Nei vá!

Er þessi flokkur en á lífi!?!

Frjálslyndir hafa áhyggjur af málefnum lögreglunnar

Athugasemdir

[Aðalbjörn Leifsson, 25.8.2009 kl. 17:18]

Þetta er sennilega uppvakningur sem á endanum mun fremja Hara-kiri, öllum til gleði.......... (grín)

[Guðsteinn Haukur Barkarson, 25.8.2009 kl. 17:24]

?

[Ásdís Sigurðardóttir, 25.8.2009 kl. 17:47]

Ég hélt ekki.

[Ásthildur Cesil Þórðardóttir, 25.8.2009 kl. 18:03]

Veistu þetta er nákvæmlega það sem háir íslenskri pólitík.  Að reyna að leggja stein í götu fólks sem vill breyta þjóðfélaginu fólk sem hefur af hugsjón lagt mikið í sölurnar, gert besta málefnasamning sem stjórnmálaflokkar eiga.  Ég sé þetta nefnilega svo fjandi vel hvernig lasaarusar íslands reyna núna að hæða og rakka niður Borgarahreyfinguna, nota allt sem til fellur til að niðurlægja og eyðileggja fyrir þeim.  þetta er nákvæmlega það sem við höfum þurft að glíma við.  Og það sem særir mest núna er að Guðsmaðurinn Guðstein Haukur er sá sem heggur.   Maður sem er einn af þeim sem prédikar og vill halda fram að Kristnidómur sé svo réttlátur og umburðarlyndur, og elskandi út og suður.  Sumt fólk getur ekki sært mann, en einmitt það fólk sem maður metur mikils og telur að hafi réttlætið að vopni særir mann mest.  Og það hefur þú gert með þessu innleggi Guðsteinn minn.  Og þú hefur ef til vill ekki þekkt kjarnan í frjálslynda flokknum eins vel og ég, og þá hugsjón sem forsvarsmenn þar standa fyrir, rétt eins og nú er búið að umsnúa góðu fólki í Borgarahreyfingunni og gera þau að óvættum, þá er augljóst að nýtt Ísland mun ekki rísa fyrr en fólk gerir sér grein fyrir að það þarf að hlú að NÝJUM FRAMBOÐUM OG FÓLKI SEM VILL BREYTA. Þannig er það bara minn kæri.

[Óskar Helgi Helgason (IP-tala skráð) 25.8.2009 kl. 18:11]

Heil og sæl; Guðsteinn - sem og, þið önnur, hér á síðu !

Aðalbjörn og Guðsteinn !

Hæðni ykkar; hittir ykkur sjálfa fyrir, ágætu Guðs menn.

Enginn; skyldi afskrifa sjóhunda- og þungavigtarsveit, þeirra Guðjóns Arnars, fyrirfram.

Aðalbjörn !

Ert þú; ekki beztur, í Biflíu staglinu ? Ég; aftur á móti, kýs að glugga í Eddu Snorra frænda míns Sturlusonar, á stopulum stundum enda; sköpunarsaga hennar, ólíkt skemmtilegri aflestrar, ágæti drengur. 

Með beztu kveðjum; úr Árnesþingi, sem ætíð /

Óskar Helgi Helgason  

[Guðsteinn Haukur Barkarson, 25.8.2009 kl. 18:14]

Ásthildur - ég bara spurði því ekkert hefur heyrst. En það er þá vonarglæta með flokknum að mér sýnist á þínum orðum. Þetta var ekki gert af illum hug, heldur aðeins til þess að kalla fram viðbrögð, sem hefur tekist og ég hef fengið mín svör.

Óskar - alveg rólegur.

[Ásthildur Cesil Þórðardóttir, 25.8.2009 kl. 19:20]

Já Haukur minn, við erum ennþá til, og Guðjón Arnar og innsti kjarni eru ennþá að störfum.  Við ætlum að reyna að bjóða fram í næstu sveitarstjórnakosningum og við erum hvergi nærri hætt.  Menn mega svo aðeins hugsa sinn gang, minn kæri, ef þeir vilja eitthvað annað en samþættingu í pólitík eins og fjórflokkarnir gera greinilega.  Ef við virkilega viljum nýtt Ísland, þá veitum við Frjálslyndum og Borgaraflokknum það brautargengi að þeir geti verið ráðandi öfl eftir næstu kosningar.  þannig er það bara.

[Guðsteinn Haukur Barkarson, 25.8.2009 kl. 19:29]

Því er ég sammála Ásthildur, og bendi ég þér á að betra er að spyrja fyrst, áður en ausið er úr skálum reiði sinnar!

Ég mun gera mitt til þess að einmitt allt sem þú nefnir nái brautargengi. Varðandi borgaraflokkinn, þá hef ég ekkert tjáð mig um þau mál fyrr ég skrifa þessi orð, þau eru ný og verða að kynnast því hvernig er að vera í pólitík. Ég óska þeim bara gott alveg eins og ég vil Frjálslyndum vel.

[Arnar Geir Kárason (IP-tala skráð) 25.8.2009 kl. 19:48]

Ásthildur, Borgarahreyfingin var dæmd til þessara örlaga frá degi 1.  Þar á bæ ætlaði fólk að komast á Þing og gera hvað ???

Það var engin stefnuskrá um eitt né neitt nema þó síður væri og það hlaut að koma að því að fyrsta málið sem lagt er fyrir þá yrði það sem myndi kljúfa hreyfinguna.

Flokkar eru myndaðir til að menn með álíka málefni og skoðanir geti sameinast um að berjast fyrir því sem þeir trúa á.

Fólk sem alvarlega íhugar persónukjör og einstaklingsframboð geta prófað að velta því fyrir sér hversu mikið fuglabjarg Alþingi okkar yrði ef fólk gæti þó ekki einu sinni staðið saman í flokki.

Flokkar urðu til til að leysa það vandamál en ekki til að skapa eitthvert einræði eða flokkræði eins og sumir vilja.

Frjálslyndir hafa heldur ekki laggt mikið til málana og það fáa sem þeir hafa gott til málana laggt hefur verið skemmt af svörtu sauðunum í flokknum sem eru því miður með næstum jafn hátt hlutfall og svörtu sauðirnir í samsteypuni.

[Helgi (IP-tala skráð) 25.8.2009 kl. 20:34]

Arnar Geir. Frjálslyndir hafa einmitt lagt margt og mikið til málana í ísl. pólitík síðast liðinn 10 ár. Málefnaskrá okkar er mjög breið. Þú getur hlaðið henni niður af xf.is. Málefnin sem F listinn hefur staðið á eru enn þau sömu. Eftir að brjálaðingarnir sem reyndu að yfirtaka flokkinn og breyta stefnuskrá hans eru farnir úr honum, er allt hans innra starf að komast í samtlag. En auðvitað var þetta hrikalega erfitt að losna við þennan skríl. Þetta lið er ennþá á bloginnu að skemma fyrir flokknum. Og ekki bara á blogginu, á útvarpi Sögu er landsfrægur hverúlant, þjófur og pervert, sem nú er gengin í Samfylkinguna, að bera út róg um forystumenn Frjálslynda flokksins.

[Kolbrún Stefánsdóttir, 25.8.2009 kl. 22:08]

Sæll Guðsteinn. Þetta er prestlegt nafn það verð ég að segja. Ekki tek ég illa þessum pistli þínum, miklu frekar þakka ég fyrir hann. Það er ótrúlega erfitt fyrir okkur í Frjálslynda flokknum að fá birtar greinar og ályktanir frá okkur og tekur oft marga daga í fjölmiðlum. Við höfum sætt þöggun í gegnum árin af handhöfum valdsins hvort sem það eru Sjálfstæðismenn sem eru andstæðingar okkar í kvótamálinu eða Samfylkingarfólk sem er andstæðingur okkar í ESB málum. Það er allavega mín upplifun þó erfitt sé að sanna þá kenningu mína. Ásdís Við erum enn að sleikja sárin og vinna í að koma okkar fjármálum í eðlilegt horf. Það kann að vera að mestur krafturinn hafi farið í það og við því virst látin. Það er þó ótímabært að fagna því andláti.  Ásthildur, mér finnst óþarfi að líkja okkur saman við Borgarahreyfinguna sem ég lít á sem mennta-og listamannaklíku úr 101 Reykjavík og þau hafa fengið mikið svigrúm í fjölmiðlum. Þau hafa bara heimtað og hótað en hafa ekki málefnastefnu. Þau eru sjálf að ganga götuna til glötunar sem, eins og bent hefur verið á, var okkur í Frjálslyndum erfið. Það er svosem óvíst hvort við lifum af.

Lestu þér til Arnar Geir Kárason

"Frjálslyndir hafa heldur ekki laggt mikið til málana"

Menn sem svona tala hafa aldrei fylgst með baráttumálum Frjálslynda flokksins hvorki um afnám kvótaframsals og fjálsar handfæraveiðar, afnám verðtryggingar, stjórnun á innflutningi vinnuafls, styrkingu löggæslu til lands og sjávar, frystingu höfuðstóls lána eftir hrun eða forleigurétt skuldara til varnar heimilunum. Helsta baráttumálið í síðustu kosningum var klár andstaða við inngöngu Íslands í ESB og styrk stjórnun efnahagsmála. Frjálslyndir hafa ekki þegið mútur og eini flokkurinn sem skipaði ópólitískt í bankaráð Seðlabankans auk þess að vera fyrstur flokka til að taka upp opið bókhald og birta á netinu. Málefni verkafólks,bænda og landsbyggðarfólks hafa líka verið okkar mönnum hugleikin. Ég hef beitt mér í velferðarmálum sérstaklega sem og jafnréttismálum.

Hvar finnst þér vanta uppá Arnar? kveðja Kolla.

[Steingrímur Helgason, 25.8.2009 kl. 23:21]

Haukur minn, ég lifi enn & verð Frjálzlyndari með degi hverjum.

[Guðrún María Óskarsdóttir., 26.8.2009 kl. 02:27]

Sæll Guðsteinn Haukur.

Framkvæmdastjórn flokksins virðist eina virka flokksfélagið að sjá má.

Sé hér innlegg frá Helga sem er svona.

" Eftir að brjálaðingarnir sem reyndu að yfirtaka flokkinn og breyta stefnuskrá hans eru farnir úr honum, er allt hans innra starf að komast í samtlag. En auðvitað var þetta hrikalega erfitt að losna við þennan skríl. Eftir að brjálaðingarnir sem reyndu að yfirtaka flokkinn og breyta stefnuskrá hans eru farnir úr honum, er allt hans innra starf að komast í samtlag. En auðvitað var þetta hrikalega erfitt að losna við þennan skríl. "

Býst við að sú er þetta rítar sé ein af " þessum skríl " sem þarna er um rætt í þessu sambandi, en hætt er við því að þar sé kastað steinum úr glerhúsi, vægast sagt, viðkomandi til lítillar vegtyllu.

Heimskuleg valdabaráttátta sitjandi aðila innan þessa smáflokks, varð til þess að koma honum af þingi, þar sem formaður var ekki þess umkominn að setja niður deilur innan flokksins.

kv.Guðrún María.

[Jakobína Ingunn Ólafsdóttir, 26.8.2009 kl. 02:38]

Þeir sem styðja lénsherraskipulag fjórflokksins ættu að skoða verk hans vel.

[Ásthildur Cesil Þórðardóttir, 26.8.2009 kl. 09:02]

Kolbrún mín samlíking mín á við það að sýna fram á hversu erfitt ný framboð eiga við að koma sér á framfæri.  Það eru allir tilbúnir til að þagga þau niður og reyna að drepa.  Að öðru leyti á samlíking mín ekki við.  Frjálslyndi flokkurinn er sterkur flokkur með gott og traust fólk innan sinna vébanda, fólk með reynslu, sem er dálítið sem Borgarahreyfinguna vantar.  Þar er því ólíku saman að jafna.  En ég get lofað því hér og nú að við erum ekki búinn og farinn.  Við munum ná vopnum okkar og koma sterk til baka.  Við eigum nokkra öfluga málsvara hér á blogginu, sem ég er mjög stolt af.  

[Guðsteinn Haukur Barkarson, 26.8.2009 kl. 11:39]

Ásthildur, Jakobína, Helgi og Kolbrún, ég þakka ykkar athugasemdir og mun hugsa stöðuna, ég hef ekki enn gert upp við mig hverja skal styðja.

G. María  - Já, þessar deilur fóru ekki framhjá neinum, og skríllinn sem vildi breyta öllu má jafnvel heimfæra uppá mig líka, þess vegna er ég efins eins og þú.

[Arnar Geir Kárason (IP-tala skráð) 26.8.2009 kl. 12:14]

Kolbrún, spurningu þinni til mín er best svarað með annari spurningu.

Hvað fenguð þið mörg af þessum (mest allt mjög góðu ) frumvörpum í gegn ???

Frjálslyndir voru nánast litnir hornauga á þingi og annars staðar sökum ákveðinna aðila sem þar voru innanflokks.

Eina sem að ég set útá þau frumvörp sem þú nefndir áðan er takmörkun á innflutningi á vinnuafli.

Meira vinnuafl er bara eins og fólksfjölgun.  En á meðan vinnuaflinu er borgað lægri laun en íslensku vinnufólki þá er verið að skapa vandamál.  Hefðu pólskir innflytjendur fengið sömu laun og íslendingar þá væru þeir fyrir langa löngu búnir að stofa sín fyrirtæki og byggja sín eigin hús og væru orðnir eins og fyrirmyndar íslenskir borgarar.  En þegar íslenskir vinnuveitendur og almenningur kemur framvið fólkið eins og þriðjaflokks rusl þá erum við að skapa vandamál.

Það er ekki vinnuaflið sem er vandamálið það eru vinnuveitendurnir.

[Ásthildur Cesil Þórðardóttir, 26.8.2009 kl. 12:47]

Sammála þér Arnar Geir með að vandamálið er ekki erlent vinnuafl heldur vinnuveitendur.  Það var meðal annars það sem við vöruðum við.  Það var ekki hægt að fylgja eftir með eftirliti, öllum þeim sem komu.  Og við vissum af fólki sem hafði engan rétt og var nánast eins og þrælar. Þessu vildum við mótmæla, og það var einmitt vegna þeirrar andstöðu okkar sem frestað var að hleypa inn fleiri þjóðum.  Og nota undanþágur. 

En þetta var allt afbakað og fært til okkur til hnjóðs, og við máttum ekki við margnum.  Það er nefnilega auðvelt að afbaka og þagga niður málflutning þeirra sem ekki hafa bolmagn til að láta í sér heyra.

[Arnar Geir Kárason (IP-tala skráð) 26.8.2009 kl. 13:30]

Nei það er auðvelt að þagga niður málaflutning þeirra sem láta bjóða sér það!

[Ásthildur Cesil Þórðardóttir, 26.8.2009 kl. 17:00]

Þetta er ekki spurning um að láta bjóða sér Arnar Geir, þetta er spurning um aðstöðu til að koma sínu á framfæri. 

[Kolbrún Stefánsdóttir, 26.8.2009 kl. 18:43]

Arnar Geir. Þú svarar ekki spurningu með annarri, það er ekki svar. Það vita allir að sá flokkur sem ekki er í stjórn á mjög erfitt með að ná frumvörpum í gegnum þingið. Það er kunnara en frá þurfi að segja að stjórnarliðar vilja eigna sér það sem gert er. Það er því þeirra sem ekki samþykktu góð frumvörp t.d. mörg frá Kristni H. Gunnarssyni um velferðarmál að svara til saka en ekki hinna sem báru þau fram. 

Varðandi innflutning á vinnuafli er ég sammála því að það eru vinnuveitendur sem er vandamálið. Þeir vildu hafa hannóheftan því þá var tekið burt allt viðnám við framkvæmdaþenslunni sem orsakaði þennan skaða sem við sitjum uppi með núna. Ég tek það fram að ég hef ekki neina fordóma fyrir fólkinu sjálfu og á nokkra vini bæði frá Thailandi og Pólandi sem eru fyrirmyndar íslenskir borgarar.

GMaría.Ekki er mér fast í hendi það embætti í stjórn sem ég gegni en þar er ég íhlaupamanneskja með næstflest atkvæði eftir að Ásgerður Jóna hljópst frá ábyrgð eftir eina viku í embættinu. Guð almáttugur hefði ekki getað sett niður þær deilur sem voru innan flokksins að mínu mati. Hverjum er um að kenna skiptir litlu máli úr því sem komið er, en mikið dómgreindarleysi í gangi. Kveðja Kolla.

[Arnar Geir Kárason (IP-tala skráð) 26.8.2009 kl. 19:36]

Byggingarþenslan er eitt vandamál við erum ekki farin að finna fyrir áhrifum hennar ennþá.

Fasteignaverð fer lækkandi á þessum misserum vegna lánsfjárskorts en á eftir að fara niður sökum offramboðs á eignum.

Það sem við finnum núna er fyrst og fremst ríkið að taka á okkur allar skuldbindingar einkaaðila.  Það eru ekki stjórnmál það eru föðurlandssvik.  Og núverandi ríkisstjórn og alla þingmenn sem kjós með IceSave ætti að fara með sem slíka.

[Kolbrún Stefánsdóttir, 26.8.2009 kl. 22:18]

Alltaf gott að enda sammála Arnar Geir. Bestu kveðjur Kolla.

[Ásthildur Cesil Þórðardóttir, 26.8.2009 kl. 22:21]

Kolbrún mín, ég gef þér fullt af prikum fyrir hve vel þú tókst öllu þessu hafaríi með varaformannin sem svo sannarlega hljópst á brott með allt niður um sig.  Þú átt heiður skilinn fyrir það.  Þakka þér vel og mikið fyrir, enda ert þú ein af kjarnanum í frjálslyndum og það er vel.

[Kolbrún Stefánsdóttir, 27.8.2009 kl. 20:42]

Takk fyrir hlýlegt komment í minn garð Vestfjarðarvalkyrja. Ég er ný í flokknum og flokkast varla undir kjarna í honum en ég hef tröllatrú á málefnunum og fyrir þeim vil ég berjast með góðu fólki sem er sömu skoðunar. Auðvitað eru breytingar oft nauðsynlegar og þarfar en það þarf að vera glóra í þeim og ekki bara til að breyta. Alveg er ég tilbúin að víkja fyrir yngri og frískari stjórnamanni og reyndar hverjum þeim sem er trúverðugur. kveðja Kolla. 

[Ásthildur Cesil Þórðardóttir, 28.8.2009 kl. 11:04]

Já við gerum öll mistök, en þau eru til að læra af þeim, og það ætla ér mér að gera svo sannarlega. 

[Guðsteinn Haukur Barkarson, 28.8.2009 kl. 11:25]

Það er gott að sjá hversu málefnalega þið tókuð á þessu, eins og þetta byrjaði ekki vel, sem er reyndar gleymt og grafið. En svona á að taka á málum, ræða þau út í stað skítkasts og æsingar. Ásthildur og Kolbrún, þið eruð flottar konur!

[Kolbrún Stefánsdóttir, 30.8.2009 kl. 23:15]

Takk fyrir það Guðsteinn. Okkur leiðist nú ekki skjallið okkur Ásthildi. kveðja Kolla.

[Guðsteinn Haukur Barkarson, 30.8.2009 kl. 23:31]

Ég meinti það sem ég sagði Kolbrún!