Ritskoðunar herferð Morgunblaðsins ... aftur!

Enn og aftur ritskoðar mogginn á mann með sterkar skoðanir. Halla Rut vinkona er búinn að fjalla um þetta við miklar undirtektir.  Þar er hún sökuð um alls kyns hluti, sögð vera "talsmaður fordómafullra" o.s.f.v. Það hreint ótrúlegt hvað fólk getur látið útúr sér! Þrátt fyrir að Hall Rut ítrekar að um sé að ræða ritskoðun á frelsinu, þá dæma menn auðvitað hana fyrir að "ala á fordómum" og annað slíkt. Það er nú meira sem sumt fólk telur sig heilagt!

Um er að ræða að moggamenn hafa aftengt fréttatengingar hjá Óskari Helga Helgasyni, bloggvini mínum. Hann er maður með sterka skoðun á ferðinni alveg eins og í tilviki Skúla Skúlasonar, og þarf engan snilling til þess að sjá að heft er enn og aftur á málfrelsið.

Enginn þarf að vera sammála Óskari, enda hefur hann ekki beðið um það. Öll eigum við okkar lýðræðislega rétt til þess að tjá okkur án hindrana, það heitir málfrelsi. En breytist þegar múrar og veggir eru reistir í kringum það frelsi. Auðvitað er frelsið líka vant með farið, það getur haft sínar afleiðingar eins og allt annað sem ekki er passað uppá. En meginatriðið er að við íslendingar búum við málfrelsi, og þegar einkaaðilar setja frelsinu höft er það ekki frelsi lengur.

Lifi frelsið, lifi lýðræðið og niður með óréttláta ritstýringu!

Athugasemdir

[Flower, 21.5.2008 kl. 14:31]

Ömurlegt að fólk skuli ekki mega hafa óvinsælar skoðanir í friði svo lengi sem ekki er um beint hatur gegn nafngreindum að ræða. Það er hætta á ferðum þegar komið er það að einhverjir stjórna umræðunni eftir eigin skoðunum.

[Haraldur Davíðsson, 21.5.2008 kl. 15:44]

Góður, þetta er fráleitt. það neyðir mann enginn til að lesa neitt, enda erum við flest það vel gefin að við getum best sjálf séð um okkur hér. Það þarf enga forsjárhyggjupésa til að passa að við spillumst ekki. Þvílíkt %$/%(%&%$%&//)=/%&%$ (fyrirgefðu orðbragðið, Guðsteinn).

[Guðsteinn Haukur Barkarson, 21.5.2008 kl. 17:28]

Flower - nákvæmlega!

Haraldur - 100% sammála  og þú sýndir þó þá virðingu að "censora" orðbragðið. Það kann ég að meta! 

[DoctorE (IP-tala skráð) 21.5.2008 kl. 18:03]

Guð verndar mig og mín skrif ;)

[Guðsteinn Haukur Barkarson, 22.5.2008 kl. 08:03]

Einmitt Dokksi, hann gerir það. Enda var kominn tími á að þú áttaðir þig!

Andrés - já, það virkar þannig á mig líka ... halllærislegt !