Hvað er guðleysi? (Séð frá augum trúaðs manns)

Kristinn Theódórsson er guðleysingi með meiru, ég og Mofi ákváðum að gera sitt hvora greinina um sama málefnið og birta þær á sama tíma. En umfjöllunarefni okkar verða stig guðleysis eins og þau koma okkur fyrir sjónir, en hafa ber í huga að þetta er frá okkar eigin sjónarhornum sem þetta birtist.

Bara svo það sé á hreinu er þetta aðeins mín skoðun/sýn sem birtist hér og enginn önnur. Ég er ekki að reyna á nokkurn hátt að gera mönnum upp skoðanir með upptalningu minni hér að neðan, þetta er aðeins eins og ég sé hlutina og þurfa þeir ekki endilega að vera fullkomlega réttir, en ég verð að ítreka fyrir ykkur sem eru hörundssár, að ekkert af þessu er illa meint á nokkurn hátt.

Ég ætla að reyna skilgreina þetta í þrjá flokka rétt eins og Kristinn Theódórsson gerir og mun ég reyna að vera réttlátur þótt ég sé ekki nokkurn hátt hlutlaus. 

Guðleysisstigin ætla ég að skilgreina sem:

• Óviss/kaldur guðleysingi
• Venjulegur guðleysingi
• Heitur/ öfga guðleysingi

Óviss/kaldur guðleysingi

Hann er sá sem afneitar Guði en er samt ekki viss í sinni sök. Hann/hún er ekki að flagga skoðun sinni, en geymir hana hjá sér. Þetta fólk er með afstöðu sem telja má vera "kalda" vegna hlutleysis þeirra, þeim er sama um æðri völd og mætti og lifir sínu lífi samkvæmt því, en eru ekki mikið að deila á aðra sem eru annarrar skoðunar.


Venjulegur guðleysingi

Hann er oft sá/sú sem hefur orðið fyrir vonbrigðum með almættið eða hefur tekið afstöðu gegn trúarbrögðum fyrir tilstuðlan utanaðkomandi þátta, sem geta verið hver sem er: uppeldið, vinahópurinn eða jafnvel sjónvarpsgláp. Venjulegur trúleysingi er fastur á sinni skoðun og er ákveðinn í að halda trúleysi sínu á lofti ef hann eða hún eru spurð útí það.

Heitur/ öfga guðleysingi

Þessi hópur er erfiður, því ekkert annað kemst að nema þeirra skoðun. Ekki er mikið hlustað á hina hlið málsins og eru mótmæli við þeirra skoðunum yfirleitt þaggaðar niður. Öfga guðleysingjar telja sig meðhöndla þann eina sanna sannleika, og eru ekki skömminni skárri en öfgatrúmenn oft á tíðum. Ekki veit ég hvað veldur því að menn verði svona öfgafullir, en eitthvað slæmt hlýtur það að vera.

Niðurlag

Þetta eru einungis mínar pælingar og hugsanir, ég er ekki að dæma neinn slæman nema kannski öfgamennina. Því aldrei eru öfgar góðir í hvaða átt sem þær eru, og er meira mark takandi á fólki sem heldur ró sinni og svarar á kurteisan máta kannski erfið málefni.

Erkiklaufinn Ramsey

Voðalega á ég erfitt með að trúa þessari frétt, því samkvæmt öllu hefði hann átt að fara inná spítala að láta tékka á sér eftir svona miklar hrakfarir! Eins og ég hef gaman að þessum ágæta kokki, finnst mér hann svolítið ofmetinn. Ég hef prófað nokkrar uppskriftir eftir hann og verð að segja að ég varð fyrir vonbrigðum.

Nú situr hann ævilangt með ör eftir Lunda á nefi sínu og fróðlegt verður að sjá andlitið hans eftir þær hremmingar! Mér þykir sæta furðu af hverju var ekki farið með hann á spítala í stað hótelherbergis eins og segir í fréttinni. Jú .... margt er skrýtið í kýrhausnum!

Óblíð náttúra og lundar hrelldu Ramsey

Eru þá geimverur til?

Þessi geimfari virðist að minnsta kosti viss í sinni sök. Hann gæti reyndar verið einn af þeim sem heimsótti Snæfellsjökul hér um árið, og beið eftir heimsókn sem aldrei varð. Hver veit!

En eru þær til? Getum við vitað það fyrir vissu? Ég held að þeirri spurningu verði ekki svarað fyrr en þær taka uppá því að heimsækja okkur og sýna sig.

Því ég trúi því að Guð sé ekki svo takmarkaður að hann geti ekki skapað líf á öðrum hnöttum eða sólkerfum. Ekki ætla ég samt að fullyrða um tilvist þeirra, því það veit ég ekkert um.  

Ég las eitt sinn að besta sönnun fyrir tilvist vitsmunavera út geimnum, væri að þau hafa látið það ógert að heimsækja þetta spillta mannkyn.  

Allt hefur sinn tíma og sinn dag, og hvert sem verður af eða á, þá treysti ég Guði fyllilega fyrir þessu öllu saman!

„Það eru til geimverur"

Bænarefni ekki aðhlátursefni

Þessi vesalings maður gengur greinilega ekki heill til skógar. Ég vona hann að finnist sem fyrst áður en hann deyr af völdum ofkælingar.

Enginn með réttu ráði gerir svona lagað, og þess vegna er bæn mín sú að hann sé heill og fái rétta meðhöndlun er hann kemur til baka í hlýjuna.

Þeir sem hafa séð (ó)sóma sinn í að fara með flymtan og spé yfir þessu atviki, ættu að setja skottið á milli fótanna á sér og skammast sín!

Guð blessi björgunarfólkið er leitar að honum, því enn er hann ófundinn.

 

Allsnakinn á Esjunni í 600 metra hæð

Ritstífla .. íslensk náttúra og fleira ...

Ég hef reyndar verið í sumarfríi og notið þess að vera innan um yndislega náttúru Íslands. Við erum nýkominn að norðan við hjónin og ferðuðumst þar víða. Ég er nýbúinn að uppgötva nýtt áhugamál sem tengist öllu sem við kemur íslenskum jurtum.

Hér áður fyrr lagði ég það í vana minn að kalla öll blóm "Fjólur" til þess eins að þurfa ekki að læra nöfnin á þeim, en nú er dagurinn annar, ég er meira að segja búinn að vera kynna mér hinar og þessar sem eru bæði notaðar til lækninga sem og matselda. Vallhumall er ein slík jurt, ég bruggaði úr því te sem og olíu sem má nota til þess að bera til dæmis á lúna fætur. Teið er afar hreinsandi og skilar útúr líkamanum alls kyns óhreinindi. 

Blóðberg (Thymian) höfum við mikið týnt, núna er einmitt rétti tíminn til þess að krækja sér í það. Enda er blóðberg algjört eðal með lambakjöti! 

Ég fór í dagsferð ásamt tengdaföður mínum uppí Naustaborgir sem eru við kjarnaskóg í Eyjafirði. Þar tókum við hjónin alls kyns sýni af alls konur jurtum sem heita ekki lengur fjólur! Góða sveppi var þar einnig að finna og mun ég nýta þá í einhvern góðan rétt ... ég veit bara ekki hvað ennþá. 

Íslendingar finnst mér ekki nógu duglegir að nýta það sem til er útí Guðs grænni náttúrunni, og er hægt að finna fjöldann allan af jurtum sem má nýta okkur bæði til átu og til yndisauka. 

En ég vil þakka öllum þeim sem hafa gert athugasemdir hjá mér á meðan ég var fjarverandi, en ég er ennþá í fríi og ætla að njóta sumarsins í þessari yndislegu íslensku náttúru sem Guð skóp handa okkur, með öllum sínum jurtum og fjólum! Og jú er loks læknaður af heiftarlegri ritstíflu sem hefur hrjáð mig undanfarið, Guð svarar bænum - svo mikið er víst!

Ég læt litla myndasýningu fylgja, okkur tókst nefnilega loksins að læra á þessa forláta myndavél sem við eigum eru hér nokkrar myndir sem ég tók:

Fyrst er það Sírena:

Svo er það Sóley:

Hér ber að líta Jakobsfífil:

Allar þessar myndir voru teknar um miðja nótt í Kjarnaskógi.  Njótið vel.

Ég hlakka til !

Ég er einn af þeim sem mun fara á þessa tónleika annað kvöld, Gústi mágur áskotnaðist miðar á þennan stórviðburð og er ég honum ævinlega þakklátur fyrir að taka mig með ... ókeypis! Að mínu mati er þetta stórviðburður í tónlistarheiminum á Íslandi að frátöldum tónleikum 'Metallicu' sem haldinn var hér um daganna.

En bara svo það sé á hreinu þá er ég mesti auli sem þú finnur hvað viðkemur tónlistarþekkingu,  þetta geta þeir sem þekkja mig staðfest, sem kannski útskýrir af hverju ég varð svona hrifinn af lögum eins og "The Sounds of Silence"  ...   því ég eyddi mest öllum mínum tíma í æsku að dútla við að teikna og kunni hvað best við þögnina. (Ég var guðdómlega leiðinlegt barn!)

Auðvitað kom fyrir að maður hlustaði á tónlist, ástandið var nú ekki svo slæmt, og voru það væmnir hlutir eins og þeir félagar Simon og Garfunkle sem urðu fyrir valinu. Á unglingsárum gerðist ég reyndar mikill aðdáandi Metallicu, sem og Radiohead, Doors, Pink Floyd og Led Zepplin. Mikið vatn hefur runnið til sjávar síðan þá, og eftir að ég tók trú eru Michael W. Smith og Glenn Kaiser í miklu uppáhaldi hjá mér.

Af "heimsins" tónlist hlusta ég aðallega á klassík núorðið. Ég veit ekki hvað er að gerast, mikið hefur maður meyrnað með aldrinum, ég sæki alltaf í væmnari og væmnari hluti! Því ég hlusta einnig á Paul Simon, og hef ennþá gaman að. Mér finnst þeir stundum á köflum svo rómantískir...

Í tilefni þessara tónleika fann ég eldgamla upptöku með: "The Sounds of Silence", sem sunginn er af þeim félögum þegar allt lék í lyndi:

Njótið vel og Guð blessi ykkur!

Paul Simon með tónleika á morgun

Við þurfum að finna hinn gullna meðalveg!

Hvað er þá rétt ritskoðunarstefna? Sjálfur hef legið undir ámæli frá trúsystkinum mínum að vera alltof linur í þessum efnum. Ég leyfi öllum að tjá sig sama hver það er, og hefur það stundum farið útí öfgar þessi frjálslynda stefna hjá mér.

Sumir trúbræður mínir hafa skammað mig fyrir að leyfa trúleysingjum og öðrum að hertaka umræðurnar, og skil ég vel sjónarmið þeirra, en mér finnst betra að leyfa orðum þeirra að standa og leyfa öðrum að dæma sjálft hver er með öfgar.

Það er ekki á dagskrá að breyta þessari stefnu, en ég vísa samt í höfundarsíðuna þar sem ákveðnir skilmálar eru og mun ég reyna að fylgja eftir bestu samvisku. Því það sem ég er að reyna að breyta í mínum veika mætti er það mannorð sem kristnir hafa skapað sér, við erum mörg hver úthrópuð "ritskoðarar" og sögð "hefta málfrelsi". Ég er ekki sammála trúsystkinum mínum í ritskoðunarstefnu sumra þeirra, en það er bara ég.

En reyndar verð ég að viðurkenna að ég er með tvo aðila í banni. En það er vegna þess að innlegg annars þeirra voru hreint og beint svívirðileg, og hinn hafði ég engan húmor fyrir, enda kallaði hann sig Jesú Krist, ég kæri mig ekki um slíka kjána í mínum húsum!

Því hvað er blogg annað hús manns? Ef einhver kemur inn og hefur hægðir í anddyrinu hjá þér, ertu viss um að þú viljir þann aðila aftur í heimsókn? Nei. Svo mikið er víst. Það gildir um þá sem slíkt gjöra og taki þeir það til sín sem eiga það skilið.

En ekki líst mér á þessar reglur í fréttinni, og ef eftir þeim verður farið þá á mikið eftir að breytast. En eins og bent er réttilega á í fréttinni er einungis talað um vandamálið og engar lausnir. Þess vegna skulum við halda vatni yfir þessum tíðindum og taka þeim með fyrirvara. Þess vegna verðum við að setja okkur eigin siðferðisreglur og reyna hvað best að fara eftir þeim.

Vilja setja hömlur á bloggara

Konur og bad boys ...

Eina sem ég er sammála í þessari rannsókn er nafngiftin: "hin myrka þrenning", mér finnst þessi rannsókn jafn tilgangslaus og hún er heimskuleg. Því svona þarf ekki rannsókna til, bara heilbrigðan karlmann! 

Málið er að stelpur hafa meira og minna alltaf verið svona, og er þetta þeirra 'spennufíkn' ef svo má kalla. Löngu fyrir tíma James Bond voru margar konur á hælunum eftir jafnvel stórglæpamönnum!

Til að mynda var gamli kúrekinn afskaplega vinsæll hjá kvenþjóðinni, sömuleiðis, kúrekinn Jesse James og fleiri. Það þarf ekki nema horfa á myndir eins og "Pride and Prejudice" og er Colin Firth meðal þeirra sem margar konur bókstaflega slefa yfir. Og er hann svona "bad boy" í þeirri 5 vasaklúta mynd.

Einnig má nefna mynd sem ég held að allar stelpur hafa séð á lífsleiðinni, og er það myndin "Grease" sem hvað vinsælust. Eftir að stelpur eru búnar að fara í gegnum sitt John Travolta  tímabil þá kemur annar "bad boy" í staðinn. Sameiginlegt átak kvenna á myndum eins og "Grease" og tónlist eftir Abba, hef ég aldrei skilið, en flestar konur eru allar hrifnar af Abba og elska "Grease" ... WHY stelpur??? Jæja, en hvað veit ég fávís karlmaður og er sennilega kominn á hættulegan stað.

Ég er bara feginn að ég var grindhoraður, bláfátækur myndlistarnemi þegar ég kynnist konunni minni, og gekk aðallega í halllærislegum Havæí skyrtum og útvíðum buxum ... sem ég vona að sé ekki "bad boy" ímynd ... 

Hvers vegna komast „vondir strákar“ yfir fleiri stelpur?

Sniper æfing

 ... ég segi ekki meir, titillinn segir allt sem þarf!  Verði þeim að góðu!

 

Ísbjarna leitað úr lofti

Síðasti bjartsýni Íslendingurinn: Geir hin Harði

Samkvæmt síðustu könnunum erum við sem þjóð ekki eins bjartsýn og Geir hin Harði. Eftir að hafa verið talinn bjartsýnasta þjóð í heimi í áraraðir er komið annað hljóð í skrokkinn. Og má breyta þessum orðum Geirs þar sem hann segir:

 Íslendingar hafi árið 1969 tekist á við einhverja erfiðustu kreppu síðustu áratuga vegna aflabrests og verðhruns á erlendum mörkuðum.

Verum bara raunsæ og umorðum þetta:

Íslendingar hafi árið 2008 tekist á við einhverja erfiðustu kreppu síðustu áratuga vegna aflabrests og verðhruns á erlendum mörkuðum. 

Er þetta fjarri lagi hjá mér? 

Forsætisráðherra bjartsýnn