Mikil er dýrðarsköpun Drottins!

Ég er alltaf svo heillaður af svona náttúrufyrirbrigðum, og sólmyrkvi finnst mér alltaf mjög flottur. Sérstaklega í ljósi þess að þetta sannar enn og aftur hversu góður hönnuður Guð er, þegar hann skapaði þetta allt saman.

Myndin er tekinn úr geimnum, og sýnir hvernig skuggi tunglsins fellur á jörðina. Stórkostlegt alveg!

 

 

 

Dýrð sé öll sköpun Drottins! Guð blessi ykkur öll og eigið þið góða verslunarmannahelgi!

Tungl skyggir á sólu

Athugasemdir

[Arnar, 1.8.2008 kl. 10:49]

Og hvað nákvæmlega hefur guð að gera með sólmyrkva?

Sagður sjálfur að þetta væri náttúrulegt fyrirbæri

[Guðsteinn Haukur Barkarson, 1.8.2008 kl. 10:50]

Sá sem skapaði náttúruna hefur allt með þetta að gera, Arnar.

[Sverrir Guðmundsson (IP-tala skráð) 1.8.2008 kl. 11:01]

Það kom ekki fram í fréttinni en tunglið færist frá jörðinni um tæpa 4 cm á ári og eftir nokkur hundruð milljónir ára verður ekki lengur mögulegt að sjá almyrkva frá jörðinni.

[Valsól (IP-tala skráð) 1.8.2008 kl. 11:03]

 Getum við bara ekki verið sammála um að við vitum bara ekki hvernig alheimurinn og öll hans fyrirbrigði urðu til? Þetta minnir mig enn og aftur á söguna um gaukinn, því lengi vel héldu lærðir menn því fram að hann yxi á trjánnum. En nú vita allir að hann verpir í hreiður annarra fugla. Eins er það með alheiminn, við bara vitum ekki hvernig þetta allt saman varð til og við eigum þess vegna ekki bara að búa til skýringu um að einhver guð hafi búið þetta til. Við fáum kannski einhvern tíman svar við þessu, en að búa til svarið er bara tóm tjara.

[DoctorE (IP-tala skráð) 1.8.2008 kl. 11:36]

Hver er munurinn á þinni staðhæfingu Guðsteinn og þeirri hjá fornmönnum sem töldu að dreki væri að éta sólina :)

P.S. Þegar tunglið fer þá förum við líklega líka... allt líf breytist á jörðinni... 99%+ af öllum lífverum sem hér hafa lifað eru jú útdauðar.

Trúir þú því að guð hafi skapað Adam.. svo leiddist Adam eftir að hann var búinn að gefa ÖLLUM dýrum jarðarinnar nafn(Milljónir tegunda)... guð bjó síðan til Evu(Á eftirLillith???), guð bjó einnig til snák sem plataði Evu sem var 100% púra sakleysingi... guð rak þau úr paradís, hefndi sín á Evu með því að láta konur kveljast við barneignir.. og lét Adam þurfa að vinna...
Trúir þú þessu semsagt?

[Villi Asgeirsson, 1.8.2008 kl. 12:29]

Flott mynd. Gaman að sjá þetta frá öðru sjónarhorni. En eru þetta ekki mistök hjá Guði? Er sólmyrkvi ekki dæmi um ófullkomnun?

[Arnar, 1.8.2008 kl. 12:41]

Guðsteinn:
Sá sem skapaði náttúruna hefur allt með þetta að gera, Arnar

Hvar staðsetti guð tunglið þegar hann skapaði það?  Tunglið er að fjarlægjast jörðina hægt og rólega.  Hvað þýðir það ef þú spólar 6000 ár til baka?  Eða miljón.. miljarð?  Á einhverjum tímapunkti skerast ferlar jarðarinnar og tunglsins..

Ef guð skapaði þetta allt svona fulkomið, akkuru er tunglið þá ekki á stöðugum sporbaug?

(djö.. er mér farið að líða eins og leiðinlega krakkanum sem spyr 1000 spurninga um hvert atriði sem kennarinn minnist á..)

[DoctorE (IP-tala skráð) 1.8.2008 kl. 12:54]

Ein kenning gengur út á að tunglið sé brot úr jörðinni eftir árekstur
http://www.youtube.com/watch?v=v6A3BzWdd_o

Það er klárt að þetta dæmi var ekki galdrað upp.. og tók alls ekki nokkra daga

[Guðsteinn Haukur Barkarson, 1.8.2008 kl. 13:00]

Valsól:

Getum við bara ekki verið sammála um að við vitum bara ekki hvernig alheimurinn og öll hans fyrirbrigði urðu til? 

Skynsamleg afstaða, jú við skulum vera sammála um það, en höfum samt okkar eigin skoðannir á því.

Villi - af hverju ætti að vera ófullkomnun að náttúrulögum Drottins séu framfylgd? Ég sé það ekki.

Arnar - sem spyr eins og Ari í vísunni! Þú spyrð spurninga sem ég get ekki svarað, og ætla því ekki að reyna.

Dokksi - ég held að sköpunarsagan sé 'fagurfræðileg' (hehehe .. ég tek mér bessaleyfi frá vin okkar á þessari orðanoktun, þú skilur nákvæmlega hvað ég meina) lýsing sem var skrifað á tungumáli bronsaldar. Og þar við situr.

[Gunnar Helgi Eysteinsson, 1.8.2008 kl. 13:55]

Það er alltaf jafn skemmtilegt að koma hingað inn og lesa færslu og athugasemdir.... frábært

[DoctorE (IP-tala skráð) 1.8.2008 kl. 14:03]

Fagurfræðilegt you say.
Þannig að vísindamenn geta hæglega skrifað einhverjar kenningar á rósamáli... svo þegar eitthvað sannast.. þá segja þeir: Já það var þetta sem ég meinti, sko ef þú lest dæmið mit svona & svona þá stemmir það alveg ;)

[Tinni (IP-tala skráð) 1.8.2008 kl. 16:01]

Ég held að Guðsteinn sé að grínast í okkur..   Það er enginn svo fáfróður, í raun að halda það að Guð hafi skapað allt... enda er hann, eða það, ekki til hvort eð er..

En Guðsteinn það er ljótt að stríða og afvegaleiða einfaldar og trúgjarnar sálir..  mundu það...  annars ferðu líklega ekki til himna fyrir uppátækið..

[Rósa Aðalsteinsdóttir, 2.8.2008 kl. 00:22]

Sæll og blessaður.

Hönnun Guðs er best og flottust. Við erum lánsöm að eiga hann sem andlegan föður og við erum lánsöm að eiga Jesú Krist sem er frelsari okkar. Hann vill bera byrðarnar okkar því hann ber umhyggju fyrir okkur. við erum lánsöm að eiga Heilagan anda sem er huggarinn okkar.

Hjálp mín kemur frá Drottin, skapara himins og jarðar. Sálm. 121.2

Drottinn blessi þig og allt þitt fólk.

Kær kveðja/Rósa

[Birna M, 2.8.2008 kl. 12:49]

Guð er bara æðislegur og þegar maður horfið allt í kringum sig er ekki erfitt að ímynda sér að á bak við þetta sé eitthvað annað  og meira en einhver tilfinningalaus mekanismi.

[DoctorE (IP-tala skráð) 2.8.2008 kl. 21:29]

Birna_m... Viðmið þín byggjast á þekkingu þinni ásamt því að þú sérð það sem þú vilt sjá.

Þú ert að segja það að bronsaldarmenn sem krotuðu niður skilning sinn á dæminu séu upplýstari en sprenglærðir nútímamenn og auka reynsla í meira en 2000 ár... sérðu virkilega ekki hvað það virkar steikt?
Reyndar komst þú líka með lykilorðið í athugasemd þinni, orðið "&#39;imynda" <---- the keyword

[Ása (IP-tala skráð) 3.8.2008 kl. 00:08]

Takk fyrir að sýna okkur þessa mynd úr sköpunarverki skapara okkar kæri Guðsteinn Haukur!!
Og Guð gefi þér og fjölskyldu þinni yndislega verslunarmannahelgi!

[Sigurður Rósant, 3.8.2008 kl. 08:49]

Ég held að Guð hafi ofgert sér í sköpuninni. Þegar hann sá hvert stefndi, er hann skapaði manninn í sinni mynd, varð honum ljóst að þarna gerði hann mistök sem hann gæti ekki staðið undir.

Eftir nokkrar kvöldgöngur í Eden, varð honum endanlega ljóst að hegðun þessa síðasta sköpunarverks hans var honum til skammar.

Hann hvarf því af jörðu hér og hefur ekki sést til hans síðan. Fundist hafa vísbendingar um leifar Guðs á Mars, þar sem honum var búin viðeigandi greftrun.

Að öðru leyti er ég 100% sammála Valsól.

[Ólöf Ingibjörg Davíðsdóttir, 3.8.2008 kl. 09:42]

Hvar fannstu myndina?

[Kristín Katla Árnadóttir, 3.8.2008 kl. 11:28]

Takk fyrir þetta kæri Guðsteinn minn.

[Petur Einarsson (IP-tala skráð) 3.8.2008 kl. 12:15]

Sæll og blessaður Guðsteinn.

Guð er stór og almætti hans nær til endimarka veraldar. 

Hvenær kemurðu til Dk???

Petur  

[Linda, 3.8.2008 kl. 13:41]

Sköpunarverk Guðs er daglegt kraftaverk fyrir þá sem vilja sjá hann, í öllu því sem er í kring um okkur, hann hefur ekki hætt að skapa fegurð og gæsku, hann hefur ekki hætt að elska þá sem hann skapaði.  Stundum þurfum við ekkert annað en að vera þögul og hafa augun opin til þess að sjá og heyra í honum.

knús

[Tinni (IP-tala skráð) 4.8.2008 kl. 20:17]

Guðsteinn!  Finnst þér í lagi að skrökva að fólki?  Þú ert að skrökva að fólki og segja því ósatt, þó þetta sé þín trú og skoðun þá breytir það ekki staðreyndum. Þú ert að segja fólki ósatt frá og ég vil leyfa mér að halda því fram að þú vitir betur...  

Rósa, Birna, Ása, Katla, Pétur, Linda ofl. Ég veit að þetta er ykkar skoðun og trú.  Þið viljið sjálfsagt hafa hana í friði og án allrar gagnrýni frá öðrum sem eru annarra skoðunar.  Ég ætla samt ekki að að verða við því...

Guð hefur aldrei  sagt neitt, skrifað neitt né skapað nokkurn hlut!

[Guðsteinn Haukur Barkarson, 5.8.2008 kl. 10:27]

Takk fyrir athugasemdirnar allir, ég hef ekki það ekki mér að svara öllum nema örfáum.

Pétur - ég kem til danmerkur 21. ágúst.

Tinni - ég hef engu logið nema sagt mína skoðun.

[Rósa Aðalsteinsdóttir, 5.8.2008 kl. 12:46]

Sæll og blessaður Guðteinn minn.

Tinni blessaður kom út úr bókaskápnum. Hann er nú samt best geymdur þar.

Guð veri með þér.

Kær kveðja/Rósa

[Rósa Aðalsteinsdóttir, 5.8.2008 kl. 12:50]

Sæll og blessaður Guðsteinn.

Skrýtið að leiðréttingarforritið skildi ekki kvarta undan nýja nafninu þínu Guðteinn.  SORRY

Guðsteinn skal það vera og er flott nafn.

Búin að geyma hvernig nafnið þitt leit út þegar þú sjálfur gleymdir einum staf. Það var virkilega kúl.

Shalom/Rósa

[Guðsteinn Haukur Barkarson, 5.8.2008 kl. 12:55]

Þú átt við Guðsetinn Rósa mín, þegar ég gerði þá ásláttarvillu! Ef "e" fer fyrir aftan "t" þá er Guðsetinn útkoman! Veit ekki, kannski er það viðeigandi ... 

[Rósa Aðalsteinsdóttir, 5.8.2008 kl. 13:02]

GLÆSILEGT NAFN 

ALDEILIS MUNUR MIÐAÐ VIÐ ANDSETINN.

[Guðsteinn Haukur Barkarson, 5.8.2008 kl. 13:21]

hehehe ... já Rósa, en ég gat ekki annað en séð kómísku hliðina í þessu!

[Tinni (IP-tala skráð) 5.8.2008 kl. 14:58]

Guðsteinn: Sérstaklega í ljósi þess að þetta sannar enn og aftur hversu góður hönnuður Guð er, þegar hann skapaði þetta allt saman.

Guðsteinn: ég hef engu logið nema sagt mína skoðun. 

Þetta er meira en skoðun... Þetta er ekki einu sinni kenning heldur er þetta er fullyrðing, sem þú tekur tekur þér í munn og heldur blákalt fram að hún sé sönnuð!

Fullyrðing sem ekki er studd neinum rökum er ósönn þar til annað kemur í ljós. Sá sem fer fram með slíkar fullyrðingar er því að segja ósatt, eða skrökva, jafnvel þó að fullyrðingin byggist á trúarlegum skoðunum viðkomandi.

Hafa ber í huga að tilvist Guðs er ósönnuð og allar fullyrðingar um annað eru ósannar. 

Ergo þú ert því að segja ósatt! 

Gefum okkur að Guð sé til, þá getur enginn vitað það.

Gefum okkur aftur að sönnun á tilvist Guðs komi fram, með óyggjandi hætti, svo allir verði að viðurkenna. Þá skal bíða þess dags.

Það er ekki hægt að útiloka 100% að Guð sé ekki til. Á mögulegum degi sannleikans, einhvertímann í framtíðinni, kann að koma í ljós annar Guð en þú heldur.  Þá á ég við kannski kemur í ljós að hann skapaði neitt, eftir allt . 

Ég veit að þið Guðsóttabörn teljið ykkur hafa sannleikann á ykkar bandi en eruð um leið mögulega að taka þá áhættu, að fullyrðing Guðsteins sé ósönn og boðorðin 10 séu sönn. Þá er Guðsteinn að brjóta gegn 8. boðorðinu, sem er synd. Því hefur hann mögulega syndgað gegn Guði sínum, því ber honum að gera yfirbót, yðrast og biðjast afsökunar á gjörðum sínum t.d. með að leiðrétta fullyrðinguna um að sólmyrkvi sanni tilvist Guðs.  Annars bíður hans/ykkar eilífðar vist í helvíti ...  sé það einnig mögulega til..

Af þessu sést að maður á ekki að leika sér með jafn alvarleg málefni eins og þessi...   það er betra að hafa vaðið fyrir neðan sig og efast.

Sá sem telur sig hafa höndlað sannleikann veit í raun ekki neitt..

[Guðsteinn Haukur Barkarson, 5.8.2008 kl. 15:15]

Tinni - er mér þá ekki frjálst að tjá mína skoðun þótt hún sé fullyrðing?  Það er eina sem ég get lesið úr þínum orðum. Ég hef mína skoðun, þú þína, við erum ósammála um þetta atriði og þannig er það bara. Ég gæti ásakað þig um lygar á sama hátt, því boðskap þínum get ég ekki verið sammála. Niðurstaðan er sem sé, þetta klassíska, verum bara sammála um að ósammála.

[Tinni (IP-tala skráð) 5.8.2008 kl. 21:16]

Guðsteinn: er mér þá ekki frjálst að tjá mína skoðun þótt hún sé fullyrðing?

Jú að sjálfsögðu, en þá verður þú að geta tekið afleiðingunum, hverjar svo sem þær kunna að verða. Í augnablikinu virðast einu afleiðingar, þessarar fullyrðingar þinnar vera, gagnrýni mín, hvað sem síðar verður.

Guðsteinn: Ég hef mína skoðun, þú þína, við erum ósammála um þetta atriði og þannig er það bara.

En á það að vera þannig? Viljir þú teljast marktækur (sem ég efast ekki um) verður þú að geta fært marktæk rök fyrir þínu máli, annars ertu marklaus (ekki viltu það), jafnvel þó nokkrir jábloggarar séu sammála þér.

Guðsteinn: Ég gæti ásakað þig um lygar á sama hátt, því boðskap þínum get ég ekki verið sammála.

Nei ekki á sama hátt, heldur allt annan hátt. Ég tel að flestir hafi efast um eitthvað einhvertíma. Þú hefur mögulega einnig efast um tilvist Guðs. Þegar maður efast þá leitar maður skýringa, og þá marktækra skýringa. Dæmi um ómarktækar skýringar eru biblíuskýringar og Gunnar í Krossinum er ekki marktækur skýrandi. Dæmi um marktækar skýringar er t.d. heilbr. skynsemi og rökhugsun. Veit að þetta er ekki auðvelt og flestum um megn. Þegar rökin hafa verið veginn með og á móti þá tekur þú afstöðu. Sú afstaða þarf þó ekki að fela í sér 100% vissu, á hvorn veginn sem er. Að efast um tilvist Guðs og leita skýringa, t.d. hjá þeim sem trúa á hann, og eftir atvikum gagnrýna svör þeirra, er ekki að ljúga. Ef þú segir að Guð sé til, af því bara. Þá færðu líklega andsvör með sama hætti frá þeim, sem ekki trúir þ.e. að Guð sé ekki til, af því bara. Því fer víðsfjarri að sá er veitir andsvar sé með því að ljúga því að Guð sé ekki til, heldur er hann að notast við sömu röksemdarfærslu og sá trúaði. Þegar þú áttar þig á þessu muntu sjá hversu hversu langt út af sporinu þú ert kominn.    

Guðsteinn: boðskap þínum get ég ekki verið sammála.

Hvaða boðskap? Að Guð sé mjög mjög mjög líklega ekki til, því hafi hann aldrei gert neitt, þ.e. talað, skrifað eða skapað?

Guðsteinn: verum bara sammála um að ósammála.

Já ekkert mál...  en það felur ekki í sér að ég þegi   

[Guðsteinn Haukur Barkarson, 5.8.2008 kl. 22:07]

Tinni - þá það, seinna meir feri ég vandaðri grein með betri röksemdarfærslum, og vanda betur til verka. Þessi grein var saminn á ca. 5 mín. eða svo, þannig ... en ég skil hvað þú ert að fara, og gagnrýni þín réttmæt á svo innihaldslaust hjal hjá mér að þessu sinni. En ég lofa betrumbót og skalt fylgjast með og gagnrýna þegar ég kem með grein sem er með meira "kjöti", ekki þunnyldi eins og þessa.

Er það ekki díll bara? 

[Tinni (IP-tala skráð) 5.8.2008 kl. 23:31]

Allt í góðu Guðsteinn... er ekki að fara fram á það að þú gerist of alvarlegur

Það var sosem ekki lengd greinarinnar sem ég var að gera ath.semdir við heldur meining hennar.

Díll

[Guðsteinn Haukur Barkarson, 6.8.2008 kl. 08:04]

Díll Tinni !

[halkatla, 6.8.2008 kl. 11:07]

krúttleg færsla, krúttlegar athugasemdir. Það er einhver sumarfílingur í ykkur