Gangi þér vel Eiríkur !

Eiríkur Hauksson* er kominn í víking. Ég verð á skeljunum í kvöld og bið fyrir velgengni hans fyrir hönd Íslendinga ! Ég hvet alla til þess að gera slíkt hið sama !

 

*(Að vera Hauksson gæti ekki verið betra, þetta er með fallegri nöfnum í íslenskri tungu) 

Íslenski Eurovision-hópurinn tilbúinn í slaginn

Frá grárri forneskju !

Krumpudýrið Sir Cliff Richards er e-ð svekktur útí íslendinga þessa daganna. Ég skil það svo sem ósköð vel, meira að ódönnuð fréttakona kastljós kallaði Cliffa elliært gamalmenni fyrir framan alþjóð!

hehehehe ... hvers á hann að gjalda eiginlega? Hann kemur pottþétt ekki aftur til Íslands!

Cliff hefur skemmt í fjórar aldir!

Konan mín er kominn aftur á kreik

Prófin eru loks á enda og yndisleg eiginkona mín er farinn að blogga á ný!

Endilega skoðið bloggið hennar, hún er guðfræðinemi og hefur margt til málanna að leggja.

Þessi auglýsing var skyrkt af eiginmanni hennar sem leggur til allan kostnað við gerð hennar.  :-D

Það vantar Framsókn á þennan lista

Þetta er afar gott framtak, verst er að þetta er í Leifssöð og ég þarf að kaupa mér miða til útlanda ef ég ætla að sjá e-ð af henni.

En ég skora á Jónínu að bæta Framsókn við í listann í "dýr í útrýmngarhættu"!

Dýr og plöntur í útrýmingarhættu sýnd í Leifsstöð

Önnur kosningarbrella Framsóknar!

Kvöldið eftir að hart var deilt á Framsókn og sjallanna fyrir einmitt þetta að friðlýsa ekki mörg landssvæði, þá kemur þetta daginn eftir. Þökk sé frambjóðanda Íslandshreyfingarinnar sem vakti athygli á þessu. Þetta var á rúv í gærkvöldi. Umhvefisráðherra er framsóknarkona, Jónína Bjartmarz að nafni og lætur hún loksins til sín taka 3 dögum fyrir kosningar. *andvarp*

Örfáum dögum áður gerir Siv Friðleifs slíkt hið sama, hún kemur á ókeypis tannlækna skoðun fyrir börn, 5 dögum fyrir kosningar. Sér enginn mynstrið í þessu annar en ég? Eigum við að láta múta okkur með örfáum brauðmolum rétt fyrir kosningar?!?

Nei, og aftur NEI! Þeir haf 12 ár til þess að hafa árhrif, það bara gengur ekki að þegar 3 dagar eru til kosninga þá reyna þau að bæta úr örfáum misgjörðum. Þetta er eins og að rétta hungruðu barni eina kleinu !!!

Jörðin Hraun í Öxnadal friðlýst

Uppskeran er mikil !

Matteusarguðspjall 9:37-38
37 Þá sagði hann við lærisveina sína: ,,Uppskeran er mikil, en verkamenn fáir.
38  Biðjið því herra uppskerunnar að senda verkamenn til uppskeru sinnar."

Uppskeran er mikil því Jésús vill eiga alla. Hann kom til að verða frelsari allra og hann dó fyrir alla. Þegar hann sendi lærisveina sína útí heiminn fékk hann þeim það hlutverk að gera allar þjóðir að lærsveinum hans.

Mjög fer fjarri því að þessu verki sé lokið. Við erum allt of fáliðuð miðað við hið háleita takmark.

Þannig er nú málum háttað. Hið mikla verkefni vex okkur í augum. Stundum verðum við döpur þegar við hugsum um eigin getu og hæfileika.

En hvað máttu lærisveinarnir halda þegar Jésús fól þeim hlutverkið? Varla hefur það verið auðveldara þá en núna!

“Biðjið því herra uppskerunnar” sagði Jésús. Þar er leiðin sem hann bendir á, leið bænarinnar. Hann sem almáttugur Guð á himnum hefur viljað stjórna heiminum þannig að hann tekur bænir trúaðra manna til greina, þær eru liður í stjórn hans.

Bænin hefur opnað margar dyr. Biðjum þess að svo verði enn.

“Biðjið því herra uppskerunnar að senda verkamenn til uppskeru sinnar” sagði Jésús.

Já, um það eigum við að biðja. Við þurfum fólk sem vill leggja allt í sölurnar og fara þangað sem Guð sendir það. Við þörfnumst trúaðra karla og kvenna sem rífa ekki seglin þótt móti blási – vegna þess að þau hafa fengið skipun frá almáttugum Guði.

Við þörfnumst slíks fólks. Og tökum vel eftir: Við þurfum fólk sem Guð hefur sent, konur og karla sem hafa lært að þekkja Jésú í trúnni og lifa með honum í bæn og í trú.

Þú sem trúir á Jésú skalt fá að vera í hópi þeirra!!

Af náð hans og miskunn ég útvalinn er,
nú er ég hans frelsaða barn.
Hann sleppir mér ekki, hann áfram mig ber
Um eyðimörk lífsins og hjarn.
(Nils Frykman – Sigurbjörn Sveinsson) 

Ég studdist við: Daglegt Brauð - eftir Carl Fr. Wislöff við þessa grein.

Spiderman 3 - ****1/2 stjarna! :)

Ég hafði mig loksins í það að sjá Spiderman 3 í gærkvöldi. Ég var afar ánægður að sýningu lokinni, eina sem er myndinni virkilega til vamsa er ameríska væmnin ... úfff ... alveg fer það í mínar fínustu þegar hasarmyndir verða skyndilega að vælu myndum.

En kaninn er með lögmál um að allir bílar þeirra springa og einhver verður að væla í hverri mynd. Þetta er hið brenglaða lögmál Hollwood.

En Spiderman 3 kom skemmtilega á óvart fyrir forfallinn teiknimyndaaðdáanda eins og mig. Þeir héldu sig við upprunalegu Marvel sögurnar og skiluðu fínum hasar á tjaldið! Fær því 4 og hálfa stjörn með -1/2 fyrir væmnina.

Bann við kannanir !

Mér finnst að ætti að banna kannanir svona rétt fyrir kosningar, því að þær eru allt of skoðannamyndandi. Þeir sem nenna ekki að kynna sér málin fylgja yfirleitt þeim sem eru vinsælastir, sem er sjálfstæðisflokkurinn, ég held að þorri atkvæða þeirra sé einmitt vegna áhugaleysis á pólitík. Fólk kýs íhaldið af gömlum vana eða afþví pabbi, mamma, afi eða amma gerðu það.

Kynnið ykkur málin og látið hjartað ráða þegar kemur að kjörborðinu! Ekki láta endalausar kannanir hafa áhrif á skoðannir ykkar!

Hverja vilt þú styðja á kjördag?

Ríkisstjórnin fallin samkvæmt nýrri skoðanakönnun

List eða skemmdarverk?

Nú verð ég að viðurkenna uppá mig sökina. Ég var einn af þessum sem kom í blöðunum á sínum tíma vegna veggjakrota, þetta voru bernskubrek á mínum ungdómsárum. Ég reyndar verð að segja að með tímanum hefur þetta meira snúist uppí að hafa nógu flott "signature" frekar en list. Þegar ég var að hreinsa "verkin" mín af veggjum Breiðholtsins að skipun löggunar, hafði ég þó þann metnað að hafa þetta listrænna en er í dag. Nú eru bara óskiljanlegar slaufur og rugl sem enginn skilur nema höfundur. Veggja krot getur verið mjög fallegt ef rétt er að staðið!

En ég veit að flestir eru ósammála mér í þessu, en ég er bara aula listamaður sem gerði mína uppreisn á sínum tíma.

Eitt sem ég vil taka fram, ég er ekki að leggja blessun mína á skemmdarverk, ég er aðeins að lýsa þessu í gegnum augu listamanns, og vil engum að fá svona á húsið hjá sér. Ég því miður enga töfralausn á þessu vandamáli, önnur en að leyfa þetta á afmörkuðum stöðum, sem leysir ekki vandann en minnkar hann kannski. Auðvitað er þetta skemmdarverk þegar ráðist er á falleg hús og bíla, en það sem ég er að gagnrýna er skortur á listrænum tilburði og finnst flest ljótt sem krotað er á veggi borgarinnar.

Staðnir að verki við veggjakrot

Framsóknarmenn alla flokka, EKKI sameinast, farið til vinstri!

Sú staðreynd að sjálfgræðisflokkurinn hefur alltaf mælst með of mikið fylgi og framsókn með of lítið fylgi, blasir við!! Hættan er sú að framsókn hafi betur ef gefið er undan að hálfu vinstri manna, það á ALDREI að vanmeta kosningavél framsóknar!! Ég skora á alla vinstrimenn að taka hendur uppúr vösum og vekja athygli á stefnum sínum! Svona bara má ekki 3 dögum fyrir kosningar!!

Ég verð sjálfur að viðurkenna að ég hef verið á báðum áttum með hvað kjósa skal í vor, valið er á milli Samfylkingar, Vinstri-grænna, Íslandshreyfingarinnar og frjálslyndra. Ég hef sjáfur bara ekki gert upp hug minn ... geti þið bent mér á einhverja hluti sem geta mögulega hjálpað mér að komast að niðurstöðu? Ég lýsa hér með eftir hjálp í þessu ...
Og tek fram að framsókn og sjálfgræðisflokkur koma ekki til greina!!

Fylgi Framsóknarflokksins tekur stökk