortafærslu, minnir mig óneitanlega á að Al Capone heitinn var tekinn fyrir skattsvik. Ég er ekki einn af þeim sem ber kala til Jóns Ágeirs eins og margir íhaldsmenn og tek Al Capone sem dæmi og bendi á um leið hversu halllærislegt þetta er.

Það versta í þessu er hve mikið skattgreiðendur þurfa að borga vegna dóms á kreditkort, hann er ca. 54.3 milljónir sem reiknast úr vasa skattgreiðenda. Dýr var þessi skrípaleikur.

En dýrð sé Guði að þessu sé lokið, nú getur Davíð Oddsson fagnað að "götustrákurinn" hafi fengið sinn dóm, það var nú einu sinni hann sem byrjaði þetta drama hér fyrir nokkrum árum. Að lokum vil ég vil þakka Davíð og íhaldinu fyrir reikninginn sem ég þarf að borga !! 

Jón Ásgeir og Tryggvi sakfelldir vegna kreditreiknings frá Nordica

Gjaldið keisaranum það sem keisarans er ...

Mér finnst Benedikt XVI páfi svo líkur Palpatine keisara í Star Wars, að ég gat ekki haldið aftur af mér með þessa frétt. Það er auðséð að páfagarður er stiginn aftur til miðalda með mannasetningar og jarðarfarar reglur.

Smellið á myndina til þess að sjá svipinn með þeim félögum.

Nú hætti ég að reykja !

Eftir að hafa lesið ofsagróða þessara tóbaks fyrirtækja þá veit ég hvert peningar mínir fara! Ég er að styrkja krabbameinsvalda og ber skömm af.

En jú, þótt trúaður sé þá reyki ég, ég hef reynt að hætta í mörg ár en núna sé ég enn eina ástæðuna til þess að hætta.

Myndin er sjálfs-skopmynd sem ég gerði í MS Paint af sjálfum mér
-->

Tóbaksrisi tilkynnir um methagnað á fyrsta ársfjórðungi

Tilgangslaus frétt ef vantar innihaldið

Hvernig væri að hafa smá kjöt á beinin ef á að fjalla um þetta? Ef þessari rannsókn er lokið komið þá með einhverjar niðurstöður !! 

Eða nei annars ... ég er búinn að fá mig fullsaddann af þessum perra sem varð öllum kristnum mönnum til ævarandi skammar ! úfff .....     

Byrgisrannsókn lokið