Segir þetta í hatri sínu á íhaldið

Michael Moore er ekki orðvar maður, en vegna haturs hans á repúblíkana þá lætur hann svona vitleysu útúr sér. En svona yfirlýsingar sem koma í raun og veru óorði á Guð og hans verk, eru ekkert nema smekklausar og illa hugsaðar.

En ég vil nota tækifærið og biðja fyrrverandi biskup Íslands Guðs blessunar, því hann fór heim til Drottins ekki alls fyrir löngu, ég sá þetta í dagblaði á leiðinni heim frá vel heppnaðri Danmerkur ferð minni núna á dögunum. Mikill trúmaður hefur þá kvatt þennan heim, og eru ekki margir sem munu nokkurn tíma komast í skónna hans. 

En gott er að vera kominn heim á klakann aftur og þakka ég öllum sem gerðu athugsemdir við seinustu grein mína!  

Segir Gústav sönnun þess að Guð sé til

Stórhættulegir glæpamenn í Kína!

Í leiðinni í vinnuna heyrði ég þessa frétt á Rás2 í útvarpinu:

Kínversk tollayfirvöld gerðu 315 Biblíur upptækar um helgina og héldu 4 trúboðum föngnum hluta úr degi, fyrir að reyna að flytja þær inn án leyfis. Hver sá sem kemur til Kína má að hámarki hafa með sér eina Biblíu.

Kommúnistastjórnin hefur strangt skipulag á trúmálum og fá kristnir, múslímar og búddistar aðeins að koma saman til trúariðkunar í þeim trúarbyggingum sem stjórnvöldum þóknast.

Mannréttindasamtök hafa gagnrýnt handtökur fólks sem iðkar trú sína hvar og hvenær sem því sýnist. Fyrir Ólympíuleikana lofuðu stjórnvöld því að allir gestir leikanna fengju aðgang að Biblíunni, bæði á ensku og kínversku.

Tilvitnun lýkur.

Ég vissi svo sem að þessum heimskulegum aðgerðum. Og miðað við mannréttindabrot þeirra gagnvert Tíbet, og öllu því fólki sem vill stunda trú sínaí friði, þá skil ég ekki ennþá af hverju stjórnvöld hafa ekki haft uppi neinan áætlanir varðandi þessi mál.

Engar aðgerðir eða yfirlýsingar, EKKERT nema jú kannski tómahljóð. Ég er farinn að hallast að því að þeir ráðamenn sem eru við stjórnvölinn núna séu flestir blóðlausir gungur og skora ég á fólk að hleypa nýju blóði að í næstu kosningum! Úfff ...

Þessi mynd, sem mér var send segja meira en þúsund orð þá miklu stéttaskiptingu sem ríkir í Kína:

 

 

Hver er besti Kristni bloggarinn 2008?

Í fyrra var ég með svipaða kosningu þar sem ég listaði upp helling af kristnum bloggurum. En í ár ætla ég að fara eftir fordæmi Kalla Tom og biðja ykkur um tilnefningar.

Ég tek fram og ítreka að ég er sjálfur ekki kjörgengur, því það væri bara hallærislegt þar sem ég stend fyrir þessari kosningu og er ekki neinum vinsældarveiðum!

Ég týni svo saman þær tilnefningar sem berast í athugasemda kerfið, og set svo upp skoðana könnun með þeim tilnefningum sem hafa borist í kjölfarið og leyfi því að lifa í nokkrar vikur.

Í fyrra vann róttæki aðventistinn Halldór Magnússon/Mofi ... hver verður það nú? 

Endilega látið í ykkur heyra og komið með tilnefningar!

Hvað er guðleysi? (Séð frá augum trúaðs manns)

Kristinn Theódórsson er guðleysingi með meiru, ég og Mofi ákváðum að gera sitt hvora greinina um sama málefnið og birta þær á sama tíma. En umfjöllunarefni okkar verða stig guðleysis eins og þau koma okkur fyrir sjónir, en hafa ber í huga að þetta er frá okkar eigin sjónarhornum sem þetta birtist.

Bara svo það sé á hreinu er þetta aðeins mín skoðun/sýn sem birtist hér og enginn önnur. Ég er ekki að reyna á nokkurn hátt að gera mönnum upp skoðanir með upptalningu minni hér að neðan, þetta er aðeins eins og ég sé hlutina og þurfa þeir ekki endilega að vera fullkomlega réttir, en ég verð að ítreka fyrir ykkur sem eru hörundssár, að ekkert af þessu er illa meint á nokkurn hátt.

Ég ætla að reyna skilgreina þetta í þrjá flokka rétt eins og Kristinn Theódórsson gerir og mun ég reyna að vera réttlátur þótt ég sé ekki nokkurn hátt hlutlaus. 

Guðleysisstigin ætla ég að skilgreina sem:

• Óviss/kaldur guðleysingi
• Venjulegur guðleysingi
• Heitur/ öfga guðleysingi

Óviss/kaldur guðleysingi

Hann er sá sem afneitar Guði en er samt ekki viss í sinni sök. Hann/hún er ekki að flagga skoðun sinni, en geymir hana hjá sér. Þetta fólk er með afstöðu sem telja má vera "kalda" vegna hlutleysis þeirra, þeim er sama um æðri völd og mætti og lifir sínu lífi samkvæmt því, en eru ekki mikið að deila á aðra sem eru annarrar skoðunar.


Venjulegur guðleysingi

Hann er oft sá/sú sem hefur orðið fyrir vonbrigðum með almættið eða hefur tekið afstöðu gegn trúarbrögðum fyrir tilstuðlan utanaðkomandi þátta, sem geta verið hver sem er: uppeldið, vinahópurinn eða jafnvel sjónvarpsgláp. Venjulegur trúleysingi er fastur á sinni skoðun og er ákveðinn í að halda trúleysi sínu á lofti ef hann eða hún eru spurð útí það.

Heitur/ öfga guðleysingi

Þessi hópur er erfiður, því ekkert annað kemst að nema þeirra skoðun. Ekki er mikið hlustað á hina hlið málsins og eru mótmæli við þeirra skoðunum yfirleitt þaggaðar niður. Öfga guðleysingjar telja sig meðhöndla þann eina sanna sannleika, og eru ekki skömminni skárri en öfgatrúmenn oft á tíðum. Ekki veit ég hvað veldur því að menn verði svona öfgafullir, en eitthvað slæmt hlýtur það að vera.

Niðurlag

Þetta eru einungis mínar pælingar og hugsanir, ég er ekki að dæma neinn slæman nema kannski öfgamennina. Því aldrei eru öfgar góðir í hvaða átt sem þær eru, og er meira mark takandi á fólki sem heldur ró sinni og svarar á kurteisan máta kannski erfið málefni.

Gott kerfi hjá blog.is

Þótt ég sé vissulega ósáttur við að missa útlitið mitt sem ég lagði svo mikinn metnað í, þá er það einungis tímabundið. Nú eru allir sem einn komnir með appelsínu útlitið góða .. En ég verð samt að nota tækifærið og hrósa moggamönnum fyrir afspyrnu notendavænt og þægilegt kerfi.

En við bíðum og sjáum til hvað setur eftir lagfæringar hjá þeim. Og gleymum ekki að sýna þeim þolinmæði því ekkert kerfi er fullkomið, þótt gott sé.

Bloggið opnað að hluta

Eru þá geimverur til?

Þessi geimfari virðist að minnsta kosti viss í sinni sök. Hann gæti reyndar verið einn af þeim sem heimsótti Snæfellsjökul hér um árið, og beið eftir heimsókn sem aldrei varð. Hver veit!

En eru þær til? Getum við vitað það fyrir vissu? Ég held að þeirri spurningu verði ekki svarað fyrr en þær taka uppá því að heimsækja okkur og sýna sig.

Því ég trúi því að Guð sé ekki svo takmarkaður að hann geti ekki skapað líf á öðrum hnöttum eða sólkerfum. Ekki ætla ég samt að fullyrða um tilvist þeirra, því það veit ég ekkert um.  

Ég las eitt sinn að besta sönnun fyrir tilvist vitsmunavera út geimnum, væri að þau hafa látið það ógert að heimsækja þetta spillta mannkyn.  

Allt hefur sinn tíma og sinn dag, og hvert sem verður af eða á, þá treysti ég Guði fyllilega fyrir þessu öllu saman!

„Það eru til geimverur"

Í dag er fyrirbænardagurinn

Ég sá þetta auglýst hjá honum Þórarni bloggvini mínum og félaga, og mátti til með að auglýsa jafn þarfan hlut, hann útskýrir tilgang þessa fyrirbænardags mjög vel á blogginu sínu, og er óþarfi fyrir mig að endurtaka það, nánar hér.

Notum nú tækifærið og biðjum fyrir náunga okkar og nágranna, sama hver hann/hún er og hvaða trú viðkomandi aðhyllist. Ef ekki fyrir okkur sjálf heldur samfélagsins vegna, því eins og ástandið hefur verið undanfarið er ekki vanþörf á þessu góða átaki.

En af mér er það að frétta að ég loksins búinn í sumarfríi og kominn aftur í vinnu. Ég hef ekki bloggað undanfarið einfaldlega vegna þess að ég vildi eiga mér smá líf í sumarfríinu, því oft þegar ég geri færslur þá þarf mikla vinnu og orku til þess að sinna þeim. En mikið var þetta kærkomið frí, og er ég nýr maður eftir þetta allt! Mér tókst meira að segja að brenna af mér vömbina og er orðinn aftur eins og ég var hérna í gamla daga. Það er miklum göngum, hjólreiðum og sundi að þakka! Rúm 10 kíló eru fokinn og líður mér miklu betur fyrir vikið, og reyndar lít betur út. 

Svona gera menn ekki!

"Tilvera okkar er undarlegt ferðalag. Við erum gestir og hótel okkar er jörðin" orti Reykjavíkurskáldið Tómas Guðmundsson. Og eiga hans orð vel við þessa undarlegu frétt, því við erum einmitt gestir á þessari jörð, og hvað vitum við hvað tekur við eftir að líf okkar slokknar. Ég er nokkuð viss í minni sök, en ég er ekki viss um ykkur.  ;)

Ritað er:

Fyrsta bók Móse 2:7
Þá myndaði Drottinn Guð manninn af leiri jarðar og blés lífsanda í nasir hans, og þannig varð maðurinn lifandi sál.

Þannig var maðurinn skapaður í upphafi, eða andi líkami og sál.

Síðan talar Faðirinn af hinum og segir um son sinn Jesú:

Matteusarguðspjall 12:18
Sjá þjón minn, sem ég hef útvalið, minn elskaða, sem sál mín hefur þóknun á. Ég mun láta anda minn koma yfir hann, og hann mun boða þjóðunum rétt.

Sálin, er lífið sjálft sem Guð gaf okkur. Við værum ekki lifandi menn án hennar. Þess vegna er ver og miður ef nútímasamfélagið er orðið svo guðlaust að selja sálu sína til einhvers pizzufyrirtækis! Þessi gjörning sýnir hversu margt hefur breyst á örfáum árum, útbreidd viðhorf eins og ég er að bera fram núna, eru gleymd og grafinn. Guðleysi sem og einlægt áhugaleysi á Guði hefur gert það að verkum að sálin er orðinn ómerkilegur hlutur.

Matteusarguðspjall 12:18
Sjá þjón minn, sem ég hef útvalið, minn elskaða, sem sál mín hefur þóknun á. Ég mun láta anda minn koma yfir hann, og hann mun boða þjóðunum rétt.

Boðskapurinn er greinilega gleymdur og eftir situr að hringja í Dominos og selja sálu sína fyrir eina pizzu! Eins sorglegt og þetta er má einnig spyrja; Er kristni á undanhaldi? Ég held ekki. Samkvæmt könnun frá breska fyrirtækinu "Encyclopædia Britannica" frá árinu 2005 eru allt aðrar niðurstöðurog eru þær er virðast á heimsvísu. Margir hafa nefnilega haldið því fram að Íslam sé stærra, en svo er greinilega ekki.

Þessi mynd sem ég var að ljúka við í Excel sýnir niðurstöður þessarar könnunar:

 

 

Sem þýðir aðeins, að kristni er kominn til þess að vera!  Og vona ég að menn hætti að selja sálu sína pizzufyrirtækjum!

Fékk 300 þús. fyrir sálina sína

Kraftaverkin gerast ennþá í dag!

Hver segir að bænir okkar virki ekki, Guð er ekki heyrnarskertur né handleggjalaus!

Ég er svo ánægður og glaður yfir vissum tíðindum nú í morgun að get ekki orða bundist! Málið er að
kona mín fór með dóttur okkar sem hefur þjáðst af vírusi í vinstra auga hennar. Hún hef verið að nota allskynskrem og dropa til þess að sporna við að vírusinn skaði sjón hennar meira en orðið er, en hún var með 25% sjón á vinstra auga.

Eftir margar bænir leiðir Guð okkur til læknis sem setur hana á aðra dropa og einhverjar töflur sem eiga að bæta hornhimnu hennar. Nú í dag 3 mánuðum eftir þennan lyfjakúr, þá mældist dóttir mín með 50% sjón á vinstra auga, og eru líkur til þess að þetta batni ennþá meir ef meðferðin heldur áfram!

Ég er þakklátur Guði mínum, hann gaf okkur hin stórkostlegu læknavísindi og bænheyrði áhyggjufulla foreldranna, þ.e.a.s. mig og eiginkonu mína.

Ritað er:

Matteusarguðspjall 7:7
Biðjið, og yður mun gefast, leitið, og þér munuð finna, knýið á, og fyrir yður mun upp lokið verða.

Svo sannarlega stendur Guð við sitt! 

P.s. ég var að taka eftir því að ritstjórn blog.is var að setja mig á forsíðu blog.is, og hafa þær innilegar þakkir fyrir það! Önnur bænheyrslan í dag ... hvað kemur næst! 

Já en til hvers Vantrú !

Ég veit ekki alveg hvað þeir eru að hugsa með þessu gríni sínu, en kannski eru þeir allir gengnir í þennan söfnuð, eða "The Church of the Jedi"!  Nei ég veit ekki, en skondið var þetta, og verst var að sjá ekki Svarthöfða spila Bingó!

En svona leit þessi furðulegi gjörningur út:

Ég veit að þetta var í gríni gert ... en afhverju? Hvað græða þeir á svona uppákomum?

 Vantrú: May the force be with you! hehehe ...

Svarthöfði á vegum félagsmanna í Vantrú