Færsluflokkur: Trúmál og siðferði

Og til hvers????

Í fyrsta lagi nota mormónar biblíuna varla neitt .... þeir styðjast fremur við mormónabókina hans Josephs Smiths, sem var stofnandi kirkju þeirra. Hann var eitt sinn á rölti um skóg nokkurn, og hitti þar veru sem líktist engli sem kallaði sig Moroni. Joseph Smith segir að þessi engill hafi látið hann fá 2 gulltöflur með himnesku letri, og hafi Joseph Smith notað þær til þess að semja meðal annars mormónabókina.

En málið er að hvorki hafa fundist gulltöflurnar né umræddur skógur sem hann sagði að þetta gerðist, og er ennþá hulinn ráðgáta af hverju það hefur ekki enn fundist. Kannski vegna þess að karlinn hefur sennilega logið sér til um þetta.

Nokkrar áhugaverðar/furðulegar staðreyndir um Mormóna: 

  • Þessi samtök trúa að okkar Guð hafi verið Adam í sköpunarsögunni, og hann hafi orðið Guð, bara vegna þess að okkar Guð hafi fylgt mormónabókina alveg til bókstafsins. Og boða þeir það ef við gerum slíkt hið sama þá verðum við einnig 'guðir' yfir okkar eigin sólkerfi.
  • Einnig segja þeir að Adam hafi tekið sér margar konur og vilja helst fara að hans fordæmi (sem er reyndar búið að banna núna af yfirvöldum)
  • Sömuleiðis segja þeir okkar Guð búa a plánetunni 'Kolkoff' (sem er ekki til í stjörnufræði)
  • Þeir verða einnig að vera í sérstökum alklæðnaði sem undirföt. Og má aðeins þvo þær flíkur í sérstökum þvottahúsum mormónakirkjunnar (sem er reyndar bara tíðkað í Utah fylki í BNA).

Sagt er um mormónabókina á wikipedia:

The Book of Mormon  is one of the sacred texts of the Latter Day Saint movement. It is regarded by Latter Day Saints as divinely revealed and is named after the prophet–historian Mormon who, according to the text, compiled most of the book. It was published by the founder of the LDS movement, Josephs Smith, in March 1830 in Palmyra, New York, USA.

Sem sé, til hvers að gefa mormónum slíka bók? Sér í lagi þegar það eru bara 40 eintök eftir af upplaginu sem var prentað? Svona á heima á safni á Íslandi og hvergi annarsstaðar!


mbl.is Gaf háskóla í Utah fágæta íslenska biblíu
Tilkynna um óviðeigandi tengingu við frétt

Það þarf tvo til!

Ögmundur Jónasson finnst mér til háborinnar skammar með málflutningi sínum að slíta stjórnmála sambandi við Ísrael, hvað ætlar hann að leysa með því?

Báðir hópar eru jafnsekir um jafn slæma hluti, sem þessi frétt reyndar sannar, og eru þau á báða vegu á milli þessari tveggja þjóða.

Á Rás2 í morgun var sagt að Islamic-Jihad samtökin hafi lýst ánægju sinni yfir þessum voðaverkum og töldu manninn sem drap þetta fólk vera hetju í þeirra augum! Úfff ...

Það á berjast gegn hryðjuverkum herskárra Hamas liða, Islamic-Jihad og Al-Aqsa sveita eins og hægt er til þess að koma í veg fyrir svona ófrið, Ísrael á auðvitað fullan rétt til þess að verja sig eins allar aðrar þjóðir! Við myndum verja okkur líka ef ráðist yrði svona á okkur, þetta er lýðræðisríki alveg eins og okkar.

Lausnin fellst sem sé ekki í einhverjum hótunum um slit á stjórnmálasamskiptum, því báðir hópar eru jafn sekir um ódæðisverk. Það er til orðatiltæki á ensku um þetta: "It takes two to tango"! Og finnst hreint út sagt óréttlátt, að kenna aðeins öðrum aðilanum um allt þegar ljóst er að ábyrgðin liggur beggja megin borðs. Sáttaleiðin er sú sem á reyna alveg fram í lengstu lög!

Til gamans er hér er t.d. kort sem sýnir (grænt litað) hvar áhrifasvæði múslima eru, og pinku litli rauði depillinn er Ísrael:

 

kort

mbl.is Mikil spenna í Jerúsalem
Tilkynna um óviðeigandi tengingu við frétt

Í dag er alþjóðlegur bænadagur kvenna!

 

baenadagurkvenna

 

Ég fór í Kristskirkjuna á sunnudaginn var, og var þar auglýst: 'Alþjóðlegur Bænadagur Kvenna', ég má til með að auglýsa þetta myndarlega framtak og hvet allar kristnar konar til þess að taka þátt. Cool

En auglýsingin er með allar þær upplýsingar sem til þarf.  Joyful

Guð blessi þessar frábæru konur! 


Og ætlar vantrú ekki að vera með sitt árlega bingó?

Svona eins og seinast, þá gerðu þeir það. Þótt ég taki nú undir að þessi lög er fremur furðuleg og eru löngu orðinn úreld, þá er þetta eitt af þeim atriðum sem skipta voðalega litlu máli og á ekki að gera veður úr.

Ekki nema þeir vilja meina að það eigi að handtaka alla þá sem taka upp sjónvarpsefni á vídeótækin sín, geri innrás á þá tölvunörda sem eru að hala niður efni og annað slíkt.

Lögreglan hefur nóg annað að gera og skil ég ekki þennan fréttaflutning hjá mogganum, hann ber aðeins merki um gúrkutíð í fréttaheiminum.

Ég skora á vantrúarmeðlimi að reyna tala við þingheim til þess að fá þessu breytt, fremur en að hríslast í kuldanum að spila bingó! Tounge
mbl.is Bingó bannað á ákveðnum tímum
Tilkynna um óviðeigandi tengingu við frétt

Hvað græði ég á að vera trúaður?

Að vera með GuðiÉg græði ást, kærleik og blessun að tilheyra Jesú.

Ég finn það á sálu minni að tómarúm er loks uppfyllt sem aðeins trúin og friðurinn sem henni fylgir uppfyllir.

Ég fæ sjálfstraust frá Guði, því ég finn að hann er með mér í öllu sem ég tek mér fyrir hendur. Ekki spyrja mig hvernig, en ég veit að ég veit það, svo einfalt er það.

Ef ég hefði hann ekki með í öllum störfum mínum, þá væri ég t.d. ekki hér að blogga. Því ég er feiminn að eðlisfari og með afar lítið hjarta, en sæki minn styrk til Guðs. Ég er alls ekki sá sem er fær um að halda ræður, ég er lágróma og myndi enginn heyra í mér ef ég færi í púltið, auk þess myndi ég ekki þora því. Sjálfsagt get ég virkað eins og ég hafi endalaust sjálfstraust, en það er ekki ég, það er Guði að þakka og gef ég honum dýrðina.

Eftir að hafa verið guðleysingi fram að 19 ára aldri og var afar leitandi, og sótti í alls kyns hluti eins og spíritisma, sögurnar úr ásatrúnni og margt fleira. En vendipunkturinn varð þegar ég loks gleypti stolti mínu og gaf mig Guði. Ég veit satt að segja ekki hvar ég væri án hans í dag!

Ritað er:

Fyrra bréf Páls til Korintumanna 13:1
Þótt ég talaði tungum manna og engla, en hefði ekki kærleika, væri ég hljómandi málmur eða hvellandi bjalla.


Kjarni og boðskapur fagnaðarerindisins er að finna í ofangreindu versi, og vil ég nota tækifærið og biðja það fólk sem ég hef verið óréttlátur, leiðinlegur eða gert eitthvað á þeirra hlut um ævina - afsökunar. Fyrirgefið mér.

Þannig að niðurstaðan í mínu einstaka tilfelli, (sem er reyndar bara hluti málsins og hefur trúin að geyma svo miklu, miklu meira til gróða) er að ég er kominn með sjálfstraust sem til þarf að skrifa um Guðs orð, og skammast ég mín ekki fyrir það. Það er mesti sigur sem ég hef sigrað í barráttu lífsins og hefur það gefið mér mikið og er þetta eitt af mörgum atriðum sem ég "græði" á að vera trúaður. Ég er betri manneskja þökk sé Guði.

Guð blessi ykkur og þakka ég lesturinn.


Boðorðin 10 og áhrif þeirra á Íslenskt samfélag

Ég ætla að aðeins að stikla á boðorðunum 10 í ljósi fyrri umræður við greinar minnar um kristilegt siðgæði. Því ljóst er að án þessara 10 gullnu reglna værum við íslendingar þar sem við erum stödd í dag, er því að hluta til boðorðunum 10 að þakka.

1. Þú skalt ekki hafa aðra guði en mig.

Einn er Drottinn og líkar honum illa þegar við leitum annað. Þið foreldrar - hvað myndu þið gera ef börn ykkar myndu afneita ykkur? Sama er með Guð.

2. Þú skalt ekki leggja nafn Drottins Guðs þíns við hégóma.

Einmitt, þessari reglu lifi ég eftir, og líka illa þegar menn blóta. Þetta er spurning um virðingu við skapara sinn og eigið tungumál.

3. Minnstu þess að halda hvíldardaginn heilagan.

Mikilvægt er þetta boðorð sem við brjótum allt of oft. Að mínu mati er það tákn um ást að vilja að þú hvílist, það sýnir væntumþykju.

4. Heiðra skalt þú föður þinn og móður.

Amen! En því miður er það ekki svo að allir geri það, sama hversu vitlaus eða vond þau eru, þau eru foreldrar þínir! En ég er svo lánsamur að eiga hreint frábæra foreldra, og hef ég ekki einu sinni orð til þess að þakka þeim fyrir allt sem þau hafa gert.

5. Þú skalt ekki morð fremja.

Þetta segir sig sjálft og þarfnast varla útskýringa ... vona ég!

6. Þú skalt ekki drýgja hór.

Virðing fyrir maka þínum er MJÖG mikilvæg, og er hórdómur það svívirðilegasta sem hægt er að gera betri helmingnum! Höfum stjórn á okkur!

7. Þú skalt ekki stela.

Þarna er einnig að finna kristilegt siðgæði, að brjóta gegn náunga sínum með því að stela eigum hans/hennar er svívirða!

8. Þú skalt ekki bera ljúgvitni gegn náunga þínum.

Við erum ÖLL lygarar, bara mismunandi miklir. Þessi algengasta synd meðal mannanna er hvað erfiðust. En hafði þetta boðorð sín áhrif því ég bendi á að það eru ekki öll trúarbrögð sem banna lygar.

9. Þú skalt ekki girnast hús náunga þíns.

Afbrýðisemi er ekki af hinu góða, og hefur leitt til illdeilna og jafnvel manndrápa. Öfundumst ekki þann sem hefur það betra en við, reynum heldur að hjálpa þeim sem hefur það ver en við!

10. Þú skalt ekki girnast konu náunga þíns, ekki þræl hans eða ambátt,ekki uxa hans eða asna né nokkuð það sem náungi þinn á.


Top of monument in darkÖfund er heldur ekki af hinu góða, þá lendum við sjálf í þeirri gryfju að keppast við nágranna okkar í einhverri heimskulegri pissukeppni, og hverjum bitnar það á? Það þýðir að við gleymum þeim sem eiga það ekki eins gott og við, eins er slík keppni jafn heimskuleg og hún er tilgangslaus.

Allt ofangreint er kristilegt siðgæði, og hefðu þessi gildi ekki komið til þá værum við mjög aftarlega í öllu sem heitir: "þróað samfélag".

Þess vegna er dapurlegt að sjá menn ganga hér offorsi og vilja úthýsa þessum boðskap, sem ENGINN skaði er af.

Guð blessi ykkur og þakka ég lesturinn.   


Gott lag eftir Glenn Kaiser ..... :-D

 
Það er ekki oft sem ég set inn einhverja tónlist, en að þessu sinni ætla ég að fylgja fordæmi konu minnar og setja inn gott kristilegt lag. Cool Sideways
 
Guð blessi ykkur og njótið vel !  Halo

Málið er einfalt ...

 

eyeOfGod
Mynd: The eye of God

 

... hann er til og ekki orð um það meir.   Wink Halo


mbl.is Innbyggð trú rannsökuð
Tilkynna um óviðeigandi tengingu við frétt

Gott hjá Stebba!

Meira að segja verður fólki bannað að koma með ritninguna á þessa leika!! Furðulegt alveg á árinu 2008!
mbl.is Spielberg segir starfi sínu lausu
Tilkynna um óviðeigandi tengingu við frétt

Hefur einhver rekist á kristilegt siðgæði nýlega? - Já !

Spurði Friðrik Skúlason eða "púkinn" eins og hann vill kalla sig, hér fyrir nokkrum vikum.

Svarið er .

Ef við horfum á hið sögulega samhengi þá er auðséð að það hefur haft ALLT að segja, sérstaklega fyrir okkur íslendinga. Það þarf ekki nema að fara aftur til víkingatímans til þess að sjá hvað kristni breytti mörgum gildum í okkar samfélagi.

Til að mynda voru manndráp og virðing fyrir mannslífum yfir höfuð EKKI mjög mikil. Að hefna sín var hreinlega skylda hvers manns samkvæmt kröfu samfélagsins. Hver yrði endirinn á blóðsúthellingum og stríða ef hefnd væri skylda allra en ekki að fyrirgefa? Sömuleiðis voru til að mynda útburðir (sem var sjálfsagður hlutur hér á landi í árhundruði), sifjaspell (það var ekki æskilegt en samt litið á það öðrum augum en í dag), glæpir og annað voru ekki eins alvarlegir áður kristni kom til sögunnar.

himinnÍ hinum harða heimi víkinganna var regla þróunarsinna sem og guðleysingja við lýði,  eða: "þeir hæfustu lifa af" og allt það krapp. Ef við horfum til baka og sjáum hvaða gildi þessir forfeður okkar höfðu sem megingildi og spyrjum ... viljum við þetta virkilega? Er ekki búið fullreyna að þetta virkar ekki? Af hverju vilja menn kippa stoðunum undan húsinu?

Það er nefnilega þannig að margir telja að kristilegt siðferði hafi ekkert að gera í samfélag okkar í dag og loka alveg augunum fyrir sögulegum staðreyndum sem þessum. Slíkur boðskapur finnst mér vera eins og þeir vilja okkur aftur í torfkofanna og þá getum við drepið mann og annan að vild.

Ef við horfum t.d. á sum lönd í kringum okkur, siðgæði þeirra hefur einmitt  þróast í áttir sem við teljum algera óhæfu en þau sjálf telja hin eðlilegasta hlut. Sums staðar eru ekkjur brenndar með eiginmönnum sínum, annars staðar er litið á umskurn kvenna sem hin sjálfsagðasta hlut. Í öðrum löndum er meybörnum fargað og sveinunum hlíft, og ef þið athugið hvaða lönd eiga hér í hlut, eru þetta flest lönd sem byggja menningu sína á öðru en kristnu siðgæði. 

Vissulega gerðust margir hörmungar atburðir tengdir kristnitökunni, vissulega má alltaf finna eitthvað að öllu. En við getum samt sagt að kristilegt siðgæði sé hornsteinn íslensks þjóðfélags, og án þess hefðum við verið mun aftarlega á merinni en við erum í dag. Sem sé fyrirgefningin var nánast óþekkt og allt gekk út á að hefna og hugsa um sig sjálfa/nn.

Ég spyr þá ykkur kæru lesendur, er kristilegt siðgæði það sem við viljum kippa undan í okkar samfélagi? Með fullri virðingu fyrir öðrum löndum og þeirra menningu, verð ég að ítreka að ég er ekki að gera lítið úr þeim á neinn hátt. Ég er aðeins að benda á menningarmismuninn, sem er stundum mjög mikill.


P.s. ég er hættur í bloggfríi ! Cool

« Fyrri síða | Næsta síða »

Guðsteinn Haukur

Guðsteinn Haukur Barkarson
Guðsteinn Haukur Barkarson

"Our life is a gift from God,
what we do with that life,
is our gift to God"

Höf. óþekktur

Sjá höfundasíðu fyrir ákveðna skilmála og upplýsingar um bloggarann 

Önnur snilld...

Hvaða þjóðir heimsækja þetta blogg?

free counters

Heimsóknir

Flettingar

  • Í dag (1.10.): 4
  • Sl. sólarhring: 5
  • Sl. viku: 31
  • Frá upphafi: 589034

Annað

  • Innlit í dag: 4
  • Innlit sl. viku: 31
  • Gestir í dag: 4
  • IP-tölur í dag: 4

Uppfært á 3 mín. fresti.
Skýringar

Skoðanna könnun

Á að aðskilja ríki og kirkju?

Innskráning

Ath. Vinsamlegast kveikið á Javascript til að hefja innskráningu.

Hafðu samband