Harmleikur

Eina sem ég get sagt er að allir bænir mínar eru hjá aðstandendum þessarar fjölskyldu. Ósköp er sorglegt að lesa svona fréttir, ég fékk í magann þegar ég ímyndaði mér að þarna væri dóttir mín á ferðinni, og get sennilega aldrei sett mig í þau spor sem þessi fjölskylda er í.

Drukknaði í heitum sjónum

Hmmm ... stenst þetta?

Í alvöru stelpur? Stenst þessi rannsókn? Ég er ekki viss um að kona mín sé sammála þessu, við erum alltaf svefnþurfi og samt ákaflega hamingjusöm ....  ??? Hvað finnst þér Bryndís?

Nærir svefninn hamingjuna?

Svör við spurningarleik

Ég fann þennan skemmtilega spurningaleik hjá frábærum bloggvini Gunnari Svíafara, og átti ofurbloggarinn Jóna upphaflega hugmyndina af þessu. Ég mátti til að svara þessu og birta.

1.ERTU SKÍRÐ/UR Í HÖFUÐIÐ Á EINHVERJUM ? 
Föður afi minn hét Haukur og móður afi minn hét Guðsteinn, ég held ég sé málamiðlun! 

2. HVENÆR FÓRSTU SÍÐAST AÐ GRÁTA ?
Vá ... ég bara man það ekki, en það er mjög langt síðan!

3. FINNST ÞÉR ÞÚ SKRIFA VEL ?
Já ... 

5. ÁTTU BÖRN ? EF JÁ HVE MÖRG ?
Einn fósturson og eina dótttur.

6. EF ÞÚ VÆRIR EINHVER ANNAR EN ÞÚ ERT,VÆRIRÐU VINUR ÞINN ? 
Já!

7. NOTARÐU KALDHÆÐNI MIKIÐ ? 
Afskaplega mikið, en fáir hafa húmor fyrir því vegna trúar minnar. *andvarp*

8. FÆRIRÐU Í TEYGJUSTÖKK ? 
Ekki að ræða það.

9. HVAÐA MORGUNMATUR ER Í UPPÁHALDI HJÁ ÞÉR ?
Vatn.

10. REIMARÐU FRÁ ÞEGAR ÞÚ FERÐ ÚR SKÓNUM ?
Neibb.

11. TELURÐU ÞIG ANDLEGA STERKAN ?
Nei.

12. HVERNIG ÍS ER Í UPPÁHALDI HJÁ ÞÉR ? 
Bláberja ís.

13. HVAÐ ER ÞAÐ FYRSTA SEM ÞÚ TEKUR EFTIR Í FARI FÓLKS ?
Augnaráðið.

14. RAUÐUR EÐA BLEIKUR VARALITUR ?
hehehe... svara ekki svona spurningum! Úfff ... 

15. HVAÐ MISLÍKAR ÞÉR MEST VIÐ SJÁLFAN ÞIG ? 
Fljótfærnin.

16. HVAÐA MANNESKJU SAKNAR ÞÚ MEST ? 
Ömmu minnar sem lést ekki alls fyrir löngu.
 
17. VILTU AÐ ALLIR SEM LESA ÞETTA SVARI ÞESSUM LISTA ?
Það væri cúl.

18. HVAÐA LIT AF BUXUM OG SKÓM ERTU Í NÚNA ?
Svörtum jakkafatabuxum og svörtum skóm.

19. HVAÐ VAR ÞAÐ SÍÐASTA SEM ÞÚ BORÐAÐIR ?
Epli.

20. Á HVAÐ ERTU AÐ HLUSTA NÚNA ?
"The Trail" eftir Pink Floyd.

21. EF ÞÚ VÆRIR LITUR, HVAÐA LITUR VÆRIR ÞÚ ?
Rúst-rauður

22. HVAÐA LYKT FINNST ÞÉR BEST ? 
Skógarlykt.

23. VIÐ HVERN TALAÐIRÐU SÍÐAST Í SÍMA ? 
Bryndísi mína.

24. LÍKAR ÞÉR VEL VIÐ ÞÁ MANNESKJU SEM SENDI ÞÉR ÞESSAR SPURNINGAR? 
Gunnar Svíafari sendi mér ekki þessar spurningar, en ég ber mikla virðingu fyrir honum og kann vel við hann að öllu leyti.

25. UPPÁHALDSÍÞRÓTT SEM ÞÚ HORFIR Á ? 
Ömmm ... úfff .... ég bara horfi ekki á þær! Punktur.

26. ÞINN HÁRALITUR ? 
Dökkhærður.

27. AUGNLITUR ÞINN ?
Brúnn.

28. NOTARÐU LINSUR ? 
Nei, er með ofnæmi fyrir þeim.

29. UPPÁHALDSMATUR ?
Vá, enn það mun samt vera góð nautalund.

30. HRYLLINGSMYND EÐA GÓÐUR ENDIR?
Góður endir.

31. SÍÐASTA BÍÓMYND SEM ÞÚ SÁST Í BÍÓ ? 
hehehe ... Transformers.

32. KNÚS OG KOSSAR EÐA LENGRA Á FYRSTA DEITI ? 
Það fer eftir deitinu.

33. UPPÁHALDS EFTIRRÉTTUR ?
Créme Brúlé.

34. HVER ER LÍKLEGASTUR TIL AÐ SVARA ÞESSU OG BIRTA ?
Ekki hugmynd!

35. HVER ER ÓLÍKLEGASTUR ? 
Mjög margir!

36. HVAÐA BÓK ERTU AÐ LESA ? 
hehehe ... ég á seríuna af 'Transformers' sem ég er að lesa.

37. HVAÐA MYND ER Á MÚSAMOTTUNNI ÞINNI ? 
Engin mynd.

38. Á HVAÐ HORFÐIRÐU Í SJÓNVARPINU Í GÆR ?
Horfði ekkert á sjónvarp í gær.

39. ROLLING STONES EÐA BÍTLARNIR ?
Bítlarnir.
 
40. HVAÐ ER ÞAÐ LENGSTA SEM ÞÚ HEFUR FARIÐ FRÁ ÍSLANDI ?
Mexico.

41. HVERJIR ERU ÞÍNIR HELSTU EIGINLEIKAR ?
Hrokinn ef ég á að svara þessu, þetta er greinilega mont færsla og veit ég ekkert hverjir mínir helstu eiginleikar eru.

42. HVAR FÆDDISTU ?
Í Reykjavík.

43. SVÖR FRÁ HVERJUM ERTU SPENNTUST/SPENNTASTUR AÐ FÁ SJÁ ?
Jóni Val Jenssyni. 

Vissi þetta!

Svona mál vekja undantekningarlaust heimsathygli, og er mannorð Íslendinga ekki nógu slæmt fyrir?

Menn verða að læra að hugsa fyrst um afleiðingar gjörða sinna áður en þeir taka í gikkinn!

Hvítabjarnarmál vekur athygli

Guðlast?

... ööö .... nei.

Hins vegar er þetta trúarlega þema hans Jóns Gnarrs alveg orðið ágætt, þetta var broslegt í fyrstu umferð, en nú er komið nóg. Nú tala ég ekki af trúarlegum ástæðum heldur aðeins smekk, góð vísa getur stundum verið of oft kveðinn. 

Kristni er ekki yfir gagnrýni hafin, en grínið er það. En það er bara ég.

Segja upp viðskiptum við Símann

Grimmilegt!

Mikið ósköp er ég sammála þessum Agli, auðvitað átti að reyna önnur ráð. Þeir hefðu átt að rýma þetta svæði og einangra björnin frá mannsjöldanum!

Eða jafnvel skotið í hann með deyfilyfi í stað þess að fórna lífi þess. Þetta hefði auðvitað kostað að flytja það, en svona jákvæð fjölmiðla umfjöllun í meðferð dýra hefði verið snilldar auglýsing fyrir Íslendinga! Líf eru heldur ekki metinn í fjár!

Svona gera menn ekki!

 

 

 

„Hefði átt að loka veginum"

Rabbabaraís

Bryndís kona mín bakaði snilldar eplapæ um helgina, sem hún segir frá bloggi sínu. Ég tók mig til og gerði soldið sérkennilegan ís með herlegheitunum. Eins furðulega og það hljómar þá gerði ég rabbabaraís, og birti ég þessa uppskrift til þess að fullkomna uppskrift eiginkonu minnar.

Rabbabaraís

Hráefni:
3 eggjarauður
80 grömm sykur
1 peli rjómi
1 líter af Nýmjólk
1 stk. Vanillubaun
Rabbabari nokkur stk.

Aðferð:

Hrærið eggjarauður og sykur saman þar til það er orðið létt og fölt. Kljúfið vanillubaun og látið fræin útí. Blandið svo rólega saman mjólk og rjóma á meðan hrært er. Skerið rabbabarann smátt niður og setjið útí. Setjið svo allt í ísvél eða frysti, ef ísvél er notuð er ísinn tilbúinn eftir 30 mín eða svo. Ef þetta er sett í frysti verður að hræra í þessu með gafli á minnst klukkutíma fresti í ca. 4 tíma. Þá myndast ekki kristallar og verður ísinn silkimjúkur.

Verði ykkur að góðu. 

Kærleiksmaðurinn Hjalti Rúnar

Ég er alveg upp með mér, hin hjartgóði og fyrirmynd kærleikans sem og meðlimur Vantrúar, Hjalti Rúnar Ómarsson, hefur enn og aftur skrifað grein um mig. Það mun vera sú fjórða í röðinni.

Síðan ég byrjaði að blogga hér á blog.is þá hef ég greinilega verið í einhverju uppáhaldi hjá þessum ágæta vantrúarmanni, hann sér tilefni til þess að gera mál úr orðum mínum hvað eftir annað, og veitir mér um leið ókeypis kærkomna auglýsingu. Takk Hjalti!

Förum aðeins yfir sögu okkar Hjalta:

Fyrsta færslan sem hann skrifar um mig heitir:  Trúvarnarmaðurinn Guðsteinn

Númer tvö í röðinni heitir:  Myndræn uppsetning mótsagnar

Númer þrjú í seríunni heitir:  Kristilegur kærleikur

Svo númer fjögur og svo nýjasta heitir:  Er nánd fjarlæg eða nálæg?

Í síðustu grein þessa mikla "scribe" Vantrúar, þá gerir Hjalti grín af orðum mínum þar sem ég vil ekki bekkenna að nánd getur þýtt: "í náinni framtíð". Ég sagði nefnilega:

"í nánd" er í mínum huga hvenær sem er, í náinni framtíð eða jafnvel fjarlægri.

Og fer ég ekki ofan af þeim orðum. Því eins og við finnum í þjóðsöng okkar Íslendinga:

Fyrir þér er einn dagur sem þúsund ár
og þúsund ár dagur, ei meir: 

Nákvæmlega þetta var ég að meina, tíminn er afstæður hjá Guði og hef ég reyndar ekki hugmynd um hvernig hann reiknar árin, og er það ekki mitt að vita. Þess vegna þegar ég segi til dæmis: "Er heimsendir í nánd?" og svo spurður hvað "í nánd" er mínum huga. Þá er svarið í þjóðsöngnum og ber að líta hér ofar. Einnig er ritað:

Markúsarguðspjall 13:33
Verið varir um yður, vakið! Þér vitið ekki, nær tíminn er kominn.

Einmitt, það er einmitt málið. Við vitum ekki hvenær tíminn kemur og ekki okkar að vita. Því það stendur einnig:

Mattheusarguðspjall 24:36
En þann dag og stund veit enginn, hvorki englar á himnum né sonurinn, enginn nema faðirinn einn.

Þess vegna þegar ég segi "Er heimsendir í nánd" er það doldið afstætt og samkvæmt ofangreindu. Ekki flókið það. En aðrir sjá ásæðu til þess að benda á annað og vera með stórskemmtilega útúrsnúninga!

En ég vil þakka þessum mikla öðling fyrir að þykja svona vænt um mig, einnig vil ég þakka honum að auglýsa blogg mitt enn frekar og vona ég að ég hafi endurgoldið honum greiðann!

Hreint kraftaverk að ekki fór verr

Miðað við styrk þessa sjálfta mega Íslendingar vera stolltir yfir góðri húsasmíði sinni. Brotinn glös og annað innbú er hægt að endurnýja. En enginn slasaðist alvarlega og enginn dó, það er fyrir mestu, og er afar þakklátur fyrir þessa frábæru bænheyrslu.

Amen. 

Enn að ná sér eftir skjálftann

Mótmælum mannréttindabrotum stjórnvalda á Sjómannadaginn!

Nú vaknar Grindvíkingurinn í mér, ég tók þetta af xf.is og má til með að vekja athygli á þessu!

Landssamband kvenna í Frjálslynda flokknum boðar til mótmæla á sjómannadaginn

Landsamband kvenna í Frjálslynda flokknum boðar til mótmæla á sjómannadaginn gegn mannréttindabrotum stjórnvalda í fiskveiðistjórnunarkerfinu. Safnast verður saman við Stjórnarráðið kl.13.30 sunnudaginn 1. júní og gengið að hafnarbakkanum þar sem hátíðahöld sjómannadagsins fara fram.

Hvetjum félaga til þess að sýna samstöðu og taka þátt í friðsamlegum mótmælum. Þó það sé Landssamband kvenna sem boðar til mótmælana eru allir velkomnir, konur jafnt sem karlar.

Stjórnin.

Ritað er: 

Jóhannesarguðspjall 21:4-14

4 Þegar dagur rann, stóð Jesús á ströndinni. Lærisveinarnir vissu samt ekki, að það var Jesús.
5 Jesús segir við þá: ,,Drengir, hafið þér nokkurn fisk?`` Þeir svöruðu: ,,Nei.``
6 Hann sagði: ,,Kastið netinu hægra megin við bátinn, og þér munuð verða varir.`` Þeir köstuðu, og nú gátu þeir ekki dregið netið, svo mikill var fiskurinn.
7 Lærisveinninn, sem Jesús elskaði, segir við Pétur: ,,Þetta er Drottinn.`` Þegar Símon Pétur heyrði, að það væri Drottinn, brá hann yfir sig flík  hann var fáklæddur og stökk út í vatnið.
8 En hinir lærisveinarnir komu á bátnum, enda voru þeir ekki lengra frá landi en svo sem tvö hundruð álnir, og drógu netið með fiskinum.
9 Þegar þeir stigu á land, sáu þeir fisk lagðan á glóðir og brauð.
10 Jesús segir við þá: ,,Komið með nokkuð af fiskinum, sem þér voruð að veiða.``
11 Símon Pétur fór í bátinn og dró netið á land, fullt af stórum fiskum, eitt hundrað fimmtíu og þremur. Og netið rifnaði ekki, þótt þeir væru svo margir.
12 Jesús segir við þá: ,,Komið og matist.`` En enginn lærisveinanna dirfðist að spyrja hann: ,,Hver ert þú?`` Enda vissu þeir, að það var Drottinn.
13 Jesús kemur og tekur brauðið og gefur þeim, svo og fiskinn.
14 Þetta var í þriðja sinn, sem Jesús birtist lærisveinum sínum upp risinn frá dauðum.

Ég held að Jesús hefði eitthvað sagt ef tollheimtumenn eða jafnvel farísear hefðu komið og sagt þeim að þeir mættu bara eiga tíunda hvern fisk eða svo, og skipað þeim að borga sitt gjald.

Svona mannasetningar eru engum til góða og er skýrt mannréttindabrot eins og úrskurðað hefur verið hjá mannréttindadómstólum, en stjórnvöld eru með uppstoppuð eyru varðindi þessi mál. Það er kominn tími til að vekja þau!

Ég hvet alla til þess að mæta ef þið getið og eru allir velkomnir hvað sem þið heitið!