Við krossins helga tré

Á þessum helga degi, sem við minnumst þjáninga og fórnardauða Jesúm Krists, þar sem hann gaf líf sitt fyrir syndir okkar, með því að fórna sér og leggja allt í sölurnar fyrir okkur, er við hæfi að íhuga hvað hann gerði fyrir mankynið allt.

Þetta yndisfagra ljóð eftir Davíð Stefánsson frá Fagraskógi er til vitnis um það hvað gerðist á deginum langa, og birti ég það ekki bara vegna ljóðsins sjálfs, heldur vegna boðskaparins og áminningarinnar um atburði þessa merka dags.

Ég kveiki á kertum mínum

Ég kveiki á kertum mínum
við krossins helga tré.
Í öllum sálmum sínum
hinn seki beygir kné.
Ég villtist oft af vegi.
Ég vakti oft og bað.
Nú hallar helgum degi
á Hausaskeljastað.

Í gegnum móðu' og mistur
ég mikil undur sé.
Ég sé þig koma, Kristur,
með krossins þunga tré.
Af enni daggir drjúpa,
og dýrð úr augum skín.
Á klettinn vil ég krjúpa
og kyssa sporin þín.

Þín braut er þyrnum þakin,
hver þyrnir falskur koss.
Ég sé þig negldan nakinn
sem níðing upp á kross.
Ég sé þig hæddan hanga
á Hausaskeljastað.-
Þann lausnardaginn langa
var líf þitt fullkomnað.

Að kofa og konungshöllum
þú kemur einn á ferð.
Þú grætur yfir öllum
og allra syndir berð.
Þú veist er veikir kalla
á vin að leiða sig.
Þú sérð og elskar alla,
þó allir svíki þig.

Ég fell að fótum þínum
og faðma lífsins tré.
Með innri augum mínum
ég undur mikil sé.
Þú stýrir vorsins veldi
og verndar hverja rós.
Frá þínum ástareldi
fá allir heimar ljós.

Texti: Davíð Stefánsson
Lag: Guðrún Böðvarsdóttir

Gleðilega páska kæru landsmenn, og megi Guð blessa ykkur og geyma.

Athugasemdir

[TARA, 10.4.2009 kl. 11:18]

Þakka þér fyrir að deila þessuu fallega sálmi með okkur og eigðu góða og gleðilega páska.

[Adda Laufey , 10.4.2009 kl. 11:35]

gleðilega páska

[Matthías Ásgeirsson, 10.4.2009 kl. 11:37]

þar sem hann gaf líf sitt fyrir syndir okkar, með því að fórna sér og leggja allt í sölurnar fyrir okkur,

Vissi hann ekki að hann myndir rísa upp? 

Gleðilegt páskaegg.

[Rósa Aðalsteinsdóttir, 10.4.2009 kl. 12:52]

Christian Glitter by www.christianglitter.com

[Þórarinn Þ Gíslason (IP-tala skráð) 10.4.2009 kl. 13:02]

Sæll Guðsteinn.

Takk kærlega fyrir.

Kærleikskveðja.

[Guðsteinn Haukur Barkarson, 10.4.2009 kl. 14:31]

Takk allir!

Matti:

Vissi hann ekki að hann myndir rísa upp? 

Ööö .. jú, liggur það ekki ljóst fyrir?

Gleðilegt páskaegg.

Gleðilega páska!

[Jens Sigurjónsson, 10.4.2009 kl. 16:00]

Sæll Guðsteinn.

Gleðilega Páska.

Guð blessi þig og þína.

KV/Jenni

[Halldóra Lára Ásgeirsdóttir, 10.4.2009 kl. 17:43]

Takk fyrir þetta Gleðilega upprisuhátíð frelsarans!

[Valgeir Matthías Pálsson (IP-tala skráð) 10.4.2009 kl. 19:01]

Takk fyrir þennan æðislega boðskap. Gleðilega páska. Eigðu gleðilega hátíð.

[Guðsteinn Haukur Barkarson, 10.4.2009 kl. 19:29]

Gleðilega paska - Jens, Halldóra og Valgeir Matthías! 

[Hilmar Gunnlaugsson, 10.4.2009 kl. 21:36]

Þakka þér þessar ágætu óskir Guðsteinn sem og birtingu þessa frábæra ljóðs. Ég óska þér og öðrum gleðilegra páska.

[Guðsteinn Haukur Barkarson, 10.4.2009 kl. 22:12]

Sömuleiðis Hilmar.

[Svanur Gísli Þorkelsson, 11.4.2009 kl. 02:35]

Matthías skrifar;

þar sem hann gaf líf sitt fyrir syndir okkar, með því að fórna sér og leggja allt í sölurnar fyrir okkur,

Vissi hann ekki að hann myndir rísa upp?

Guðsteinn skrifar;

Matti:

Vissi hann ekki að hann myndir rísa upp? 

Ööö .. jú, liggur það ekki ljóst fyrir?

Maður sem er sagður leggja allt í sölururnar er ekki að leggja neitt í sölurnrnar þegar hann veit að hann getur ekki tapað. Ekki satt  Guðsteinn?

[Guðrún María Óskarsdóttir., 11.4.2009 kl. 02:52]

Takk fyrir þetta.

Það er mikið og oft sem maður hefur lesið þennan sálm gegnum tíðina.

kv.Guðrún María.

[Guðsteinn Haukur Barkarson, 11.4.2009 kl. 10:51]

Svanur - sko, ef einhver fórnar lífi sínu fyrir mig, þá leggur hann ALLT í sölurnar. Og er það mér ákveðinn huggunn að vita að hann vissi að hann myndi rísa upp og fara til himna, ekki satt Svanur, annars væri erfitt að fá fyrirgefningu.

Guðrún María - mín var ánægjan og gangi þér vel í barráttunni.

[Linda, 11.4.2009 kl. 11:26]

Takk kæri vinur fyrir innlitið á síðuna mína. :) Gaman að sjá þessa færslu hjá þér, yndó.

[Birna Dis Vilbertsdóttir (IP-tala skráð) 11.4.2009 kl. 13:32]

Guð blessi þig og gleðilega páska.Kveðja til Bryndísar

[Guðsteinn Haukur Barkarson, 11.4.2009 kl. 17:02]

Takk Linda og Birna!