Líst vel á Sigurjón!

Mér líst vel á að Sigurjón bjóði sig fram til formanns.

Kraftur hans og metnaður á eftir að rífa flokkinn upp úr lægð sem hefur gengið í gegnum undanfarið. Ég styð Sigurjón Þórðarson fyllilega til þess að leiða þennan góða flokk. 

Sjá nánar:

www.xfakureyri.blog.is

Jens Guð og Halla Rut hafa einnig lýst yfir stuðningi við hann, og er ég þeim sammála. 

Vilja að Sigurjón gefi kost á sér sem formaður Frjálslynda flokksins

Athugasemdir

[Hallgrímur Guðmundsson, 9.9.2008 kl. 19:29]

Það er frábært að fá þessi viðbrögð, ég þarf líklega ekki að lýsa yfir stuðningi með nafni mínu þar sem ég er í stjórn Frjálslyndra í Eyjafirði og tel mig vera búinn að tjá skoðun mína á hlutunum.

[Guðsteinn Haukur Barkarson, 9.9.2008 kl. 19:31]

Flott Hallgrímur.

[Jens Sigurjónsson, 9.9.2008 kl. 20:00]

Sigurjón er á efa góður í djobbið,

það veitir ekki af því að taka aðeins til hendinni í flokknum.

[Jens Sigurjónsson, 9.9.2008 kl. 20:01]

Átti að vera, án efa góður í djobbið.

[Árni Gunnarsson, 10.9.2008 kl. 00:14]

Sigurjón er maður sem mun vinna fyrir opnum tjöldum. Hann er ekki pólitískur refur í venjulegum skilningi en hann er fluggreindur og fljótur að átta sig á málefnum. Hann hefur góða menntun og reynsla hans á Alþingi mun nýtast honum vel. Þar reyndist hann einarður og málefnalegur og einlægni hans aflaði honum trausts. Þrátt fyrir harðan málflutning aflaði hann sér ekki óvildar pólitískra andstæðinga. Sigurjón er að minni hyggju eini maðurinn sem hægt er að binda vonir við í því vandasama starfi að sameina fólk í þessum flokki.

[Jens Guð, 10.9.2008 kl. 01:41]

  Það sem ég hef kunnað best við Sigurjón er að hann er einstaklega hreinskiptinn.  Hann hefur alltaf haft gott samband við okkur í grasrótinni.  Þar fyrir utan er hann skemmtilegur.  Glaðvær og jákvæður.  Svo lengi sem ég hef verið virkur í flokksstarfi FF hef ég aldrei getað staðsett Sigurjón í bás með einhverjum tiltekinni klíku innan flokksins.  Við höfum gengið í gegnum allskonar uppgjör.  Til að mynda þegar fjórðungur þingflokksins gekk til liðs við Sjálfstæðisflokkinn (Gunnar Örlygsson),  Magga Sverris fór með borgarstjórnarflokk FF yfir í Íslandshreyfinguna,  bæjarfulltrúi F-lista gekk í Sjálfstæðisflokkinn á Skaganum og svo framvegis.

  Sumir hafa talið sig merkja yfirtöku Nýs afls á flokknum.  Aðrir hafa talið sig merkja ofríki "Ísafjarðarklíkunnar" í flokknum.  Enn aðrir hafa talið sig merkja togstreitu lansbyggðar og höfuðborgar í flokknum.  Einnig hafa sumir talið að forysta flokksins annars vegar og grasrót flokksins hinsvegar gangi ekki í takt.

  Sigurjón Þórðarson verður hvergi staðsettur í neinum svona hugleiðingum.  Mér vitanlega hefur hann aldrei tilheyrt neinni svona deild og skilgreinir sjálfan sig ekki þannig. 

[Guðsteinn Haukur Barkarson, 10.9.2008 kl. 08:44]

Jens G -takk fyrir þessar góðu upplýsingar.

Árni - sammála.

Andrés og Jens S - takk!