Uppskeran er mikil !

Matteusarguðspjall 9:37-38
37 Þá sagði hann við lærisveina sína: ,,Uppskeran er mikil, en verkamenn fáir.
38  Biðjið því herra uppskerunnar að senda verkamenn til uppskeru sinnar."

Uppskeran er mikil því Jésús vill eiga alla. Hann kom til að verða frelsari allra og hann dó fyrir alla. Þegar hann sendi lærisveina sína útí heiminn fékk hann þeim það hlutverk að gera allar þjóðir að lærsveinum hans.

Mjög fer fjarri því að þessu verki sé lokið. Við erum allt of fáliðuð miðað við hið háleita takmark.

Þannig er nú málum háttað. Hið mikla verkefni vex okkur í augum. Stundum verðum við döpur þegar við hugsum um eigin getu og hæfileika.

En hvað máttu lærisveinarnir halda þegar Jésús fól þeim hlutverkið? Varla hefur það verið auðveldara þá en núna!

“Biðjið því herra uppskerunnar” sagði Jésús. Þar er leiðin sem hann bendir á, leið bænarinnar. Hann sem almáttugur Guð á himnum hefur viljað stjórna heiminum þannig að hann tekur bænir trúaðra manna til greina, þær eru liður í stjórn hans.

Bænin hefur opnað margar dyr. Biðjum þess að svo verði enn.

“Biðjið því herra uppskerunnar að senda verkamenn til uppskeru sinnar” sagði Jésús.

Já, um það eigum við að biðja. Við þurfum fólk sem vill leggja allt í sölurnar og fara þangað sem Guð sendir það. Við þörfnumst trúaðra karla og kvenna sem rífa ekki seglin þótt móti blási – vegna þess að þau hafa fengið skipun frá almáttugum Guði.

Við þörfnumst slíks fólks. Og tökum vel eftir: Við þurfum fólk sem Guð hefur sent, konur og karla sem hafa lært að þekkja Jésú í trúnni og lifa með honum í bæn og í trú.

Þú sem trúir á Jésú skalt fá að vera í hópi þeirra!!

Af náð hans og miskunn ég útvalinn er,
nú er ég hans frelsaða barn.
Hann sleppir mér ekki, hann áfram mig ber
Um eyðimörk lífsins og hjarn.
(Nils Frykman – Sigurbjörn Sveinsson) 

Ég studdist við: Daglegt Brauð - eftir Carl Fr. Wislöff við þessa grein.

Athugasemdir

[enok (IP-tala skráð) 9.5.2007 kl. 20:56]

Takk fyrir þennann fína pistill, bróðir í trúnni .

En nú hefur komið sterk tilfinning í mig þess eðlis, að skora á kristið fólk að biðja fyrir kosningunum .

Við eigum að biðja þess,að þjóðin kjósi það sem er henni fyrir bestu .

Og á kosningadaginn munu svo kjósendur ósjálfrátt krossa við þann flokk sem gerir eitthvað með viti fyrir okkar samfélag.

Já, vonandi verða bænirnar til þess að leiða fólk á kjördag, og það losni úr hlekkjum vanans sem hefur blindað, og kjósi loks rétt . 

X-enok 

[Linda, 9.5.2007 kl. 20:56]

Amen.  Frábær grein og þarfaverk.  Jesú er yndislegur og það er yndislegt að eiga hann að. Var einmitt að hlusta á Lindina (www.lindin.is) og þar var maður að ræða um bænina og loforðið sem er í því að biðja í Jesú nafni! ég held að fólk geri sér bara ekki grein fyrir því hversu mikilvæg bænin er.

Knús og friður til þín minn vinur og bróðir í trú.

[Guðsteinn Haukur Barkarson, 9.5.2007 kl. 22:24]

Enok og Linda, takk innilega fyrir innlitið. Þið eruð bæði kær systkyni í trúnni og Guð blessi ykkur!