Ég ætla að ganga til liðs við Frjálslynda!

Undanfarnadaga hef mikið íhugað hvar ég stend í pólitík, eftir viðræður við skynsama menn og eigin eftirgrennslan, þá hef ég áttað mig á villu minni og hef gjört iðrun (ekki reyndar hið snarasta, búið að taka smá tíma). Það er ekki von að ég passaði aldrei inn í vinstriflokkaflóruna, ég er hægri maður innst inn við beinið en það hefur tekið mig 31 ár að viðurkenna það. Frjálslyndum vantar örugglega hvort eð er vinstrimann innan sinna raða og hafa gott af aðhaldi.

Ég veit að þessi ákvörðun mín á eftir að vekja athygli hjá þeim sem þekkja mig, og sennilega hörð viðbrögð. En loksins hef ég fundið flokk sem berst gegn raunverulegu óréttlæti! Þ.e.a.s. kvótakerfinu, ég er Grindvíkingur og hef þannig góðan smjörþefinn af því hvernig þessum ófögnuði er háttað af eigin reynslu. Ég vona að þið virðið þessa ákvörðun mína og hlakka ég til að berjast á alveg nýjum vettvangi.

Ég er að vísu ekki genginn í flokkinn ennþá og vantar þar af leiðandi upplýsingar um hvernig ég ber mig að .... ekki finn ég þetta á xf.is ... þannig HELP! Er ekki til neitt online dót sem ég notað?

Munum svo að kjósa rétt í næstu kosningum! Kjósum X-F !!!

Að gefnu tilefni og fjölda fyrirspurna er ég EKKI á leið í framboð, en ég vil flokknum vel og reyni mitt besta sem almennur kjósandi að hafa áhrif. 

L3337 n0Dd4 6r4nD4r1 eða nörda brandari ! ;-D

Einn góður vinur sendi mér þennan sem ég verð að deila með ykkur. Þetta er bara gargandi snilld !

Uppfærsla frá Kærasta 7.0 til Eiginkona 1.0
 

Kæra tæknilega aðstoð:
 
Um daginn uppfærði ég úr Kærustu 7.0 í Eiginkonu 1.0.
Eftir að ég hafði sett upp Eiginkonu 1.0 í tölvunni, setti forritið sig sjálft inn í öll önnur forrit í tölvunni.

Það ræsir sig sjálfkrafa þegar ég kveiki á tölvunni, vaktar allar mínar athafnir og kemur sífellt með tillögur að krefjandi aukaforritum eins og t.d. Barn 2.0, þó allir viti að ÞAÐ forrit er mjög illa þróað.
 
Eiginkonuforritið tekur mikinn tíma og notar mikið minni.
Það er ómögulegt að fá það til að víkja meðan ég nota mín uppáhaldsforrit.
Gömul forrit eins og Pókerkvöld 10.3, Bjórkvöld 2.5 og Sunnudagafótbolti 5.0 virka ekki
lengur.
Það stóð ekkert um þetta í leiðbeiningunum fyrir forritið.
Ég er að íhuga að fara bara aftur í Kærustu 7.0, en það virðist ekki einu
sinni vera hægt að fjarlægja Eiginkonu 1.0.
 
Getið þið hjálpað mér??
 
Kveðja,
Ráðvilltur og Ráðþrota
 
 
Kæri RR
 
Vandamál þitt er þekkt og mjög algengt, margir kvarta undan þessu, en þetta byggist að mestu leyti á misskilningi. Margir menn uppfæra úr Kærustu 7.0 í Eiginkonu 1.0 af því að þeir halda að Eiginkona 1.0 sé þjónustu- og afþreyingarforrit. Þar liggur misskilningurinn hjá flestum.

Eiginkona 1.0 er stýriforrit, hannað til að stjórna öllu. Það er ógerlegt að fjarlægja Eiginkonu 1.0 og fara aftur í Kærustu 7.0 þegar þú hefur sett það upp einu sinni.

Sumir hafa reynt að setja upp Kærustu 8.0 eða  Eiginkonu 2.0, en hafa þá setið uppi með fleiri vandamál en með Eiginkona 1.0. Við mælum með því að þú haldir Eiginkonu 1.0 og reynir að gera það besta úr því sem komið er. Þú getur t.d. lesið allan kafla 6 í
leiðbeiningunum, "Algengar villur".

Forritið mun keyra snurðulaust, svo framarlega sem þú tekur ábyrgð á öllum villum, óháð ástæðu og uppruna þeirra. Það besta sem þú getur gert er að fara strax í Start/Run og skrifa FYRIRGEFÐU til að stýrikerfið villuhreinsist og keyri eðlilega.

Eiginkona 1.0 er flott forrit, en krefst mikils viðhalds. Þú ættir að íhuga að kaupa meiri hugbúnað til að bæta afkastagetuna. Við mælum með Blómum 2.1, Súkkulaði 5.0 eða í neyðartilfelli Pels 2000. En þú mátt ekki undir neinum kringumstæðum setja upp Vinkona_í_mínípilsi 3.3. Eiginkona 1.0 styður ekki þann hugbúnað og það myndi sennilega gera út af við tölvuna.
 
 
Með vinsemd og virðingu,
Tæknileg Aðstoð

 

Hvað er kona?

Konan er stundum hvundagshetjan sem enginn tekur eftir.

Konan er sú sem veitir huggun við jafnvel dýpstu sárin.

Konan er vanmetinn og getur allt sem karlmenn geta og jafnvel betur.

Konan er eins og leirker sem leirkerasmiðurinn (Guð) vandaði smíðina hvað mest við.

Konan er yndi karlmannsins og kóróna lífs hans.

Konan er með fagrar ávalar útlínur og greina okkur karlmennina frá þeirri listasmíð sem þær eru.

Konan er sköpun Guðs til jafns við karlmanninn, saman eru þau eitt hold.

Karlmenn, tökum ekki neinu sem sjálfsögðum hlut - sérstaklega ekki konurnar okkar.

Karlmenn, virðum skoðannir hennar og eru þær stundum réttari en okkar eigin.

Karlmenn, lærum að hlusta - konan á ekki að vera rödd hrópandi í eyðimörkinni.

Karlmenn, segjum frá hvernig okkur líður - stelpurnar hafa betri skilning á tilfinningum en við.

Karlmenn, ástin er meira en blóm sem þarf að vökva, það þarf líka að reita eigin arfa.

Karlmenn, með umhyggju og virðingu þá mun kona þín elska þig meira.

Karlmenn, komið fram við þær eins og þær væru þið sjálfir.

Bryndís - ég elska þig.

 

Lækir lifandi vatns ...

Jæja þá minni ég ykkur á það að á laugardaginn næsta þann 20. október hittumst við í starfinu "Lifandi vatn" á Holtavegi 28 í KFUM & K húsinu. Klukkan 14:00-17:00   Að þessu sinni verðum við á neðri hæð hússins.  Nú við ætlum að fá okkur kaffi og með því, og þau sem vilja,  dansa línudans (sem er alveg rosalega skemmtilegur).  Nú við erum að fara á fullt í föndrið og handavinnuna, og auðvitað höldum við áfram með Manga teiknikennsluna.

Lifandi Vatn varð til hér á blogginu þegar að við nokkur sem að bloggum um kristileg málefni ákváðum að hittast og gera eitthvað saman, við leggjum mikið uppúr því að hafa samverurnar í afslöppuðum stíl og bjóðum öllum að taka þátt og hafa börnin  með. 

Það kostar ekkert að koma til okkar og taka þátt, eða bara fá sér kaffi og ætlar Guðrún Sæmunds.  að bjóða uppá gulrótartertuna sína sem er algjört sælgæti ! Kannski kemur Bryndís mín með eitthvað líka, en hún er rosalegur bakari.

Hvað varðar trúarlegu afstöðu okkar þá erum við ekki í neinum sértrúargír og líður afskaplega vel með okkar rólegheita afstöðu, sem byggist á kærleika Jesú Krists.

Þú ert hjartanlega velkomin

Við erum ekki undir lögmálið kominn heldur náð.

Ritað er:

Bréf Páls til Rómverja 6:1-4
1 Hvað eigum vér þá að segja? Eigum vér að halda áfram í syndinni til þess að náðin aukist? 2 Fjarri fer því. Vér sem dóum syndinni, hvernig ættum vér framar að lifa í henni? 3 Eða vitið þér ekki, að allir vér, sem skírðir erum til Krists Jesú, erum skírðir til dauða hans? 4 Vér erum því dánir og greftraðir með honum í skírninni, til þess að lifa nýju lífi, eins og Kristur var upp vakinn frá dauðum fyrir dýrð föðurins.

Hér notar Páll hina róttækustu samlíkingu á þeirri byltingu, sem fólgin er í því að frelsast fyrir trú á Jesú Krist. Hinn frelsaði maður er í raun og veru nýr maður. Fyrra líf hans, þ.e. það líf sem hann lifði fyrir frelsunina, var í raun dauði sem nú hefur verið greftraður, til þess að maðurinn lifi nýju lífi með og í Kristi Jesú.

Það kemur í ljós í 6. versinu, að þetta er alls ekki sársaukalaust fyrir einstaklinginn.

Bréf Páls til Rómverja 6:5-7
5 Því að ef vér erum orðnir samgrónir honum í líkingu dauða hans, munum vér einnig vera það í líkingu upprisu hans. 6 Vér vitum, að vor gamli maður er með honum krossfestur, til þess að líkami syndarinnar skuli að engu verða og vér ekki framar þjóna syndinni. 7 Því að sá, sem dauður er, er leystur frá syndinni.

Páll útilokar ekki, að hinn frelsaði maður geti fallið fyrir freistingum og fallið þar með í synd, en hann á ekki að geta þjónað syndinni sem lifandi trúaður maður -- lifað til lengdar í synd. Trúaður, kristinn maður á vakandi samvisku, sem lætur hann ekki í friði í syndinni. Hlýði maðurinn ekki samvisku sinni, er hætt við að hann falli frá trúnni. Heilbrigð samviska er oft talin vera rödd Guðs í hjarta mannsins.

En samviskusemin getur líka orðið sjúkleg. Það er samviskusemi sem getur valdið öðrum skaða, sérstaklega andlegum skaða. Það á kristinn maður að forðast. Trúaður maður þráir að lifa sem nánast í samfélaginu við Jesú Krist.

Bréf Páls til Rómverja 6:8    
Ef vér erum með Kristi dánir, trúum vér því, að vér og munum með honum lifa.

Hér er átt við hið daglega líf þ.e.a.s. að lifa með Jesú hvern dag. Sá maður sem lifir þannig með honum, er alltaf meira og minna með hugann hjá Jesú. Jesús er mælikvarði hans í öllu daglegu lífi.

Bréf Páls til Rómverja 6:9-11
9  Vér vitum að Kristur, upp vakinn frá dauðum, deyr ekki framar. Dauðinn drottnar ekki lengur yfir honum. 10 Með dauða sínum dó hann syndinni í eitt skipti fyrir öll, en með lífi sínu lifir hann Guði. 11 Þannig skuluð þér líka álíta yður sjálfa vera dauða syndinni, en lifandi Guði í Kristi Jesú.

Trúarlífið er líka stöðug barátta við syndugt mannseðlið, sem býr í hinum náttúrlega manni í okkur sjálfum. Á það bendir Páll í næstu þremur versum:

Bréf Páls til Rómverja 6:12-13
12 Látið því ekki syndina ríkja í dauðlegum líkama yðar, svo að þér hlýðnist girndum hans. 13 Ljáið ekki heldur syndinni limi yðar að ranglætisvopnum, heldur bjóðið sjálfa yður Guði sem lifnaða frá dauðum og limi yðar Guði sem réttlætisvopn.

Þær girndir sem hér er átt við eru ríkjandi girndir til syndar. Það gæti verið fjárgirnd, þ.e. auðsöfnum, ágirnd, hefnigirnd. Um kynferðislegar girndir gildir hið sama. Þær mega ekki heldur vera okkur að ranglætisvopnum, þ. e. ekki að misnota þær okkur né öðrum til skaða og láta þær ekki drottna yfir okkur, heldur að keppa eftir að drottna yfir þeim.

Bréf Páls til Rómverja 6:14    
Synd skal ekki drottna yfir yður, því að ekki eruð þér undir lögmáli, heldur undir náð.

Mikið hefur verið rætt um hér um bloggheima um: helgidaga, tíund og aðra hluti sem snúa mikið til að lögmáli gyðinga. Og margir vilja meina að við séum ennþá háð vissum þáttum lögmálsins bundinn. Þetta er mitt andsvar við þeim málflutningi. Munum að það er frelsi að tilheyra Kristi, ekki kvöð.

Guð blessi ykkur og þakka ég lesturinn.

Ósmekklegasta sem ég hef augum litið

Þetta er það ógeðslegasta, viðurstyggilegasta og óhuggulegasta frétt sem ég lengi séð! Ég átti ketti í 16 ár og þess vegna læt ég svona! Linda var reyndar búinn að fjalla um þessa grimmd, en ég gat ekki haldið aftur af mér, 'góð vísa er aldrei of oft kveðinn' eins og sagt er.

Enn sláanlegur munnur finnst mér samt á fréttamennskunni á mbl og vísi. Greinin sem hin yndislega Linda vísar í er tilgreint að umræddur bæklingur fáist í Bónus verzlunum. En ekki er minnst á slíkt hjá moggamönnum, ég verð að segja að það er vandaðri málflutningur af hálfu Moggans í þessu tilfelli. Afhverju á Bónus að gjalda fyrir svona verk, nema jú þeir gáfu leyfi fyrir þessum ritum í verslunum sínum. En það á ekki að hengja bakara fyrir smið, eins og múgæsingsmennirnir hjá vísi vilja meina!

Ég veit ekki hvað gengur að þessum mönnum, ef þetta á að vera grín þá finnst mér það afar ósmekklegt. Og ef einhver segir við mig: "er einhver munur á þessu og öðru kjöti, eins og hrossakjöti o.s.f.v." Þá segi ég að það ER STÓR munur!!!

Í fyrsta lagi hefur það aldrei tíðkast að borða ketti á Íslandi, í öðru lagi er það gegn okkar siðferðisvitund sem er kannski allt önnur en hjá þeim þjóðum sem borða svona lagað.

Þess vegna segi ég þvert NEI!! Auk þess gef ég skít í þá sem vísa í einhver lög sem ekkert segja, þetta er vibbi og ekkert annað!

Hvernig matreiðir þú kött?

Lifandi vatn

Jæja gott fólk, ég vil endilega minna ykkur öll á samfélagið okkar Lifandi Vatn, n.k. laugardag kl. 14-17 að Holtavegi. 

Við köllum þetta stundum bloggkirkjuna vegna þess að hún varð til þegar að nokkrir bloggarar á mbl ákváðu að hittast í kristilegum kærleika. En þetta er öllum opið og gengur útá létta kaffihúsastemmingu.

Þar mun ég kenna að teikna Manga, sem er það nýjasta í teiknimyndasögum og mjög vinsælt hjá krökkum og unglingum. Elínóra kennir þeim sem vilja línudans og kona mín ( Bryndís/bænamærin) stefnir að fjölbreyttu handavinnuhorni svo um er að gera að mæta með eitthvað á prjónunum.

Svo erum við með bænahring og auðvitað kaffi og kökur, og heilmikið spjall  félagskapurinn okkar kallast Lifandi vatn og öll þáttaka er ókeypis.

Ritað er:

Jóhannesarguðspjall 7:38
Sá sem trúir á mig, frá hjarta hans munu renna lækir lifandi vatns, eins og ritningin segir.``

Ég er reyklaus.

Vegna fjölda fyrirspurna og vanrækslu hjá mér að segja frá því, þá hef ég verið reyklaus síðan 18. september. Það hefur gengið bara ótrúlega vel, ég hef ekki svindlað nema tvisvar, sem var á fyrstu dögum reykleysisins. Loksins tókst þetta eftir 17 ára barráttu og er ég fjáls.

En ég hef tekið eftir nokkrum aukaverkunum eftir að ég klippti á þetta:

• Aukið úthald
• Betra lyktar - og bragðskyn 
• Betri lykt af mér
• húðin er frísklegri og losnaði ég við þær 2 hrukkur sem ég var kominn með
• húðliturinn hefur breyst
• og svona mætti lengi telja
  

Ég skil bara ekki afhverju ég var ekki löngu búinn að þessu! Þetta var ekki eins erfitt og ég hélt!

 

Til trúaðra

Sameinumst í sterkan her, þið hermenn Krists

Alveg er ég búinn að fá mig fullsaddann á að deila og kíta við trúbræður mína, vissulega erum við ósammála um mörg atriði, og er mismunandi útfærsla á mörgu innan kirkjudeildanna, en er ekki komið nóg? Hví þessar innbyrðis deilur endalaust? Er ekki betra að við stöndum við baki á hvor öðru og berjumst gegn trúlausum heimi? Ég skil vel afhverju hlakkar í vantrúarmönnum og þeir brosa útí annað þegar trúaðir láta svona við hvorn annan, enda er full ástæða til.

Sjálfur er ég sekur um að níðast á trúbræðrum mínum og hef gert lítið úr þeirra skoðunum, það er ekki langt síðan að ég tók páfa fyrir og gerði lítið úr honum, bið ég kaþólikka afsökunar á þeim orðum mínum.

Ég mun einbeita mér frekar að því sem sameinar okkur, sem er Drottinn vor Jesús Kristur heldur en að velta mér uppúr kenningum sem ég er kannski ekki sammála. Jón Sigurðsson forseti sagði eitt sinn: "Sameinaðir stöndum vér, sundraðir föllum vér". Það þykir mér í tíma töluð og viðeigandi við erindi mitt.

Einbeitum okkur að því sem skiptir máli, það er fagnaðarboðskap Jesú Krists, virðum bræður okkar og systur í Kristi og komum fram við þau án fyrirdæmingar út af einhverjum mismunandi skoðunum. Sjálfur ætla ég að tileinka mér þetta, en hvað gerir þú kæri trúbróðir og systir?

Gutti reyklausi dagur #3

Ég hef aldrei verið jafnlítill í mér og í dag, "macho-ið" mitt er handónýtt eftir að ég tók smá próf hjá Henry bloggvini mínum, sem mælir út hversu mikill karlmaður þú ert eða hversu mikil kona þú ert í hugsun.  Þar kom í ljós að ég er ekki með snefil af karlmennsku og er gerilssnyeddur öllu kveneðli líka. Ég er hálf miður mín eftir þessa niðurstöðu, ég veit ekki lengur hvað ég er ... hvorukyns geðklofinn tvíkynhneigður hlutur sem 0% af karli og konu.

Þetta er niðurstaðan sem ég fékk úr þessu prófi:

Your personal brain score:

 

grátlegt ekki satt??

Umrædda próf er hægt að taka hér.


Það var ekki á það bætandi að missa það litla sem ég hafði af "macho-inu" mínu, ef ég má kalla það slíku nafni. Fráhvarf, bleikir fílar, sviti og handskálfti fannst mér nóg um. En nú er ég ekki karlmaður lengur - ég veit ekki lengur hvað ég er. 

Ég vona að ég sé að rangtúlka þessa niðurstöðu, en vegna slæms nigótínsskorts er ég ekki með skýra hugsun.

Þar sem eru til afar fáar myndir af mér skissaði ég þessa upp af sjálfum mér,  í Mi¢ro$oft-Paint á örskotsstundu ...