Í upphafi var orðið ...

Mánudagur, 16. mars 2009

Endurvekjum siðgæði okkar!

Ég hvet alla landsmenn til þess að gefa til Rauða Krossins sem og Hjálparstarfs kirkjunnar. Sérstaklega þið sem eigið meira fé á milli handanna! En það sem er um að ræða hundrað krónur á mann, þá getur það varla komið að sök fyrir flest okkar.

Í viðtengdri frétt stendur:

Ef allir landsmenn standa saman ættu að safnast 32 milljónir króna til verkefna Rauða krossins og Hjálparstarfs kirkjunnar vegna efnahagsþrenginganna, að því er segir í tilkynningu.

Ég minni fólk á söguna um "Eyri ekkjunnar", sem er á þessa leið:

Markúsarguðspjall 12:41-44
41 Jesús settist gegnt fjárhirslunni og horfði á fólkið leggja peninga í hana. Margir auðmenn lögðu þar mikið. 42 Þá kom ekkja ein fátæk og lét þar tvo smápeninga, eins eyris virði.

43 Og hann kallaði til sín lærisveina sína og sagði við þá: Sannlega segi ég yður, þessi fátæka ekkja gaf meira en allir hinir, er lögðu í fjárhirsluna.

44 Allir gáfu þeir af allsnægtum sínum, en hún gaf af skorti sínum allt sem hún átti, alla björg sína.

Ekki er ég að biðja fólk um að gefa nema það sem það á efni á, því þessi söfnun er fyrir alla landsmenn, en þó sérstaklega þá sem eiga hvað erfiðast fyrir óháð öllum trúarskoðunum.

Munum svo eftir þessum orðum:

2. Korintubréf 9:7
Sérhver gefi eins og hann hefur ásett sér í hjarta sínu, ekki með ólund eða með nauðung, því að Guð elskar glaðan gjafara.

Það er mikilvægt að landsmenn standi bökum saman í þessum mögru árum sem við okkur blasa. Það er það sem hefur skort í þjóðfélag okkar undanfarinn ár, og þurfum við að blása lífi í það gamla góða kristilega siðgæði sem land okkar byggðist á og stendur á traustum stoðum ef leitum aðeins eftir því.

Sýnum kærleikann í verki og hjálpum náunga okkar, hringum í:
9015 100 Smile !

	Söfnun í þágu aðstoðar innanlands
Ábyrgðarmaður færslu Tilkynna um óviðeigandi tengingu við frétt

Meginflokkur: Trúmál og siðferði | Aukaflokkar: Fjármál, Trúmál, Vinir og fjölskylda | Facebook

Athugasemdir

Úff.. ég var næstum búin að hringja, voða góð, en hefði heldur betur verið "low" í siðgæðinu þar sem símanotkun mín er partur af launakjörum! .. verð að hjálpa öðruvísi!

Jóhanna Magnúsar- og Völudóttir , 16.3.2009 kl. 18:56

Sæll Guðsteinn Haukur minn.

Heyrðu frábær pistill hjá þér.

Eigðu rosa gott kvöld og góða nótt í nótt.

Með bestu kveðju.

Valgeir Matthías Pálsson (IP-tala skráð) 16.3.2009 kl. 19:25

Auðvitað styður maður slíkt framtak og hjálpar þeim sem í nauð eru.

Hilmar Gunnlaugsson, 16.3.2009 kl. 19:48

Jóhanna - gott hjá þér!

Valgeir Mattías - hafðu kærar þakkir.

Hilmar - spread the word.

Guðsteinn Haukur Barkarson, 16.3.2009 kl. 20:33

frábært framtak hjá þeim :)

Linda, 16.3.2009 kl. 20:50

Ég trúi að Íslendingar sýni samtöðu og styrk á erfiðum tímum og endurvekji kristið siðgæði sem var farið að láta svolítið á sjá. Ég hringi strax :)

Guðmundur St Ragnarsson, 16.3.2009 kl. 23:40

Minn kæri Guðsteinn. Ég er þér hjartanlega sammála. Og takk fyrir gott framtak. Og ég undirstrika þetta: ,,Sérhver gefi eins og hann hefur ásett sér í hjarta sínu, ekki með ólund eða með nauðung, því að Guð elskar glaðan gjafara."

Höfum gleði af því að gefa þeim sem þörf hafa fyrir hjálp. Hvað er einn hundraðkall? Þegar við vitum að margt smátt gerir eitt stórt.

Janus Hafsteinn Engilbertsson, 17.3.2009 kl. 16:22