Fyrirspurn til Samfylkingarinnar

Ingibjörg Sólrún er nú að ganga í eina sæng með íhaldinu. Það er nú frægt að Dabbi og Dóri veitt blessun sína yfir stríðið í Írak flestum íslendingum til mikillar gremju. Ég vona að þetta atriði skýrist í þeirra samstarfssamningi. Ef svo er ekki þá er þetta klassískt kosningasvik . Það stendur á heimasíðu samfylkingarinnar:

Taka Ísland af lista hinna vígfúsu þjóða og draga formlega til baka pólitískan stuðning Íslands við ólöglega innrás í Írak.

Mér er spurn, verður nokkuð úr þessu afþví að Samfylkingin er kominn í samstarf við íhaldið?

Athugasemdir

[Þarfagreinir, 20.5.2007 kl. 13:44]

Ég vona innilega að af því verði. Samfylkingin er stór flokkur og ætti eðlilega að fá að hafa töluverð áhrif á störf ríkisstjórnarinnar. Að taka Ísland af þessum lista yrði táknræn aðgerð sem myndi sýna okkur almúganum að Samfylkingin fær að ráða ákveðnum hlutum. Ef það verður ekki gert, þá munu renna á mig tvær grímur um hversu mikil áhrif Samfylkingin hefur í raun og veru.

[Guðrún Sæmundsdóttir, 20.5.2007 kl. 22:53]

Ég sá þau Geir og Ingibjörgu knúsast í fréttatímanum í kvöld Þetta verður allavega sterk stjórn ef af verður, en er einhver listi sem hægt er að taka Ísland af?  Það sjá flestar þjóðir sem að þessu stríði stóðu hvað allt þetta er ömurlegt og hefur valdið  tilgangslausum drápum á saklausu fólki, hvernig er hægt að enda þennan ófögnuð?

[Eiríkur Ingvar Ingvarsson, 20.5.2007 kl. 23:07]

Er þessi listi til...Ef hann er til, hefur það skipt okkur nokkru máli. Ég sé ekki að nokkur önnur þjóð sé að velta sér uppúr þessu.

það eina sem telur er að leysa hörmungar þessa fólks með utanaðkomandi hjálp. Þar held ég að rödd Íslands eigi að heyrast þar skýrt.

[Kristján Eldjárn Þorgeirsson, 21.5.2007 kl. 01:02]

Ég held, því miður, að Samfylkingin nái ekki þessu í gegn úr því að Ingibjörg sets ekki í stól forsætisráðherra.  Það var algjör klaufaskapur af Dabba og Dóra að setja Ísland á þennan lista.  Þetta er auðvitað það stórt mál að það hefði átt að fara til umræðu í þinginu.  Er reyndar viss um að það hefði verið samþykkt þar miðað við þær forsendur sem kaninn gaf fyrir innrásinni.  Ekki það að ég sé einhver stuðningsmaður þessa máls, þá held ég að fólk hér á landi sé svolítið að reyna að vera viturt eftir á í sambandi við þetta.  Hugsa oft líka, hvað ef það hefði allt verið morandi í gereyðingavopnum í Írak.  Hvað hefði fólk sagt þá

[Guðmundur Björn, 22.5.2007 kl. 09:49]

Eigum við ekki bara að geispa í kór út af þessum lista?  Það er búið að nota hann sem ástæðu til að tuða og nöldra.  Það er ekki nokkur önnur þjóð að velta þessu fyrir sér, nema Íslendingar - mesta nöldurþjóð heims!?

[Þarfagreinir, 22.5.2007 kl. 15:38]

Kristján, fyrir mér er þetta engin spurning um að vera vitur eftirá. Uppi voru ýmis teikn fyrirfram um að bandaríkjastjórn væri vísvitandi að gera miklu meira úr hættunni sem stafaði af Saddam en efni stóðu til - þetta fullyrtu alls konar aðilar. Ég sjálfur var í hópi þeirra sem efuðust strax frá upphafi. Menn tala nú sumir um að leyniþjónustur Bandaríkjanna hafi gert mistök, en staðreyndin virðist frekar vera sú að það voru Bush og félagar sem hundsuðu algjörlega öll gögn til að koma stríðsmálstaðnum á framfæri, hvað sem það kostaði. Fræg er til dæmis falsaða skýrslan um að íraskir erindrekar hafi falast eftir auðguðu úrani frá Niger. Ég hef lesið staðhæfingar bandarísks leyniþjónustustarfsfólks þess efnis að þessi skýrsla hafi dúkkað upp aftur og aftur og aftur, þrátt fyrir að henni hafi verið ítrekað hafnað sem fölsun. Þessa skýrslu notaði síðan Bushstjórnin sem eitt helsta sönnunargagnið fyrir því að Saddam væri að undirbúa smíði kjarnorkuvopna.

Það er skömm að þessu öllu saman, og íslenska ríkisstjórnin hefði átt að sýna þann manndóm að alla vega bera þessa ákvörðun undir þingið. 

Og nei, þetta er ekki óþarfa nöldur. Raunar dáist ég að því að svo margir Íslendingar skuli muna eftir þessu og fari enn fram á að íslensk stjórnvöld lýsi því yfir að þau styðji ekki lengur hernað Bandaríkjanna og kumpána í Írak. Það kalla ég afrek í landi gullfiskaminnisins.

[Ester Sveinbjarnardóttir, 23.5.2007 kl. 07:22]

Sem utanríkisráðherra ætti Ingibjörg Sólrún að vera hæg heimatökin, við hljótum að verða strikuð út af listanum.

[Linda, 23.5.2007 kl. 16:02]

  æi vá, ég held að Inga Sól hafa svarað þessu vel í dag.

[halkatla, 23.5.2007 kl. 22:35]

ég treysti aldrei þessum viðbjóðslegu hernaðaráætlunum og man ekki eftir neinum einasta sem vissi ekki betur en Dabbi og Dóri á þessum tíma! óþolandi þegar hægriöfgamenn með slæma samvisku hagræða staðreyndum. Það eru nú ekki það mörg ár síðan þetta skeði. Málið snýst um að Ísland sé sjálfstætt land, land sem lætur ekki USA stjórna sér. Er það ekki annars eina ástæðan fyrir því að við stundum hvalveiðar, til að sanna að við séum svo sjálfstæð? En með Ingibjörgu Sólrúnu við stjórnvölinn mun láta á það reyna. Það gæti samt orðið vesen en allt er skárra en að bendla landið ítrekað við stríð og fjöldamorð.