Hræsnarar!

Ekki fylgja þeir sínum eigin reglum þótt kvartað sé undan öðrum bloggurum og nafnlausum ofstækismönnum. Það er bara til eitt orð yfir það: HRÆSNI!

Óánægja með lokun umdeilds bloggs

Nafnleysingjar bloggsins ... eru þeir huglausir?

Í ljósi þess að DoctorE var hafður að umtalsefni í Íslandi í dag nú undir kvöld, vildi ég velta eftirfarandi spurningum upp.

1. Er allt í lagi að menn komi fram undir nafnleynd, og í skjóli þess ausa hvaða svívirðingum sem er yfir allt og alla?
   
2. Myndu þessir sömu menn vera jafn hugrakir undir eigin nafni og jafnvel með mynd?

Ég get þó borið virðingu fyrir þeim sem eru mér og öðrum ósammála að sýna það hugreki að koma fram undir nafni. Ég tek fram að ekki allir nafnleysingjar eru svona og eru margir þeirra hreint frábærir, þess vegna leyfi ég athugasemdir frá þeim, og verður ekki breyting á því í bráð. En þetta eru bara vangaveltur þar sem Dokksi leyfir sér að segja í umræddri færslu sinni:

Svavar hlýtur að teljast einn lélegasti prestur íslandssögunnar, það er hreint viðbjóðslegt að lesa helgislepjuna hjá honum sem hann er að baxla við að setja í einhverja heimspekilega mynd en mistekst hrapalega, það er ekki vottur af heimspeki í neinu sem hann skrifar, þetta er allt eitthvað torfkofakrot með helgislepju ívafi, hann fær borgað fyrir að ljúga í mig og þig.
Ég ætla samt að þakka honum því allur hans málflutningur er ekkert nema nagli í kistu þjóðkirkju og lygasögunnar miklu

Það  er reyndar rétt hjá honum að bænin er örvænting, hún er uppgjöf, hún er fáfræði, hún er samnefnari fyrir allt það slæma sem til er... hún er lygi en hann selur þér hana samt
Bara hann einn er lýsandi yfir þá hættu sem skapast ef hans líkar fá aðgang að börnum í grunnskólum... þá hörmung er ekki hægt að hugsa til enda
Væmnin í honum ef þið viljið ÆLA.

Sér virkilega enginn hræsnina í þessu? Þarna nafngreinir hann einstakling og bókstaflega blammerar hann! Blogginu hans Skúla var lokað (sem hafði þó dug og þor að koma undir eigin nafni), en svona gaurar fá að vera óáreittir sem gera oft margar færslur á dag að kalla trúarbrögð og þeim sem þeim tengjast heimsk, þar á meðal menn eins og mig.

Eru menn þá virkilega stoltir af svona orðum bak við nafnleyndina? Og myndu þeir láta svona útúr sér undir eigin nafni ... eða hvað? Myndum vera betur sett ef nafnleysi væri bannað? Nei ég bara veit það ekki ... hvað finnst ykkur?

Bendið mér á hvað er svona slæmt við að vera kristinn!

Ég spyr eins og auli:

1. Hvað er svona rangt að boða að elska náunga þinn eins sjálfa/nn þig?
2. Hvað er að því að eiga trúa á ósýnilegan Guð?
3. Hvað er að því að vilja veitum öðrum þá gleði sem við höfum upplifað sjálf í hjarta okkar?
4. Af hverju höfum við ekki rétt á okkar skoðun lengur?
5. Af hverju má gagnrýna einn en hin yfir öðrum er haldið hlífiskildi?

Ef einhver getur svarað öllum þessum spurningum og sannfært mig um villu mína þá hætti ég að tjá mig um trúmál.

Myndin fenginn að láni og með góðfúslegu leyfi frá snilldar áhuga ljósmyndaranum Karli J. Thorarensen 

Sorglegt ...

En svona er þessi mikli menningarmismunur, það stendur jú í fréttinni:

Í Jemen er enginn löglegur lágmarksaldur fyrir hjónaband, og sagði lögfræðingur stúlkunnar að hennar mál væri ekki einsdæmi.

Þetta segir talsvert um þann mikla múr sem er á milli þessara menningarheima. Linda er með stórgóða umfjöllun um þetta mál á sinni síðu. Einnig má lesa um þetta mál hér af tengli sem er á síðu Lindu. 

Ég bið fólk um að skoða þetta vel og mynda sína eigin skoðun á þessu öllu saman. 

Átta ára stúlku veittur lögskilnaður

Þarf Guð hjálp til að heyra bænir?

Halda þessir menn að Guð þurfi þeirra hjálp til að heyra bænir?  Virðist vera lítill guð sem þeir eru þarna að þjónusta þar sem hann þarf þeirra hjálp.

Nei, Guð almáttugur þarf ekki hjálp þessara manna því Hann veit allt sem hægt er að vita um okkur; sérhverja okkar hugsun.

Jakobsbréfið 5:16
Játið því hvert fyrir öðru syndir ykkar og biðjið hvert fyrir öðru til þess að þið verðið heilbrigð. Kröftug bæn réttláts manns megnar mikið.

En sömuleiðis þá vill Guð ekkert með bænir óréttlátra; fyrst verða þeir að iðrast og biðja um fyrirgefningu í nafni Jesú Krists til þess að verða réttlættir.

Orðskviðirnir 28:9
Daufheyrist maður við lögmálinu
verður bæn hans andstyggð.

Þetta eru þung orð, að ef maður hlýðir ekki lögmálinu þá verða jafnvel bænir manns andstyggð.
 

Póstþjónusta Guðs

Hver er þessi Guð og er hann dæmandi?

Margir efasemdarmenn halda því fram að Guð sé refsandi "súperkarl" uppí himni sem getur ekki beðið eftir að hegna þér og dæma til vítisvistar. Þessi fullyrðing er alfarið röng og vil ég aðeins útskýra afhverju.

Tökum smá dæmisögu:

"Til voru tveir vinir sem ólust upp saman, þeir voru á yngri árum algjörlega óaðskiljanlegir. En eins og gerist liðu árin og skildu leiðir þeirra. Annar þeirra gekk menntaveginn og vegnaði afar vel í lífi og starfi, hann varð á endanum dómari í réttarkerfinu. Hinum gekk ekki eins vel, og lenti í óreglu og framdi afbrot sem hann þurfti að svara fyrir.

Og viti menn, hann lenti hjá æskuvini sínum í dómssalnum. Þessi vinur hans var klofinn í afstöðu sinni en vissi vel að hann gæti ekki dæmt nema samkvæmt lögum. En vegna vinskapar síns við þann ákærða varð hann að taka sig á og gera það sem honum var trúað fyrir. Hann dæmdi vin sinn samkvæmt afbroti sínu, stóð upp, tók af sér dómara hempuna - fór niður í dómssal og skrifaði ávísun sem leysti út vin sinn. Eftir það gekk hann aftur í dómara sætið."

Þannig er ást Guðs til okkar, hann dæmir réttlátlega og elskar okkur.

Guð blessi ykkur og góðar stundir.

Sniðgöngum Ólympíuleikanna!

Laumast var með eldinn hingað til lands, fréttamenn voru bannaðir og íslendingar vissu varla um þetta atvik. Ég vona að ráðamenn þessarar þjóðar sjái sér fært að koma auga á það mikla ranglæti sem kínversk stjórnvöld beita Tíbet búum og skora ég á þá að sniðganga þessa Ólympíuleika.

Mörg önnur lönd eru farinn að spá í að gera það sama en því miður skortir íslenskum stjórnvöldum sennilega kjark til þess missa nú ekki einhver atkvæði í þetta tilgangslausa og fokdýra öryggisráð.

 

 

 

 

 

 

 

 

 

Hér er smá myndasyrpa af óeirðum undanfarið:

 

 

Lifi frjáls Tíbet !

Ólympíueldurinn í Keflavík

Apríl-gabb Vantrúar

Vantrú er með aprílgabb á síðu sinni þess efnis að þeir hafi klofnað. Þetta var afar vel undirbúið og trúlegt hjá þeim. Nánar um þetta hér.

Ég og Linda settum inn nokkrar athugasemdir þar sem við lýstum efa okkar um sannleiksgildi fréttar þeirra. Því var öllu eytt umsvifalaust út!

Ég ritaði t.d. á síðu þeirra:

"Þetta er nú bara ágætlega undirbúið hjá ykkur, en ég  held að þið séuð að fylgja formerkjum hins alþjóðlega trúleysisdags sem er í dag, þ.e.a.s. fyrsti apríl. Ef þið eyðið þessari athugasemd út þá staðfestir það grun minn og mun ég auglýsa gabb ykkar eins og ég get.    "

 Og við það stend ég! En það sem ég hafði nú mest gaman af var að vera svona ritskoðaður! Þeir ættu að líta sér nær þegar þeir gagnrýna kristna fyrir ritskoðun! HAHAHAHA! Gaman að þessu!

Þetta er hefnd trúarnöttarans!   

Afhverju er erfitt að boða Kristna trú?

Því Kristin trú segir ekki að þú sért fullkominn, heldur segir hún að þú meingallaður/gölluð og skortir á allt til þess að komast til himnaríkis. Ólíkt öðrum trúarbrögðum þá er venjulega frímiði og þarf einungis að treysta á eigið ágæti. Ólíkt öðrum trúarbrögðum þá er það trúin sjálf sem er gjöf til þín, þú ert ekki sjálf/ur gjöf til trúarinnar, á því liggur stór munur. 

Kristin trú dæmir hjarta og huga þinn, ekki bara verk þín og útlit. Þess vegna er hún umdeild, Jesús var ekki í neinni vinsældarkosningu þegar hann sagði fólki til syndanna!

Kristnin fullyrðir að það sé bara ein leið til himna. Hrokafullt segja sumir, en það er langt í frá. Við höfum okkar skoðun og þið ykkar. Ekki flóknara en það, þess vegna skil ég ekki í vantrúarmönnum að standa í sínu niðurrifi á hverjum einasta degi. Og heitir það að virða ekki skoðanir annara í sumum tilfellum hjá þeim, afhverju getum við ekki bara lifað í friði og hætt þessum skítkasti á hvort annað?

Við erum jafnvel talinn vera "hrokafull"  þegar við biðjum fyrir fólki, og segjum saklausa hluti eins og "Guð blessi þig". Ég hálf vorkenni fólki sem tekur þessu sem hroka, því er þetta í kærleika gert og ekki ein ill hugsun þar á bak við.

Fólk í dag telur sig ekki að þurfa á Guði að halda lengur, menn hafa það svo gott að Guð gleymist alveg. Til hvers að flækja málin þegar allt er til alls? Vegna þess að efnislegir hlutir fylla aldrei það tómarúm sem er í hjarta þínu! Guð einn getur gert það.

Margir segja okkur kristna að við troðum uppá þá trúnna ... sem er lygi. Ég man ekki að hafa gert slíkt við nokkurn mann! Ef ég væri Búddisti til dæmis væri mér tekið opnum örmum, en af því ég kristinn þá er virði ég ekki skoðannir og stunda heilaþvott. Sjáið þið ekki kaldhæðnina í þessu?

Ofangreind eru bara örfá atriði sem setur stólinn við dyrnar að boða kristna trú, og skiljið þið vonanda betur hvað ég er að fara, og megi algóður Guð blessa ykkur margfladlega! 

 

Gleðilega páska!

Nú þegar helgasta hátíð kristinna manna gengur í garð langar mig aðeins að staldra við og íhuga afhverju við höldum uppá þessa hátíð.

Það er vegna þess að við minnumst óeigingjörnustu fórn sem er vitað um, Jesús gaf líf sitt í sölurnar til þess að frelsa gjörvalt mannkyn. Með því að gefa líf sitt eins og lamb leitt til slátrunar, sigraði hann dauðann og opnaði um leið dyrnar að himnaríki. Jesús dó fyrir mig og þig, og minnumst þess núna yfir hátíðarnar, minnumst þess að við eigum Guð sem er lifandi og persónulegur og lifir í dag!

Guð blessi ykkur öll og gleðilega páska!

 

Hér til hægri ber að líta mynd sem ég er með uppá vegg í stofunni heima hjá mér, þetta er eftir sjálfan mig og er olíumálverk á striga.