Fóstureyðingar - sjálfsagður réttur eða morð?

Ég tek fram að ég hef ekki myndað mér skoðun á þessu máli, því kalla ég eftir umræðu. En þessi frétt sem ég vísa hér neðar vakti mig til umhugsunar.

En það eru tvær hliðar á hverjum peningi og hér eru þær eins og ég sé þær fyrir mér.

1. Á móti:
   Mannslíf sama á hvaða stigi það er, er samt sem áður mannslíf.
   Samanber boðorðið, "Þú skalt ekki morð fremja". Það er hægt að finna rök víða um biblíuna gegn fóstureyðingum.
   
2. Með:
   Það er sjálfsagður réttur kvenna að geta valið um hvort þær séu færar að sjá fyrir barninu og veitt því það líf sem þær vilja. Nauðganir réttlæta fóstureyðingu. Það er líka hægt að finna rök með þessu í biblíunni.

Til eru fleiri rök, en þar sem ég þekki ekki málefnið nógu vel treysti ég mér ekki til þess að koma með fleiri, ég vona að þið fyrirgefið mér það. Ég vitna til biblíunnar vegna þess að ég hef ekki séð nógu góð rök bæði með og á móti. Gaman væri að heyra fólk sem er beggja megin borðs og komið með málefnanleg rök bæði með og á móti. Mér finnst þessi umræða nauðsynleg til þess að fá báðar hliðar málsins á hreint.

Hæstiréttur Bandaríkjanna staðfestir bann við ákveðnum aðferðum fóstureyðinga

Agape - Love - Ást - Amor - Förälskelse - Liebe - Amour

Hvað er ást?

Oft hef ég velt þessari spurningu fyrir mér í þessum Guðlausa heimi. Jafnvel hér á Íslandi eru gamalmenni ekki óhult úti á götu, fólk í hjólastólum þarf einnig að vara sig á föntum sem berja þá og ræna. Jafnvel lögreglan beitir fólki af öðru þjóðerni ofbeldi, lemur það og hendir því nöktu inní tómann klefa. Jafnvel þegar glæpir eru drýgðir beint fyrir framan nefið á fólki, gerir enginn neitt, það horfir bara á og segir: “þetta kemur mér ekki við”. Dýrum er slátrað í þágu vísinda og menn þykjast ætla að græða á kjöti sem enginn er markaður fyrir.

Ást þarf ekki bara að vera á milli tveggja einstaklinga, hún getur einnig verið í formi góðverka, til dæmis að standa upp fyrir einhverjum í strætó, sýna tillit í umferðinni, bjóða náunga þínum góðan dag. Þetta getur verið svo einfalt og alls ekki flókið.

Þannig er trúin á Jésú Krist, hún er í raun og veru svona einföld. Þetta er ekki flókið, eina sem þarf er ást. 

Lampi líkamans
Það leiða ekki margir hugann að því að ástin getur verið sem geisli úr andliti okkar. Augun eru lampi líkamans, ritað er:

“Auga þitt er lampi líkamans. Þegar auga þitt er heilt, þá er og allur líkami þinn bjartur, en sé það spillt, þá er og líkami þinn dimmur". - Lúkasarguðspjall 11:34

Ég segi fyrir mig, áður en kynntist trúnni á Jésú, voru augu mín hulinn myrkri og hatri. Jafnvel engillinn mágur minn hafði á orði að það hefði ekki verið hægt að horfa í augu mér áður en ég komst til trúar. En í dag, er ég fullur af ást Jésú, í gegnum þá ást lýsa augu mín gleði og fögnuði. Ég vildi að ég gæti útskýrt það sem kemur frá hjarta mínu, en stundum er það ekki hægt, eina leiðin er að kynnast því sjálf/ur.

Jésús á þessa ást handa þér í dag, ert tilbúin til að veita henni mótöku?

Umburðarlyndi og náungakærleikur

Eitt sem ég verð að læra er að hemja mig og bera virðingu fyrir skoðunum annara. Ég hef talið það vera sjálfsskipað hlutverk mitt verja kristindóminn eins og ég get. En stundum á maður það til að sleppa sér alveg, maður lætur út sér einhverja þvílíka vitleysu og dauðsér eftir því. Ég á ekki að haga mér svona sem kristinn einstaklingur. Skoðannir á að virða, ekki skíta yfir með hroka og helypidómum. Ég lærði mína lexíu í kvöld þegar ég réðst að bloggvini mínum vegna skoðanna hennar, ég nefni enginn nöfn en hún veit hvað ég á við og ég bið hana afsökunar á framferði mínu.

Svona lagað lærist með árunum, ég á það til eins og allir, að vera doldið fljótfær, ég er breyskur og langt í frá fullkominn. En kærleikurinn sigrar alltaf að lokum, ég mun framveigis hemja mig betur og koma fram í kærleik. Ritað er: “Ef ég hefði ekki kærleika væri ég ekki neitt.” Það er sú setning sem allir menn ættu að reyna að lifa eftir.  

Aldrei bjóst ég við slíkum viðtökum eins og ég hef fengið hér á moggablogginu. Ég hef aldrei séð slík viðbrögð frá neinum vegna skrifa minna, ég er afar þakklátur ykkur öllum sem nennið að kíkja á síðuna mína. Ég er afar þakklátur öllum þeim sem hafa gerst blogg vinir mínir. Svona samfélagi vil ég tilheyra, samfélag þar sem skoðannaskipti eru á milli himins og jarðar og snertir við hverjum þeim sem les það sem um er fjallað. Þið moggabloggarar eru til sóma og Guð blessi ykkur öll!

Vanmetinn snillingur

Mér er sama hvað einhverjir gagnrýnendur segja, Rowan Atkinson er eini leikarinn sem hefur náð líkamstjáningu sem næstum jafnast á við Charles Chaplin. Hann er ekki alveg eins góður og Chaplin en eini maðurinn sem hefur komst í tæri við tjáningarhæfileika Chaplins.

Mr. Bean er gott dæmi þar sem hann er maður fáa orða og ég er viss um Rowan sækir fyrirmynd sína í Chaplin með þessari Bean persónu. Ég sem sé hvet alla til þess að sjá þessa mynd og gefa skít í bíómyndagagnrýnendur. 

 

Hr. Bean lætur slæma dóma ekki á sig fá

Sjálfsögð réttindi !

Mikið er ég ánægður að sjá þetta framtak! Ég er Grindvíkingur og þykir vænt um mína sveit! Ég vil ekki sjá svona vítisvél í minni gömlu heimabyggð. Nógu slæmt er að hafa þennan viðbjóð sem er í Hafnarfirði! Ég hvet suðurnesjamenn til þess að snúa bökum saman og krefjast kosninga um þetta, af því loknu hvet ég sveitunga mína til þess að hafna þessum ófögnuði!

Vatnið sem kemur úr hitaveitu suðurnesja er með því hreinna á Íslandi, höldum því annars endar þetta eins og spaugstofan benti á í gær, Hafnfirðingar þurfa varla að bursta í sér vegna flúorsmengunar í vatninu þeirra.

Hvatt til íbúakosninga um álver á Suðurnesjum

Kjúklingar komnir af risaeðlum

Og hananú!  Nú geta þróunnarkenningsmenn fengið eitthvað til þess að hugsa um. Mér fannst þessi frétt svo innilega fyndin að ég varð að setja hana inn. Hugsum okkur tvisvar um næst þegar við förum á KFC, sem ætti kannski að breyta í: "Kentucky Fried T-Rex." hehehe ...

Þið getið lesið nánar um fréttina hér

Þetta er framtíðin ...

A little boy goes to his father and asks "Daddy, how was I born?"

The father answers: "Well son, I guess one day you will need to

find out anyway! Your Mom and I first got together in a chat room on Yahoo.

Then I set up a date via e-mail with your Mom and we met at a cyber-cafe.

We sneaked into a secluded room, where your mother agreed to a download

from my hard drive. As soon as I was ready to upload, we discovered

that neither one of us had used a firewall, and since it was too late

to hit the delete button, nine months later a little Pop-Up appeared that said:


'You got Male!'

Nekt - stolt eða skömm?

Ég hef mikið verið að velta fyrir mér þessi atriði síðan hin víðfrægi fermingarbæklingur Smáralindar kom út, hvað menn telja klám og hvað ekki. Ég er viss um að margir verða hneykslaðir á mér vegna þess að ég er trúaður að birta slíkar myndir sem ég set hér neðar í greinina. Það er ekki mitt vandamál að þið skammist ykkar fyrir það sköpunarverk sem ykkur er gefið. Mannslíkaminn er musteri Drottins sem hann gaf okkur og slíkt sköpunarverk er ekki á allra færi.

Ég spyr ykkur gott fólk, eru allir orðnir svona miklar teprur í dag að þeir þoli ekki að sjá smá nekt? Hvað er að? Afhverju má ekki upphefja það sem okkur er gefið? Ég er alls ekki að hvetja til neinna nektarsýninga né neitt svoleiðis, málið er bara að ég sé ekki vandamálið á bak við bert hold! Er ástandið svona slæmt að menn hafi ekki stjórn á sér þegar þau sjá bera manneskju?

Ég held því fram að maðurinn sé meistarastykki Guðs, en þó sérstaklega konan sem ég tel vera hátindur alls sköpunar.

Þarf meiri sannanir en þetta?

Ég veit að þetta er gömul frétt, en fyrir þá sem þurfa sannarnir fyrir hlutunum, þá liggja þær hér með fyrir. Það eru ekki til margar beinharðar sannanir fyrir tilvist Jésú. En þessi frétt sannar það að Páll Postuli var ekki skáldsagnar persóna eins og margir halda fram.

Biblían er ekki bara saga, heldur hefur hún að geyma marga merkilegustu atburða mannkynssögunar, eins og þetta dæmi sannar.

Ég segi fyrir mig persónulega að ég var í leitandi í mörg á áður en ég komst að sannleikanum. Sannleikanum sem lá beint fyrir framan nefið á mér allan tímann, ég var bara of stoltur til þess að taka við honum.

Allir menn fæðast með tómarúm í hjarta sínu, þetta tómarúm er til mikillar trafalla því við leitum allra leiða til þess að fylla það. Margir leita í efnishyggjuna og fylla líf sitt af dýrðargripum og telja það nóg til þess að uppfylla þarfir sínar. En nei, þótt við berjum okkur á brjóst og teljum okkur fullkominn eins og við erum, þá er þetta tómarúm alltaf til staðar. Ég fór þá leið sjálfur að aðhyllast ásatrúnna, þróunnarkenninguna, svo fór ég að leita til spíritista að lokum kynntist ég konu minni sem benti mér á þetta óuppfyllta tómarúm sem bjó í hjarta mér. Eftir þetta fór ég að rannsaka ritningarnar, ég helti mér í öll þau fræði sem ég komst í og taldi mig hólpinn.

Kona mín mótmælti og bað mig að prófa að biðja, og það upphátt. Ég var ekki alveg á buxunum að gera það, ég taldi það niðurlægingu fyrir mig og mína persónu. En viti menn, um leið og ég gerði það, þá sameinaðist sú þekking sem hafði aflað mér við hjarta mitt. Það tómarúm sem bjó innra með mér var horfið. Ást Jésú hafði fyllt það. Það er þess vegna sem ég ber þetta fram núna, sem "sönnun" fyrir þá vantrúuðu. Ég hvet ykkur til þess að kynna ykkur málin betur, leggja af stolt ykkar og skoðanir, aðeins Guð getur gert á ykkur það kraftaverk að tilheyra honum. Þetta er ekki eins erfitt og það hjómar þegar þú loksins tekur fyrsta skrefið.

Guð blessi ykkur öll og megi ásjóna Drottins vors lýsa yfir ykkur öllum.

Gröf Páls postula opnuð í Róm

Dýr notuð í herþjónustu

Nú hefur George W. Bush algjörlega skotið sig fótinn og svo sem ekki í fyrsta sinn. Nú fórnar hann höfrungum og sæljónum í sprengjuleit. Ég hef aldrei skilið siðferði bandaríkjamanna, en nú eru þeir rétt einu sinni komnir út í öfgar.

Höfrungar eru einu dýrin sem komast nálagt því að hafa heila á stærð við mannsskepnuna. Þeir hafa ítrekað sýnt að þeir hafa tilfinningar og bjarga oft fólki úr neyð þótt að þeir EKKERT verið þjálfaðir. Mér finnst viðurstyggð að vita til þess að dýrum sé fórnað á þennan hátt. Sértaklega gáfuð dýr eins og höfrungar og sæljón.

Er ekki nóg komið með að senda fólk útí stríð sem snúast bara um peninga og völd. Maðurinn meira að segja dirfist segja að hann sé að vinna verk Guðs með stríðinu í Írak. "Af ávöxtunum skulum við þekkja þá" stendur ritað. Ég get ekki viðurkennt slíkan slátrara sem bróðir minn í Kristi, hann hefur svo mikið blóð á höndum sér að jafnvel Stalín myndi skammast sín.

Þess vegna birti ég þessa háðsmynd af George W. Bush, hún sýnir allt sem mér finnst um hann og hans einræðisstjórn.

Eitt sem ég vil samt benda á og gleymist alltof oft hjá okkur íslendingum. Biðjum fyrir ekkjum og börnum þeirra hermanna sem látið hafa líf sitt fyrir þennan blóðþyrsta Texasbúa. Biðjum fyrir öllum fórnarlömbum þessa lygastríðs.

Höfrungar í herþjónustu