Bænagangan

Íslendingar safnast saman á ári hverju, í hverjum ágúst mánuði til þess að sýna minnihlutahóp stuðning og ganga niður Laugaveginn. Flestir gagnkynhneigðir berja sér á brjóst og monta sig af því að hafa farið í gönguna þeirra án fordóma. Sem er gott og vel og ekkert athugavert við það.

Nú er svo komið að annar "minnihlutahópur" er að fara halda svona göngu líka. Nú verður forvitnilegt að sjá hversu vel mætt verður í þetta, sérstaklega hvort fólk hafi hugreki til þess að sýna kristnum stuðning í verki. 

Ég sem sé skora á ykkur að mæta og fá að upplifa kærleika Krists og taka þátt í þessu þverkirkjulega starfi!

Ég veit að þetta hljómar einkennilega hjá mér að tala á þessa leið, en þetta er því miður staðreynd sem orðinn er að veruleika, og bið ég þess bænar að það lagist vonandi eða skáni með þessu glæsilega framtaki.

Dagskránna er að finna hér

Ég vil samt undirstrika eitt sem kemur fram á ofangreindri slóð. Þar stendur:

Ekki er leyfilegt að dreifa ritum í göngunni.

Áróðursspjöld, kröfuspjöld  eða spjöld sem auglýsa sérstakar kirkjudeildir eru ekki leyfð.  

Þátttakendur eru hvattir til að mæta með ljós í einhverri mynd og fána.

Sem er argasta snilld og kominn tími til að kristnir sameinast undir merkjum Krists og ekki safnaða sinna ! Ég vona að þið sjáið ykkur fært í að mæta í bænagöngunna!

Guð blessi ykkur öll !

Vottar eru EKKI kristnir !

Að minnsta kosti í skilningi flestra ef ekki allra kirkjudeilda.

Afhverju?

1. Þeir telja Jesú vera annan en sá sem hann er, og fullyrða að hann sé Micheal Erkiengill og um leið afneita þrenningunni !
   
   
2. Þeir guðlasta heilögum anda og segja hann ópersónulegan, þeir telja hann vinna eins og rafmagn!
   
   
3. Þeir eru methafar í heimsendaspádómum.
   
   
4. Þeir gefa út eigin rit sem þeir taka fram yfir ritninguna, þ.e.a.s. Varðturninn sem þeir telja málpípu Guðs.
   
   
5. Þeir hafa fórnað þúsundum safnaðarmeðlima sinna vegna ofsatrúar á mannakenningu, það stendur hvergi nokkursstaðar í ritningunni að það megi ekki gefa blóð eða nota blóð úr öðrum. Þeir plokka þetta úr GT sem var LANGT fyrir tíma læknavísindanna.
   
   
6. Blóðið var aðeins heilagt á altari prestanna, því altarið var Guðs og helgidómur hans ríkti yfir því.  Slíkt á ekkert skylt við hvorki nútíma eða fornsamfélag og er þeirra boðskapur hættulegur útúrsnúningur!
   
   
7. Af ávöxtunum skulum við þekkja þá, og hafa Vottarnir mörg líf á samviskunni vegna þessarar heimskulegu blóðgjafarafneitun.
   
   
8. Jesús var staurfestur og ekki krossfestur samkvæmt þeim.
   
   
9. Þeir afneita því Jesús hafi risið upp í holdi, sem er mjög alvarlegt að afneita sökum kraftaverkanna og náðarinnar.
   
   
10. Þeir trúa að aðeins 144.000 komist til himna, og þegar þangað er komið fá þeir ekki einu sinni að hitta Jesú, þann sem dó fyrir syndir þeirra.
    

Hér má lesa um Vottanna og afstöðu þeirra til blóðgjafar.

Þetta eru þeirra eigin orð, smella fyrir heimild:

Watchtower Blood policy in 1961:
“If you have reason to believe that a certain product contains blood or a blood fraction…if the label says that certain tablets contain hemoglobin…this is from blood...a Christian knows, without asking, that he should avoid such a preparation. - The Watchtower 11/01/1961, p. 669

Is it wrong to sustain life by administering a transfusion of blood or plasma or red cells or others of the component parts of the blood? Yes!...the prohibition includes "any blood at all." - Blood, Medicine and the Law of God, 1961, pp. 13, 14  

Ekki hefur mikið breyst síðan 1961. Og sannar þessi frétt það.

Einnig hafa þeir verið að berjast við mannréttindaráð evrópu fyrir undanþágu fyrir blóðgjafaratriðið. Mannréttindaráðið sendi þessa yfirlýsingu frá sér 1998:

"The applicant [Christian Association Jehovah's Witnesses in Bulgaria] undertook with regard to its stance on blood transfusions to draft a statement for inclusion in its statute providing that members should have free choice in the matter for themselves and their children, without any control or sanction on the part of the association."

– European Commission of Human Rights, March 1998.

og hér er erindið þeirra:

Before a person becomes one of Jehovah's Witnesses, the Bible standards are clearly explained. Of course, if someone as a baptized member of Jehovah's Witnesses engages in conduct that falls outside of those Bible standards, efforts are made in a kindly manner to help the erring one recover spiritually. If one refuses such assistance and refuses to uphold Bible standards, including Bible standards regarding the misuse of blood, then this may at times lead to the Scriptural action of disfellowshipping.-1 Corinthians 5:11-13."

– Watchtower letter, August 1998.

Sömuleiðis er þeim skylt að ganga með kort í veskinu um að þeir afneiti allri blóðgjöf:

Ég þvæ hendur mínar af öllu því blóði sem Vottarnir hafa úthelt, og hef ég aldrei talið þá vera kristna og eiga nokkuð skylt við Kristni yfir höfuð. Menn sem afsræma ritningunna eins og þeir telja sig geta gert, t.d. hafa þeir jú eigin biblíu í bandaríkjunum.  Guð blessi ykkur og þakka ég lesturinn.

 

Þáði ekki blóð og lést af barnsförum

Lifandi vatn

Samvera Lifandi vatns verður næstkomandi laugardag frá kl 14:00-17:00 hjá KFUM & K á neðri hæð Holtavegs 28.  Við munum læra kortasaum í umsjón Kristínar Ólafsdóttur og einsog venjulega kenni ég að teikna Manga, Elínóra sér um línudansinn og Tzige og Haili verða með hugvekju.  Kjartan ætlar að bjóða uppá sitt alkunna túnfisksalat og Guðrún og Bryndís lumum örugglega á einhverju gómsætu

En okkur hlakkar til að sjá ykkur sem flest og munið að það kostar ekkert að vera með En ég ítreka það að við verðum á neðri hæð hússins, það er bæði hægt að ganga niður frá aðalhæð eða ganga niður fyrir húsið.

Aftur um Pál og Tímóteus

Fyrra bréf Páls til Tímóteusar er hið tíunda í röð bréfanna í NT, en samkvæmt tímaröð er það hið ellefta. Gagnstætt flestum öðrum bréfum Páls er þetta bréf sent til einstaklings. Það er samt ekki bara einkabréf. Páll skrifar það með tilliti til safnaðar og í umboði postuladómsins. Af því stafar hin óvænta, hátíðlega sjálfskynning úr fyrsta versinu:

Páll postuli Krists Jesú að boði Guðs, frelsara vors og Krists Jesú, vonar vorrar, heilsar Tímóteusi, skilgetnum syni sínum í trúnni.

Við erum því að lesa úr fjórða bréfasafni postulans, sem kallast hirðisbréf eða pastoral bréf, sem auk þessa bréfs eru Síðara Tímóteusarbréfið og Títusarbréfið. Hirðisbréfin fjalla meira eða minna um hæfni og ábyrgð og um ástand safnaðanna yfirleitt.

Það ástand, sem bréfin upplýsa, er ekki hægt að fella inn í það líf Páls sem fram kemur í Postulasögunni og fyrri bréfum hans. Það verður því að álíta, að postulanum hafi verið sleppt úr fangelsinu, sem getið er um í lok Postulasögunnar. (Post. 24:28). Það sýnir, að sannfæringin um að Páll yrði látinn laus, hefur ekki orðið sér til skammar. Hann hafi þá hugsanlega farið ferðina til Spánar, (Róm.15:24-28.), og síðan farið í heimsóknarferðir austur um frá Róm. Þá hafi hann komið við á Krít, þar sem hann skildi Títus eftir til þess að skipuleggja söfnuðinn þar. (Títus 1:5.)

Frá Krít gæti hann hafa farið fyrst til Litlu-Asíu og stoppað í Efesus. Þar hafi hann beðið Tímóteus, (sem sennilega hefur verið leiðsögumaður hans í ferðinni) að verða eftir (sjá síðar). Ef til vill hefur hann líka heimsótt söfnuðina í Lýkus-dalnum (Sjá Fílemonsbréfið 22.v.).

Síðan hefur postulinn farið til Makedóníu og vitanlega heimsótt söfnuðina í Filippí, Þessalóníku og Beröu.

Frá Makedóníu hefur hann síðan farið yfir til Litlu-Asíu og komið í Tróas (2. Tím.4:13.), og síðan stoppað aftur í Efesus, þar sem hann hefur kvatt Tímóteus (2. Tím.1:4.)

Frá Efesus hefur Páll ásamt Trófímusi farið til Míletus, þar sem hann skildi hann eftir veikan, (2:Tím.4:20.).

Síðasta stöðin sem hann hefur líklega komið á, hefur sennilega verið Nikopólis í Epýrus (í Vestur-Grikklandi). Þaðan hefur hann farið aftur yfir til Rómar, þar sem hann hefur aftur verið tekinn til fanga.

Þar höfum við ástæðuna fyrir bréfaskriftunum. Postulinn hefur ekki getað stoppað svo lengi í Efesus, að hann gæti hafa séð fyrir endann á þeirri baráttu. Hann vonar að hann geti komið fljótt aftur, en hann bíður með það, segir hann við Tímóteus, "til þess að hann viti hvernig á að haga sér í Guðs húsi." (3:14.)

Ég þakka lesturinn og minni á bænagönguna 10. nóv. næst komandi.  Sannir hermenn Krists munu mæta í hana. 

Kristnir, sýnum umburðarlyndi !!

Í ljósi þeirra atburða sem hafa átt sér stað í dag, vil ég hvetja trúbræður mína og systur til umburðarlyndis. Sá atburður gerðist jú á prestastefnu þjóðkirkjunnar hafa valið auðveldu pólitísk réttu leiðina, fremur en Guðs orð.

Ég vil því hvetja trúsystkini mín að bíða og sjá Ég minni á að Jesús var sjálfur meðal bersyndugra, og kannski er þetta leiðin sem við getum veitt til tækifæra.

Bíðum og sjáum hvað mun gerast, ég veit að sjálfur hef ég í reiði minni komið með ýmsar yfirlýsingar um bloggheima, og nú seinast hjá Jóni Val. En ég skrifaði það í reiði og var ekki með hugann við efnið, heldur bara hjartað.

Þjóðkirkjan er í eigu þjóðarinnar, sem setur hana í þá leiðu stöðu að geta ekki hafnað vilja safnaðarmeðlima sinna. Sér í lagi þar sem skattarnir flestra okkar borga undir hana.

Tillaga Sr. Karls Sigurbjörnssonar Biskups gekk útá að gera þetta að lagagjörningi og ekki trúarlegi athöfn, prestum hefur því verið veitt umboð til þess að ganga frá lagalegum skyldum hjóna/sambúðarfólks. Það er ekki verið að heita blessun Guðs yfir samkynhneigð, heldur aðeins að fást við formsatriði við fallega athöfn sem allir eiga skilið og rétt á.

Ég vek einnig athygli á að um heimsviðburð er að ræða í trúarsögunni. Íslenska þjóðkirkjan er sú eina sem hefur gengið svona langt til þess að þóknast safnaðarmeðlimum sínum.

Ég veit og skil hvað ritningin segir um þetta, ekki misskilja mig, ég er ekki að segja að við eigum að leggja blessun okkar yfir þetta og láta vaða yfir okkur!! Ég bið samt um umburðarlyndi og sjáum til hvað gerist!

Kristnir menn hafa í ca. tvö þúsund ár og gyðingar þar á undan haldið á lofti þeirri trú sinni um að samkynhneigð sé synd. Enginn ætti því að vera hissa á afstöðu kristinna til þessara mála. En það er greinilegt að pólitísk rétthugsun trompar skoðanir annarra. Allir eiga greinilega að vera steyptir í sama mót, og enginn má hugsa öðruvísi en hinn, allir eiga að vera sömu skoðunar og ef hann/hún dirfist að mótmæla því, þá er hann/hún úthrópaður(uð). Þess vegna fór þetta svona í dag og varð kristindómurinn undir í þeirri barráttu.

Ég veit það tekur á kæru trúsystkini, en sleppum öllum fordæmingum þar til allt kemur í ljós. Guð sagði aldrei að trúargangan yrði auðveld, þetta er bara eitt af þeim fjölmörgu dæmum sem trúaðir þurfa að ganga í gegnum. Það er það eina sem ég bið um er umburðarlyndi og við látum af öllum hamagangi og sleggjudómum.

„Verum meðvituð um að niðurstaða er fengin og gleðjumst yfir því"

Bloggfrí

Farinn í bloggfrí, seinna í dag mun ég læsa blogginu til þess að ég falli ekki í freistni. En mun opna aftur von bráðar. Ég þarf að nálgast Guð enn á ný og endurnýja mig. Ég hef ekki lengur krafta til þess að svara fyrir trúna uppá eigin spýtur, ef ég hef ekki Guð með þá er þetta allt til einskins. Ég er hvort eð er hálf þunglyndur þessa daganna og megið þið alveg biðja fyrir mér.

Guð blessi ykkur á meðan.  

Lækir lifandi vatns ...

Jæja þá minni ég ykkur á það að á laugardaginn næsta þann 20. október hittumst við í starfinu "Lifandi vatn" á Holtavegi 28 í KFUM & K húsinu. Klukkan 14:00-17:00   Að þessu sinni verðum við á neðri hæð hússins.  Nú við ætlum að fá okkur kaffi og með því, og þau sem vilja,  dansa línudans (sem er alveg rosalega skemmtilegur).  Nú við erum að fara á fullt í föndrið og handavinnuna, og auðvitað höldum við áfram með Manga teiknikennsluna.

Lifandi Vatn varð til hér á blogginu þegar að við nokkur sem að bloggum um kristileg málefni ákváðum að hittast og gera eitthvað saman, við leggjum mikið uppúr því að hafa samverurnar í afslöppuðum stíl og bjóðum öllum að taka þátt og hafa börnin  með. 

Það kostar ekkert að koma til okkar og taka þátt, eða bara fá sér kaffi og ætlar Guðrún Sæmunds.  að bjóða uppá gulrótartertuna sína sem er algjört sælgæti ! Kannski kemur Bryndís mín með eitthvað líka, en hún er rosalegur bakari.

Hvað varðar trúarlegu afstöðu okkar þá erum við ekki í neinum sértrúargír og líður afskaplega vel með okkar rólegheita afstöðu, sem byggist á kærleika Jesú Krists.

Þú ert hjartanlega velkomin

Vasaljósið hennar Yoko og plúralisminn

Það er ekki ofsögum sagt að þessi friðarsúla hennar Jóku Ó-nó (eins og vinkona mín benti mér á) sé friðarspillir. Hún vekur upp lægstu hvatir manna og upp kemur "cutthroat" pólitík sem Ísland hefur sjaldan séð. Lennon heitin og Jóka voru helstu talsmenn plúralista vorra tíma. Þeirra hugmyndir um Guð fálust í því að öll trúarbrögð væru með sama Guðinn, sem ég mun aldrei nokkurntíma samþykkja.

En nú hefur Lennon sjálfur vitjað sonar síns, þ.e.a.s. Julians Lennons.
Samkvæmt þessari frétt frá vísi:

Julian, sem vinnur nú að kvikmynd í Ástralíu, ákvað að taka þátt í trúarathöfn með frumbyggjum þar í landi þegar höfðingi frumbyggjanna rétti honum hvíta fjöður sem gerði hinn 44 ára Julian gjörsamlega orðlausan.

Samkvæmt heimildum Daily Express á Lennon að hafa sagt við son sinn að ef eitthvað kæmi fyrir hann ætti hann að leita að hvítri fjöður því hún væri merki um að hann liti eftir honum.

Anna Karen vinkona, hefur ítrekað bent á skaðsemi þessarar ljósastiku með góðum og fræðilegum greinum sínum, án þess að ég lagði saman 2 og 2. Það er eitthvað langur í mér fattarinn þessa daganna, að sjá ekki hvað hún var að benda réttilega á. Eins og ofangreind frétt frá vísi sýnir og sannar, þá er ekki alveg í lagi hjá þessu fólki. Er ekki nóg að fólk trúir því ennþá að Elvis sé á lífi?? Þarf að bæta Lennon í safnið?? Var ekki sagt að Lennon hafi verið "meðal þeirra" þegar kveikt var á fryggðarsúlunni?

Jókó Ónó (ónei) er ekki lengur plúralisti, hún er orðinn spíritisti og það verra hún er búinn að blanda þessu í einn stórann óskiljanlegan graut!

Hugmyndin er stolinn/lánuð - að minnsta kosti ekki ný!

Sem listamanni finnst mér eitt ófyrirgefanlegt (en það er bara ég), það er að stela hugmyndum. Hver man ekki eftir að svona ljós voru tendruð í minningu þeirra sem létust 9/11. Þá voru tvö ljós tendruð á þeim stöðum sem tvíburaturnarnir stóðu áður. Það er auðséð hvaðan hugmyndafræðin er kominn og var þetta ENGAN veginn hugmyndin hennar Jóku. Bara svo það sé á hreinu.

Það fyrsta sem ég lærði í myndlistarskóla var þessi meginregla:

Þú skalt aldrei kópera það sem þú ætlar að skapa. 

Það er sköpunin sem gerir þig að listamanni, því hvaða auli sem er getur kóperað.  

Og er ég þar af leiðandi ekkert sérstaklega hrifinn fyrir mína parta. Auk þess lítur þetta fyrirbæri út eins og geimveruárás. 

Guð blessi Yoko Ónei og hennar fjölskyldu og megi ást Guðs geyma hana.

Guð blessi ykkur og þakka ég lesturinn.

Hver var Tímóteus?

Páll postuli kynnstist Tímóteusi í fyrstu kristniboðsferð sinni. Þá ferðaðist hann með Barnabasi fyrst til Selevkíu og þaðan til eyjarinnar Kýpur, þaðan til Perge í Pamfýlíu og síðan til Antíokkíu og Pisidíu. Þaðan fóru þeir til Íkoníum, Lýstru og Derbe.

Það er álitið, að Tímóteus hafi þá átt heima í Lýstru og þar hafi Páll mætt þessum pilti í fyrsta sinn og líklegt er, að þá hafi pilturinn eignast lifandi trú á Jesú Krist ásamt móður hans og ömmu, sem báðar voru Gyðingar, en faðir hans var grískur og því var drengurinn óumskorinn. Ekkert annað er vitað um föður hans. Hugsanlegt er því, að hann hafi yfirgefið konu og barn.

Móðir hans hét Evnike og amma hans Lóis og voru þær báðar trúaðar Gyðingakonur áður en þær urðu kristnar. Sem Grikki var hann ekki bundinn af hjónabandinu eins og Gyðingar á þessum tímum.

Það er auðséð á fyrstu málsgreininni í Fyrra Tímóteusar- bréfinu, að það er Páll, sem kemur því til leiðar að Tímóteus eignast lifandi trú á Jesú Krist, því hann segir þar:

Páll að vilja Guðs postuli Krists Jesú til að flytja fyrirheitið um lífið í Kristi heilsar Tímóteusi, skilgetnum syni sínum í trúnni. (Tím. 1:1-2)

Í fyrstu kristniboðsferð Páls kemur upp ósætti milli Páls og Barnabasar út af því að ungur frændi Barnabasar, Jóhannes Markús, sem var með þeim í fyrstu kristniboðsferð Páls, yfirgaf þá eða gafst upp. Það var sá Markús sem skrifaði Markúsarguðspjallið og varð tryggur lærisveinn Péturs postula.

Það varð til þess, að Barnabas fór sjálfur í kristniboðsferð með Jóhannesi Markúsi. Um þá ferð vitum við ekkert.

Jóhannes Markús mun hafa komist til trúar fyrir áhrif Péturs postula og líklegt að hann hafi verið skírður af honum hinn fyrsta hvítasunnudag kristninnar.

Markús mun hafa átt heima í húsinu, þar sem Jesús hafði síðustu kvöldmáltíðina með lærisveinum sínum áður en hann fór með þeim út í Getsemane-garðinn kvöldið áður en hann var svikinn, píndur og krossfestur.

En það er í annarri kristniboðsferð sinni með Sílasi, sem Páll kemur aftur til Lýstru. Tímóteus hefur á þessum tíma vaxið og þroskast undir handarjaðri trúaðrar móður sinnar og ömmu.

Bræðurnir í Lýstru gáfu honum góð meðmæli. Í 16, kapítula í Postulasögunni er fyrst sagt frá Tímóteusi:   

Hann (Páll) kom til Lýstru. Þar var lærisveinn nokkur, Tímóteus að nafni, sonur trúaðrar konu af Gyðinga ætt, en faðir hans var grískur. Bræðurnir í Lýstru og Íkoníum báru honum gott orð. Páll vildi hafa hann með sér og umskar hann sökum Gyðinga, því að allir vissu þeir, að faðir hans var grískur. (Post. 16:1-3)

Í þessari kristniboðsferð fékk Páll köllun frá Guði um að fara yfir til Makedóníu og Grikklands í Evrópu með fagnaðarerindið. Páll var þá staddur í Tróas í Litlu-Asíu.

Um nóttina birtist Páli sýn: Maður nokkur makedónskur stóð hjá honum og bað hann: 'Kom yfir til Makedóníu og hjálpa oss!' (Post. 16-19)

Páll hlýddi þessari köllun og fór yfir til Evrópu og stofnaði þar sinn fyrsta söfnuð í borginni Filippí í Makedóníu. Þá hefur verið gott að hafa Tímóteus með, því hann hefur sjálfsagt talað grísku eins og Páll, en það var mál innfæddra á þessum slóðum. Ég vona að þetta varpi ljósi á hver þessi Tímóteus var.

Guð blessi ykkur og þakka ég lesturinn. 

(Heimild:Háskóla biblían á netinu - NIV biblían, sögulegar frásagnir sem og nöfn; eru fengnar frá henni) 

En hvar er þá bikinið hennar Evu?

Ég er nokkuð viss um að Eva hafi verið doldið pirruð eftir að hún og Adam voru rekinn úr aldingarðinum. Því er ég nokkuð viss um að hún hafi haft uppi á snáknum, drepið hann og slægt og gert að lokum bikinni úr hreistrinu!

 

Fíkjulauf í ofurstærð huldi nekt Davíðs