Frábært framtak Ásdísar!

Ásdís Sig. er flott kona sem lætur verkin tala. Núna nýverið var hún að koma af stað eins konar átaki í söfnun til fátækra. Ásdís segir á bloggi sínu:

Ég vil gera eitthvað fyrir það fólk sem býr á götunni í Reykjavík.  Við erum ein þjóð í litlu landi hvort sem við búum á stór Reykjavíkur svæðinu eða á landsbyggðinni.  Ég hef fengið þá hugmynd að safna hlutum sem fólk vill gefa og koma því á nytjamarkaðinn í Eyjaslóð svo meira sé hægt að selja og auka þannig tekjur Hersins, einnig vil ég safna fötum og öðru sem kæmi fólkinu vel, nú er vetur framundan og ég er viss um að það leynist einhversstaðar aukaúlpa inn í skáp, sem mundi koma sér vel fyrir þá sem hýrast þurfa úti í alls kyns veðrum. 

Ég er tilbúin að taka við hverju því sem fólk telur sér fært að gefa og koma því í réttar hendur og sjá til þess að framlög allra nýtist sem allra, allra best.  Nærföt og sokkar eru ekki hlutir sem maður gefur frá sjálfum sér, en ef einhverjir eru til í að eyða smá pening í slíkt, þá væri það afskaplega vel þegið, þið munið, margt smátt gerir eitt stórt.

Ég verð að segja að mér hlýnaði um hjartarætur að lesa þessi skrif Ásdísar og þetta kalla ég konu með hjartað á réttum stað! Ég hvet alla sem vettlingi geta haldið að styðja þetta myndarlega framtak!

Guð blessi svona fólk sem lætur verkin, ekki bara orðin tala, margt getum við lært af henni Ásdísi! Allt mun fé mun renna til Hjálpræðishersins og hvet ég alla, trúaða sem og ótrúaða til þess að taka þátt í þessu.

 

 

Allar nánari upplýsingar um þetta framtak er að finna á síðu Ásdísar sem og á vísi.

 

 

 

 

Ásmundur Jóhannsson er hetja!

Ekki alls fyrir löngu stóð ég fyrir undirskriftarsöfnum til stuðnings Ásmundi Jóhannssonar. Ég er búinn að taka saman listann og senda til þingmanna Frjálslyndaflokksins sem og annarra. Ég rakst á frétt á DV.is sem segir eftirfarandi:

Ásmundur Jóhannsson, kvótalausi sjómaðurinn frá Sandgerði sem DV hefur greint frá undanfarið, hélt til veiða í dag. Samkvæmt upplýsingum dv.is hefur Ásmundur snúið bát sínum í land, en hann svaraði ekki kalli Landhelgisgæslunnar þegar afskipti voru höfð af ferðum hans.

Ásmundur hefur sagt kvótakerfinu stríð á hendur og á hann sér marga stuðningsmenn í aðgerðum sínum. Þá var hann hylltur sem hetja þegar hann sigldi í höfnina á Sandgerði um miðjan júlí síðastliðnum með 700 kílóa afla, en lögreglan og fulltrúar frá Fiskistofu tóku á móti honum í höfninni auk stuðningsmanna.

Lögreglan tók skýrslu af honum þann 16. júlí síðastliðinn, en þar áður höfðu Fiskistofa og Landhelgisgæsla Íslands ekki haft afskipti af honum áður.

Tilvitnun lýkur.

Nú er spurningin hver næstu skrefin verða, og vænti ég þess að heyra frá mínum mönnum von bráðar. Gaman væri að heyra ykkar álit á þessu máli.

 

Útvarp saga er flott stöð!

Í tilefni þess að Guðni Ágústsson rauk á dyr í þætti Sverris Stormskers núna nýverið, hefur gagnrýni komið fram sem ég er ekki alveg samála og er fremur ósáttur við að heyra.


Fullyrðing númer eitt: "Áróðursstöð fyrir Frjálslyndaflokkinn"

Þvílík vitleysa, allir flokkar hafa aðgang af þessari stöð og ber að nefna eftirfarandi nöfn sem Arnþrúður Karlsdóttir telur upp í athugasemd hjá JensGuð, hún segir að eftirfarandi þingmenn hafi aðgang að stöðinni:

"Skal í því sambandi nefna Jón Magnússon (F) Grétar Mar Jónsson (F) Óskar Bergsson (B) Birki Jón Jónsson (B) Birgi Ármannsson (D) Katrínu Júlíusdóttur (S) Ástu R.Jóhannesdóttur (S)Ágúst Ólaf Ágústsson (S)og  Ögmund Jónasson (VG). Það er nefnilega til fullt af góðu fólki."

Jafnvel heilu þættirnir eru helgaðir heilum flokkum alveg sér á partinn! Samfylkingin er t.d. með einn slíkan þátt! Þannig slíkar fullyrðingar eiga ekki rétt á sér og eru því ómarktækar. Eina sem er ánægjulegt við að fólk haldi þetta, er að fólk tekur greinilega meira eftir boðskap FF en hinna flokkanna!  ;)

Fullyrðing númer tvö: "útvarp Saga er með flissandi þáttastjórnendur"

Af eigin reynslu og hlustun get ég ekki tekið undir þetta. Ég var sjálfur í viðtali hjá Markúsi Þórhallssyni ásamt hinum víðfræga Skúla Skúlasyni í viðtali í Apríl síðast liðnum. Ekki var Markús flissandi eða neitt slíkt, hann tekur starfi sínu alvarlega og er verulega góður þáttastjórnandi !

Þetta er allavega mín reynsla af þessari góðu stöð, og er ég ekki tengdur henni á nokkurn hátt, þótt ég sé að verja hana.


 

Slæmir mannasiðir Íslendinga

Ég er alinn upp í öðru landi að hluta til, nánar tiltekið í Kanada. Þar vandist maður ákveðnar kurteiss venjur sem eru sumar hverjar óþekktar fyrir augum íslendinga, en ég ætla að lista nokkrar hér upp og vonandi tekur fólk þetta sér þetta til fyrirmyndar. Því mesta menningarsjokkið eftir að við fluttum heim eftir margra ára dvöl, var innilegur dónaskapur íslendinga, og hvað börnin voru óheft og leyft að gera og segja hvað sem er.

Tökum aðeins á venjulegri almennri kurteisi sem og tillitsemi:

• Það er venja að þakka fyrir sig, þá meina ég á báðum tungumálum. Frasar eins og "you're welcome" og "have a nice day" eru ekki notaðir að ástæðulausu!
  
• Karlmenn settust aldrei niður fyrr en þeir voru vissir um að kona þeirra væri búinn að koma sér vel fyrir, þeir halda oftast nær opna fyrir þær bílhurðina og styðja við stól þeirra er þær setjast á mannamótum.
  
• Það þykir algjör svívirða að horfa fyrir neðan höku þegar talað er við konu, og mega konur gefa karlinum kinnhest ef þeir eru uppvísir um að horfa aðeins á það sem þeim þykir mest spennandi. Þú ert úthrópaður perri ef þú gjörir slíkt, konum á sýna virðingu sem persónur ekki sem einhverja sýningargripi!
  
• Ef einhver er í vandræðum þá bjóða menn fram aðstoð sína, ekki bara ganga framhjá og telja þetta vera vandamál viðkomandi. Sama gildir í umferðinni. Íslendingar eru voðalegir með þetta.
  
• Talandi um umferðina þá er mjög dónalegt og gerist varla nema í einstökum tilfellum að fólk sé ekki gefið tækifæri í umferðinni, að svína fyrir einhvern er óþekkt fyrirbrigði og tillit til náungans er mun meira ríkjandi. Þarna eru íslendingar afar aftarlega á merinni varðandi svo sjálfsagða hluti.
  
• Eins stoppa íslendingar ca. 2 cm fyrir aftan mann á rauðu ljósi, meira að segja í brekkum! Slíkt er kallað "tailgating" og er afar óvinsælt að menn gjöri í flestum öðrum löndum, auk þess er svona lagað slysahætta.

Hvað getum við svo lært af ofanverðu? Ég tek fram að ég er ekki að rakka niður íslendinga, heldur er ég að áminna samlanda mína fyrir að vera illa uppaldir í heimi kurteisinnar. Margt má betur fara og fullyrði ég, ef samfélag okkar tæki uppá að taka upp jafnvel eina af ofangreindu, þá yrði mun þægilegra að búa í þessu yndislega landi sem heitir Ísland.

 

Guð blessi ykkur öll!

Mikil er dýrðarsköpun Drottins!

Ég er alltaf svo heillaður af svona náttúrufyrirbrigðum, og sólmyrkvi finnst mér alltaf mjög flottur. Sérstaklega í ljósi þess að þetta sannar enn og aftur hversu góður hönnuður Guð er, þegar hann skapaði þetta allt saman.

Myndin er tekinn úr geimnum, og sýnir hvernig skuggi tunglsins fellur á jörðina. Stórkostlegt alveg!

 

 

 

Dýrð sé öll sköpun Drottins! Guð blessi ykkur öll og eigið þið góða verslunarmannahelgi!

Tungl skyggir á sólu

Loksins aðgerðir - og svona hefur verðið þróast!

Ég tek ofan fyrir Gísla Tryggvasyni, talsmanni neytenda. Loksins maður sem sinnir sínu starfi! Þótt ég sé samt ekki bjartsýnn á nein kraftaverk í þessum efnum, þá fær Tryggvi 10 viðleitni.

En lítum að aðeins á þessa þróun, ég tók þessar upplýsingar af shell.is og skellti þeim tölum inní Excel svo úr varð úr þetta súlurit. Shell eru þeir einu sem veita svona gamlar upplýsingar. Ég hafði ekki tíma til þess að telja dísilinn með en þetta er þróunin á 95okt bensínverði frá 04. jan til dagsins í dag.

 

Hefur þetta svo lækkað eitthvað ? NEI!!! Takk kæri Tryggvi og Guð blessi þig!

 

Olíufélög boðuð á fundi um verðmyndun gagnvart neytendum

Ótrúleg blíða

Þessi ótrúlega blíða undanfarið sýnir og sannar að við þurfum ekki alltaf að fara til sólarstranda alltaf hreint. Veðrið undanfarnadaga er með ólíkindum!

Ég man ekki eftir svona veðurfari síðan ég flutti heim frá Kanada, en þar voru svona sólskinsdagar daglegt brauð. Öðru máli gildir hér á fróni.

Pössum okkur bara á að sólbrenna ekki!

Guð blessi ykkur öll og ætla ég útí blíðuna!

29 gráður og sólskin

Auglýsingafrelsi!

Ég loksins búinn að kaupa mig undan þessari hvimleiðu auglýsingu sem moggamenn settu hægra megin hjá okkur bloggurum! Þvílík frelsun undan þessum ófögnuði, sem ég verð að segja að hefur alltaf farið doldið í taugarnar á mér! 

En það góða er að hafa að minnsta kosti val um þetta, verra væri ef engan veginn væri hægt að losna við þetta ...

 

 

Lengi lifi frelsið!! 

 

Í dag er fyrirbænardagurinn

Ég sá þetta auglýst hjá honum Þórarni bloggvini mínum og félaga, og mátti til með að auglýsa jafn þarfan hlut, hann útskýrir tilgang þessa fyrirbænardags mjög vel á blogginu sínu, og er óþarfi fyrir mig að endurtaka það, nánar hér.

Notum nú tækifærið og biðjum fyrir náunga okkar og nágranna, sama hver hann/hún er og hvaða trú viðkomandi aðhyllist. Ef ekki fyrir okkur sjálf heldur samfélagsins vegna, því eins og ástandið hefur verið undanfarið er ekki vanþörf á þessu góða átaki.

En af mér er það að frétta að ég loksins búinn í sumarfríi og kominn aftur í vinnu. Ég hef ekki bloggað undanfarið einfaldlega vegna þess að ég vildi eiga mér smá líf í sumarfríinu, því oft þegar ég geri færslur þá þarf mikla vinnu og orku til þess að sinna þeim. En mikið var þetta kærkomið frí, og er ég nýr maður eftir þetta allt! Mér tókst meira að segja að brenna af mér vömbina og er orðinn aftur eins og ég var hérna í gamla daga. Það er miklum göngum, hjólreiðum og sundi að þakka! Rúm 10 kíló eru fokinn og líður mér miklu betur fyrir vikið, og reyndar lít betur út. 

Ritstífla .. íslensk náttúra og fleira ...

Ég hef reyndar verið í sumarfríi og notið þess að vera innan um yndislega náttúru Íslands. Við erum nýkominn að norðan við hjónin og ferðuðumst þar víða. Ég er nýbúinn að uppgötva nýtt áhugamál sem tengist öllu sem við kemur íslenskum jurtum.

Hér áður fyrr lagði ég það í vana minn að kalla öll blóm "Fjólur" til þess eins að þurfa ekki að læra nöfnin á þeim, en nú er dagurinn annar, ég er meira að segja búinn að vera kynna mér hinar og þessar sem eru bæði notaðar til lækninga sem og matselda. Vallhumall er ein slík jurt, ég bruggaði úr því te sem og olíu sem má nota til þess að bera til dæmis á lúna fætur. Teið er afar hreinsandi og skilar útúr líkamanum alls kyns óhreinindi. 

Blóðberg (Thymian) höfum við mikið týnt, núna er einmitt rétti tíminn til þess að krækja sér í það. Enda er blóðberg algjört eðal með lambakjöti! 

Ég fór í dagsferð ásamt tengdaföður mínum uppí Naustaborgir sem eru við kjarnaskóg í Eyjafirði. Þar tókum við hjónin alls kyns sýni af alls konur jurtum sem heita ekki lengur fjólur! Góða sveppi var þar einnig að finna og mun ég nýta þá í einhvern góðan rétt ... ég veit bara ekki hvað ennþá. 

Íslendingar finnst mér ekki nógu duglegir að nýta það sem til er útí Guðs grænni náttúrunni, og er hægt að finna fjöldann allan af jurtum sem má nýta okkur bæði til átu og til yndisauka. 

En ég vil þakka öllum þeim sem hafa gert athugasemdir hjá mér á meðan ég var fjarverandi, en ég er ennþá í fríi og ætla að njóta sumarsins í þessari yndislegu íslensku náttúru sem Guð skóp handa okkur, með öllum sínum jurtum og fjólum! Og jú er loks læknaður af heiftarlegri ritstíflu sem hefur hrjáð mig undanfarið, Guð svarar bænum - svo mikið er víst!

Ég læt litla myndasýningu fylgja, okkur tókst nefnilega loksins að læra á þessa forláta myndavél sem við eigum eru hér nokkrar myndir sem ég tók:

Fyrst er það Sírena:

Svo er það Sóley:

Hér ber að líta Jakobsfífil:

Allar þessar myndir voru teknar um miðja nótt í Kjarnaskógi.  Njótið vel.