Gagnrýni á auglýsingar allra flokkanna

Ég var að fletta í gegnum blöðin síðustu daga, og sé að það er talsverður munur á gæðum auglýsinganna, og er auðséð hver á peninganna í þessu tilfelli. Ég ætla að reyna að vera hlutlaus í þetta skipti, en auðvitað verð ég að pota smá áróður með!

Þökk sé vísi.is gat ég nálgast þessar auglýsingar þar sem þeir geyma blöðin á PDF formi, og þakka ég þeim kærlega fyrir þann myndugleika.

Til þess að stækka auglýsingarnar, þarf að smella á þær tvisvar, plássins vegna get ég ekki haft þær stærri.

Ég tek aðeins fyrir prentmiðlanna í þetta skiptið og hefst nú lesturinn:

Framsóknarflokkurinn - merkin (ég læt hin mörgu andlit Framsóknar fylgja með, bara uppá grínið):

 

 

 

 

Framsóknarmenn eiga greinilega erfitt með að gera upp hug sinn hvað kennimerki varðar. En nýjasta útspilið er seinasta merkið sem er eins og hjarta í laginu, sem ég verð að segja er vel útfærð og góð hönnun, þrátt fyrir erfileika að gera upp hug sinn.

Framsóknarflokkurinn - auglýsingar

 

 

 

 

 

 

 

 

 

 

Fyrsta auglýsingin er allt of "busy", og vísar meira til óreiðu en stöðuleika. Eins ofnota þeir græna litinn að mínu mati, það er vel hægt að skapa öndunarpláss með hvítu og haft grænan með, mér finnst akstursauglýsingin gott dæmi um það, þetta virkar á mig sem græn klessa.

X-B einkunn:
Merki: 8.5
Auglýsingar: 6.0

Sjálfstæðisflokkurinn - merki

 

 

 

 

 

 

 

 

Fálkinn er einstaklega vel heppnað eintak af kennimerki, hann er vel úthugsaður og fallegur. Hann höfðar til trausts og stöðuleika, sem ég vildi að væri raunin með þá. Ég varð auðvitað að láta mína tillögu af D-fálkanum fylgja með!

Sjálfstæðisflokkurinn - auglýsingar:

 

 

 

 

 

 

 

 

 

 

Fyrsta myndin af Þorgerði Katrínu minnir helst of mikið á nýríkann kapítalista, hún er afar vel photoshopuð og hvorki hrukka né bóla til staðar á henni. Hún er of Barbie-leg að mínu mati og í þjóðfélaginu í dag, fyllast margir velgju við að sjá myndir af nýríkum Íslendingum sem minna á árið 2007, það nákvæmlega sömu sögu er að segja um alla aðra frambjóðendur íhaldsins, Bjarni Ben er eins Ken hennar Barbie í sinni mynd.

Hópmyndin minnir mig helst á bandaríska sjónvarpsþætti sem heita "Brady Bunch", og er þar kominn saman hópur af nýríkum íslendingum sem varla eina hrukku má sjá. 

Síðastu myndinni af Bjarna hefðu þeir betur sleppt, þessa "trúverðugu leið" þeirra er búið að slá út af borðinu af forssvarsmönnum ESB, þeir hefðu mátt vinna heimvinnu sína betur áður en auglýsingin fór í loftið þar sem þessi leið er ekki trúverðug lengur, fremur en "traust efnahagsstjórn" þeirra Sjálfstæðismanna.

Eitt mega þeir þó eiga, auglýsingar þeirra eru stílhreinar og koma skilaboðunum til skila, þær eru fágaðar og ekki of "busy" eins og tilfelli framsóknarmanna.

X-D einkunn:
Merki: 10
Auglýsingar: 6.5

Borgarahreyfingin - merki

 

 

 

Þessu merki er ég ákaflega hrifinn af. Sér í lagi þar sem boðið var uppá svona litaða borða í mótmælunum fyrir þá sem kærðu sig ekki um ofbeldi. Eins er þetta hannað eins og U beygja sem sem sveigir fram hjá gömlu fjórflokkunum, og ber merki um nýja hugsun. Þetta er einfalt og stílhreint, og vona ég innilega aðþessi flokkur dafni og hvet ég þá til þess að falla ekki í gryfju Framsóknar og haldið í þetta merki! Það virkar!

Borgarahreyfingin - augýsingar

 

 

 

Ég fann engar auglýsingar fyrir borgarahreyfinguna aðra þá sem er inni á DV.is og á heimasíðu þeirra. Allt kostar þetta pening og get ég ekki gagnrýnt þá fyrir að eiga þá ekki, en það sem hefur greinilega verið hannað er gert af fagmanni og hef ég ekki mikið útá merki þeirra né auglýsingar að setja, nema þó skort á þeim, en þeir geta lítið gert af því. Þær eru aðlaðandi og þægilegar, öskra ekki á mann og eru vel stílfærðar.

X-0 einkunn:
Merki: 9.5
Auglýsingar: 7.5

Samfylkingin - merki:

 

 

Þarna er það, einfaldleikinn í allri sinni mynd. Þessi eini punktur sem sameinar alla A-flokkanna gömlu í einn. Þetta er alveg einstaklega vel lukkað og hittir vel á. Rauður hefur ætíð fylgt jafnaðarmönnumog er einnig tákn ástarinnar.

Samfylkingin - auglýsingar:

 

 

 

 

 

 

 

 

 

 

Þetta eru vel gerðar auglýsingar að mestu leyti. Persónulegu finnst mér öldugangurinn þarna ekki virka, ef þetta væri bara einn litur, og ekki verið að blanda svona mörgum saman þá myndi þetta heppnast að mínu mati betur. Sama má segja um "XS"ið sem er þarna, ég hefði nýtt mér hringinn og haft "S"ið hvítt inní honum. En það virkar vel að nota svart/hvítar myndir af frambjóðendum, því það höfðar til "gömlu góðu daganna" en er samt í nútímabúningi.

X-S einkunn:
Merki: 10
Auglýsingar: 7.5

Lýðræðishreyfingin - merki

 

 

 

 

Ég gerði dauðaleit að auglýsingu frá X-P fólki, en varð erindi ekki sem erfiði, þess vegna er þetta eina merki og get aðeins dæmt út frá því. Þetta er dæmi um afspyrnu lélega hönnun, tvær myndir límdar saman með stifti og texti yfir. Fyrirgefið hvað ég er harður, en þetta er ekki minn smekkur.

X-P einkunn:
Merki: 1.5

Vinstrihreyfingin grænt framboð - merki

 

 

 

 

 

 

 

 

Þetta minnir næu helst á tré sem þarf að snyrta. Alltaf hefur mér þótt þetta skrítið merki, og finnst mér hugmyndin ekki alveg nógu vel útfærð.

Vinstrihreyfingin grænt framboð - auglýsingar

 

 

 

 

 

 

 

 

 

 

Þessi "extreme close ups" eru ekki alveg að virka á mig. Það er greinilegt að VG þarf að tala við photoshop meistara þeirra D-listamanna! Það er of mikið af upplýsingum inná þessum myndum að mínu mati, ég kæri mig að minnsta kosti ekki um að vita hvar skegghárin á Ögmundi eru staðsett eða fílapenslarnir á Katrínu Jakobs! Úfff .... 

En að öðruleyti er hönnunin ágætt, þessi hálf gegnsæi rammi er alveg að virka og kemur skilaboðunum vel til skila.

X-V einkunn:
Merki: 6
Auglýsingar: 7.0

Frjálslyndiflokkurinn - merki

 

 

 

 

 

Þetta er eins málinu hafi verið reddað í "word art", svo afspyrnu lélegt finnst mér þetta merki. Ég gerði tillögur um breytingar þegar ég var þarna innanborðs, en talaði fyrir daufum eyrum. Andlitslyfting á grafíkinni hefði virkilega hjálpað þeim og farið af stað með endurnýjaða ímynd.

Frjálslyndiflokkurinn -auglýsingar

 

 

 

 

 

 

 

Sama á við um þessar auglýsingar, þetta er eins og krakki með litakassa hafi gert þessi ósköp!

X-V einkunn:
Merki: 1.0
Auglýsingar: 1.0

Þá er þessum langa pistli mínum lokið og þakka ég lesturinn.

 

Athugasemdir

[Steingrímur Helgason, 21.4.2009 kl. 23:25]

Haukur minn, það er ljótt að skilja útundan !

Reyndar held ég að Frjálzlyndir kunni mér lítinn greiða fyrir að þú rennir yfir fáfengið í hönnun & 'layout', en rétt skal vera rétt.

Þú sagðir nebbilega 'allir'.

[Lissy (IP-tala skráð) 21.4.2009 kl. 23:30]

I like how Þorgerð Kátrin's hands are folded in both pictures, in a sort of saint like pose, quietly begging for people to forgive her.

[Rósa Aðalsteinsdóttir, 21.4.2009 kl. 23:40]

Sæll og blessaður

Þú bætir Frjálslyndum við á morgunn svo þau verði ekki vonsvikin. Þetta var aldeilis pistill. Mér sýnist þér líka best við Sandfylkinguna. hræðilegar myndir af VG fólkinu og ég fæ hroll að sjá Barbie og Ken.

Vertu Guði falinn

Kær kveðja/Rósa

[Steingrímur Helgason, 21.4.2009 kl. 23:54]

Rósa, Haukur er ekkert falinn fyrir guði frekar en við önnur hanz börn.

[Rósa Aðalsteinsdóttir, 22.4.2009 kl. 00:09]

Sæll Steingrímur Hauganesbúi.

Hvernig fannst þér færslan hjá Guðsteini Hauki??????

Þú kannt ekki íslensku sé ég. Skrifar vitlaust í  þessari einu klikkuðu setningu og skilur ekki að vera falinn Drottni.  = Skelkuð

Biddu prestinn þinn um útskýringu.

Vona að þú skiljir betur þessa kveðju sem er þér ætluð.

Megi almáttugur Guð vernda þig.

X-JESÚS

Friðarkveðjur/Rósa

[Guðsteinn Haukur Barkarson, 22.4.2009 kl. 07:34]

Rósa - vertu alveg óhræddd við Steingrím, hann besta blóð. Enda hafði hann rétt fyrir og hef ég lagfært mistökin! Ég var að flýta mér útí í gær í fússi míni gleymdi x-furunum. Þetta hefur verið leiðrétt!

Lissy - good point, I hadn't considered the Saint position that Þorgerður Katrín is in, and that could be further away from the truth, despite the fact that she's a catholic!

[Sigurður Þór Guðjónsson, 22.4.2009 kl. 10:24]

Þetta er mjög sannfærandi úttekt sem grafíkaula eins og mér finnst fagmannleg.Þegar þú ert búinn að benda á þetta finnst manni það allt liggja í augum uppi.

[Ásthildur Cesil Þórðardóttir, 22.4.2009 kl. 10:43]

Þetta er flott úttekt hjá þér Haukur minn.   Ég hef ekki hugsað um merkið okkar með þessum hætti, en þegar þú segir það svona fagmannlega þá er margt til í því.  Málið er held ég að Frjálslyndi flokkurinn hefur ekki haft mikið fé milli handa, og þess vegna sennilega farið þessa ódýru leið.  Það væri gaman að sjá tillögu frá þér um nýtt merki. 

Ég er líka algörlega sammála þér með það sem þú bendir á hér með flokkana og merkin þeirra.  Ágætis innlögn í kosningarnar. 

[Mama G, 22.4.2009 kl. 11:00]

Ég hef aldrei séð þessa ICESAVE útfærslu af Framsóknarflokknum, vona að þeir séu löngu hættir að nota hana

[Hrannar Baldursson, 22.4.2009 kl. 13:44]

Merkilegt. Ég gleymdi líka Frjálslynda flokknum í minni færslu hér. Spurning um að þeir skipti um heiti: "Gleymdi flokkurinn" ?

Annars stórskemmtileg gagnrýni hjá þér, og ég er sammála þér í mestallri greiningunni. Úr auglýsingum Sjálfstæðisflokks, Samfylkingar og VG fæ ég skilaboðin: "Við eigum peninga fyrir fagmennsku í auglýsingamennsku, því erum við traust og þess vegna áttu að kjósa okkur."

Borgarahreyfingin er með látlaus og stílhreina grafík sem er greinilega vel hugsuð, þó að hún virðist vera ódýr.

Framsóknarlógóið rétt eins og flokkurinn er í leit að sjálfum sér, og þannig afar viðeigandi. 

Annað er verra.

[Guðsteinn Haukur Barkarson, 22.4.2009 kl. 14:31]

Sigurður Þór - hafðu kærar þakkir fyrir það.

Ásthildur - ég bar fram ákveðnar tillögur, og benti þeim á að vera í sambandi við auglýsingastofu, ég fékk pólitísk svör sem voru "við skulum skoða þetta" og ekkert gerðist! Ég virkilega held að flokknum hefði gengið betur ef hresst hefði verið uppá ímyndina, sér í lagi þar sem ímyndin hefur ekki verið uppá marga fiska grafíklega séð.

Mama G - það er rétt! Þetta er afar líkt ICESAVE!! Bwhahahahaha! Eitt klúðrið enn í boði Framsóknar!

Hrannar - hehehe .. já, þetta er týndi flokkurinn, svo mikið er víst! Annars er ég sammála þínum pælingum líka.

[Valgeir Matthías Pálsson (IP-tala skráð) 22.4.2009 kl. 17:28]

Flottar auglýsingar en flottastar eru þær frá Samfylkingunni. Gangi þér sem best og setjum x við S á kjördag.

[Guðsteinn Haukur Barkarson, 22.4.2009 kl. 22:22]

Takk fyrir það Valgeir Matthías!

[Jens Guð, 23.4.2009 kl. 11:22]

  Ég er að uppistöðu til sammála greiningunni.  Nema þetta með merki Sjálfstæðisflokksins.  Það er meira eins og flókin myndskreyting en einfalt og auðlært tákn. 

  Bestu merki eru þau sem allir geta teiknað án sérstakra teiknihæfileika:  Friðarmerkið,  hakakrossinn,  Benz merkið og þess háttar. 

  Fyrir þremur áratugum vann ég á auglýsingastofu sem sá um hönnun á auglýsingum,  kosningabaráttu og fleiru fyrir Sjálfstæðisflokkinn.  Það voru alltaf vandræði með merkið.  Á þessum árum voru prentgæði mun verri en í dag.  Iðulega rann fjaðrafargan ránfuglsins saman í eina prentklessu.  Ég held reyndar að það sé búið að einfalda teikninguna örlítið frá því sem þá var.  En samt. 

[Guðsteinn Haukur Barkarson, 23.4.2009 kl. 12:08]

Jens - ég skil hvað þú átt við með vandræðagang með gamla fálkann, hann var myndskreyting meira en nútíma lógó. Nýja merkið er auðveldara viðfangs, en þeir mega samt eiga það að það er mjög fallegt, og góð lausn við gömlum vanda. Annars þakka ég álit þitt, mér þykir vænt um það.