Gutti reyklausi - dagur tvö.

Þessi dagur gekk vel, þrátt fyrir svitaköst og rulgu. Mér fannst ég vera ekki olíkur John Lennon svífandi um á bleiku skýji. Fráhvarfið skall á stundvíslega á klukktíma fresti. Mikil var eymdin, sjálfsvorkunin og gnístan tanna þegar það stóð yfir. Enda er ég að kveðja gamlan vin sem hefur verið hækjan mín í 17 ár. 

Ég fór í fyrradag í meðferð hjá http://www.heilsusrad.is og lét "umpóla" mig. Þar var fíknin tekin burt á einni klukkustund.  Ég mun halda skýrslu um þetta á hverjum degi á næstunni, ég er mesti fíkill sem þekkist varðandi nígótín, ég bið ykkur um að hugsa hlýtt til mín og biðja fyrir mér á þessum erfiða tíma. 

Myndin hér til hægri er af mér að krókna úr kulda síðastliðinn vetur, auðvitað að reykja. Þessir kuldadagar eru liðnir og hananú!

Guð blessi ykkur.

Guði sé lof

 .. og ekki orð um það meir !

Húsnæði fundið

Lifandi vatn rennur áfram

Við höldum ótrauð áfram! 

Í KFUM & K húsinu á Holtavegi 28, kl. 14-17 hittumst við næsta laugardag!
 
Þann 8. september og þá byrjar línudansinn sem að er öllum opinn og að kostnaðarlausu.
Ætlunin er að mynda hóp sem að hittist reglulega í KFUM & K og dansað saman.

Einnig kennum við kristna hugrækt sem að er einkum árangursrík til þess að öðlast innri frið og gleði.

Svo verðum við með kennslu í matreiðslu grænmetis á Eþíópískan hátt.

Manga teiknikennsla verður einning, sem höfðar mjög til barna og unglinga. En eru teiknimyndir í dag, mjög margar teiknaðar með þessari tækni. 

Einnig hvetjum við handavinnufólk til þess að mæta með hannyrðirnar, og auðvitað að fá sér kaffisopa með okkur.

 

Og svo fyrir ensku mælandi:

Next saturday we will meet again in the YMCA building on Holtavegur 28.

Then we will start off our line-dansing lessons! The plan is meet up every other saterday and danse together.

We also want to offer lessons in Christian meditaion, it is a way of gaining inner peace and joy.

For the cooks out there, we will be teaching how to use and cut vegetables the Ethiopian way!

Lessons in how to draw Manga will also be taught. Same with arts and crafts, we want to establish a group that does these arts together in companionship.

And of course, a good cup of coffee and chat with fellow christians!

Nýtt samfélag lítur dagsins ljós

Ég, kona mín, Guðrún Sæmunds og Jóhann Helga, stöndum að þessu nýja samfélagi sem verðu innan raða KFUM&K. Guðrún kann sennilega best að lýsa þessu, en þarna verður margt um að vera. Hópurinn okkar kallast Lifandi Vatn og mun ég sjálfur sjá um að kenna Manga og aðeins grunnatriðin á tölvur. Einnig verður bakað, eldað og fleira skemmtilegt.

Við sem stöndum að þessu erum ekki með hið týpíska samkomuform, þetta er frekar vettvangur fyrir kristna einstaklinga sem og aðra að hittast í rólegheitunum og eiga góða stund saman.

Þetta byrjar kl.: tvö í KFUM&K við holtaveg og eru allir velkomnir á meðan húsrúm leyfir !

Bloggkirkjan bakar

Takk fyrir mig !

Ég hef ákveðið að hætta að blogga. Ég veit að ég hef sagt þetta áður, en eftir þetta bloggfrí mitt, þá hef ég talið þetta fyrir bestu. Þetta er orðið fíkn sem aðrir hlutir gjalda fyrir, þess vegna verð ég að hætta þessu. En ég mun samt halda áfram að tjá mig á öðrum vettvangi þar sem samfélagið er minna og ekki eins krefjandi.

Ég vil þakka öllum mínum bloggvinum og þeim sem hafa lagt leið sína um síðuna mína. Það er aldrei að vita nema ég endurvekji hana í framtíðinni, hver veit - en eins og staðan er núna er ég hættur.

Guð blessi ykkur öll og ég þakka lesturinn!


Guðsteinn Haukur Barkarson Hansen

Vegna valdamikla skipanna frá æðri stöðum, dreg ég þessa yfirlýsingu tilbaka. Í framtíðinni mun ég einbeita mér að góðum greinum og ekki 2 setninga færzlur um fréttir dagsins.  

Stórmerkilegur kristinn bloggari

Hann Jóhann Helgason er með þeim merkustu kristnu bloggurum sem ég hef séð í langan tíma.

Hjá honum eru að finna greinar um kristni sem fáir hafa þorað að tjá sig um. 

Takk björgunarmenn!

Þessi maður sem lenti í þessu er frændi minn, og erum við þremenningar. Ég bið þess bænar að slysið hafi ekki alvarlegar afleiðingar í för með sér.

Haldið sofandi á gjörgæsludeild

Nýtt Lúkasarguðspjall

Ef mynd verður gerð um þennan vesalings hund, þá mæli ég með titlinum 'Lúkasarguðspjall'. Því viðbrögðin voru þannig að um Guð hafi verið að ræða, þeir taki það til sín sem eiga það skilið.

Lúkas kominn heim

Bloggvina tiltekt

Ég var kominn með svo mikið af bloggvinum að það var ekki fyndið. Listinn var kominn yfir 200 og henti ég þó nokkuð mörgum út áðan. Þetta er alls ekki persónulegt, heldur tók ég fólk út sem skoðar ekki einu sinni síðuna mína, það kommentar í það minnsta aldrei. En ég vil þakka þeim samt, þeim sem ég var svo vondur að eyða út, fyrir að vera bloggvinir mínir ! Eftir standa þeir sem hafa komið inní umræðuna hjá mér og taka þátt.

Guð blessi ykkur öll !!

In memorium

Í gærkvöldi kvöddu tveir af mínum bestu vinum þennan heim. Þau voru fædd 1991 og voru systkini, þau báru nöfnin Grettir og Gláma. Þetta voru kettir okkar fjölskyldunnar til 16 ára og er afar sárt að kveðja svo góða vini eftir svo mörg góð ár.

Þau voru svæfð af dýralækni á heimili foreldra minna og  grafinn í garðinum hjá þeim. Ég hef þá einföldu trú að dýr manna fari til himins eins mennirnir sjálfir, það er vitnað um það í Jesaja, þess vegna hugga ég mig við það að þið eruð kominn á betri stað. Undir restina gátuð þið ekki einu sinni hoppað uppí rúmin ykkar sökum aldurs og veikinda, þannig það hefði verið grimmt að halda ykkur á lífi þar sem þið láguð allan daginn í kvölum. 

Það tók sinn toll af fjölskyldunni að missa þessa yndislegu ketti, móðir mín grét hástöfum og jafnvel faðir minn feldi tár. Dóttir mín er ekki söm við sig og sjálfur er ég hryggbrotinn ásamt systur minni, sem er einu ári eldri.

Guð blessi minningu ykkar og takk fyrir alla þá gleði sem þið veittuð okkur fjölskyldunni, ykkur verður sárt saknað.