Eru þá geimverur til?

cute-alien-thumb1710110Þessi geimfari virðist að minnsta kosti viss í sinni sök. Hann gæti reyndar verið einn af þeim sem heimsótti Snæfellsjökul hér um árið, og beið eftir heimsókn sem aldrei varð. Hver veit! Joyful

En eru þær til? Getum við vitað það fyrir vissu? Ég held að þeirri spurningu verði ekki svarað fyrr en þær taka uppá því að heimsækja okkur og sýna sig.

Því ég trúi því að Guð sé ekki svo takmarkaður að hann geti ekki skapað líf á öðrum hnöttum eða sólkerfum. Ekki ætla ég samt að fullyrða um tilvist þeirra, því það veit ég ekkert um.  

Ég las eitt sinn að besta sönnun fyrir tilvist vitsmunavera út geimnum, væri að þau hafa látið það ógert að heimsækja þetta spillta mannkyn.  

Allt hefur sinn tíma og sinn dag, og hvert sem verður af eða á, þá treysti ég Guði fyllilega fyrir þessu öllu saman! Cool


mbl.is „Það eru til geimverur"
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Rósa Aðalsteinsdóttir

Sæll og blessaður

Hef aldrei hitt geimverur svo ég get ekki svarað þessu. Er myndin af Magnúsi Skarphéðinssyni bróður Össurar? Minnir að hann heiti Magnús.

Guðs blessi þig og gefi þér góða helgi.

Kær kveðja/Rósa

Rósa Aðalsteinsdóttir, 25.7.2008 kl. 23:14

2 Smámynd: Guðsteinn Haukur Barkarson

Nei þetta er ekki hann Rósa mín, en þetta gæti verið skopteikning af honum! 

Guðsteinn Haukur Barkarson, 25.7.2008 kl. 23:16

3 Smámynd: Kristinn Theódórsson

Ofsatrúarfuglinn Ken Ham, forstjóri Answers in Genesis samtakanna, er með mjög ákveðna sýn á þetta mál:

"The real world is the biblical world–a universe designed by God with the Earth at the spiritual focal point, not an evolutionary universe teeming with life. … Extraterrestrial life is an evolutionary concept; it does not comport with the biblical teachings of the uniqueness of the Earth and the distinct spiritual position of human beings."

Ha?!

Hann er ekkert að skafa af því, það gengur bara ekki upp að til séu geimverur sjáðu til.

mbk, 

Kristinn Theódórsson, 25.7.2008 kl. 23:27

4 Smámynd: Herra

Er það ekki "Því ég trúi því að Guð ekki svo ..."?

Herra, 26.7.2008 kl. 00:26

5 Smámynd: Helga Dóra

Auðvitað hefur hann eitthvað prófað sig áfram fyrir og eftir okkur, hann Gussi blessaður....

Helga Dóra, 26.7.2008 kl. 00:36

6 identicon

Það eru til skrilljónir af stjörnukerfum, að halda því fram að líf finnist bara á þessari kúlu okkar er ekkert nema fjarstæða.
Það er kannski ágætt að nefna það að margir trúarhópar virðast vera að búa sig undir að við finnum eitthvað slíkt, td hefur páfinn sagt að nú sé ok að trúa á líf á öðrum stöðum.... fólk tekur ekki mistökum trúarbragða með að útskýra lífið/alheiminn endalaust. 
Málið er bara að þegar við finnum líf, þá hrynja trúarbrögðin eins og spilaborg.
Ég & þú og þið öll erum ekkert merkilegri en allt annað líf.. það er ekkert sem vakir yfir okkur, við erum ekkert meira special og það er bara glæsilegt.

DoctorE (IP-tala skráð) 26.7.2008 kl. 00:37

7 Smámynd: Janus Hafsteinn Engilbertsson

Biblían segir að það séu til geimverur. Páll postuli segir. ,,Því að baráttan, sem sem vér eigum í, er ekki við menn af holdi og blóði, heldur við tignirnar og völdin, við heimsdrottna þessa myrkurs, við andaverur vonskunnar í himingeimnum."

Þessar andaverur hafa örugglega allskonar birtingarform, og kannski er myndin þín, Guðsteinn minn, ein þeirra. Og talandi um birtingarform, þá hafa menn talið djöfulinn vera með klaufar, hala og horn. En Biblían segir að hann taki á sig ljósengilsmynd og að þjónar hans taki á sig mynd réttlætisþjóna.. Og svo eru það englar Guðs, þeir birtast í mannsmynd: ,,Gleymið ekki gestrisninni, því að vegna hennar, hafa sumir hýst engla án þess að vita." Og svo englarnir sem komu að bjarga Lot, þeir birtust í mannsmynd.

Þegar maður pælir í þessu, þá er erfitt að sjá hvað er hvað, nema að Guð gefi okkur opinberanir, Guðsteinn minn. En skemmtileg pæling hjá þér, bróðir sæll.

Janus Hafsteinn Engilbertsson, 26.7.2008 kl. 00:43

8 Smámynd: Kristinn Theódórsson

Helga Dóra
Auðvitað hefur hann eitthvað prófað sig áfram fyrir og eftir okkur, hann Gussi blessaður....

Frábær pæling! Þannig að í einhverju hliðstæðu sólkerfi er að finna alveg eins plánetu og okkar með örlítið asnalegra mannkyni?

Kristinn Theódórsson, 26.7.2008 kl. 00:43

9 identicon

Ég datt niður á grein frá kristnum gaur í dag vegna þessarar fréttar.. sem segir að geimverur(Við? ;) ) séu verk Satans til þess að blöffa kristna menn :)
Fyndnar pælingar hjá honum með að bíða eftir að kynfæri þróist..eða þannig :)
http://doctore.blog.is/blog/doctore/entry/600330/

DoctorE (IP-tala skráð) 26.7.2008 kl. 01:01

10 Smámynd: Guðsteinn Haukur Barkarson

Kristinn - þú segir:

Ha?!

Hann er ekkert að skafa af því, það gengur bara ekki upp að til séu geimverur sjáðu til.

hehehe ... já, ég er forvitinn að vita hvað hann Moffi minn segir við þessu öllu! hehehe ... ég hef heyrt svona bókstafstrúarpredikun líka .. og var henni lítið sammála.

Helga Dóra - ég er ekki viss um að hafi prófað neitt, Guð gerir allt fyrir ástæðu, en skemmtilegar pælingar hjá þér samt. 

Ömmm .. þú sem kallar þig "Herra" .. takk fyrir góða ábendingu og hef leiðrétt vitleysuna. 

Hippókrates - þú segir:

Mér hefur þó fundist uppruni og tilvist vinstri grænna ávallt sveipaður dulúð og óskiljanlegum ástæðum.

Þessi setning þín er gargandi snilld!

Dokksi - altaf við sama heygarðshornið. 

Janus - mér þykir sérstaklega vænt um þinn stuðning, og var ég ekki búinn að hugsa þetta út frá versinu sem þú vísar í, takk fyrir frábært innlegg.  

Kiddi - hliðstætt sólkerfi? Nei nú ertu búinn að lesa of mikið af teiknimyndablöðum! 

Dokksi - sumir eru bara með aðrar skoðannir, og hef ég ákveðið að virða það við trúbræður mína að vera ósammála mér. 

Andrés - þetta er ekki fjarri lagi hjá þér! 

Guðsteinn Haukur Barkarson, 26.7.2008 kl. 01:47

11 identicon

Sagt er hinumegin að sálin taki sér bólfestu á öðrum hnöttum á milli jarðlífa en t.d. dáleiðarar geta sagt meira um málið.

Gylfi Gylfason (IP-tala skráð) 26.7.2008 kl. 02:15

12 Smámynd: Sigurður Þórðarson

Auðvitað er til fullt af geimverur. Við erum t.d. geimverur ef grannt er skoðað.

Sigurður Þórðarson, 26.7.2008 kl. 02:41

13 Smámynd: Óskar Arnórsson

Það er nú athyglisvert þetta með geimverur. Ég hef hitt eina. Geimveran er prófessor og hefur fngið mörg friðarverðlaun. Ég var að hlusta á fyrirlestur með þessari geimveru fyrir mörgum árum. Hann er Phd. í Segulaflsfræði sem hann segir verða framtíða orkugjafann, jarðarbúar noti enn svo takmarkaðan hluta heilans að það muni taka þá einhverjar kynslóðir til viðbótar að til hvers eigi að nota hann. Hann hefur skrifað margar frægar bækur....og hann segir n´kvæmlega frá hvaða plánetu hann kemur frá og þúsundir annarra..

Starfræðilega er trilljónir af vitsmunlegu lífi á öðrum plánetum. Sá sem heldur að jarðarbúar séu einir í geimnum er eins fáranlegt og að halda að jörðin sé flöt. Það eru til tveggja sóla sólkerfi, hliðstæð sólkerfi, stærri, minni, og allt mögulegt. átti non á að Guðsteinn væri búin að lesa alla vega smá í geimvísindum, alla vega það sem er verið að reyna segja almenningi á barnamáli. Það sem heillar fólk sem byrjar að skoða í stjörnu kíkira, hvað skyldi það vera? Það ætti að styðja trúaða og ekki þvert á móti. Menn verða agndofa og stjörnuskoðarar verða auðveldar trúaðir á skynsaman hátt og binda sig ekki við gamlar og úreltar kreddur um Guð sem nóg er til af.

Fyrstu áhrif stjörnuskoðara sem er með sínar tilfinningar í þokkalegu lagi, er að hann skilur að geimurinn er lifandu, allur saman. Það skiptir engu máli hvaða afstöðu viðkomandi störnuskoðari hafði áður, hann kemur trúaður á Skaparann frá kíkinum!

Nú er ég búin að lesa Biblíuna. Ég trúi að Jesú hafi verið Guð og svo trúi ég, nei ég veit!, að englar eru til.

Biblíunna á að banna fyrir börn innann ákveðins aldur. Þetta er sagnfræðirit, mikið ruglingslegt, sóðalegar lýsingar, útúrsnúningar á Guði sem eru Honum ekki þóknanlegar. Að ætla að Biblían sé Guðs Orð, er eins og að kalla Guð fyrir fífl! Ég varð alveg gáttaður.

Átti von á einhverju heilögu, enn varð fyrir sömu áhrifum og þunglyndis-sálmum þeim sem eru lesnir yfir hverja páska. Passíusálamarnir. Það eru líka svona lesning sem ætti að henda á haugana.

Svo var verið að atyrða mig fyrir sorakjaft á blogginu!! Lesiði bara Biblíunna og segið mér síðan hvað er rugl og hvað ekki. Að Vatíkanið sé með puttana í útgáfunni er nóg fyrir mig að vita.

Hefði alveg eins getað lesið bók um hvernig Cosa Nostra meðlimir eiga að haga sér. Ef fólk trúin virkilega á Guð, ætti það að biðja Hann afsökunar í einlægri bæn, um að fyrirgefa sér fyrir það að skrfa lygasögur um Guð, Skapara himins og jarðar.

Hann myndi gleðjast yfir því.  

Það er ljósir punktar í Biblíunni og góðar leiðbeiningar inn á milli um hvernig fólk ætti að haga lífi sínu, meira að segja er hægt að finna geimfarasögur sem þátimamenn bjuggu til Guðasögur úr.

Ef fólk vil lifa í Jesú anda, ætti það að fara afar varlega í lestur þessarar bókar. Ég á ekki von á að Guð sé stoltur yfir þesarri ritsmíð. 

Menn eins og DoktorE eru til og milljónir annarra, vegna útvaldra talsmanna sem segja sig vita allt um Guð. Um leið og einhver segir sig vita allt um Guð, er sá hinn sami orðin lygari.

Ég er farin að skilja fólk sem heldur trú sinni á Guð, eða geimverur fyrir sjálfan sig!

Hver vill fá hræsnara, fáfróða, bæjarfíflin, trúðanna, "gáfnaljósinn" og aðra sjálfskipaða spekinga skyrfandi á eftir sér því "skoðun" einhvers var þeim ekki að skapi.

Ég þakka Guðsteini Hauki fyrir ágætis pistil þó hann sé frekar byggður á kómísku hliðinni, enn með fullri sanngirni og virðingu fyrir vísindum og Guði.

Ég trúi að DoktorE sé sendur af Guði til að sinna ákveðnu verkefni..vona að ég móðgi hann ekki með þessu því það er raunverulega ekki ætluninn. Þvert á móti...

Enn það er gaman að pæla í svona hlutum...virkilega!

Óskar Arnórsson, 26.7.2008 kl. 04:13

14 Smámynd: Predikarinn  -  Cacoethes scribendi

Það má nú lesa í Jobsbók þar sem leiða má líkum að ráðstefnu drottna heimanna sem Guð hafði skapað. Svona eins og ráðstefna konunga frammi fyrir skapara sínum. Þar var Satan meðal þeirra enda hafði hann tekið við af Adam við syndafallið.´

Predikarinn - Cacoethes scribendi , 26.7.2008 kl. 04:53

15 Smámynd: Óskar Arnórsson

..Prófessorinn sem ég talaði um hér að ofan skrifaði bók sem heitir: "Satan er dagens man"...betur skrifuð um Satan og áhrif hans enn Jobsbók..bara lesa og gera samanburð..voða lítið álit á satan. Neikvæður og og alltaf að stofna til vandræða. Samt er Satan ekkert að vera hræddur við...bara slæmur félagsskapur...

Óskar Arnórsson, 26.7.2008 kl. 05:07

16 Smámynd: Ásthildur Cesil Þórðardóttir

Guðsteinn minn, það væri ótrúlegt ef það væri ekki líf á öðrum hnöttum en okkar.  Við erum krækiber í helvíti miðað við alheimin.

Ásthildur Cesil Þórðardóttir, 26.7.2008 kl. 09:54

17 identicon

Fínn pistill hjá Óskari verð ég að segja og ég tek einnig undir það að doktorinn hafi merkilegt fræðsluhlutverk þótt það megi deila um orðaval á köflum.  Hann er sjálfur að taka út þroska með grufli sínu.

Ég virði þann tilgang trúarbragða að skoða siðferði sitt og hugsanir gagnvart náunganum en það er of langt gengið að taka svo orðljótt rit sem biblían er á köflum svona bókstafslega.

Áð mínu mati eru trúarrit í raun þroskahamlandi eða í versta falli einungis ungsálnarit því þau loka augum okkar í stað þess að opna þau.

Gylfi Gylfason (IP-tala skráð) 26.7.2008 kl. 11:48

18 Smámynd: Ingvar Valgeirsson

Ætli þær færu að fljúga skrilljónir mílna gegnum óravíddir alheimsins til þess eins að skoða smá og fara svo heim aftur? Ætli þær myndu ekki reyna meira til að koma á sambandi fyrst þær væru komnar á svæðið á annað borð?

Eða kannski hugsuðu þær með sér að við værum asnalegt lið og ákváðu að fara bara heim aftur í faðm familíunnar. Hver veit?

Ingvar Valgeirsson, 26.7.2008 kl. 12:33

19 Smámynd: Guðrún Emilía Guðnadóttir

Oft hef ég talað um undur veraldar, bæði sjáfar, jarðar og himins,
í mínum huga er þetta eitt af undrunum, eitt af því sem við getum eigi sannað, en vitum samt af.
Það er endalaust hægt að telja upp, bæði úr bókum og frá munnmælasögum það sem einhverjir hafa upplifað, en enga sönnun höfum við fyrir því hver upplifunin var.
Maður veit bara það sem maður hefur sjálfur upplifað, sumt sér maður svart á hvítu hvað er, annað er hulið undrinu sem við vitum jafnvel hvað er, en fáum eigi staðfestingu fyrr heldur en maður fer handan glærunnar.
Eitt veit ég með vissu að þær verur sem eru hér inni hjá mér eru ekki ímyndun, þær eru yndislegar.

Guðrún Emilía Guðnadóttir, 26.7.2008 kl. 12:35

20 Smámynd: Flower

Guð einn veit hvort það er líf á öðrum hnöttum, ég ætla ekki að leggja dóm á það atriði samt og geri mig sátta við að Guð veit það. Ég efast um að þær væru eins og kvikmyndir lýsa þeim og bara það atriði hjá þessum náunga gerir hann lítt trúverðugan.

Flower, 26.7.2008 kl. 13:07

21 Smámynd: Óskar Arnórsson

Við eru "asnalegt lið" Ingvar valgeirs, með möguleika á að breyta jörðinni í mólekúl mörg hundruð sinnum. Bara Rússar eru með kjarnorku sem getur breytt öllu hnettinum 8 sinnum í öreindir...allri jörðinni eins og hún leggur sig..

þetta er á sama gáfnastigi og fréttinn um manninn sem ætlaðai að losna við flugu eða pöddu úr íbúðinni og sprengdi íbúðina í loft upp..

Jarðarbúar er ábyggilega með lægstu gáfnavísitölu og almenna greind í þessu sólkerfi..að einhverjum undantekningum sjálfsagt, enn það eru til þeir sem koma hérna til að reyna að laga málin og eru þá bara krossfestir eða drepnir, fyrir að vera ekki eins og fjöldinn..eða hafðir að háði og spotti af "gáfnaljósunum"... 

Óskar Arnórsson, 26.7.2008 kl. 14:19

22 identicon

Ekki er ég sendiboði guðs :)

Mannkynið er ekkert heimskt, það er sjálfselskan sem er að drepa okkur.
Trúarbrögð eins og þau liggja fyrir okkur í dag byggjast að mestu á sjálfselsku og egói.... fólk er tilbúið að falla í hvaða gryfju sem er ef það telur sig hafa einhvern ávinning af því.
Trúarleg fórn er ekki til því stefnan er alltaf sú að sá trúaði græði á trú sinni... endapunkturinn er alltaf ÉG og aftur ÉG.

DoctorE (IP-tala skráð) 26.7.2008 kl. 14:55

23 identicon

Ég trúi alveg að doktornum bregði við tíðindunum af sendiför sinni  

Gylfi Gylfason (IP-tala skráð) 26.7.2008 kl. 15:02

24 Smámynd: Haraldur Davíðsson

Bíðið nú aðeins hæg öllsömul, erum við ekki geimverur? Erum við ekki ábúendur plánetu í GEIMNUM ? Erum við jafnvel ekki hinar raunverulegu illu verur sem fara fram með yfirgangi og frekju án nokkurs tillits til annars en eigin afkomu, sem þó er að lúta í lægra haldi fyrir okkar eigin þröngsýni og hroka ? Hvernig ætli þessi tegund líti út utan frá, ég er viss um að við fáum frekar lélega einkunn.

Frekar barnalegt og ósjálfbjarga þetta blessaða mannkyn.......

Haraldur Davíðsson, 26.7.2008 kl. 15:07

25 Smámynd: Óskar Arnórsson

Athyglisvert Haraldur! g algjörlega sammála!

Minnir á að jarðarbúar tala um sjálfan sig sem "við og kannski hinir, ekki sannað", ekkert ósvipað USA sem er miðja jarðkúlunnar eru algjörlega með það á hreinu að að það eru Ameríkanar og svo eru einhverjar sannannir til um önnur lönd. Margir kanar eru ekki alveg vissir um tilvist landa sem liggja utan USA....

DoktorE er með mjög mikla heimspeki sem ég kann virkilega að meta og get lesið út frá trúarlegum sjónarhóli. Með og á móti. Hann er beð eina af bestu síðunum af því að hann er stálheiðarlegur í sinni afstöðu..engin hringlandaháttur þar.

Það væri þá helst svona persónuleikar eins og DoktorE sem gæti komið skynsemi inn í kollinn á geimverum jarðarinnar fyrst við erum öll geimverur á annað borð, skapaðir af Geimgaldrakarlinum...í alvöru!

DoktorE er með skarpa, hnitmiðaða síðu og málefni sem er virkilega öllum holl lesning. Svo hefur hann húmor líka og það er líka sem er svo fínt við hann..ég laug því einu sinni á síðu hjá presti að ég og Dokksi værum að laumast til að lesa Biblíuna saman..enn leiðrétti lýginna í mér starx...og DoktorE fyrirgaf mér það eins og skot..

Óskar Arnórsson, 26.7.2008 kl. 16:30

26 identicon

Nenni ekki að skrifa ritgerð en mitt álit er nei það eru ekki neinar geimverur til

Birna Dis Vilbertsdóttir (IP-tala skráð) 26.7.2008 kl. 19:33

27 Smámynd: Óskar Arnórsson

Við erum geimverur Birna mín! Við búum í geimnum, ekki satt..

Óskar Arnórsson, 26.7.2008 kl. 20:24

28 identicon

Sæll Guðsteinn minn.

Ekki mín deild !

Þórarinn Þ Gíslason (IP-tala skráð) 27.7.2008 kl. 04:18

29 Smámynd: Sigurður Þór Guðjónsson

Einu vitsmunaverurnar sem ég þekki eru allar utan úr geimnum!

Sigurður Þór Guðjónsson, 27.7.2008 kl. 12:12

30 Smámynd: Óskar Arnórsson

Ég líka Sigurður! Mæli sérstaklega með Alexander Markús Phd., enn ég get aldrei munað frá hvaða plánetu hann er. Einhver ljósár frá jörðinni, sem hann segir að sé ekki svo langt..

Óskar Arnórsson, 27.7.2008 kl. 12:59

31 Smámynd: halkatla

fyrst það eru til margar víddir fullar af andlegum verum þá er ekki ólíklegt að geimurinn sé fullur af geimverum, og svo er líka margt þarna úti sem okkur hefur enn ekki dottið í hug - en það er samt til!

halkatla, 27.7.2008 kl. 16:43

32 Smámynd: Óskar Arnórsson

...við erum geimverur frá jörðinni eins og við köllum þetta sandkorn í samanburði við allan geiminn...svo veit ég ekki hvað hinir eru kallaðir..

Óskar Arnórsson, 27.7.2008 kl. 17:24

33 Smámynd: Óskar Arnórsson

Jæja Jón Frímann! Eftir 2000 ár verðum við ekki til heldur...þrátt fyrir mynd og kennitölu...

Óskar Arnórsson, 27.7.2008 kl. 18:04

34 identicon

Þú mátt ekki detta algjörlega í alhæfingafar trúarbragða Jón Frímann því vissulega er eitthvað okkur æðra

Gylfi Gylfason (IP-tala skráð) 27.7.2008 kl. 20:59

35 identicon

Trúarbrögð eru viðleitni mannsins til að brúa bilið milli heimanna með þeirri takmörkuðu prentsvertu sem finnst.  Æðri tilverustig fyrirfinnast að mínu mati en við megum ekki láta trúarbrögðin villa okkur leið.  Þau henta sumum og öðrum ekki og eru bata tengingatæki líkt og símstöð, svo einfalt er það.

Við erum gestir á heimasvæði trúaðs einstaklings sem hefur upplifað nærveru sem verður ekki útskýrð. Hann tengir sig við nærveruna með því sem hann þekkir best eða biblíuna en hugsanlega eru múslimar að tengja sig við nákvæmlega sama kraft.

Sjálfur kýs ég milliliðalaus viðskipti og væri ekki að setja tíma minn í andleg málefni nema ég fengi með því tækifæri til að hafa áhrif á framvindu eigin lífs, bæta sjálfan mig og líða betur í eigin skinni.

Gylfi Gylfason (IP-tala skráð) 27.7.2008 kl. 21:40

36 Smámynd: Óskar Arnórsson

"Bara sambland af taugavirkni og sálfræði." Jón Fríman? Hfurðu nokkurtíma spurt sál-fræðing hvað sál sé? Hvar hún sé staðsett í líkamanum og þess háttar?

Óskar Arnórsson, 27.7.2008 kl. 22:06

37 identicon

Þú ert dálítið í svartsýni Jón og jafnvel þótt trúarupplifun væri eintóm sjálfsblekking þá geta þær þjónað sínum tilgangi gagnvart almennri vellíðan og sátt.  Geta t.d. verið ódýrari sjálfsblekking en kortaflipp í kringlunni.

Þú ættir t.d. að útskýra fyrrilífsupplifanir með sálfræði,   sem ég set fram á heimasíðu minni en dáleiðsla er viðurkennd aðferð þeirrar vísindahyggju sem þú stendur fyrir.

Trúarbrögð eru leiðarsteinn sálarinnar til áfangastaðar og alhæfing þín um að það sem milljarðar iðki sé gagnslaust stenst ekki neinskonar skoðun því af hverju er fólk að ómaka sig við einhverja iðju ef hún gefur ekkert til sálartetursins.

Gylfi Gylfason (IP-tala skráð) 27.7.2008 kl. 22:08

38 identicon

Enn festist þú við alhæfinga Jón en ekki ganga þau öll út frá hótandi guði. Að auki er ég ekki fulltrúi þeirra og ætla ekki að verja þau þótt tilgang þeirra viðri ég að ákveðnu marki.

Þú segir fyrrilífsupplifun vera hugarburð í flestum tilfellum, hvernig útskýrir þú hin tilfellin? Hvað með þær þúsundir dáleiðara sem starfa við að fara með fólk aftur í tímann, fólk sem kemur með raunverulegar minningar til baka sem hægt er að staðfesta.

Erfðatengt minni hvað  ?

Gylfi Gylfason (IP-tala skráð) 27.7.2008 kl. 22:47

39 Smámynd: Óskar Arnórsson

Jæja, þá veit maður það Jón Frímann! Ég las sálfræði í Háskóla í Svíþjóð og það mesta var bara bull. Skil samt ekki hvað það er sem "gufar upp" almennilega, enn það skiptir ekki öllu máli.

Ég persónulega hallast mest að þeirri kenningu að maðurinn viti harla lítið um sjálfan sig svona almennt. Að mannskeppnann sé bara efnaferli er erfitt að útskýra s.k. meðvitund, eða bara vitund yfirleitt.

Ef maðurinn er bara efnasamsettning og ekkert annað, er komið tilefni í hrikalega sterk forsenda fyrir tilgangsleysi fyrir lífinu. Eiginlega er hægt að afskrifa báðar kenningarnar með rökum, enn er hægt að færa rök fyrir öllu?

Ég held ekki. Tilvist andlegrar tilvistar án innblöndunar af nokkrum trúarbrögðum er mjög vel rökstutt og sannað svo langt sem það nær. Ef allat upplifanir eru bara efnafræði, hvað er þá ást? 

Það er rétt sem Sáli segir um dáleiðslu. Hún er notuð af tannlæknum á börn, og er viðurkennd á læknisfræðilegum grundvelli. Svo er hægt að nota hana til skemmtunar eins og flestir vita. Og það er hægt að misnota hana.

Erfðaminni, tilfinningaminni, langtímaminni, skammtímaminni eru samantengd fyrirbrigði með misjafnlega aðgengilegum leiðum að þeim upplýsingum sem þar er að finna. Dáleiðsla er mjög góð til að ná fram svona minni, psykotherapy, gestalt-æfingar, Leonard Orr öndunartækni og nokkrar fleiri sem ekki eru jafn mikið notaðar í þessum tilgangi.

Ef það væu til pottþétt skynsemis "trúarbrögð" mæli ég með því. Eykur vellíðan og er það ekki það sem fólk er oftast að eltast vi í lífinu. Að láta sér líða vel. 

Óskar Arnórsson, 27.7.2008 kl. 23:16

40 identicon

Alveg sammála með íplöntun hugmynda, þ.e. að hún sé möguleg og galdramenn á borð við Derren Brown nota hugsanlega eitthvað slíkt þegar þeim manippúlera hugsanir í sínu showbiz.

Ég er líka rökfastur maður Jón og hafna "tilfallandi atvikum" sem dulrænum sannleika en við erum að tala um atvinnugrein og ekki bara á íslandi.

40% íslendinga hafa t.d. farið til miðils og 55% þess hóps telur sig hafa náð sambandi við framliðna.  Íplöntun hugmynda þyrfti því einnig að vera atvinnugrein með njósnasveit á bak við sig til að skýra það.

Svo er líka dálítið órökrétt að planta okkur hér á jörð til að þroskast alla æfi til þess eins að gleyma öllu á dánastund. 

Gylfi Gylfason (IP-tala skráð) 27.7.2008 kl. 23:23

41 identicon

Tek undir með Óskari, er ekki tilgangurinn að láta sér líða vel en heimurinn er flókinn og áreitinn og andlegt vitundarlíf getur lyft oss ögn frá t.d. erfiðleikum. svokallaðir trúatnöttarar eru jafnvel drifnir áfram af einhverju sem má líkja við vímuástand, en þeim líður hrikalega vel og eru rosalega "hátt uppi"  Fylgikvillinn er að egóið flýgur sömu leið sem er í raun andstætt góðum trúarháttum.

Hinn trúaði hefur fengið dóp slíkt að hann er algjörlega sannfærður um að enginn díler geri betur.  Þetta er orsök trúarbragðadeilna eða þessi sterka en oft barnalega tilfinning sem yfirskrifar kærleikann gegn uppskriftinni að dópinu. 

Gylfi Gylfason (IP-tala skráð) 27.7.2008 kl. 23:33

42 Smámynd: Óskar Arnórsson

Jæja Jón Frímann. Við þurfum ekkert endilega að vera nákvæmlega sammála um þessa hluti. Mér finns persónulega óþarfi að eyða peningum í kannanir á öðrum hnöttum og sólkerfum á kostna sveltandi fólks.

Ég er meira inn á hugmyndum Sála um lífið og tilveruna og svo er ég með mína persónulegu sem ég held algjörlega fyrir mig. Má kalla það "það sem er heilagt fyrir mér" og þarf að endurskoða í sífellu, og staðhæfa aldrei neitt um, svo það finnist pláss til að skipta um skoðun. Annars "frostnar" mann i þessum pælingum.

Þess vegna les ég og hlusta, ber saman og segi ekki endileg allt um mínar niðurstöður.

Ég er sammála að að vitsmunaverur sem skoða jarðarbúa utanfrá sjá ekki ástæðu til að hafa samband við vanþroska jarðarbúa eins og ég tel okkur vera.

Svo er ég bara ekki sammála að rökfræðin ein og sér geti útskýrt allt. Til þess er hún ekki komin á nógu hátt plan eða styrkur hennar byggir of mikið á staðhæfingum, gefnum forsendum sem sumar breytast frá degi til dags, svo "rök" eru ekki alltaf það sem gefur "skýringar.

Eldur í í húsi slökknar t.d. ekki bara af því að búið er að finna ástæðuna fyrir því af hvers vegna það kviknaði í. Rökin koma ekki fyrr enn á eftir. Það sem ég meina að sumt er ekki hægt að rökstyðja fyrr enn skilningur hefur "fæðst"...  

Óskar Arnórsson, 28.7.2008 kl. 07:46

43 identicon

Sál er ekki til, þetta er bara heilinn að störfum, það er hægt að staðsetja margar mannlegar tilfinningar.. og trú við stöðvar í heilanum.

Tilgangur lífsins er að lifa og viðhalda tegundinni, það skiptir engu máli þó þið sjáið ekki tilgang með því að allt sé búið þegar fólk deyr... fólk fæðist, lifir & deyr.. thats it...
Orðið "deyr" spilar lykilhlutverk í trúarbrögðum því flestir eru ekki sáttir við að deyja... þess vegna grípur fólk huggandi lygar um extra líf svo auðveldlega.

Rökfræði skýrir allt á endanum.

DoctorE (IP-tala skráð) 28.7.2008 kl. 09:55

44 Smámynd: Mofi

Leitt að hafa misst af þessari umræðu... Kristinn benti á það sem Ken Ham sagði um geimverur og ég er ósammála Ken Ham þarna. Sammála Hauki að við vitum frekar lítið um þetta þótt maður getur gískað út í loftið.  Fyrir mitt leiti þá finnst mér rökrétt að Guð myndi hafa búið til fleiri heima en okkur, afhverju annars að hafa allt þetta pláss og öll þessi stjörnukerfi?  Biblían gefur okkur líka smá "hint" því við sköpun heimsins þá sungu synir Guðs svo það voru einhverjir til áður en okkar heimur varð til.

Sál er síðan auðvitað til. Sál er samkvæmt Biblíunni líkami sem er lifandi; ætlar einhver að segja að það sé ekki til?

Mofi, 28.7.2008 kl. 12:08

45 identicon

Rétt Mofi en vissulega bendir Biblían á ýmislegt gott og rétt en vandamálið felst í því eyðunum sem hafa verið ranglega fylltar. Kannanir á sálartilveru okkar ættu því að rannsakast utan forsendna trúarbragða því þau virka sem þrengjandi rör á vitund okkar.

Gylfi Gylfason (IP-tala skráð) 28.7.2008 kl. 12:45

46 Smámynd: Mofi

DoctorE, hvernig veistu að rökfræðin er rökrétt?  Ekki segja mér að þú takir því í trú? :)

Sáli, menn geta rannsakað allt sem þeir vilja en ég fyrir mitt leiti tel þegar kemur að andlegum sannleikum þá er Biblían áreiðanlegst enn sem komið er.

Mofi, 28.7.2008 kl. 12:51

47 identicon

Jafn fróður og þú ert Mofi þá hlýtur það alltaf að vera ákveðinn vankantur að líta framhjá öllum öðrum andlegum fræðum þótt ein bók höfði meira til þín en önnur.

Grunnur trúarvandmála á rót sína til slíkrar afstöðu sem lokar öðru auganu á meðan hitt er opnað

Gylfi Gylfason (IP-tala skráð) 28.7.2008 kl. 14:08

48 Smámynd: MacGyver

Það eru engin sönnunargögn sem benda á að geimvera hafi komið til Jarðar.

MacGyver, 28.7.2008 kl. 14:12

49 Smámynd: Mofi

Ég lýt ekki þannig á að maður er eitthvað að líta fram hjá öðrum fræðum; hef gaman að kynna mér ólík viðhorf en enn sem komið er hefur það aðeins styrkt mína afstöðu gagnvart Biblíunni.

Mofi, 28.7.2008 kl. 14:33

50 Smámynd: Guðsteinn Haukur Barkarson

Takk fyrir góða aðstoð Mofi minn, þú hefur svarað eins og hetja í minni fjarveru ... ég var að halda uppá afmæli dóttur minnar um helgina og hef ekki haft tök á að komast á bloggið.

Þeim fjölmörgu sem hafa lagt leið sína hingað þakka ég fyrir umræðurnar.

Guðsteinn Haukur Barkarson, 28.7.2008 kl. 14:49

51 identicon

Hættan samfara því að taka einhverja eina bók sem hinn algjöra sannleika er ógn við mannkynið eins og sagan sýnir. Bloggið þitt ber með sér mikla skoðun og sjálfsskoðun og síst ertu slæmur öfgamaður þótt margar skoðanir stangist á við dulrænan veruleika sem fylgendur trúarbragða kjósi að horfa framhjá eða fordæma.

Fordæming trúarbragða gagnvart skoðun á tilveru sálarinnar á sjálfstæðum forsendum er í raun þroskahamlandi.

Gylfi Gylfason (IP-tala skráð) 28.7.2008 kl. 14:57

52 identicon

Átti við Mofa  og komdu sæll Guðsteinn

Gylfi Gylfason (IP-tala skráð) 28.7.2008 kl. 14:58

53 Smámynd: Guðsteinn Haukur Barkarson

Komdi sæll "Sáli". 

Guðsteinn Haukur Barkarson, 28.7.2008 kl. 15:22

54 identicon

Þakka afnot af svæðinu þínu Guðsteinn  Veit að dulnefni fer fyrir brjóstið á sumum en reyni að gæta háttvísi og virðingu þótt ég sé ekki öllum sammála.  Þú ert með málefnalega síðu og góða finnst mér og hjarta þitt er sannarlega á réttum stað, og örugglega fyrir tilstillii trúar á mátt oss æðri.

Ég virði hvern þann sem vil bæta sig eftir andlegum leiðum þótt ég bendi einnig á að þegar guðsvitundin breytist í skoðanaeinstefnu skuli aðgát höfð.  Hvert og eitt okkar þarf sitt andlega nesti en mín skilaboð á blogginu eru helst þau að nestið liggur víðar en í farvegi trúarbragða.

Gylfi Gylfason (IP-tala skráð) 28.7.2008 kl. 15:45

55 Smámynd: Guðsteinn Haukur Barkarson

Ekki málið "Sáli", ég get ekki kvartað undan þínum skrifum, né nokkurs annars sem hefur tjáð sig hér. Láttu bara gamminn geysa! 

Guðsteinn Haukur Barkarson, 28.7.2008 kl. 15:54

56 Smámynd: Mofi

Sáli, fer það ekki eftir hvað stendur í bókinni?  Mér finnst það mjög fróðlegt að lesa yfirlýsingu frá kristinni kirkju á tímum nasistanna þar sem þeir segja að þeirra skylda er að elska náungann samkvæmt boði Krist á móti hatursboðskapi nasista gegn gyðingum.  Ef vilji manna á alltaf að ráða yfir því sem Biblían segir, er þá ekki auðvelt að hafna boðskapi Krists eins og hvað öðru sem Biblían boðar? 

Ég sé miklu frekar það sem ógnvekjandi að setja þetta þannig upp að ef einhver trúir Biblíunni þá er hann hættulegur.  Er það þín afstaða?

Mofi, 28.7.2008 kl. 16:21

57 identicon

Biblían er ómarktæk Mofi, útþvæld bók sem hefur verið í smíðum í aldaraðir, stendur ekki steinn yfir steini.

Haldið þið virkilega að einhver guð sé vitlaus að SKRIFA BÓK, auðfalsanlegur miðill krakkar...
Einhverntímann sagði Guðsteinn að ég, já ég væri með guð skrifaðan í hjarta mitt... hvar myndi guð skrifa sitt stöff... í fargin bók sem allir geta falsað eða hvað?

Reyndar fellur þetta allt saman á því að menn fæðast misfullkomnir... guðahugmyndin fellur öll eins og spilaborg bara á þessu atriði

DoctorE (IP-tala skráð) 29.7.2008 kl. 09:52

58 identicon

hæ Mofi. Ef við lítum á leið sálarinnar sem þroskaferil þá eigum við að geta átt samleið með öllum ritum sem auka þroska okkar eða gera okkur að betra fólki. Það sem ég vara hinsvegar við eru túlkendur Biblíunnar sem nota hana sem stjórntæki frekar en leiðbeiningar.

Að taka henni sem hinum algjöra sannleika er ákveðin vitundarþrenging sem getur fest fólk en ég er ekki í vafa um að í henni leynist sannleikur og Jesús hafi í raun verið einn margra meistara/heilara sem gengið hafa á jörðu.

Í gærkvöld horfði ég á athyglisverða heimildarmynd sem kallast The lost tomb of Jesus og það væri gaman að fá ykkar álit ef þið hafið séð hana.

http://youtube.com/watch?v=KHBQz6GWJAI

Gylfi Gylfason (IP-tala skráð) 29.7.2008 kl. 10:40

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Guðsteinn Haukur

Guðsteinn Haukur Barkarson
Guðsteinn Haukur Barkarson

"Our life is a gift from God,
what we do with that life,
is our gift to God"

Höf. óþekktur

Sjá höfundasíðu fyrir ákveðna skilmála og upplýsingar um bloggarann 

Önnur snilld...

Hvaða þjóðir heimsækja þetta blogg?

free counters

Heimsóknir

Flettingar

  • Í dag (28.3.): 1
  • Sl. sólarhring: 8
  • Sl. viku: 18
  • Frá upphafi: 587745

Annað

  • Innlit í dag: 1
  • Innlit sl. viku: 18
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Skoðanna könnun

Á að aðskilja ríki og kirkju?

Innskráning

Ath. Vinsamlegast kveikið á Javascript til að hefja innskráningu.

Hafðu samband