Höldum friðinn!

Þótt ég styðji hverskyns mótmæli þá er þetta ekki rétta leiðin, menn verða að læra að anda með nefinu og beita diplómatíksum leiðum fremur en svona brjálæði!

Það er mín bæn að minnsta kosti. 

Mótmælin virtust stjórnlaus

Hættulegt - en fyrir hvern?

Ég hef leiðrétt þessa frétt vegna þess að ég hafði ekki fengið réttar upplýsingar um stöðu mála, hér er það sem RAUNVERULEGA fór fram:

 

Hver dæmi fyrir sig! 

Bílstjórar „taka hvíldartíma"

Nafnleysingjar bloggsins ... eru þeir huglausir?

Í ljósi þess að DoctorE var hafður að umtalsefni í Íslandi í dag nú undir kvöld, vildi ég velta eftirfarandi spurningum upp.

1. Er allt í lagi að menn komi fram undir nafnleynd, og í skjóli þess ausa hvaða svívirðingum sem er yfir allt og alla?
   
2. Myndu þessir sömu menn vera jafn hugrakir undir eigin nafni og jafnvel með mynd?

Ég get þó borið virðingu fyrir þeim sem eru mér og öðrum ósammála að sýna það hugreki að koma fram undir nafni. Ég tek fram að ekki allir nafnleysingjar eru svona og eru margir þeirra hreint frábærir, þess vegna leyfi ég athugasemdir frá þeim, og verður ekki breyting á því í bráð. En þetta eru bara vangaveltur þar sem Dokksi leyfir sér að segja í umræddri færslu sinni:

Svavar hlýtur að teljast einn lélegasti prestur íslandssögunnar, það er hreint viðbjóðslegt að lesa helgislepjuna hjá honum sem hann er að baxla við að setja í einhverja heimspekilega mynd en mistekst hrapalega, það er ekki vottur af heimspeki í neinu sem hann skrifar, þetta er allt eitthvað torfkofakrot með helgislepju ívafi, hann fær borgað fyrir að ljúga í mig og þig.
Ég ætla samt að þakka honum því allur hans málflutningur er ekkert nema nagli í kistu þjóðkirkju og lygasögunnar miklu

Það  er reyndar rétt hjá honum að bænin er örvænting, hún er uppgjöf, hún er fáfræði, hún er samnefnari fyrir allt það slæma sem til er... hún er lygi en hann selur þér hana samt
Bara hann einn er lýsandi yfir þá hættu sem skapast ef hans líkar fá aðgang að börnum í grunnskólum... þá hörmung er ekki hægt að hugsa til enda
Væmnin í honum ef þið viljið ÆLA.

Sér virkilega enginn hræsnina í þessu? Þarna nafngreinir hann einstakling og bókstaflega blammerar hann! Blogginu hans Skúla var lokað (sem hafði þó dug og þor að koma undir eigin nafni), en svona gaurar fá að vera óáreittir sem gera oft margar færslur á dag að kalla trúarbrögð og þeim sem þeim tengjast heimsk, þar á meðal menn eins og mig.

Eru menn þá virkilega stoltir af svona orðum bak við nafnleyndina? Og myndu þeir láta svona útúr sér undir eigin nafni ... eða hvað? Myndum vera betur sett ef nafnleysi væri bannað? Nei ég bara veit það ekki ... hvað finnst ykkur?

Til fyrirmyndar! Lærum af norðmönnum!

Gott hjá nossörunum! Svona á að koma í veg fyrir misnotkun, ofbeldi og framsal á konum! En auðvitað eru íslendingar samþykkir svona löguðu, í þessu innilega pólitískt rétta samfélagi sem er hér á fróni vilja allir hugsa um sjálfskapað "frelsi" í svona málum.

Ég get ekki betur séð en þetta frelsi felist einungis í greddu einstaka karlmanna, það versta er hvað þessir einstöku karlmenn eru skelfilega háværir!

Líkami kvenna er að mínu mati meistarastykki drottins, slíka fegurð á ekki að fela og er ég ekki að mæla með slíku, en þegar þetta snýst aðeins um losta og greddu, þá set ég stólinn fyrir dyrnar.

Þessi nýja vændislöggjöf finnst mér jafn heimskuleg og það að kalla: "stripp" nafninu "listdans" ... fyrr má nú vera háfleygu orðin sem notað er um hreina greddu! Sheeeeesh ... köllum þetta bara réttum nöfnum!

Ef við höldum ekki vörð um frelsið, hvar endum við þá? Viljum við virkilega vera kölluð "Sódóma" og "Gómerra" norðursins eins margir gera í útlöndum? Er það mannorðið sem íslendingar vilja eignast? Verði ykkur að góðu þið sem styðjið þessa arfaheimsku vændislöggjöf!

Kaup á kynlífsþjónustu gerð refsiverð í Noregi

Ritskoðun moggabloggsins

Í landi skoðana frelsis og endalausrar umbyrðarlyndis er valinn leið sem ég tel vera vítaverða árás á skoðana frelsi og tjáningu. Menn setja upp reglur, boð og bönn, af hverju er þá ekki farið eftir þeim?

Í skilmálum moggabloggsins stendur:

Notandi samþykkir að miðla ekki ólöglegu efni, áreiti, hótunum, særandi skrifum eða nokkru öðru sem getur valdið skaða. Morgunblaðið áskilur sér rétt til að grípa inn í, bregðist notandi ekki við óskum eða tilmælum um leiðréttingar/lagfæringar á skrifum sem teljast meiðandi eða brjóta gegn skilmálum þessum. Jafnframt áskilur Morgunblaðið sér rétt til að loka síðu notanda, að hluta til eða í heild, án þess að notandi eða þriðji aðili öðlist skaðabótarétt.

Gott og vel, ég get vel tekið undir þessa skilmála og verið 100% sammála þeim. En eiga þessir skilmálar bara við um ákveðnar skoðanir? Af hverju er það þá þannig að bara vissir aðilar mega gera kannski 15 færslur á dag og tala niður til trú annarra? Það er greinilega ekki sama hvað viðfangsefnið er og hver það er sem skrifar.

Bloggsíðu Skúla Skúlasonar var lokað í gær, hann var afar umdeildur vegna þessara þýðinga sinna á greinum sem hann vísaði til. (P.s. ég geri mér sjálfur fulla grein fyrir Íslamistum (Öfgahópnum) og venjulegum hófsömum múslimum og eru þeir ekki undir sama hatt. Bara svo það sé á hreinu.)

En þessi málflutningur minn snýst ekki um Íslam, heldur duttlungasemi moggamanna. 

Á Íslandi á að vera svokallað "Málfrelsi", en er það fótum troðið þegar menn með ákveðnar skoðanir eru þaggaðar niður, og eru einhliða þaggaðir niður því eigi má gagnrýna ákveðnar stefnur sem hafa greinilega meira friðhelgi en aðrar. Á meðan er öðrum leyft að komast upp með hvað sem er.

Öll höfum við rétt á okkar skoðun þótt hún virðist vitlaus fyrir öðrum, kúgun og hótannir eru ekki rétta leiðin að mínu mati.

Þetta heitir einu orði HRÆSNI ! 

Ég horfi uppá menn á hverjum einasta degi tala gegn kristni og öðrum trúarbrögðum en Íslam. Ekki er hróflað við því fólki þótt kvartað sé. Enn og aftur HRÆSNI!

Ritað er:

Markúsarguðspjall 3:24-25

24 Verði ríki sjálfu sér sundurþykkt, fær það ríki eigi staðist,
25 og verði heimili sjálfu sér sundurþykkt, fær það heimili eigi staðist. 

Ofangreint vers finnst mér sannarlega eiga við ritstjórn mbl bloggsins. 

Eitt á að ganga yfir alla, og skil ég ekki afhverju moggamenn fara ekki eftir sínum eigin skilmálum. Og snýst um að virða lýðræðislegar skoðannir annara, sem enginn þarf að vera sammála en rétturinn er þó ætíð til staðar. Þetta hefur verið virt að vettugi.

Reynum að virða rétt annarra til þess að tjá sig, og ræða hlutina án þess að beita kúgun og þagnarrefsingum. 

P.s. ef þessi síða er lokuð á morgun, vitið þið hvað hefur gerst.

Góðar stundir. 

 

Hef aldrei séð annað eins! Og bið þess bænar að hann læknist!

Ég bið þess bænar að Guð lækni þennan vesalings mann af þessum skelfilega sjúkdómi! En ég hef aldrei nokkurn tíma augum litið jafn reyfarakenndan sjúkdóm eins og hann er með. Því hann fékk viðurnefnið "trjámaðurinn" með rentu.

„Trjámaðurinn" á batavegi

KEÐJUstund ....

Linda skoraði á að seinasta grein mín hér yrði að einskonar "keðjubloggi".

Hver hefur hugrekki til þess að verða við því? Og snýst þetta jú allt saman um bensínverð!

„Kyrrðarstund" við Alþingi

Mótmælum (en á annan máta en að lama samfélagið) !!!

Vörubílstjórar eiga allan minn stuðning, og styð ég þeirra barrátta heilshugar. En til eru aðrar leiðir en lama samfélagið á þann sem sem þeir gerðu um daginn. Sú aðgerð heitir "boycott" uppá enskuna og langar mig að bera upp eftirfarandi hugmynd upp fyrir ykkur (sem er ekki ný af nálinni):

• Hættum að versla alla munaðarvöru við olíufélögin, ekki getum við hætt að versla bensín því aðra hluti er hægt að kaupa annarsstaðar og meira að segja ódýrari.
  
• Hættum að nota þjónustu olíufélaganna og dælum sjálf.

Ég er ekki að tala um að halda þessu lengi til streitu, heldur bara í nokkra daga til þess að leyfa þeim að finna fyrir því.

Svona getum við knúið einhverju fram og verður tap hjá Olíu félögunum, hvað finnst ykkur?

Eldsneyti hækkar í verði

Sorglegt ...

En svona er þessi mikli menningarmismunur, það stendur jú í fréttinni:

Í Jemen er enginn löglegur lágmarksaldur fyrir hjónaband, og sagði lögfræðingur stúlkunnar að hennar mál væri ekki einsdæmi.

Þetta segir talsvert um þann mikla múr sem er á milli þessara menningarheima. Linda er með stórgóða umfjöllun um þetta mál á sinni síðu. Einnig má lesa um þetta mál hér af tengli sem er á síðu Lindu. 

Ég bið fólk um að skoða þetta vel og mynda sína eigin skoðun á þessu öllu saman. 

Átta ára stúlku veittur lögskilnaður

Þetta verður að leysa!

Áður en það kostar mannslíf! En kemur samt ekki á óvart miðað við núverandi ástand hjá stjónvöldum, öllu er lofað en EKKERT er gert. Af hverju kjósa 40 og eitthvað prósent þjóðarinnar alltaf sömu vitleysinganna? Ég bara skil það ekki!

Skilur enginn hvað það er óhollt fyrir sama flokk alltaf við völd? Skilur enginn hvernig raunverulegt lýðræði virkar? Þessum mönnum á að gefa gott frí og koma þeim í stjórnarandstöðu, og það sem allra fyrst!

Algjör pattstaða – engir fundir og uppsagnir standa