Geltir eins og Hrossagaukur

Aldrei hef ég séð hvítan Hrossagauk, en sem fuglaáhugamaður mikill væri nú gaman að sjá þessa skepnu með berum augum. Hvergi annarsstaðar en Eyjum gæti svona gerst, sökum mikils og fjölbreytts fuglalífs þeirra eyjamanna. Við gætum jafnvel breytt gamla orðtakinu eftir þetta, "Sjaldan sjást hvítir Hrafnar" í hvítir Hrossagaukar !

Eina sem ég hef á móti þessum fugli er að ég hef oft verið uppnefndur vegna hans í eftirfarandi vísu:

Haukur laukur, sparibaukur,
geltir eins og hrossagaukur!

*andvarp* 

Hvítur hrossagaukur hreiðrar um sig í Eyjum

Athugasemdir

[Kristján Eldjárn Þorgeirsson, 29.5.2007 kl. 10:43]

Þetta er hálf gerður "furðu"fugl

[Guðsteinn Haukur Barkarson, 29.5.2007 kl. 11:15]

Hárrétt Kristján, þess vegna bloggaði ég um þetta. Eða eins og sagt er "It takes one to know one". 

[Friðjón (IP-tala skráð) 29.5.2007 kl. 15:59]

Hvergi annars staðar en í Eyjum já, ...tvö sumur í röð, 2003 og 2004 að mig minnir, hélt hvítur hrossagaukur til syðst í túnjaðrinum á Sandhólum á Tjörnesi og í fyrrasumar frekar en sumarið 2005 var hvítur spói í löndum Nýjabæjar og Arnaness í Kelduhverfi. Maður hefur nokkrum sinnum heyrt af hvítingjum (albínóum) meðal fugla og það meira að segja af hröfnungaætt sem eru alla jafna svartir eða dökkgráir.