Sniðgöngum Ólympíuleikanna!

Laumast var með eldinn hingað til lands, fréttamenn voru bannaðir og íslendingar vissu varla um þetta atvik. Ég vona að ráðamenn þessarar þjóðar sjái sér fært að koma auga á það mikla ranglæti sem kínversk stjórnvöld beita Tíbet búum og skora ég á þá að sniðganga þessa Ólympíuleika.

Mörg önnur lönd eru farinn að spá í að gera það sama en því miður skortir íslenskum stjórnvöldum sennilega kjark til þess missa nú ekki einhver atkvæði í þetta tilgangslausa og fokdýra öryggisráð.

 

 

 

 

 

 

 

 

 

Hér er smá myndasyrpa af óeirðum undanfarið:

 

 

Lifi frjáls Tíbet !

Ólympíueldurinn í Keflavík

Athugasemdir

[Gunnar Helgi Eysteinsson, 8.4.2008 kl. 22:53]

[Bumba, 8.4.2008 kl. 23:36]

Sæll og bless, ég er alveg sammála þér,  sniðgöngum Ólympíuleikana í Kína. Nóg er komið nú. Með beztu kveðju.

[Ásthildur Cesil Þórðardóttir, 9.4.2008 kl. 00:28]

Okkar ráðamenn eru þvi miður lyddur sem ekki hafa nokkra hugsjón nema að sitja við kjötkatlana.  Því miður. 

[Rósa Aðalsteinsdóttir, 9.4.2008 kl. 09:50]

Sæll og blessaður. Sammála Ásthildi. Það heyrist hvorki hósti né stuna frá snobbliðinu okkar sem eru að sleikja upp Kommana í Kína og þá á meðan er allt í lagi að þeir séu að fremja mannréttindabrot og morð. Íslendingar eru líka að gera viðskiptasamninga við Kína og svo þetta ruglaða Öryggisráð sem við höfum ekkert í að gera nema jú að eyða peningum og snobbast. Meira ruglið. Baráttukveðjur/Rósa

[Kjartan Guðmundur Júlíusson., 9.4.2008 kl. 12:34]

Margur íslendingurinn er þannig að hann kýs alltaf sjálfstæðisflokkinn jafnvel þó að hundur væri í framboði.Og svo úr einu í annað þar sem ég starfa á keflavíkurflugvelli að þá hef ég aldrei séð aðra eins öryggisgæslu á flughlaðinu á meðan ein flugvél er á svæðinu sem er með olympíueldinn innanborðs.fleiri bílar rúntandi í hringum vélina allan þann tíma sem hún var hér í Kef.

Megi þið eiga góðar stundir.

[Mofi, 9.4.2008 kl. 14:36]

Aldrei vitað jafn dapra Ólympíuleika og þess. Einhverjir héldu að halda þá í Kína myndi auka líðræði og mannréttindi í þessu landi og þá auðvitað handa íbúum Tíbets líka en mun það ekki bara versna ef þeir fá að halda Ólympíuleikana þrátt fyrir að hegða sér eins og villimenn? Sjá þetta ekki bara sem samþykki á því hvernig þeir hegða sér?

[Rósa Aðalsteinsdóttir, 9.4.2008 kl. 17:45]

Sæl öll. Mikið var gott að Kínverjar völdu þennan tíma en ekki eftir Ólímpíuleikana fyrst þeir á annað borð ætluðu að ráðast á Tíbeta. Nú hafa þjóðir heims séns að refsa þeim sem þær  hefðu ekki getað þegar Ólympíuleikarnir væru afstaðnir.

Þarf ekki að taka stjórnendur í þessu landi í bakaríið? Það heyrist ekkert í þeim á meðan Kínverjar fremja voðaverk. Er einhver samtengin þarna í sambandi við pólitík, kommúnismi???

Lifi frjáls Tíbet

[Steinunn Helga Sigurðardóttir, 9.4.2008 kl. 18:34]

heyr heyr !!!

Blessi þig

steina 

[Eiríkur Ingvar Ingvarsson, 9.4.2008 kl. 21:31]

Ég hef ákveðið að sniðganga þessa leika fyrir alllöngu. Ég hvorki keppi né fer.

Ég læt öðrum eftir að standa á palli í skugga mannréttindabrota.

[Sigurður Þórðarson, 9.4.2008 kl. 21:55]

Þetta heitir "realpolitik" Guðsteinn, það hentar ekki hagsmunum Íslands sem keppir að því að komast í öryggisráðið (það veit enginn af hverju) að styggja Kínverja. Hvers vegna skyldi Robert Mugabe hafa treyst Íslendingum til setu í ráðinu?

[Theódór Norðkvist, 10.4.2008 kl. 00:07]

Tek heilshugar undir með þér, Guðsteinn.d Nú þurfa mannrétttindasinnar að standa í lappirnar, því ríkisstjórnin okkar spillta gerir ekki neitt í málinu.

En að öðru óskyldu, mig langar til að biðja þig og aðra trúaða að biðja fyrir honum Óskari Arnórssyni, ágætis bloggvini mínum, en hann er búinn að fá morðhótun frá einhverjum brjálæðing.

[Þórarinn Þ Gíslason (IP-tala skráð) 10.4.2008 kl. 03:59]

Sæll Guðsteinn minn:

Ég er þér hjartanlega sammála,mig grunar að þessar gungur hér séu að hugsa um ÖRYGGISRÁÐIÐ eins og þú bendir réttlega á. Það var ekki lengi verið að samþykkja KOSOVO.

Kær kveðja til þín og fjölskydu þinnar.

[Jón Valur Jensson, 11.4.2008 kl. 10:16]

Þakka þér fyrir þetta, Guðsteinn Haukur, það er dýrmætt að hver, sem getur, styðji Tíbeta. Þorgerður Katrín bregzt hins vegar í málinu, enn sem komið er, og það jafnilla og Jón flokksbróðir þinn Magnússon gerði vel í því í umræðunum á Alþingi fyrr í vikunni, þriðjudag 8. apríl. Þar sagði hann:

• "Virðulegi forseti. Ég var satt að segja óánægðastur með það sem hæstv. utanríkisráðherra sagði þegar hún vék að afstöðu okkar til málanna í Tíbet. Hæstv. utanríkisráðherra sagðist hafa gert sendiherra Kína grein fyrir því að Kínverjum beri að virða mannréttindi. Liggur ekki ljóst fyrir að Kínverjar hafa undirgengist að virða mannréttindi? En hvað erum við að tala um? Hvernig ætlum við Íslendingar að bregðast við ítrekuðum mannréttindabrotum Kínverja? Hvaða þátt ætlum við að taka í Ólympíuleikunum. Þess ber að geta að bæði Angela Merkel og Nikolas Sarkozy eru meðal þeirra sem þegar hafa ákveðið að fara ekki til Peking. Það verður fróðlegt að sjá hvernig Íslendingar bregðast við því.
  Á Fréttastofu Bylgjunnar og Stöðvar 2 í gær er frétt þar sem segir að helmingur Dana telji að stjórnvöld í Danmörku eigi að sniðganga opnunarhátíð Ólympíuleikanna í Peking í sumar. Þar sagði enn fremur að menntamálaráðherra Dana, Brian Mikkelsen, íhugi að mæta ekki á hátíðina.
  Friðsamleg barátta Tíbeta fyrir mannréttindum og sjálfstjórn á sér langa sögu. Kínverskir kommúnistar lögðu landið undir sig árið 1950 og þá voru drepin milli 400 þúsund manns og ein milljón. Núna er spurt: Hvað ætla íslensk stjórnvöld að gera? Hvað vill íslenski utanríkisráðherrann gera til að styðja við mannréttinda- og sjálfstæðisbaráttu Tíbeta? Vill hún taka sömu afstöðu og Angela Merkel og Sarkozy hafa gert eða vill hún eingöngu friðsamleg samskipti við sendiherra Kína í teboðum og minna hann á að Kínverjum beri að fara að mannréttindum?"

[Ingvar Valgeirsson, 13.4.2008 kl. 21:24]

Ég man ekki eftir að hafa heyrt bofs í þér þegar forsetinn fór út til Kína að stuðla að enn frekari viðskiptum ríkjanna...