Skynsamar konur

Það er staðreynd að konur eru miklu meiri tilfinningaverur en karlmenn. Þess vegna koma þessar niðurstöður engan veginn á óvart. Þær eru með höfuðstykkið skrúfað rétt á, þær vita betur en við karlarnir að velferðarmál og umhverfi eru mikilvægari heldur en að þjóna peningum einum saman.

Þið konurnar eru frábærar! Ég vildi að fleiri karlmenn hugsuðu eins og þið !!

Fylgishreyfing mest meðal kvenna á vinstri vængnum

Athugasemdir

[Karl Jónas Thorarensen, 4.5.2007 kl. 19:18]

Ég tel þetta ekki góðar fréttir, ef vinstri flokkanir komast til valda, þá mun landsbyggðinn þjást. Vona að fólk fari aðeins að hugsa.

[Þarfagreinir, 4.5.2007 kl. 19:41]

Sammála þessu - konur eru bestar!

En af hverju segirðu þetta annars Karl? Er það vegna þess að vinstri flokkarnir eru ólíklegri til að styðja álver í hverri byggð? Fólk kann að hafa ýmsar skoðanir um ágæti slíks fyrir landsbyggðina, en sjálfum finnst mér ákaflega vafasamt að vera að setja öll eggin í eina körfu. Ekkert að því að hafa nokkur álver, en að það sé eini stóriðnaðurinn á Íslandi? Það setur einfaldlega ugg að mér við tilhugsunina.

[Karl Jónas Thorarensen, 4.5.2007 kl. 19:50]

Okkur býðst álver sem myndi skapa fleirihundruð störf, svo meðann annað er ekki í boði, þá hiklaust já. Eigum við kanski bara að fara að gróðursetja túlipana

[Þarfagreinir, 4.5.2007 kl. 20:00]

Skrýtið að þessi færsla sé farin að snúast um álver, en o jæja ...

Það kann að hljóma bjánalega, en ég skil einfaldlega ekki landsbyggðarmálin. Hér fyrir sunnan hefur gengið mjög vel að byggja upp blómlegt viðskiptalíf án íhlutunar stjórnvalda, á meðan fólk flyst unnvörpum frá bæjunum og sveitunum, og fátt virðist ná að skjóta þar rótum - nema auðvitað hugsanlega gríðarlega miklar fjárfestingar ríkisins í álverum ... þó það sé ekki fullreynt með það, og ég tala nú ekki um ef þau fara að rísa eins og gorkúlur.

Það sem mér finnst svo aðallega skrýtið, og sorglegt, í þessu að fólkið úti á landi spyr alltaf 'Hvað getur ríkið gert fyrir okkur svo við getum búið hérna áfram?' ... mér þykir þetta bara einfaldlega hámark vonleysisins.

Það sem er hins vegar grátbroslegt er að frjálsa markaðhagkerfið virðist hafa brugðist landsbyggðinni, þannig að leið hins hægrisinnaða Sjálfstæðisflokks til að bjarga henni er að standa fyrir umfangsmiklum fjárfestingum. Á meðan vilja vinstri flokkarnir leita annarra úrræða. Ekki það að þeim sé endilega að takast það vel, en þetta er engu að síður skondið.

[Karl Jónas Thorarensen, 4.5.2007 kl. 20:18]

þarfagreinir komdu með áætlunn sem skapar yfir 300 störf á norðurlandi , örugg næstu árinn og ég skal þá skoða vinstri (RITSKOÐAÐ)

[Þarfagreinir, 4.5.2007 kl. 20:23]

Hehe - ég viðurkenni alveg fúslega að ég hef enga slíka áætlun uppi í erminni - og mér sýnist við vera mjög svo sammála um að vera ósammála.

[Karl Jónas Thorarensen, 4.5.2007 kl. 20:29]

Ég skal vera þér sammála um að vera ósammála, þá erum við sammála um eitt

[Guðsteinn Haukur Barkarson, 4.5.2007 kl. 20:52]

Kalli, fleiri störf segir þú?

1. Hugbúnaðargeirinn gæti gefið MJÖG vel af sér
2. Fyrirtæki eins og Össur Hf. ber að styrkja
3. Hækka laun hjúkrunarfólks til þess að laða þau að störfunum aftur
4. Breyta kvótakerfinu svo trillukarlar og smábátaútgerð stækki aftur
5. Auka vegaframkvæmdir á öllu landinu og laga það sem miður er
6. Og margt fleira ....

Svona má endalaust halda áfram, og þetta skapar jafn mörg ef ekki fleiri störf, og álver gerir!

[Gulli (IP-tala skráð) 7.5.2007 kl. 19:34]

1. Hverjum eiga hugbúnaðarfyrirtæki úti á landi að selja hugbúnaðinn? Fyrirtæki og einstaklingar á Höfuðborgarsvæðinu versla ekki við fyrirtæki sem ekki eru á sama svæði og markaðurinn úti á landi er því miður orðinn svo sjálfsheilaþveginn af því að ekki sé hægt að kaupa neitt annars staðar frá en Reykjavík.

2. Össur Hf. er í Reykjavík, styrkir til þeirra gagnast landsbyggðinni ákaflega takmarkað.

3. Langstærstur hluti hjúkrunarstarfa eru í Reykjavík og ef eitthvað er hefur hlutur landsbyggðarinnar farið stórminnkandi í þeim málum. Það má víst bara vera eitt sjúkrahús á landinu.

4. Breytingar á kvótakerfinu eru svo sem ágætismál - hvernig á að breyta því? Endalaust kvartað undan því en enginn kemur með skárri lausn.

5. Vegaframkvæmdir einar og sér gera ósköp lítið nema rétt á meðan þeim stendur. Eitthvað þarf að vera til að nota vegina.

Eina leiðin til að landsbyggðin geti bjargað sér er að hún fái sjálf að stjórna sínum málum. Botnlaus skattlagning á landsbyggðina er þar að auki ekki beinlínis til að gefa smærri sveitarfélögum möguleika á að keppa við Höfuðborgarsvæðið. Miðstýring fjármagns er hreinlega orðin glæpsamleg á Íslandi og hefur alltaf verið - skiptir engu máli hvaða vindhanar stýra.