Útilega mannkyns búinn samkvæmt Harold Camping

Ég hef verið að fylgjast með þessu undanfarna daga, og get ég ekki annað en lýst frati yfir svona yfirlýsingum. Ef við horfum bara á orð Jesú sjálfs þegar minnst er á svona "spádóma" (ef spádóma má kalla)

Matteusarguðspjall 24:24-27
²⁴ Því að fram munu koma falskristar og falsspámenn, og þeir munu gjöra stór tákn og undur til að leiða afvega jafnvel hina útvöldu, ef orðið gæti.
²⁵ Sjá, ég hef sagt yður það fyrir.
²⁶ Ef þeir segja við yður: Sjá, hann er í óbyggðum, þá farið ekki þangað. Ef þeir segja: Sjá, hann er í leynum, þá trúið því ekki.
²⁷ Eins og elding sem leiftrar frá austri til vesturs, svo mun verða koma Mannssonarins.

Sama má segja um:

Matteusarguðspjall 24:36
En þann dag og stund veit enginn, hvorki englar á himnum né sonurinn, enginn nema faðirinn einn.

Tökum því ekki mark á svona falsspámönnum, sem þykjast hafa allt í hendi sér. Hann er einu sinni búinn að spá heimsendi áður, árið 1994 og segi ég við ykkur: "af ávöxtunum skulum við þekkja þá".

Ætlar að horfa á heimsendi í sjónvarpi

Á að aðskilja ríki og kirkju?

Getið þið sagt mér góða ástæðu fyrir aðskilnaði eða að halda óbreyttu fyrirkomulagi?

Guðni Karl Harðarson er með sams konar grein, en ég ákvað að athuga hvort ég fengi öðruvísi eða samskonar viðbrögð og hann, ég vona að þið fyrirgefið mér hugmyndaleysið en ég hef ekki verið duglegasti bloggarinn undanfarna mánuði.

Ég hef alltaf verið frekar hlynntur aðskilnaði, en undanfarið hef ég verið með bakþanka, og hef doldið endurskoðað afstöðu mína. Það sem ég er að leitast eftir með þessu eru rökin með og á móti.

Hver er ykkar skoðun?

P.s. ég er búinn að setja inn skoðanakönnun neðst, lengst til vinstri á síðuna um þetta mál. Endilega takið þátt.

Hvernig varð þá fyrsta atómið til?

Í fréttinni stendur:

Hawking segir að upphaf heimsins við Stórahvell hafi aðeins verið afleiðingar þyngdarlögmálsins. „Vegna þess að þyngdarlögmálið er til staðar þá gat og mun heimurinn skapa sjálfan sig úr engu. Sjálfsprottin sköpun er ástæða þess að það er eitthvað fremur en ekkert, ástæða þess að heimurinn er til, að við erum til," segir Hawking í bókinni „The Grand Deisgn" sem birtist sem framhaldssaga í The Times. 

Það segir sig sjálft að til þess þyngdarlögmálið virki þá þarf massa, og til þess að mynda massa þá þarf atóm sem setja hann saman. En spurning mín til manna sem aðhyllast þessa kenningu, hvernig varð þá fyrsta atómið til sem orsakaði miklahvell?

Ég tek fram að ég trúi að miklihvellur hefi einmitt átt sér stað, en með hönnuð á bak við það. Ég get ekki trúað að "heimurinn skapi sjálfan sig úr engu" eins og herra Hawkins, ég bara get það ekki. Hver er ykkar skoðun?

Ljóst að Guð skapaði ekki heiminn

Hann er að bora í nef!

Ég hef ekki haft mikið að segja undanfarið og útskýrir það meinta bloggleti mína.

En góður vinur var að sýna mér þetta ágæta latneska lag eftir Ameno Era, en þegar líður aðeins á lagið þá byrja þau að kyrja: "Hann er að bora í nef", sem er jafnóheppilegt í íslensku málfari og Volkswagen Bora! En þetta er afskaplega fallegt lag svo að ég taki það skýrt fram!

 

 

Góðar stundir!

Ég er móðgaður ...

Aldrei hef ég heyrt um ,,Hauk í sauðagæru", aðeins um ,,Úlf í sauðagæru." Af hverju Hauk í sauðagæru? Hvers vegna var það ekki örn eða fálki?  Ekki nema að einhver geti upplýst mig um annað!

Er hann þrátt fyrir allt haukur, þrátt fyrir alla gagnrýnina á Íraksstríðið? 

Hvað eru moggamenn að spá? Þeir hafa greinilega hvorki lesið ,,Úlfinn og kiðlingana sjö" né Biblíuna.

Mbk,

Guðsteinn Haukur ... í engri sauðagæru!

Obama haukur í sauðargæru?

Fimm vísbendingar um að Ísland sé að sigla aftur inn í áttunda áratug 20. aldar...

Og hverjar eru þær? Ég fékk þessar ástæður sendar í tölvupósti:

1. Óðaverðbólga.
2. Gjaldeyrisskömmtun.
3. Stríð við breta.
4. Vinsælasta tónlistin er ABBA og Vilhjálmur Vilhjálmsson.
5. Forsætisráðherrann heitir Geir og er sjálfstæðismaður.

Það er ekki nema vona að rit Karls Marx séu að seljast upp! Eftir að kapítalisminn féll eins og spilaborg, þá sitja kommarnir eftir og þyrstir eftir völdum! Guð forði okkur frá því ástandi og biðjum þess að svo verði aldrei!

 

Auðmagnið selst vel í kreppunni

Svona gera menn ekki!

"Tilvera okkar er undarlegt ferðalag. Við erum gestir og hótel okkar er jörðin" orti Reykjavíkurskáldið Tómas Guðmundsson. Og eiga hans orð vel við þessa undarlegu frétt, því við erum einmitt gestir á þessari jörð, og hvað vitum við hvað tekur við eftir að líf okkar slokknar. Ég er nokkuð viss í minni sök, en ég er ekki viss um ykkur.  ;)

Ritað er:

Fyrsta bók Móse 2:7
Þá myndaði Drottinn Guð manninn af leiri jarðar og blés lífsanda í nasir hans, og þannig varð maðurinn lifandi sál.

Þannig var maðurinn skapaður í upphafi, eða andi líkami og sál.

Síðan talar Faðirinn af hinum og segir um son sinn Jesú:

Matteusarguðspjall 12:18
Sjá þjón minn, sem ég hef útvalið, minn elskaða, sem sál mín hefur þóknun á. Ég mun láta anda minn koma yfir hann, og hann mun boða þjóðunum rétt.

Sálin, er lífið sjálft sem Guð gaf okkur. Við værum ekki lifandi menn án hennar. Þess vegna er ver og miður ef nútímasamfélagið er orðið svo guðlaust að selja sálu sína til einhvers pizzufyrirtækis! Þessi gjörning sýnir hversu margt hefur breyst á örfáum árum, útbreidd viðhorf eins og ég er að bera fram núna, eru gleymd og grafinn. Guðleysi sem og einlægt áhugaleysi á Guði hefur gert það að verkum að sálin er orðinn ómerkilegur hlutur.

Matteusarguðspjall 12:18
Sjá þjón minn, sem ég hef útvalið, minn elskaða, sem sál mín hefur þóknun á. Ég mun láta anda minn koma yfir hann, og hann mun boða þjóðunum rétt.

Boðskapurinn er greinilega gleymdur og eftir situr að hringja í Dominos og selja sálu sína fyrir eina pizzu! Eins sorglegt og þetta er má einnig spyrja; Er kristni á undanhaldi? Ég held ekki. Samkvæmt könnun frá breska fyrirtækinu "Encyclopædia Britannica" frá árinu 2005 eru allt aðrar niðurstöðurog eru þær er virðast á heimsvísu. Margir hafa nefnilega haldið því fram að Íslam sé stærra, en svo er greinilega ekki.

Þessi mynd sem ég var að ljúka við í Excel sýnir niðurstöður þessarar könnunar:

 

 

Sem þýðir aðeins, að kristni er kominn til þess að vera!  Og vona ég að menn hætti að selja sálu sína pizzufyrirtækjum!

Fékk 300 þús. fyrir sálina sína

Hin Ótrúlegi Hulk - vonandi betri endurkoma!

Fyrir forfallinn teiknimyndaáhugamann eins og mig, mátti ég til.

"The Hulk" kom fyrst fram á sjónarsviðið í sögunni "The Incredible Hulk #1" (Maí 1962), eftir höfundin: Stan Lee, meðhöfundur var: Jack Kirby sem og teiknaði hann fyrstur, og um skyggingu og frágang sá: Paul Reinman. Glöggir menn taka eftir að hann var grár og líkari "Frankenstein" en nokkru öðru.

Líftimi fyrstu ritanna var ekki langur, hann lifði bara sex teiknimyndablöð, en svo fóru aðdáendur að gera kröfu á endurkomu hans, og gerði hann það aftur í sínu eigin riti: "The Incredible Hulk" (1968) og var gefið út til ársins 1999, þá varð byrjað uppá nýtt undir sama nafni og er enn gefið út.

Og vona bara að þessi mynd verði nú betri en hin frá 2003, sem var alveg skelfileg og full af hrútleiðinlegri amerískri væmni.

Hér ber að líta fyrsta tölublað Hulk frá árinu 1962:

 

 

Ég vona að styrkleikur minn að vera samansafn af algjörlega gagnlausum upplýsingum hafi verið fræðandi. Góðar stundir og Guð blessi ykkur. 

Ný mynd um Hulk

Hvaðan kom Nova?? >:-( ------>

Ég er búinn að rýna í allan kóða sem moggabloggið býður uppá í þema pökkunum. Ég sé enga leið að losna við þessa leiðindar óvelkomnu auglýsingu nema að breyta MasterPaginu hjá blogginu, sem enginn annar en tæknimenn moggans hafa aðgang að. Við erum því föst með þetta nema kannski notendur Firefox vafrans, þar er hægt að gera eftirfarandi:

1. Fara í Tools efst hægra megin á síðunni
2. Fara svo í "Manage Add-ons"
3. Velja "Enable or Disable Add-ons"
4. Smella á "Shockwave Flash Object"
5. Fara aðeins niður þar sem hægt er að haka við "Enable" eða "Disable" og haka við "Disable".

 
Þessar góðu leiðbeiningar fékk ég lánaðar hjá Jóhönnu bloggvinkonu minni, og þakka ég henni fyrir að deila því.

Mér finnst einhvernveginn að Mogginn hefði átt að vara okkur við eða gefið okkur kost á að losna við þetta gegn vægu gjaldi eða eitthvað slíkt!

En ég rauf bloggfríð til þess að nöldra þetta, og er farinn aftur í frí, þetta hneykslaði mig svo mikið að ég varð að nöldra um þetta eins sönnum bloggara sæmir!

Aftur um Pál og Tímóteus

Fyrra bréf Páls til Tímóteusar er hið tíunda í röð bréfanna í NT, en samkvæmt tímaröð er það hið ellefta. Gagnstætt flestum öðrum bréfum Páls er þetta bréf sent til einstaklings. Það er samt ekki bara einkabréf. Páll skrifar það með tilliti til safnaðar og í umboði postuladómsins. Af því stafar hin óvænta, hátíðlega sjálfskynning úr fyrsta versinu:

Páll postuli Krists Jesú að boði Guðs, frelsara vors og Krists Jesú, vonar vorrar, heilsar Tímóteusi, skilgetnum syni sínum í trúnni.

Við erum því að lesa úr fjórða bréfasafni postulans, sem kallast hirðisbréf eða pastoral bréf, sem auk þessa bréfs eru Síðara Tímóteusarbréfið og Títusarbréfið. Hirðisbréfin fjalla meira eða minna um hæfni og ábyrgð og um ástand safnaðanna yfirleitt.

Það ástand, sem bréfin upplýsa, er ekki hægt að fella inn í það líf Páls sem fram kemur í Postulasögunni og fyrri bréfum hans. Það verður því að álíta, að postulanum hafi verið sleppt úr fangelsinu, sem getið er um í lok Postulasögunnar. (Post. 24:28). Það sýnir, að sannfæringin um að Páll yrði látinn laus, hefur ekki orðið sér til skammar. Hann hafi þá hugsanlega farið ferðina til Spánar, (Róm.15:24-28.), og síðan farið í heimsóknarferðir austur um frá Róm. Þá hafi hann komið við á Krít, þar sem hann skildi Títus eftir til þess að skipuleggja söfnuðinn þar. (Títus 1:5.)

Frá Krít gæti hann hafa farið fyrst til Litlu-Asíu og stoppað í Efesus. Þar hafi hann beðið Tímóteus, (sem sennilega hefur verið leiðsögumaður hans í ferðinni) að verða eftir (sjá síðar). Ef til vill hefur hann líka heimsótt söfnuðina í Lýkus-dalnum (Sjá Fílemonsbréfið 22.v.).

Síðan hefur postulinn farið til Makedóníu og vitanlega heimsótt söfnuðina í Filippí, Þessalóníku og Beröu.

Frá Makedóníu hefur hann síðan farið yfir til Litlu-Asíu og komið í Tróas (2. Tím.4:13.), og síðan stoppað aftur í Efesus, þar sem hann hefur kvatt Tímóteus (2. Tím.1:4.)

Frá Efesus hefur Páll ásamt Trófímusi farið til Míletus, þar sem hann skildi hann eftir veikan, (2:Tím.4:20.).

Síðasta stöðin sem hann hefur líklega komið á, hefur sennilega verið Nikopólis í Epýrus (í Vestur-Grikklandi). Þaðan hefur hann farið aftur yfir til Rómar, þar sem hann hefur aftur verið tekinn til fanga.

Þar höfum við ástæðuna fyrir bréfaskriftunum. Postulinn hefur ekki getað stoppað svo lengi í Efesus, að hann gæti hafa séð fyrir endann á þeirri baráttu. Hann vonar að hann geti komið fljótt aftur, en hann bíður með það, segir hann við Tímóteus, "til þess að hann viti hvernig á að haga sér í Guðs húsi." (3:14.)

Ég þakka lesturinn og minni á bænagönguna 10. nóv. næst komandi.  Sannir hermenn Krists munu mæta í hana.