Mótmælum mannréttindabrotum stjórnvalda á Sjómannadaginn!

Nú vaknar Grindvíkingurinn í mér, ég tók þetta af xf.is og má til með að vekja athygli á þessu!

Landssamband kvenna í Frjálslynda flokknum boðar til mótmæla á sjómannadaginn

Landsamband kvenna í Frjálslynda flokknum boðar til mótmæla á sjómannadaginn gegn mannréttindabrotum stjórnvalda í fiskveiðistjórnunarkerfinu. Safnast verður saman við Stjórnarráðið kl.13.30 sunnudaginn 1. júní og gengið að hafnarbakkanum þar sem hátíðahöld sjómannadagsins fara fram.

Hvetjum félaga til þess að sýna samstöðu og taka þátt í friðsamlegum mótmælum. Þó það sé Landssamband kvenna sem boðar til mótmælana eru allir velkomnir, konur jafnt sem karlar.

Stjórnin.

Ritað er: 

Jóhannesarguðspjall 21:4-14

4 Þegar dagur rann, stóð Jesús á ströndinni. Lærisveinarnir vissu samt ekki, að það var Jesús.
5 Jesús segir við þá: ,,Drengir, hafið þér nokkurn fisk?`` Þeir svöruðu: ,,Nei.``
6 Hann sagði: ,,Kastið netinu hægra megin við bátinn, og þér munuð verða varir.`` Þeir köstuðu, og nú gátu þeir ekki dregið netið, svo mikill var fiskurinn.
7 Lærisveinninn, sem Jesús elskaði, segir við Pétur: ,,Þetta er Drottinn.`` Þegar Símon Pétur heyrði, að það væri Drottinn, brá hann yfir sig flík  hann var fáklæddur og stökk út í vatnið.
8 En hinir lærisveinarnir komu á bátnum, enda voru þeir ekki lengra frá landi en svo sem tvö hundruð álnir, og drógu netið með fiskinum.
9 Þegar þeir stigu á land, sáu þeir fisk lagðan á glóðir og brauð.
10 Jesús segir við þá: ,,Komið með nokkuð af fiskinum, sem þér voruð að veiða.``
11 Símon Pétur fór í bátinn og dró netið á land, fullt af stórum fiskum, eitt hundrað fimmtíu og þremur. Og netið rifnaði ekki, þótt þeir væru svo margir.
12 Jesús segir við þá: ,,Komið og matist.`` En enginn lærisveinanna dirfðist að spyrja hann: ,,Hver ert þú?`` Enda vissu þeir, að það var Drottinn.
13 Jesús kemur og tekur brauðið og gefur þeim, svo og fiskinn.
14 Þetta var í þriðja sinn, sem Jesús birtist lærisveinum sínum upp risinn frá dauðum.

Ég held að Jesús hefði eitthvað sagt ef tollheimtumenn eða jafnvel farísear hefðu komið og sagt þeim að þeir mættu bara eiga tíunda hvern fisk eða svo, og skipað þeim að borga sitt gjald.

Svona mannasetningar eru engum til góða og er skýrt mannréttindabrot eins og úrskurðað hefur verið hjá mannréttindadómstólum, en stjórnvöld eru með uppstoppuð eyru varðindi þessi mál. Það er kominn tími til að vekja þau!

Ég hvet alla til þess að mæta ef þið getið og eru allir velkomnir hvað sem þið heitið!

Athugasemdir

[Rósa Aðalsteinsdóttir, 30.5.2008 kl. 20:59]

Sæll Guðsteinn minn.

Líst vel á þessar dugnaðarkonur. Þær sýna áræðni og mikinn kjark.

Baráttukveðjur fyrir réttlætinu.

Kær kveðja/Rósa

[Sigurður Rósant, 30.5.2008 kl. 21:40]

Guðsteinn vitnar í fiskifræðinginn - "Jesús segir við þá: ,,Drengir, hafið þér nokkurn fisk?`` Þeir svöruðu: ,,Nei.`` Hann sagði: ,,Kastið netinu hægra megin við bátinn, og þér munuð verða varir.`` Þeir köstuðu, og nú gátu þeir ekki dregið netið, svo mikill var fiskurinn."

Hvernig væri að fá Jesús til að bjarga málunum. Hann gat bæði sagt sínum mönnum að hætta fiskveiðum og hefja mannaveiðar annars vegar og svo gat hann á hinn veginn sagt mönnum sínum hvernig átti að bera sig að til þess að fá eitthvað í netið.

Mark 1:16-17 "Jesús var á gangi með Galíleuvatni og sá Símon og Andrés, bróður Símonar, vera að kasta netum í vatnið, en þeir voru fiskimenn. Jesús sagði við þá: "Komið og fylgið mér, og mun ég láta yður menn veiða."´

Með baráttukveðju hins trúfrjálsa

[DoctorE (IP-tala skráð) 30.5.2008 kl. 22:27]

Talandi um frjálslynda, hvað hefði Jesú sagt um börnin og mæður þeirra... hefði hann sagt: Byggið pulsuvagn á eldlínunni og gleymið dæminu

[Jón V Viðarsson, 31.5.2008 kl. 12:23]

Jesú sagði: Seljið kvótan ikkar til stórútgerðamannana og þið munuð uppskera miljónir króna í gróða. Í dag segja stórútgerðamenn: Leifið kvótanum að koma til okkar og þið fáið að leija af okkur kvóta í staðinn. Já sniðug hugmynd segja lærisveinarnir og svo kærum við til mannréttiindadóstólsins og förum fram á bætur.

[Guðsteinn Haukur Barkarson, 31.5.2008 kl. 19:25]

Rósant - ég skil ekki hvað þú meinar.

Dokksi - ég skil þig ekki heldur.

Jón Viðar - þú er flottur!