Til hamingju Reykvíkingar

Þetta var virkilega sterkur leikur hjá Ólafi F. hann var hvort eð er í sömu stöðu Bingi fyrir síðustu stjórnarslit. Nú fær Frjálslyndiflokkurinn loks tækifæri til þess að sýna hvað í honum býr!

Til hamingju Reykvíkingar með nýjan meirihluta!

Ingibjörg Sólrún: telur nýjan meirihluta óstarfhæfan

Athugasemdir

[Steindór (IP-tala skráð) 22.1.2008 kl. 10:55]

Hvað kemur Frjálslyndiflokkurinn þessu við....?

[Flower, 22.1.2008 kl. 12:14]

Það er s.s auðvitað að þú fagnar þessu Haukur en ég er fegin að búa ekki í Reykjavík. Mér líst ekkert á þetta brölt hjá þeim, þeir virðast bara sjá völdin en ekki hagsmuni borgarbúa og það er ekki mjög traustvekjandi.

[halkatla, 22.1.2008 kl. 12:23]

tek algerlega undir með Flower, þetta er mesta spilling í stjórnmálum sem Ísland hefur nokkru sinni orðið vitni að.

"Ólafur F er ekki vitgrannur þó þessi liðsfórn hans til tímabundins ávinnings í pólitísku valdatafli sé algerlega siðlaus fyrir margar sakir. "

þessari setningu stal ég hjá Svani lækni hér á blogginu, hún segir allt sem segja þarf um Ólaf F, því miður. Þetta verður til þess að hinn almenni kjósandi treystir þeim sem bendla sig við frjálslynda (sem óháðir væru) ekki framar... skil ekkert í þér að fagna þessu Guðsteinn.

[Rósa Aðalsteinsdóttir, 22.1.2008 kl. 13:31]

Sæl öll. Meirihlutinn sem nú er allur var hrikaleg samsuða. Rei málið var hrikalegt spillingarmál og þar var Björn Ingi í fararbroddi og ætlaði að verlauna fullt af Framsóknamönnum fyrir dyggð við hann eins og kosningastjóra hans sem er héðan frá Vopnafirði af öllum stöðum á landinu.  Svandís vann ötullega gegn þessari spillingu. Fljótlega voru þau Björn Ingi komin í eina sæng ásamt Dag og Margréti Sverrisdóttir. Get ekki ímyndað mér að það hafi verið ljúft.

[DoctorE (IP-tala skráð) 22.1.2008 kl. 14:13]

Þetta er sorglegt, það er sorglegt hvernir er komið fyrir stjórnmálamönnum þessarar þjóðar, ÞEIM ÖLLUM

[Eiríkur Ingvar Ingvarsson, 22.1.2008 kl. 15:58]

Ég veit ekki hvað skal segja...Ég er með dálítið súrt bragð í munninum...Ég kaupi mér aldrei neitt súrt.

Ég gleðs yfir falli Rei listans en ég er ekki sáttur við mína menn.

[Theódór Norðkvist, 22.1.2008 kl. 17:28]

Ég samhryggist borgarbúum að lýðræðið sé fótum troðið. Maður sem 5% atkvæðisbærra borgarbúa treysta til pólitískra ábyrgðarstarfa er nú orðinn borgarstjóri.

[Gunnar Helgi Eysteinsson, 22.1.2008 kl. 17:46]

[Halla Rut , 22.1.2008 kl. 17:48]

Þeir fengu nú rúm 10% sem er um 4% meira en Framsóknarflokkurinn. 

[Theódór Norðkvist, 22.1.2008 kl. 17:56]

Afsakaðu Halla, minnti að þeir hefðu minna fylgi. Það breytir ekki því að 90% borgarbúa kusu ekki FF.

Ég gagnrýndi líka að Framsóknarflokkurinn hefði völd langt umfram fylgi, en bendi á að borgarstjórastjóllinn er æðsta valdastaða borgarkerfisins og æskilegra að því gegni stjórnmálamaður með meira fylgi á bak við sig.

[Sigurður Þórðarson, 22.1.2008 kl. 18:43]

Ef það er einhver sem er ekki tækifærissinni í þessu máli þá er það Ólafur F. Magnússon. Verkefnaskrá meirihlutans er nánast kópía af stefnuskrá Frjálslyndra. Þessum málum ver ekki hægt að ná fram í fráfarandi meirihluta og því var Ólafur að leggja allt í sölurnar til að efna kosningaloforð.

[Theódór Norðkvist, 22.1.2008 kl. 21:38]

Ólafur F. hefur ekki bara komið aftan að samstarflokkum sínum, heldur sínum eigin flokki!

Er hægt að treysta svona manni til að stýra höfuðborg landsins? Hvern stingur hann næst í bakið?

Vilhjálmur hefur gerst sekur um stórkostlegt dómgreindarleysi í REI-málinu og skipar síðan sjálfan sig sem borgarstjóra í þessu vanheilaga bandalagi við Ólaf.

Ekki líst mér vel á þetta gengi sem hefur rænt völdum í borginni. 

[Calvín, 22.1.2008 kl. 21:47]

Það er best að hafa sem fæst orð um þennan gjörning í borgarstjórn Reykjavíkur. Hann á ekki eftir að vera neinum til heilla því miður.

[Linda, 22.1.2008 kl. 22:04]

Ég átti ekki til orð, og á nokkur núna en læt þau ekki á borð hér, ég er sjúklega leið á þessu veseni hér í borginni og ég sé enga hamingju í þessu heldur upplausn.  Ég er svo glöð að ég er hætt að pæla í þessari svikastarfsemi sem pólitík er.

Sam, Sjálf, fram,Frjáls eða Vg þá er þetta allt sama hyskið. það mætti ætla að það væri ekki fullorðin fólk á meðal þeirra...

ok búin að æsa mig. 

[Þórarinn Þ Gíslason (IP-tala skráð) 23.1.2008 kl. 01:23]

Sæll Guðsteinn minn.

Ofsalegri farsi  hefur aldrei komið upp í Íslenskum Borgarstjórnarmálum.En ég ætlaði að leiðrétta þig. Frjálslyndi flokkurinn,sama hvernig maður lítur á málið á bara engann fulltrúa í fyrstu sætin.Meira segja Ólafur er ekki í Frjálslynda flokknum og ekki styðja Varaboragarfulltrúi Ólafs og varamaður hennar,Háttvirtan  Ólaf.Ég á eftir að skrifa um þetta GERRÆÐI í Íslenskri Pólitík. Hugsaðu ,að þegar Ólafur er að mynda þessa stjórn þá HUNSAR HANN SINN VARABORGARFULLTRÚA með því að láta hana ekki vita NEITT hvað væri í aðsigi.

.Er nokkur hissa á því að hún hafni honum  og þó grátið sé Krókadílatárum. EKKI ég og  það er eitthvað stórlega mikið að í okkar stjórnmálum.

Þetta er ekki vegna HUGSJÓNA,  HELDUR er þetta GRÆÐGI í VÖLD. Ég held að Ólafur eigi ekki frið í vændum.Ég er ekki að segja að framferði hinna sé skárra.

[Úlfar Þór Birgisson Aspar, 23.1.2008 kl. 06:09]

Nú eru komnir 3 borgarstjórar á laun ykkar Reykvíkinga,einn ríkjandi Borgarstjóri og 2 á biðlaunum.Það veit ekki á gott að bruðla svona með fé Borgarbúa.

Og eins og ég sé þetta þá er ég sammála ykkur um að hagur Reykvíkinga hefur ekkert lengur með neitt að gera,þetta snýst allt um að koma sér að og fá sitt sama hvað það kostar.Það komast engin mál í gegn ef alltaf er núll staða og nýr meirihluti verður ekkert öfundsverður svo rúinn trausti sem hann og er.

[halkatla, 23.1.2008 kl. 08:59]

það er mjög ósmekklegt að troða stefnumálum frjálslyndra á alla borgarbúa (enn skrítnara að frjálslyndir tali um það einsog eitthvað sem er jákvætt og eðlilegt!) og hvað þá undir þessum aðstæðum og ég skil bara ekkert í frjálslyndum að fagna þannig kúgun og óréttlæti - þeir hafa engan rétt til þess með sitt litla fylgi (og varamennirnir fylgja honum ekki einu sinni enda talaði enginn við þá) þetta er nýjasta hneykslismálið í frjálslyndaflokknum sem á stuttum tíma hefur næstum náð Framsókn hvað spillingu varðar. Hinsvegar vorkenni ég Ólafi í dag, hann er rúinn öllu trausti og maður hélt að þetta væri fínasti maður... hann verður að bakka og biðjast afsökunar ef hann á að vaxa í áliti á ný.

[Vendetta, 23.1.2008 kl. 14:58]

Anna Karen, hefur þú séð eitthvað jákvætt við fráfarandi stjórn með Dag í fararroddi? Ekki ég. Þegar ég hugsa um Binga, Dag, Björk og Margréti, þá sé ég fyrir mér úldin hræ, eiginhagsmunaseggi, sem lyftu ekki fingri í rúmlega 3 mánuði, en voru alveg gífurlega ánægð með sjálfa sig. Algjörir viðvaningar.

Og þegar þessi Tjarnarkvartett er að gagnrýna Villa og Ólaf fyrir bolabrögð, þá eru þau að kasta grjóti úr glerhúsi. Þeim fannst allt í lagi að stinga undan Villa sl. október, þá var allt í lagi, þótt þau hafi einungis sólgzt etir völdum, engu öðru.

Þótt ég sé lítið gefinn fyrir Íhaldið, þá getur ekkert orðið verra en það sem var áður. Eða þar áður. Að geta hrakið ófétið Björn Inga frá völdum var gjöf frá æðri máttarvöldum til Reykvíkinga. En væntanlega munu næstu kosningar árið 2010 skýra línurnar. Þá munu kannski bara tveir flokkar fá inni í borgarstjórn, S og D.

[Ingvar Valgeirsson, 23.1.2008 kl. 16:53]

Þórarinn - "Þetta er ekki vegna HUGSJÓNA,  HELDUR er þetta GRÆÐGI í VÖLD."

Ólafi hefur varla verið stætt á að hafna tilboðinu um borgarstjórastólinn - sá sem slíkt myndi gera hefði ekkert erindi í pólítík. Svo eru mjög greinileg fingraför hans á málefnaskrá hins nýja meirihluta, sem sýnir að hann er engin "tík" Sjálfstæðismanna.

Og talandi um málefnaskrá, þá hefur nýji meirihlutinn eina slíka, sem er meira en segja mátti um fráfarandi borgarstjórn. Þeir voru snöggir að setja í ráð og nefndir og koma sér vel fyrir við katlana, en eftir rúma þrjá mánuði örlaði ekki á málefnaskrá.

[Ásdís Sigurðardóttir, 23.1.2008 kl. 21:40]

Það á eftir að koma í ljós hvernig þessi mál enda.

[Magnús Paul Korntop, 28.1.2008 kl. 17:23]

Gefum þessum meirihluta tækifæri til að sanna sig áður en við dæmum en ég vil benda ykkur á að lesa grein mína um þessi mál á blogginu mínu og hef ekkert við það að bæta hér.

[Ásthildur Cesil Þórðardóttir, 28.1.2008 kl. 18:02]

Tek undir þessar hamingjuóskir.