Lamb í bjarnargæru

Í nýjasta æðinu er fólk farið sjá ísbirni í hverju horni! Og mæli ég eindregið með sjónmælingu hjá þessu fólki, mikill er munurinn á lambi og hvítabirni.

En ég hefði samt viljað sjá fólkið sem þóttist hafa séð þá, að horfa uppá þau hlaupa lambi í mestu skelfingu er ábyggilega óborganlegt! 

 

Björninn væntanlega rolla

Konur og bad boys ...

Eina sem ég er sammála í þessari rannsókn er nafngiftin: "hin myrka þrenning", mér finnst þessi rannsókn jafn tilgangslaus og hún er heimskuleg. Því svona þarf ekki rannsókna til, bara heilbrigðan karlmann! 

Málið er að stelpur hafa meira og minna alltaf verið svona, og er þetta þeirra 'spennufíkn' ef svo má kalla. Löngu fyrir tíma James Bond voru margar konur á hælunum eftir jafnvel stórglæpamönnum!

Til að mynda var gamli kúrekinn afskaplega vinsæll hjá kvenþjóðinni, sömuleiðis, kúrekinn Jesse James og fleiri. Það þarf ekki nema horfa á myndir eins og "Pride and Prejudice" og er Colin Firth meðal þeirra sem margar konur bókstaflega slefa yfir. Og er hann svona "bad boy" í þeirri 5 vasaklúta mynd.

Einnig má nefna mynd sem ég held að allar stelpur hafa séð á lífsleiðinni, og er það myndin "Grease" sem hvað vinsælust. Eftir að stelpur eru búnar að fara í gegnum sitt John Travolta  tímabil þá kemur annar "bad boy" í staðinn. Sameiginlegt átak kvenna á myndum eins og "Grease" og tónlist eftir Abba, hef ég aldrei skilið, en flestar konur eru allar hrifnar af Abba og elska "Grease" ... WHY stelpur??? Jæja, en hvað veit ég fávís karlmaður og er sennilega kominn á hættulegan stað.

Ég er bara feginn að ég var grindhoraður, bláfátækur myndlistarnemi þegar ég kynnist konunni minni, og gekk aðallega í halllærislegum Havæí skyrtum og útvíðum buxum ... sem ég vona að sé ekki "bad boy" ímynd ... 

Hvers vegna komast „vondir strákar“ yfir fleiri stelpur?

Svör við spurningarleik

Ég fann þennan skemmtilega spurningaleik hjá frábærum bloggvini Gunnari Svíafara, og átti ofurbloggarinn Jóna upphaflega hugmyndina af þessu. Ég mátti til að svara þessu og birta.

1.ERTU SKÍRÐ/UR Í HÖFUÐIÐ Á EINHVERJUM ? 
Föður afi minn hét Haukur og móður afi minn hét Guðsteinn, ég held ég sé málamiðlun! 

2. HVENÆR FÓRSTU SÍÐAST AÐ GRÁTA ?
Vá ... ég bara man það ekki, en það er mjög langt síðan!

3. FINNST ÞÉR ÞÚ SKRIFA VEL ?
Já ... 

5. ÁTTU BÖRN ? EF JÁ HVE MÖRG ?
Einn fósturson og eina dótttur.

6. EF ÞÚ VÆRIR EINHVER ANNAR EN ÞÚ ERT,VÆRIRÐU VINUR ÞINN ? 
Já!

7. NOTARÐU KALDHÆÐNI MIKIÐ ? 
Afskaplega mikið, en fáir hafa húmor fyrir því vegna trúar minnar. *andvarp*

8. FÆRIRÐU Í TEYGJUSTÖKK ? 
Ekki að ræða það.

9. HVAÐA MORGUNMATUR ER Í UPPÁHALDI HJÁ ÞÉR ?
Vatn.

10. REIMARÐU FRÁ ÞEGAR ÞÚ FERÐ ÚR SKÓNUM ?
Neibb.

11. TELURÐU ÞIG ANDLEGA STERKAN ?
Nei.

12. HVERNIG ÍS ER Í UPPÁHALDI HJÁ ÞÉR ? 
Bláberja ís.

13. HVAÐ ER ÞAÐ FYRSTA SEM ÞÚ TEKUR EFTIR Í FARI FÓLKS ?
Augnaráðið.

14. RAUÐUR EÐA BLEIKUR VARALITUR ?
hehehe... svara ekki svona spurningum! Úfff ... 

15. HVAÐ MISLÍKAR ÞÉR MEST VIÐ SJÁLFAN ÞIG ? 
Fljótfærnin.

16. HVAÐA MANNESKJU SAKNAR ÞÚ MEST ? 
Ömmu minnar sem lést ekki alls fyrir löngu.
 
17. VILTU AÐ ALLIR SEM LESA ÞETTA SVARI ÞESSUM LISTA ?
Það væri cúl.

18. HVAÐA LIT AF BUXUM OG SKÓM ERTU Í NÚNA ?
Svörtum jakkafatabuxum og svörtum skóm.

19. HVAÐ VAR ÞAÐ SÍÐASTA SEM ÞÚ BORÐAÐIR ?
Epli.

20. Á HVAÐ ERTU AÐ HLUSTA NÚNA ?
"The Trail" eftir Pink Floyd.

21. EF ÞÚ VÆRIR LITUR, HVAÐA LITUR VÆRIR ÞÚ ?
Rúst-rauður

22. HVAÐA LYKT FINNST ÞÉR BEST ? 
Skógarlykt.

23. VIÐ HVERN TALAÐIRÐU SÍÐAST Í SÍMA ? 
Bryndísi mína.

24. LÍKAR ÞÉR VEL VIÐ ÞÁ MANNESKJU SEM SENDI ÞÉR ÞESSAR SPURNINGAR? 
Gunnar Svíafari sendi mér ekki þessar spurningar, en ég ber mikla virðingu fyrir honum og kann vel við hann að öllu leyti.

25. UPPÁHALDSÍÞRÓTT SEM ÞÚ HORFIR Á ? 
Ömmm ... úfff .... ég bara horfi ekki á þær! Punktur.

26. ÞINN HÁRALITUR ? 
Dökkhærður.

27. AUGNLITUR ÞINN ?
Brúnn.

28. NOTARÐU LINSUR ? 
Nei, er með ofnæmi fyrir þeim.

29. UPPÁHALDSMATUR ?
Vá, enn það mun samt vera góð nautalund.

30. HRYLLINGSMYND EÐA GÓÐUR ENDIR?
Góður endir.

31. SÍÐASTA BÍÓMYND SEM ÞÚ SÁST Í BÍÓ ? 
hehehe ... Transformers.

32. KNÚS OG KOSSAR EÐA LENGRA Á FYRSTA DEITI ? 
Það fer eftir deitinu.

33. UPPÁHALDS EFTIRRÉTTUR ?
Créme Brúlé.

34. HVER ER LÍKLEGASTUR TIL AÐ SVARA ÞESSU OG BIRTA ?
Ekki hugmynd!

35. HVER ER ÓLÍKLEGASTUR ? 
Mjög margir!

36. HVAÐA BÓK ERTU AÐ LESA ? 
hehehe ... ég á seríuna af 'Transformers' sem ég er að lesa.

37. HVAÐA MYND ER Á MÚSAMOTTUNNI ÞINNI ? 
Engin mynd.

38. Á HVAÐ HORFÐIRÐU Í SJÓNVARPINU Í GÆR ?
Horfði ekkert á sjónvarp í gær.

39. ROLLING STONES EÐA BÍTLARNIR ?
Bítlarnir.
 
40. HVAÐ ER ÞAÐ LENGSTA SEM ÞÚ HEFUR FARIÐ FRÁ ÍSLANDI ?
Mexico.

41. HVERJIR ERU ÞÍNIR HELSTU EIGINLEIKAR ?
Hrokinn ef ég á að svara þessu, þetta er greinilega mont færsla og veit ég ekkert hverjir mínir helstu eiginleikar eru.

42. HVAR FÆDDISTU ?
Í Reykjavík.

43. SVÖR FRÁ HVERJUM ERTU SPENNTUST/SPENNTASTUR AÐ FÁ SJÁ ?
Jóni Val Jenssyni. 

Hvert er heimurinn að fara?

Nú er mér öllum lokið, samkvæmt þessari frétt frá BBC þá er maður einn stöðvaður fyrir það eitt að vera "Transformers" stuttermabol!

Hættan sem stafaði af þessum einstakling var að Transformerinn var með byssu í hendinni og var það talið ógn af starfsmönnum Heathrow flugvallar. Eftir að hann skipti um þennan stórhættulega bol þá var honum hleypt í gegn.

Er pólitískur rétthugsunarháttur alveg gengin útí öfgar?? Hvurslags er þetta eiginlega!

 

Þetta eru þeir sem stafar svona mikil ógn af:

 

 

 

 

 

 

 

 

 

 

 

 

 

 

 

 

 

 

 

 

Stórhættulegt alveg!

Ég sem teiknaði þessar 2 stórhættulegu myndir ætti að sitja inni fyrir það!!

Tepruskapur! Og ekkert annað!

Þetta er nú fulllangt gengið, nema það eigi þá að koma þessum múmíum í einhvern alklæðnað "ala Talíban". Nekt er ekkert til þess að skammast sín fyrir, nema við eigum að skammast okkar fyrir sköpun Drottins.

Ritað er:

Jobsbók 1:21
Nakinn kom ég af móðurskauti og nakinn mun ég aftur þangað fara.

Mér þykir þetta vera furðulegt framtak hjá Bretum ... svo vægt sé til orða tekið!

Fáklæddar múmíur vekja uppnám

Aldrei hef ég heyrt um Sjóflóðavarnir ... :-/

Ég varð bara að hrekkja moggamenn fyrir þessa ásláttarvillu!  Þarna á auðvitað að standa Snjóflóðavarnir. 

Snjóflóðavarnir koma í veg fyrir íbúafækkun

Minnir á: The Crying Game

Þessi vesalings maður lendir í atviki sem minnir óneitanlega á myndina The Crying Game, og sýnir þetta og sannar að betra er að vera heiðarleg/ur sama hvað eða hver á í hlut.

 

Vonbrigði á brúðkaupsnóttinni

Kóngur í ríki sínu ...

Eitt sinn var konungur einn sem Geir hét, og var hann kallaður Geir hin Harði. Áður fyrr vann hann fyrir sér sem gjaldkeri konungs, en vegna ættar sinnar og blóðs tók hann við konungs embættinu seinna. Hann tók við góðu og ríku búi af forvera sínum, forvera sínum sem meira að segja var dreginn fyrir rétt vegna brota sinna við fátækasta fólkið ... öryrkja landsins.

En sama var honum um það, og kallaði forsprakka þessa "skríls" illa upp alið götubarn. En svo kom að sá konungur lét af völdum, og hélt á leið í enn stærri gullsmiðju er hann var í áður. Og útbýtir þar gulli sínu eftir hentisemi.

Nýi konungurinn kynntist ríkum bónda, sem lét vel við hann. Eini gallinn var að kunni ekki að brosa. Bóndinn átti mikinn auð sem hann náði að svindla út úr sjómönnum landsins. Og voru bóndinn og Geir hin Harði mestu mátar næstu 12 árin. Og byggðu þeir og byggðu, tóku land og skelltu þar vítisvélum sem menguðu eitruðum reyk og sverti það lungu lýðsins. Á meðan lifðu Geir hin Harði og bóndinn í vellystingum.

Svo varð að Geir hin Harði gerðist svo ístöðulaus, hann fór að líta hýru auga til kvenna. Hann kynntist ákveðni konu er var kölluð Borgarnes Solla, og var það vegna ræðu einnar sem hún hélt þar. Geir hin Harði mýktist allir og fór uppá Þingvelli og kyssti Borgarnes Sollu bak og fyrir, eftir það hefur samband þeirra ekki rofnað og meira að segja orðið svo gott að þau verða vera alein í ferðalögum sínum og alveg einangruð frá sótsvörtum lýðnum sem sveltur fyrir utan höll þeirra.

Lýðurinn fór svo að mótmæla þessum ráðahag, þá mælti Geir hin Harði: 

„Það er lýsandi dæmi um hvernig stjórnmálaumræðan á Íslandi er stundum ef það er gert að aðalmáli þeirrar heimsóknar sem ég og utanríkisráðherra erum í á þessum mikilvæga leiðtogafundi að við skulum hafa fundið hagstæða leið til að komast hingað,"

Var þá málið afgreitt og enginn dirfðist að andmæl þessum merka konungi.

Guð blessi ykkur og vona ég að það sé lærdómur af þessari sögu. Við höfum vald til þess að breyta því, gleymum því ekki.

 

Munaði 100-200 þúsund krónum

Apríl-gabb Vantrúar

Vantrú er með aprílgabb á síðu sinni þess efnis að þeir hafi klofnað. Þetta var afar vel undirbúið og trúlegt hjá þeim. Nánar um þetta hér.

Ég og Linda settum inn nokkrar athugasemdir þar sem við lýstum efa okkar um sannleiksgildi fréttar þeirra. Því var öllu eytt umsvifalaust út!

Ég ritaði t.d. á síðu þeirra:

"Þetta er nú bara ágætlega undirbúið hjá ykkur, en ég  held að þið séuð að fylgja formerkjum hins alþjóðlega trúleysisdags sem er í dag, þ.e.a.s. fyrsti apríl. Ef þið eyðið þessari athugasemd út þá staðfestir það grun minn og mun ég auglýsa gabb ykkar eins og ég get.    "

 Og við það stend ég! En það sem ég hafði nú mest gaman af var að vera svona ritskoðaður! Þeir ættu að líta sér nær þegar þeir gagnrýna kristna fyrir ritskoðun! HAHAHAHA! Gaman að þessu!

Þetta er hefnd trúarnöttarans!   

Góð og slæm apríl göbb ...

Sum hver apríl göbbin er góð önnur ekki. Sérlega áberandi var Apríl gabb vísis sem sagði að Al Gore myndi gista í snekkju Saddams Husseins ... ... ég held að vísismenn haldi að við séum öll fæðingarhálfvitar!

Fréttablaðið auglýsti bensín lítrann á 103 kr. á einhverri bensínstöð, sem var aðeins trúanlegra og hefðu sennilega einhverjir hlaupið apríl við það.

Moggin er svo með frétt um að hægt sé að horfa á kvikmyndir á mbl.is .... það sem kemur upp það er að það er ekki hægt að blogga við fréttina og efast ég stórlega um þessa frétt. 

En vinninginn á öfgafemínistinn Sóley Tómasdóttir þar sem hún hvetur kynsystur sínar að bæta berar að ofan í sund kl. 17:00 í dag. hehehe ... ég held að það verði einungis karlmenn í sundi í dag vegna þessarar auglýsingar hennar!

Ég tek og fer úr að ofan fyrir þér Sóley, og ætla að stofna "Free Willy" samtökin sem mótvægi við þessu! Hvað segið þið strákar? Eruð þið til í það?? Ég meina, ef þær mæta berar að ofan, þá mætum við bara berir að neðan! Við megum ekki leyfa þessum femínistum að komast upp með þetta einar, er það strákar?  Sýnum þeim stuðning og frelsum spottanna okkar! þá verður þetta ekki eins neyðarlegt fyrir þær!  (Nú verð ég drepinn af einhverjum konum ... biðjið fyrir mér)