Í upphafi var orðið ...

Föstudagur, 28. september 2007

Súkkulaðiköku uppskrift

Helga Guðrún Eíríksdóttir bað mig um súkkulaðiköku uppskrift, þessi er alls ekki þurr og mjög djúsí. Hana má nota fyrir skúffukökur sem og venjulegar súkkulaðikökur. Eftir leit hjá henni Bryndísi minni og ráðleggingar, þá er besta uppskriftin að hennar mati úr kökubók Hagkaups sem Jói Fel skrifaði fyrir nokkrum árum.

En hér kemur uppskriftin:

Hráefni:

150 g sykur
150 g púðursykur
125 g smjörlíki
2 stk. egg
260 g hveiti
1 tsk. matarsóti
1 tsk. lyftiduft
1/2 tsk salt
40 g kakó
2 dl mjólk

Krem:

500 g flórsykur
60 g kakó
1 stk. egg
80 g smjör
1 tsk. vanilludropar
2-4 matskeiðar kaffi (ef menn vilja)

Aðferð:

Vinnið vel saman sykur og smjör og setjið egg saman við eitt í einu. Blandið saman þurrefnum og setjið saman við ásamt mjólkinni, bakið í tveimur formum við 180°C í 19 - 22 mín. Kælið botnanna og gerið kremið. Krem; Bræðið smjörið og blandið öllu saman í hræriskálina, vinnið rólega saman þar til allt er slétt og fínt, smyrjið yfir og á milli. Gott er að bera fram með þeyttum rjóma.

Meginflokkur: Matur og drykkur | Aukaflokkar: Bloggar, Lífstíll | Breytt s.d. kl. 18:43 | Facebook