Útvarp saga er flott stöð!

Í tilefni þess að Guðni Ágústsson rauk á dyr í þætti Sverris Stormskers núna nýverið, hefur gagnrýni komið fram sem ég er ekki alveg samála og er fremur ósáttur við að heyra.


Fullyrðing númer eitt: "Áróðursstöð fyrir Frjálslyndaflokkinn"

Þvílík vitleysa, allir flokkar hafa aðgang af þessari stöð og ber að nefna eftirfarandi nöfn sem Arnþrúður Karlsdóttir telur upp í athugasemd hjá JensGuð, hún segir að eftirfarandi þingmenn hafi aðgang að stöðinni:

"Skal í því sambandi nefna Jón Magnússon (F) Grétar Mar Jónsson (F) Óskar Bergsson (B) Birki Jón Jónsson (B) Birgi Ármannsson (D) Katrínu Júlíusdóttur (S) Ástu R.Jóhannesdóttur (S)Ágúst Ólaf Ágústsson (S)og  Ögmund Jónasson (VG). Það er nefnilega til fullt af góðu fólki."

Jafnvel heilu þættirnir eru helgaðir heilum flokkum alveg sér á partinn! Samfylkingin er t.d. með einn slíkan þátt! Þannig slíkar fullyrðingar eiga ekki rétt á sér og eru því ómarktækar. Eina sem er ánægjulegt við að fólk haldi þetta, er að fólk tekur greinilega meira eftir boðskap FF en hinna flokkanna!  ;)

Fullyrðing númer tvö: "útvarp Saga er með flissandi þáttastjórnendur"

Af eigin reynslu og hlustun get ég ekki tekið undir þetta. Ég var sjálfur í viðtali hjá Markúsi Þórhallssyni ásamt hinum víðfræga Skúla Skúlasyni í viðtali í Apríl síðast liðnum. Ekki var Markús flissandi eða neitt slíkt, hann tekur starfi sínu alvarlega og er verulega góður þáttastjórnandi !

Þetta er allavega mín reynsla af þessari góðu stöð, og er ég ekki tengdur henni á nokkurn hátt, þótt ég sé að verja hana.


 

Athugasemdir

[Guðsteinn Haukur Barkarson, 5.8.2008 kl. 14:06]

Valgeir - það er einmitt málið sem þú bendir réttilega á, við höfum val! Notum það!! 

[Helga Guðrún Eiríksdóttir, 5.8.2008 kl. 14:45]

Sammála þér, Guðsteinn. Mér finnst þetta reyndar langbesta útvarpsstöðin og með úrvals þáttagerðarmenn. "Spákellingin" fer reyndar ofurlítið í taugarnar á mér en ég afgreiði þann þátt sem afþreyingu fyrir ofurtrúgjarna. Restin er brill!

[Guðsteinn Haukur Barkarson, 5.8.2008 kl. 14:47]

Helga - mikið er ég sammála, eina sem ég hef á móti þessari stöð er allt þetta miðilsbull. En eins og þú þá afgreiði ég það með því að skipta um stöð, þeim væri nær að bjóða trúuðum manni með svona þátt sem mótvægi.

[Sigurður Þórðarson, 5.8.2008 kl. 15:03]

Þú hefur lög að mæla eins og svo oft áður Haukur.

[Guðsteinn Haukur Barkarson, 5.8.2008 kl. 15:16]

Takk fyrir það Siggi minn. 

[Guðsteinn Haukur Barkarson, 5.8.2008 kl. 15:59]

Hér var afar ósmekkleg athugasemd eftir einhvern sem kallar sig "Valla" og var með ósvífnar persónuárásir. Hún var fjarlægð.

Sá hin sami er beðinn um að halda aftur af sér og ef "Valli" (þetta var ekki Valgeir hér ofar) ætlar að gera athugasemdir þá er hann beðinn um að gæta kurteisis! Úfff ... það er afar sjaldan sem ég ritskoða, en þessu varð ég að kippa út!

[Linda, 5.8.2008 kl. 16:04]

Hæ Haukur minn, ég las þá athugasemd sem þú fjarlægðir og hún var viðurstyggð og manvonskan uppmáluð. En ég ætla ekki  ræða það frekar, heldur koma inn á eina athugsemdina þína þar sem þú talaðir um að þér leiddist þessi miðlar á útvarp Sögu og bættir við að það væri frábært að fá trúaðan þáttarstjórnanda, og ég veit að þú og ég höfum sama mann í huga, eigum við að koma því á framfæri, ætli hann hefði tíma til þess...

[Guðsteinn Haukur Barkarson, 5.8.2008 kl. 16:18]

Linda - SAMMÁLA! Svo vægt sé til orða tekið.

[Rósa Aðalsteinsdóttir, 5.8.2008 kl. 17:27]

Sæll Guðsteinn.

Þið Skúli voruð flottir á Útvarpi Sögu en ég nenni ekki að hlusta því þá þarf ég að nota tölvuna. Ég er nefnilega á hjara veraldar.

Guð veri með þér

Kær kveðja/Rósa

[Jakob (IP-tala skráð) 5.8.2008 kl. 18:33]

Ég verð að segja að mér hefur oft þótt þessi stöð laða að ellilífeyrisvæl og fordómagjarna fáfræði á áður til óþekktum skala. Það hefur gerst að ég hef skammast mín fyrir að vera íslendingur þegar ég hef hlustað á opnu símatímana.

Þó hefur það kannski ekki beint eitthvað með stöðina sem slíka að gera.

Bestu Kveðjur

[Jakob (IP-tala skráð) 5.8.2008 kl. 18:35]

Ath. Ég sá ekki þau kurteisistilmæli sem Guðsteinn lét falla sem athugasemd hérna fyrir ofan.

Er ég þá ekki stikkfrí?

[www.zordis.com, 5.8.2008 kl. 20:21]

Frjálst val er málið!

Ég hlusta nú ekki oft á íslenskt útvarp en hef stillt á Maddömmu, Kerlingu, fröken frú og þótt gott að heyra í Katrínu Snæhólm.

Er kanski ekki hlutlaus þar sem ég er "aðdándi" .....

Bestu kveðjur!

[Guðsteinn Haukur Barkarson, 5.8.2008 kl. 21:59]

Pax - eða réttara sagt Jakob, þú ert stikkfrí, ummæli þín eru gagnrýni og ekki ærumæðandi eins og þau sem ég varð að fjarlægja. Ég bað engan um að vera sammála mér.

Zordís - sammála, ég hitti Katrínu þegar ég var í viðtali á sögu.  

[Ólafur Jóhannsson, 5.8.2008 kl. 22:26]

Sæll Guðsteinn,

Þakka þér fyrir fjölmargar góðar greinar og athugasemdir sem vekja oft marga til umhugsunar.

Ég er sannarlega sammála þér varðandi útvarpsstöðina SÖGU. Sú stöð á mikinn réttá sér og hefur komið mörgum til að hugsa... Auðvitað má finna eitthvað að, en það má nú gera hjá öllum fjölmiðlum. Ég hlusta reglulega á vissa þætti á SÖGU og nýt þess.

Varðandi trúaðan þáttarstjóra, væri það hið besta mál.

Mig langar í því tilefni að hvetja fleiri kristna til að hafa samband við Arnþrúði eða Sigurð G. þegar opið er fyrir hlustendur, til að tjá sig.

Þar er möguleiki til að koma umræðu um trúaleg (kristin) málefni. Látum okkur nota öll tækifæri, sem fjölmiðlar bjóða okkur.

Guðsteinn! Guð blessi þig og þína alla daga.

Með Shalom kveðju/Ólafur

[Markús frá Djúpalæk, 5.8.2008 kl. 22:30]

Það er gaman að vinna hjá fyrirtæki sem fólk hefur svona margvíslegar skoðanir á. Ég verð að viðurkenna að ég skil ekki athugasemd Valgeirs um vandamál og leiðindi milli þáttagerðarmanna og hvet hann bara til að hlusta og komast á snoðir um hver raunveruleikinn er. Símatímarnir eru tveir á morgnana og af einhverjum orsökum virðist fólk, einkum þeir sem sjaldan hlusta, telja að dagskráin byggist upp á þeim. Svo er alls ekki þó að gagnvirkni í útvarpi með þessum hætti geti verið bráðskemmtileg. Það væri kannski gaman ef þeir sem eru felmtri slegnir yfir ellilífeyrisvæli og fordómagjarnri fáfræði smelli sér ungir, vel upplýstir og fordómalausir með í umræðuna og geri símatímana enn áhugaverðari.

Næstkomandi fimmtudag hefur göngu sína nýr þáttur í umsjá tveggja ungra manna, mikilla húmorista þeirra Gunnars Ásgeirs Ásgeirssonar og Rökkva Vésteinssonar. Sverrir Stormsker er Miðjumaðurinn og hefur vakið verðskuldaða athygli. Katrín Snæhólm er frábær dagskrárgerðarmaður og Sigurður G Tómasson er reynslubolti, stútfullur af fróðleik og oftast með svör við flestu á reiðum höndum. Ég held að Saga hafi á að skipa einhverjum besta íþróttafréttamanni á Íslandi, Birni Berg sem sér um fótboltaþáttinn oft studdur af félaga sínum Kolbeini Tuma. Dulspekideildin með Sirrý Spákonu, Hermundi Rósinkranz og Torfa Geirmundssyni þjónar vel þeim sem hafa gaman að því óútskýranlega en Halldór E sér um að gera hið útskýrða óútskýranlegt. Allt þetta fólk er svo stutt af útvarpsstjóranum, Arnþrúði Karlsdóttur sem hefur tekist að halda þessarri umdeildu en bráðnauðsynlegu útvarpsstöð gangandi öll þessi ár og heldur því áfram um ókomin ár.

[Markús frá Djúpalæk, 5.8.2008 kl. 22:35]

Það vantar auðvitað einhver nöfn á þennan lista hjá mér, vonandi fyrirgefst mér gleymskan, en ég fullyrði að allir, hver einn og einasti, sem á Sögu eru við hljóðnema vinna sitt starf af hjartans einlægni og sannfæringu.

[Guðsteinn Haukur Barkarson, 6.8.2008 kl. 08:03]

Ólafur Jóhannsson - takk fyrir innlitið og athugasemdina, og er ég þér sammála að trúaðir mættu vera duglegri að hringja inn. Jón Valur hefur verið ötull við það, og er hann ákveðinn fyrirmynd í þeim efnum. Shalom og Guð blessi þig líka Ólafur, alltaf gaman að fá þig í heimsókn.

Markús - takk innilega fyrir þessa góðu skýringu á starfssemi stöðvarinnar, þetta skýrir línurnar talsvert. 

[Ljóri (IP-tala skráð) 6.8.2008 kl. 20:38]

Þú virðist setja samasem merki á milli trúaðra og kristinna. Fyndið. Ég get lofað þér því að þetta miðilsdót, sem á ekkert skylt við dulspeki, er mjög trúað á sitt rugl. Það heldur meira að segja að það sé að "taka á móti" leiðsögn æðri máttarvalda. Því miður er þetta ekki saklaust gaman þarna á stöðinni, heldur er það alvöru fólk með alvöru vandamál sem er að leita eftir aðstoð hjá þessu liði og þar er Sirrý allra verst.

Þegar þú talar um að trúaðir eigi að láta meira í sér heyra á stöðinni áttu þá við múslima, hindúa, gyðinga og allan pakkann ? Eða áttu bara við þá kristnu ?

[Bríet (IP-tala skráð) 6.8.2008 kl. 23:20]

Ég vil benda ykkur á að miðlabullararnir eru sennilega trúaðastir af öllum, þeir trúa því heitt og innilega að öll þeirra "viska" komi beint fá Guði almáttugum.

[Guðsteinn Haukur Barkarson, 7.8.2008 kl. 12:31]

Ljóri - ég get aðeins talað fyrir mína hönd og ekki annara. Ég á bara við kristna.

Bríet - sem gamall miðill fullyrði ég að þeir fá ekki sínar upplýsingar frá Guði. Og tala ég af reynslu í þeim efnum.