Ég er afleitur bloggari ... en boða endurkomu bráðlega ..

Ég verð að játa sekt mína og viðurkenna uppá mig hrikalega bloggleti. Enda hef ég varla kveikt á tölvu síðan rétt fyrir áramót. Ég hef ætíð unnið við tölvur og vildi kynnast því á ný að lifa án þeirra. Sem var reyndar ágætis upplifun og nýt ég mín ágætlega sem heimavinnandi húskarl!

En ég er að undirbúa nokkrar greinar og eiga þær eftir að vekja upp umræðu þegar að því kemur að ég birti þær. Ég er því fjarri hættur að blogga, það eina sem hefur hrjáð mig undanfarið er alveg hrikaleg leti, og viðurkenni ég það fúslega. Ég vona samt að einhver þarna úti hafi saknað mín að einhverju leyti!  

En ég kem tíefldur til baka mjög fljótlega!  

Athugasemdir

[Ásdís Sigurðardóttir, 9.1.2009 kl. 17:40]

Gott að heyra, gangi þér vel í greinaskrifum.

[Sólveig Þóra Jónsdóttir, 9.1.2009 kl. 18:41]

Sama sagan hér.

[Jakobína Ingunn Ólafsdóttir, 9.1.2009 kl. 19:29]

Bíð eftir pistlunum

[egvania, 10.1.2009 kl. 00:05]

 Sæll Guðsteinn ég hef líka tekið blogglífinu rólega en ætla að byrja aftur að skrifa um líf mitt sem geðsjúkling hef nú þegar sett inn smá pistil.

 Ég vona að þú hafir það gott og gangi vel í heimilisstörfunum þau geta nú verið svolítið einleit stundum ekki satt en þó alltaf eittvað nýtt gerist nýlega.

 Ég var svo sannfærð um að þú fengir vinnu fljótlega eftir uppsögnina og segi núna, þetta reddast , segir ekki stórhluti þjóðarinnar þetta núna.

 Guðsteinn ég vona svo sannarlega að úr þessu rætist fljótlega hjá þér en njóttu þess að vera með þínu fólki hvern dag og mundu að dagurinn í dag líður hjá og kemur aldrei aftur.

Kveðja Ásgerður

[Valgeir Matthías Pálsson (IP-tala skráð) 10.1.2009 kl. 21:04]

Hæ kæri Guðsteinn minn.

Mikið er gaman að heyra frá þér. Ég hélt að þú værir hættur að blogga fyrir fullt og allt. En nei nú ertu komin til baka og því fagna ég. Það er ekki hægt að segja annað.

Gangi þér vel í skrifunum Guðsteinn Haukur minn og vertu ávalt velkomin á bloggið mitt.

Með kærleiks kveðju.

Valgeir.

[Guðsteinn Haukur Barkarson, 11.1.2009 kl. 12:14]

Ásdís, Sólveig og Jakobína - þetta er allt á leiðinni.

Ásgerður - ég hef eigi fengið vinnu þrátt fyrir mikla leit, ég er meira að segja kominn á biðlista í skúringadjobb! *andvarp* en eins og þú segir réttilega, þá mun þetta reddast. Takk fyrir fallega athugasemd.

Valgeir Mattías - þú ert og verður hugrakasti bloggarinn, þú ert sá eini sem ég veit um sem kemur dyranna eins og þú ert klæddur! Það heitir hugreki og fer ég ekki ofan af því!

[egvania, 12.1.2009 kl. 11:33]

 Skúringadjobbið segir þú, ég hef þig í huga ef mitt " möppudýr " fer í frí verst er hve langt er á milli okkar þú verður að fara í flug tvisvar á dag.

 Veistu að orðið " möppudýr " er notað yfir heimilis aðstoðina, ég er alltaf að læra eitthvað nýtt, ég met mína heimilisaðstoð meira en það að ég geti kallað hana þetta.

Kærleiks kveðja til þín og þinna Ásgerður

[halkatla, 12.1.2009 kl. 15:30]

oh gastu ekki bara hætt að blogga, það er hvorteðer alltaf sama rausið í þér - SMÁ SPAUG

Mér líst sko mjög vel á Dawkins-greinina þína (ég varð bara að kommenta hér til að geta komið spauginu mínu á framfæri )