Er vinaleiðin sú besta?

Ekki get ég sagt að ég sé fullkomlega sammála þessari vinaleið þjóðkirkjunnar. Ég er sammála henni efnislega séð, þ.e.a.s. að börnin fái kristinfræðikennslu, en ég er ekki sammála að þvinga henni uppá fólk. Það verður að vera til val í þessum efnum eins og í öllu öðru til þess að jafnvægis sé gætt. Ég er sem sé sammála vinaleiðinni efnislega séð en ekki framkvæmdarlega séð, Ísland eins og önnur lönd er að smátt og smátt að breytast í fjölmenningarsamfélag.

Það væri rangt og hrokafullt af okkur að reyna sporna við því. Það er trúfrelsi í landinu og það má ekki gleymast, auðvitað myndi ég vilja sjá alla menn Kristna en við verðum að bera virðingu fyrir skoðunum náungans.

Mín skoðun er sú að það eigi að efla kristinfræði/trúarbragðasögu kennsluna og sleppa engu. Þá yrði farinn hin gullni meðalvegur og börn geta ákveðið sig sjálf seinna meir hvað þau gera í afstöðu sinni. Það er á ábyrgð okkar kristinna að koma út boðskapnum um Jesú Krist. Ekki kennara sem hafa misjafnar skoðannir á þessum málum. Prestar og aðrir ábyrgðarmenn fyrir fagnaðarerindinu - eiga fyrst og fremst að sjá um þessa hluti, eins er með alla trúaða einstaklinga.

Alveg eins og mörgum finnst algebra tilgangslaus og heimsk, ætti ekki að banna að þvinga henni uppá börn þar sem algebra er afar sjaldan notuð? Þetta er hluti af rökum þeirra hjá siðmennt að minnsta kosti. Sem ég hef heyrt munnlega frá meðlimum siðmenntar.

En ég vona að verði sátt um þetta án einhverja dómsleiða, það er hægt að ræða alla hluti og komast að niðurstöðu.

Niðurstaðan er: Vinaleiðina verður að endurskoða, hún er góð og gild fræðilega séð, en framkvæmdin verður að að vera öðruvísi.

Mannréttindadómstóll gagnrýnir kristinfræðikennslu

Athugasemdir

[Gunnar (IP-tala skráð) 6.7.2007 kl. 10:40]

Þakka þér fyrir góða grein. Hinsvega má ekki rugla vinaleið þjóðkirkjunnar saman við kristinfræði kennslu. Þetta eru tveir fullkomlega aðskildir þættir. Vinaleiðin var sérstakt verkefni innan ákveðinna skóla sem er samsktarfsverkefni kirkjunnar og viðkomandi skóla. Kristinfræði kennsla er alfarið á ábyrgð skólakerfisins og ætti að kenna hana algerlega hlutlaust af menntuðum kennurum. Það er skólans að fræða, en trúfélaga að boða.

 Kv. Gunnar

[Nanna Katrín Kristjánsdóttir, 6.7.2007 kl. 10:42]

Ég er sammála þér í öllu, nema mér finnst mega draga úr áheyrslu á kristnifræði og leggja meiri áheyrslu trúarbragðafræði amennt.  Trúarbrögð hafa ótal skemmtilegar sögur, þau hafa langa sögu af menningu og listum og boðskapurinn er yfirleitt mjög góður(þó alltaf sé til fólk sem er duglegt að mistúlka og misnota boðskap trúarbragða)

[DoctorE (IP-tala skráð) 6.7.2007 kl. 10:46]

Fyrir mig er vinaleið glæpur gegn samfélaginu, simple as that.
Trúarbragðasaga finnst mér alveg að eigi að vera en það er bara engu tauti komandi við marga trúaða sem móðgast yfir öllu, hvort sem þeir eru kristnir eða eitthvað annað.... allt svo erfitt að maður vildi einna helst að trúarbrögð væru bara ekki til

[Guðsteinn Haukur Barkarson, 6.7.2007 kl. 11:04]

Takk Gunnar, ég reyndi að segja það í greininni minni, en kannski kom því ekki rétt frá mér, kristinfræðikennsla og vinaleiðin er tvennt ólíkt og má vissulega ekki rugla því saman.

Nanna, hefð og saga okkar íslendinga byggist mjög mikið á kristni, þess vegna er mikilvægt að vanrækja hana ekki burtséð frá trúarlegum skoðunum. Ég ákvað að leggja mínar til hliðar að þessu sinni og benda á hvað er "politicly correct" í þessu.

Ég er Kristinn maður og vil auðvitað sjá ALLA kristna, en ég er bara ekki svo veruleikafirrtur að halda að allir geti verið á sömu skoðun. Guð gaf okkur frjálsan vilja og þar við stendur.

DOktor, það er löngu búið að leggja kristinfræði niður, í dag heitir þetta "trúarbragðasaga" í grunnskólum landsins. Þess vegna er ég alfarið á móti að leggja þetta allt niður í nafni "trúarfrelsis".

[Nanna Katrín Kristjánsdóttir, 6.7.2007 kl. 11:06]

Vá farðu varlega hvað þú óskar þér.  Það hafa margir stórkostlegir hlutir verið gerðir í nafni trúarbragða, heimurinn er án efa betri vegna trúarbragða og trúarbrögð boða yfirleitt alltaf hófværð, vera góður við náungan, siðferði og annað sem nýtist mannkyninu.  Það eru samt alltaf einstaklingar(sem fyndu sér einhverja leið, ef ekki væru trúarbrögð) sem nýta sér trú manna til að komast til valda eða fremja glæpi. 

Ég treysti kennurum alveg til að vera með hlutlausa trúarbragða kennslu í skólum.

[Nanna Katrín Kristjánsdóttir, 6.7.2007 kl. 11:16]

Guðsteinn, sem kristinn maður, þá er mikilvægt fyrir þig að þekkja önnur trúarbrögð, til að boða þinn boðskap.  Því ef maður þarf að verja eitthvað verður maður að þekkja hinar hliðarnar líka. 

Svo almenn trúarbragðakennsla hlýtur að vera að hinu góða. Svo er hún líka bara skemmtileg

[Guðsteinn Haukur Barkarson, 6.7.2007 kl. 11:20]

Sammála þér Nanna, ég legg mikla á herslu á að önnur trúarbrögðu séu skoðuð. Enda hefur þú séð mig í essinu mína fjalla um önnur trúarbrögð. En trúarbragðasaga er afar skemmtileg, sammála því !

[DoctorE (IP-tala skráð) 6.7.2007 kl. 11:24]

Ég var að tala um vinaleið kæru vinir, þar sem þjóðkirkja fremur mannréttindabrot í örvæntingu sinni yfir flótta úr kirkjunni... og er sponsoruð af fyrirtækjum úti í bæ
Það sukkar alveg gersamlega

[Eiríkur Ingvar Ingvarsson, 6.7.2007 kl. 11:29]

Eftir dvöl mína í Rússlandi í síðasta mánuði þá get ég sagt að land sem hefur verið án kristinnfræði kennslu síðan 1918 er vart byggilegt land. Ég er þeirra skoðunar að ekki eigi að láta undan agnarsmáum minnihluta þrýsti hóp með andfélagsegar skoðanir.

Um leið og við gefum það frá okkur að Kristinn gildi eiga ekki að vera hluti af okkar samfélagi þá erum við að segja að okkar lög eigi ekki við. Allt okkar siðferði byggist á Boðorðum og það gera líka landslög.

Kristni er grundvöllur okkar samfélags um það verður ekki deilt. Því ber að kenna þann grundvöll með öllum mögulegum leiðum ef við ætlum að lifa af sem þjóð.

Látum ekki háværar ofsóknir jaðar skoðana trufla okkur.

[Nanna Katrín Kristjánsdóttir, 6.7.2007 kl. 11:42]

Rússland er nátturulega ekki sambærilegt.  Það er engan vegin hægt að bera íslenska kennslu og kennslu í rússlandi saman.

Siðferði, lög og reglur eru kenndar í lífsleikni í skólum í dag.

Ef þú trúir því að kristni sé það eina og sanna, ættiru að geta treyst á það að eftir að börnin hafa borið öll þau trúarbrögð saman sem kennd eru velji þau að gerast kristin, ekki satt?

[Púkinn, 6.7.2007 kl. 11:42]

Ástandið hér á landi er nú ekki eins slæmt og í Noregi, enda hefur kirkjan (sem betur fer) ekki jafn sterk ítök í þjóðfélaginu.

Það er hins vegar skoðun Púkans að trúfræðsla í einu formi eða öðru eigi ekki heima í skólum landsins, ekki nema þá að öllum trúarbrögðum og ýmsum myndum trúleysis sé gert jafn hátt undir höfði.  Ef foreldrar vilja að börn þeirra fái sérstaka fræðslu um tiltekin trúarbrögð geta þau bara séð um það sjálf.

Annars hefur Púkinn nú ritað margt um trúmál, en á þessum hlekk má sjá ýmsar greinar Púkans varðandi trúleysi, trúarfasisma, vísindakirkjuna og annað í sviðpuðum dúr.

[DoctorE (IP-tala skráð) 6.7.2007 kl. 11:44]

hahaha á nú að segja að vandamál rússlands séu vegna þess að þar vanti kristni... voðalega ertu einfaldur maður

Við skulum tala um mannleg gildi vinur minn, þau eru ekki andfélagsleg nema kannski í augum ofurtrúarpésa.

[Matthías Ásgeirsson (IP-tala skráð) 6.7.2007 kl. 11:49]

"Ég er samt alfarið á móti boðskap siðmenntar að leggja kristinfræði/trúarbragðasögu alveg af"

Síðan hvenær er það boðskapur siðmenntar? Ertu nokkuð að rugla saman umræðu um kennslu og trúboð?

[Daði Einarsson, 6.7.2007 kl. 12:25]

Alltaf gaman þegar menn rugla saman mjög ólíku. Það sem átti sér stað í Rússlandi var tengt einræði og aftur einræði - hvort sem um var að ræða kommúnista eða fyrri stjórnarform - en ekkert með hvort fólk var trúað eða ekki.

Trúarbragðafræði væri af hinu góða ef hún er kennd á hlutlausan hátt og gefur börnunum grunnatriði í mörgum mismunandi trúarbrögðum/lífsskoðunum, sem þau geta þá nýtt sér til að sækja sér frekari fræðslu hjá viðkomandi trúfélögum/lífsskoðanafélögum. Eins og Nanna segir þá yrði þetta líklega stórskemmtilegt fag þar sem tenging milli sögu, lista, siðareglna, o.fl. Verst að það skuli ekki hafa verið svona fag þegar ég var í skóla.

Meginatriðið í öllu þessu máli varðandi kennslu um trúarbrögð er að börnin hafi raunverulegt val. Það að geta ekki setið viðkomandi fag á meðan allir aðrir í bekknum eru í þeim tímum er ekki val.

[Sunna Dóra Möller, 6.7.2007 kl. 12:33]

Við getum aldrei klippt kristinsöguna og kristinfræðsluna út úr skólanum. Kristinsagan er samtengd veraldarsögunni síðastliðin 2000 ár. Án þess að gefa henni aukið vægi í kennslu, getum við ekki verið læs á okkar eigið samfélag sögu þess og þróun. Það eru allstaðar í menningunni áhrif Biblíunnar, án þess að vera læs á þann veruleika erum við að taka heilmikið frá börnunum okkar. Það er bara staðreynd, við tökum ekki 2000 ára sögu og hættum allt í einu að kenna hana. Það er sannarlega munur á kennslu í kristinni sögu og svo boðun kirkjunnar. Ég vona að kennsla í þeirri sögu verði ekki tekin út úr skólakerfinu, það þætti mér afturför. Það má að sjálfsögðu kenna trúarbragðafræði, siðfræð og fleira í auknum mæli en hitt þarf að vera áfram til staðar.

Kveðja, Sunna.

[Guðsteinn Haukur Barkarson, 6.7.2007 kl. 12:37]

Takk Sunna Dóra! Þetta er nákvæmlega það sem ég meinti með þessari grein minni  !

Eiríkur, ég er mjög sammála þér að þessu leiti. En ekki skilja mig sem að ég sé að gagnrýna kristinfræðikennslu, en ég dreg mjög í efa gagn vinaleiðarinnar, framkvæmd hennar er ekki eins og hún ætti að vera. Við búum í trúfrjálsu landi og það má ekki gleymast.

Matti ég er ekki að rugla neinu saman, eins og ég segi í greininni, ég hef þetta eftir nokkrum munnlegum heimildum.

[Nanna Katrín Kristjánsdóttir, 6.7.2007 kl. 12:38]

Auðvita kippir engin henni út, en hún á ekki að vera sér fag, heldur partur af trúarbragðafræðslu eða jafnvel sögukennslu að mínu mati.

[Guðrún Sæmundsdóttir, 6.7.2007 kl. 16:17]

Þessi dómur er partur af alþjóðavæðingunni. Allar þjóðir eiga að vera án sérkenna, steyptar í eitthvert alþjóðlegt mót. Ef að þessi dómur hefur áhrif hérlendis getur þýtt það að íslenskir skólar lendi í vandræðum því að mikill hluti skólastarfs hérlendis er tengt ríkjandi menningu í landinu sem litast af kristnihaldi, rétt eins og hjá öðrum vestrænum þjóðum, það er væntanlega þyrnir í augu trúleysingja að halda jól og undirbúa þau í skólum en þar tíðkast að halda jólaböll, gefa samnemendum jólakort og skreyta kennslustofurnar fyrir jólin, halda helgileiki og syngja jólalög, nú og jólasveinninn er tilkominn af heilögum Nikúlas sem ég held að sé dýrlingur innan kaþólsku kirkjunnar (er samt ekki viss) jólasveinninn getur eflaust sært blygðunarkennd hinna trúlausu. Helgihátíðir íslendinga fara afskaplega í taugarnar á trúleysingjum, þeir þola ekki að verslanir og margir veitingastaðir séu lokaðir á jóladag, páskadag og hvítasunnudag, Þeir mótmæltu eftirminnilega þessu ranglæti hinnar kristnu þjóðar með því að spila bingó á Austurvelli á hvítasunnudag. Nú í íslenskum skólum tíðkast að kenna íslendingasögur það þykir sjálfsagt vera rasismi og vart boðlegt útlendingum. Hver getur fært sönnur á því að Egill Skallagrímsson hafi orðið mannsbani aðeins 6 ára. Er ekki líka tómt bull að kenna íslensk ljóð og kvæði, þau upphefja allt sem íslenskt er, er það nokkuð annað en rasismi? Trúleysi er ekki hlutleysi það er ekki eitthvað eins og Sviss Kristur sagði “af ávöxtunum skulum vér þekkja þá” Ef við lítum á þau lönd sem státa af trúleysi þá eru það iðjulega kommúnistalöndin. Það er ekki ofsögum sagt að í heildina séð státa kristin lönd af bestum mannréttindum, og lífskjörum.

[Matthías Ásgeirsson (IP-tala skráð) 6.7.2007 kl. 17:15]

"Matti ég er ekki að rugla neinu saman, eins og ég segi í greininni, ég hef þetta eftir nokkrum munnlegum heimildum."

Fyrirgefðu, en málstaður Siðmenntar liggur alveg fyrir á heimsíðu þeirra.  Siðmennt vill ekki að kennslu um trúarbrögð verði hætt.  Það vill Vantrú ekki heldur.

Munnlegar heimildir þínar hafa ósköp einfaldlega rangt fyrir sér.  Það er algjörlega rangt að trúleysingjar á Íslandi vilji ekki kenna trúarbragðasögðu eða trúarbragðafræði (með áherslu á kristni) hér á landi.   Þetta hefur margítrekað komið fram en samt eru alltaf einhverjir sem sjá sér hag í að snúa út úr málstað þeirra sem vilja hlutlausa kennslu um trúarbrögð og trúboð út úr skólastofum.

Ég vek svo athygli á því að Guðrún Sæmundsdóttir eyddi athugasemd minni á sinni síðu og spammar hér fjölmargar bloggfærslur með sömu athugasemdinni. 

[Linda, 6.7.2007 kl. 18:34]

Það er nú meiri umræðan.  Eiríkur og Sunna góðir punktar. Ísland er ennþá kristið land með Kristnar hefðir  þannig er það bara, og við sem trúum munum fara þegjandi og hljóðalaust inn í nóttina.

[Linda, 6.7.2007 kl. 18:35]

Og auðvitað vantar þarna orðið "ekki" inn í setninguna "munum "ekki" fara þegjandi og hljoðalaust inn í nottina."

[Guðsteinn Haukur Barkarson, 6.7.2007 kl. 19:55]

Takk fyrir frábært innlegg Guðrún. Linda takk líka fyrir þitt!

Matti ég er ekki ég er ekki hissa á því að Guðrún eyddi þér út, ég segi fyrir mig að ég búinn að fá mig fullsaddann af kommentum frá ykkur vantrúarmönnum!! Ég eyði líklega öllum færslum sem berst frá ykkur héðan af, sorrý - það er ekkert sm þú sagðir að þessu sinni, ég hef bara ekki tíma eða taugar í ykkur lengur. Einnig mun ég loka fyrir komment á þessa færslu og loka umræðum hér með. Þetta er í fyrsta sinn sem ég geri þetta, og hef ég mínar ástæður fyrir því.