Minnumst þess hvað FLokkurinn gerði fyrir okkur ...

Myndir segja stundum meira en þúsund orð. Sú fyrsta er úr kosningunum fyrir hrun:

Þessi "trausta efnahagsstjórn" hefur skilað okkur hverju?

 

Hér er svo lógóið sem ég hannaði rétt fyrir kosningar, eftir að hafa heyrt Guðlaug Þór afsaka sig. Ég minni á að þeir eru ekki ennþá búnir að skila/endurgreiða umrædda styrki/mútur sem þeir fengu. Bjarni Ben sagði að það yrði gengið frá því rétt eftir kosningar, síðan hefur ekkert heyrst úr herbúðum þeirra. Þeir vilja sjálfsagt fara 2007 leiðina og þegja þetta í hel, eins og hefur tíðkast hjá Íslenskum stjórnmálamönnum í áratugi!

Ég vona bara að fólk átti sig á því að grasið er ekki alltaf grænna hinu megin. Munið þið þá ekki hver það sem upphaflega samdi um Icesave? Hefði sá þrælasamningur gengið eftir þá væri þjóð okkar líklega orðinn breks/hollensk nýlenda? Nei ég bara spyr!

Nei, gleymum ekki hverjum var bolað burt með pottum og pönnum á Austurvelli, núverandi ríkisstjórn er slæm - en sjálfgræðismenn þurfa mun lengra frí.

Það er ennþá fullt af kúlulánafólki innan þeirra raða, og á meðan flokkur þessi stendur vörð um stærsta mannréttindabroti sem komið hefur fyrir landsmenn, þ.e.a.s. kvótakerfið, þjónar hann engum nema framapoturum hjá sjálfum sér, og hyglar aðeins eigin flokksmönnum með gjafakvóta. Sem heitir eiginhagsmunagæsla og græðgi!

Ég veit að ég er ferlegur hræsnari að birta þessa grein og predika svo um betri samskipti milli manna. En staðreyndirnar tala sínu máli, og má valdagræðgi Sjálfgræðismanna ekki aftur ná tökum á Íslenskri þjóð, nógu mikið erum við búinn að vinna á daginn og grilla á kvöldin, sá tími er liðinn, og kominn tími á hugarfarsbreytingu.

Ég bið ykkur kæru landsmenn, að hugsa ykkur betur um!

Sjálfstæðisflokkurinn eykur fylgi sitt verulega

Barrátta Ólafs F. gegn mútuþægni verður að halda áfram!

Ég er búinn að fá nóg af gerspilltum lýðræðislegum kjörnum fulltrúum sem eiga að heita að stjórna þessu landi, og þess vegna styð ég Ólaf heilshugar í hans góðu barráttu gegn spillingu og afneita honum ekki eins og fyrrverandi félagar mínir úr F-listanum. 

Mér gæti ekki verið meira sama hvaða bókstafur er við hann kenndan, en barráttu hans styð ég heilshugar, hvort sem það heitir F eða óháður, ég hef hvort sem er litið á hann sem óháðan síðan hann klauf sig frá F-listanum! 

Svona menn er nauðsynlegir til þess að halda aftur af því fólki sem hefur misnotað aðstöðu sína, og er það einmitt hans hlutverk að benda á kýlin þegar þau skjóta upp sínum ljóta kolli. Og hvet ég Ólaf heilshugar að halda ótrauður áfram í því góða starfi sem hann hefur verið að sinna, þótt að það fari fyrir brjóstið á mörgum borgarfulltrúanum.

Helga Guðrún Eiríksdóttir, sem stýrir stuðningsmannasíðu forseta Íslands, hefur nú opnað nýja baráttusíðu til stuðnings Ólafi F Magnússyni geng mútuþegum.

Lengi lifi réttlætið og burt með spillinguna!

Afneita Ólafi F. Magnússyni

Gleðilega hátíð!

Í dag minnumst við fæðingu frelsarans, og vil ég óska öllum því góða fólki sem ég hef kynnst hér um netheima gleðilegra jóla.

Mikið er ég feginn að ég forsjáll og  var búinn að sjá um jólagjafainnkaup fyrir Þorláksmessu og laus við allar biðraðir og tilheyrandi geðveiki. Við hjónin kaupum nefnilega yfirleitt jólagjafir yfir allt árið, sér í lagi þegar góð tilboð eru, þá grípum við gæsina!

Þessi ráðstöfun hefur sparað okkur stórfé, en auðvitað situr eitt og eitt eftir, og slíkt gerum við sem betur sjaldnast á seinustu stundu! 

Annað var það nú ekki, en jú auðvitað: munum eftir þeim sem minna mega sín yfir hátíðarnar.

Guð blessi ykkur og geymi yfir hátíðarnar! 

Jólastemning í miðbænum

Lofsvert framtak Eyjunnar.is

Ég tek ofan fyrir starfsmönnum eyjunnar að boða til þessa fundar. Það þýðir greinilega ekki að bíða eftir svari frá forseta vorum um hvort "gjá sé kominn á milli þings og þjóðar", þrátt fyrir að fleiri undirskriftir hafi safnast á InDefence en árið 2004, þegar Ólafur synjaði lögunum um fjölmiðla árið 2004.

Hans eigin orð eru þessi:

10. Það verður best gert með því að þjóðin fái í hendur þann rétt sem henni er veittur í stjórnarskrá lýðveldisins og meti lagafrumvarpið í þjóðaratkvæðagreiðslu.

11. Ég hef því ákveðið í samræmi við 26. grein stjórnarskrárinnar að staðfesta ekki lagafrumvarp um breytingu á útvarpslögum og samkeppnislögum og vísa því á þann hátt í dóm þjóðarinnar. Samkvæmt stjórnarskránni skal sú þjóðaratkvæðagreiðsla fara fram „svo fljótt sem kostur er."

12. Í ákvörðun minni felst hvorki gagnrýni á Alþingi né á ríkisstjórn og ekki heldur efnisleg afstaða til laganna sjálfra. Eingöngu sú niðurstaða að farsælast sé fyrir okkur Íslendinga að þjóðin fái tækifæri til að kveða upp sinn dóm. Við búum að stjórnskipan, þar sem forseti Íslands og aðrir kjörnir fulltrúar sækja vald sitt og umboð til hennar. Þjóðin hefur samkvæmt stjórnarskránni síðasta orðið.

Ef forsetinn bregst, þá verða menn að gera eitthvað. Þess vegna er framtak eyjunnar.is lofsvert!

Góðar stundir.

Boða rafræna þjóðarkosningu um Icesave

Guði sé lof !

Ég segi ekki meir!

Drengurinn fannst á lífi

Níðingsverk!

Reiði sem þessi er aldrei góð, og uppsker aðeins illvirki sem þessi atburður er. Skemmdarverk á eigum annarra er álíka tilgangslaus, bíðum frekar eftir dómsstólum að taka á þessum fjárglæframönnum, það tekur tíma en þolinmæði er stundum afskaplega góð dyggð. 

Ritað er:

Efesusbréfið 4:26
Ef þið reiðist þá syndgið ekki. Sólin má ekki setjast yfir reiði ykkar.

Reiðin er hryssa sem er erfitt að temja, og betra er að sýna þá þolinmæði sem til þarf við tamningu hennar. Því mikill er munurinn á réttlátri reiði og heift, það er einmitt heiftin sem forðast skal.

Og áfram í sama bréfi:

Efesusbréfið 4:31-32
31 Látið hvers konar beiskju, ofsa, reiði, hávaða og lastmæli vera fjarlægt ykkur og alla mannvonsku yfirleitt. 32 Verið góðviljuð hvert við annað, miskunnsöm, fús til að fyrirgefa hvert öðru eins og Guð hefur í Kristi fyrirgefið ykkur.

Við verðum að hugsa um afleiðingar gjörða okkar, og vissulega skil ég að fólk sé reitt, en Rannveig Rist hefur ekkert gert af sér, allavega að ég viti til. Nema það sé verið að refsa þeim sem eiga eitthvert fé á milli handanna, og er það nær nornaveiðum en nokkru öðru. Því ekki eru allir auðmenn óheiðarlegir, og sumt af því fólki hefur eignast það sem það á með heiðarlegum hætti.

Eða eru Greenpeace, Saving Iceland og Hells Angels komiir í eina sæng? Á að refsa þessari konu fyrir umhverfisspjöll sem þegar er búið að fremja? Á að refsa henni fyrir að stjórna fyrirtæki sem skapar nokkur hundruð störf? Ég skil bara ekki hugsunarháttinn hjá þessu liði!

Lifum í friði og látum dómstóla um refsa þeim sem frömdu þau efnahagslegu voðaverk, til þess eru dómstólar!

 

Fékk sýru í andlitið

Flottur Ögmundur!

Skilaboðin sem þú sendir eru skýr, hann vill ekki skuldsetja Íslendinga langt fram í tímann með Icesave. Ég tek ofan fyrir þér Ögmundur, og tel þig mann meiri og mann sem er trúr hugsjón þinni ofar þeirri valdagræðgi sem virðist einkenna flokksfélaga þína þessa daganna. Sem segja vinstri stjórn sama hvað bjátar á og sama hvað það kostar, hvort sem það heitir ESB eða Icesave.

Ég sé nú að það er þá von fyrir okkur, og ef svo fer sem horfir þá verður sennilega kominn á þjóðstjórn innan nokkra daga eða vikna, sem er sennilega sú leið við áttum að fara í upphafi.

 

Ögmundur segir af sér

Fólk flýr blog.is - Opið bréf til ritstjórnar blog.is

Ég er með marga bloggvini, og það eru að hrúgast inn skilaboð í einkaskilaboðakerfinu frá fólki sem ætlar að yfirgefa blog.is í mótmælaskyni við ráðningu Davíðs Oddssonar sem ritstjóra morgunblaðsins. Einstakir, sem þó eru færri fagna svo ráðningu Davíðs en eru þeir í miklum minnihluta.

Mín spurning er því sú, og beini ég henni að ritstjórn blog.is:

1. Hefur einhver breytt ritstjórnarstefna blog.is verið rædd með tilkomu nýs ritstjóra Morgunblaðsins?
2. Verður einhver niðurskurður á þjónustu blog.is eða getum við andað rólega?
3. Því Gróa á leiti er dugleg kerling og margir hafa jafnvel rætt að ætti að loka blog.is endanlega?

Stórt er spurt, og vænti ég svara frá ykkur kæra ritstjórn og bið ég ykkur um að gera athugasemdir fyrir allra augu svo að fólk geti andað léttar.

Ég á ekki orð!

 

Davíð og Haraldur ritstjórar

Mín dýpsta samúð til starfsmanna Morgunblaðsins

Ég votta þeim starfsmönnum sem misst hafa vinnu sína í dag, mínar dýpstu samúðarkveðjur - því ég af öllum veit hvað það er að lenda í svona og tekur þetta verulega á mann andlega. Ég bið fyrir ykkur og fjölskyldum ykkar og vandamönnum.

Eina spurningarmerkið sem ég set við þetta er að Agnes Bragadóttir kórstýra Davíðs, situr áfram í sínu starfi á meðan Þóra Kristín Ásgeirsdóttir vinstrisleggja og formaður Blaðamannafélags Íslands er sagt upp?? Það er óþefur af því, það er greinilegt að hreinsa þurfti til áður en Davíð konungur mætir til starfa.

Uppsagnir hjá Árvakri