Af hverju ráðast á það sem gott er?

Þetta er ekki í fyrsta sinn sem umræddur varaborgarfulltrúi ræðst á kristilegt starf sem leiðir gott af sér. Þessi maður hefur einnig tekið starf Samhjálpar fyrir og reynt að skrúfa fyrir þeirra góða starf. Það sem virðist hræða hann er að Hjálpræðisherinn (Hjálpræðisherinn hóf starf sitt í Reykjavík 12. maí 1895) sem hefur verið að störfum í Reykjavík í meira en hundrað ár, séu "gildishlaðinn lífsskoðunarsamtök". Samtök sem koma fram og hafa ætíð gert undir merkjum kristinnar trúar, og hvert mannsbarn vita af hverju þau ganga ef þau leita til þeirra.

Hvar eru þá lausnir þínar Þorleifur og aðrir fylgismenn VG? Fyrst þú ert svona logandi hræddur við okkur sem förum með "galdraþulur" og gætum jafnvel haft alveg hræðileg áhrif á börnin þín með okkar heimskulegu lífsskoðun, sem skaðar alla sem það kemur nálægt. Sem er þessi: "Elskaðu náunga þinn eins og sjálfan þig." Úfff ... já ég veit, hroðalegt alveg! Lokum öllu sem tengist kristni og þeirri stórhættulegu lífsskoðun.

Ég er ekki að segja að kristið fólk, Hjálpræðisherinn né saga kristninnar sjálfrar sé fullkominn, hún er blóði drifinn og fólkið innan þess (eins og ég) er ófullkomið.

Ég veit að skoðun mín á trúnni fer fyrir brjóstið á þér Þorleifur og þið sem VG styðjið. En höfum vit á því að greina hvað gott er sem kemur frá svona "gildishlönum lífsskoðunarsamtökum" og látum það sem er vel gert í friði, mér er nákvæmlega sama hvort það sé kristið, guðlaust eða jafnvel frá Islam, þá er þetta gott starf og láttu okkur sem vænt um það þykir í friði fyrir öfgum þínum Þorleifur.


Myndin er tekinn af rúv.is þar sem búist var við húsfylli hjá Hjálpræðishernum á aðfangadag sl.

Vill ekki auka framlög til Hjálpræðishersins

Minni alla FLokksmenn á þetta ...

Eftir því sem ég best veit, þá er mútuþægni refsiverð samkvæmt landslögum. En gott verður að sjá niðurstöðu þessa dóms þegar hann liggur fyrir, þá kemur í ljós hið rétta í málinu. En ég er þakklátur Guðlaugi Þór fyrir aðeins eitt, hann veitti mér innblásturinn af neðangreindri mynd þegar ég var að horfa á kosningarsjónvarpið 2009.

 

 

Hafðu þökk fyrir það Guðlaugur Þór, að veita mér þennan innblástur.

Svo má ekki gleyma þeirri glansmynd sem FLokkurinn hefur ætíð stillt upp af sér, og er þessi auglýsing frá flokknum ógleymanleg í sambandi við allar ásakanir um mútgreiðslur.

 

 

 

Stundum segja myndir fleiri en þúsund orð, svo einfalt er það.

 

Biðst ekki afsökunar

Það er til þingmaður með samvisku og hreint hjarta ...

 ... og sá þingmaður heitir Margrét Tryggvadóttir. Ég vil þakka henni kærlega að sýna þann manndóm og hugreki sem öðrum þingmönnum skortir. Af hverju? Fyrir örfáum dögum skrifaði afar góð vinkona mín opið bréf til ráðamanna, þar sem hún skoraði á ráðamenn að taka þátt í matarúthlutunum hjá einhverjum hjálparsamtökum. Viti menn, það var EINN þingmaður sem svaraði þessari áskorun, hún Margrét Tryggvadóttir. Hún ætlar sum sé að vera

Ég vil nota tækifærið og þakka henni kærlega fyrir viðbrögðin, og vil ég einnig nota tækifærið og benda á að þingkona sem er guðleysingi er að verða við þessari beiðni. Oft hefur trúfólk ásakað guðleysingja um slæmt siðferði, og í sumum tilfellum slegið eignarrétti á gott siðferði. Þessi þingkona hefur aldeilis afsannað það! Ég vona bara að þetta sanni fyrir okkur öllum (sérstaklega trúfólki eins og mér) að gott hjarta og að vera í tengslum við það sem er að gerast í landinu er stundum eina sem til þarf.

Guð blessi þig samt sem áður Margrét Tryggvadóttir, og tek ég ofan fyrir framtaki þínu.

*Uppfært - 1. des

Ég set inn frétt sem birtist í dag á pressunni. Í henni segir að þingkonan Margrét Tryggvadóttir hafi brugðist við áskoruninni.

Það er ömurlegt að vera íslendingur í dag!

Það er afar sárt að horfa uppá samfélag breytast í dag. Því svo virðist vera að fólk er farið að búa við ófyrirgefanlegar aðstæður, sem er virkilega farið að bitna á æsku þessa lands. Heilu bæjarfélögum eru að verða að leggjast í eyði og ekki er um mikla von að fá.

Reiði og heift hefur tekið völdin og það er ekki sama hver þú ert og hvað þú heitir lengur. Það eru ekki einu sinni hægt að styrkja hjálparstofnanir í góðverkum lengur, og er bókstaflega slegist um hvern einasta blóðmola. Langveik börn fá ekki lengur þann stuðning frá ríkinu sem þau eiga rétt á sem þegnar þessa lands, og eiga greinilega ekki sama rétt til lífs og aðrir.

Og svo les maður að þeir örfáu brauðmolar sem ríkisstjórnin hefur rétt okkur er varla snert á. Það kemur á óvart að þetta sé aðeins um 30-40 nýjar umsóknir sem þarna um ræðir, og ekki 100.000!

Er þetta sá arfur sem við viljum æsku þessa lands? Á meðan að fólkið sveltur velta fjölmiðlar fyrir sér hvort Jón Gnarr sé búinn að jafna sig eftir tattú sýkingu, og  margir guðleysingar eru að missa sig um hvort eigi að leyfa trúboð í skólum! Þetta eru meira að segja atriði sem ég sjálfur lít á að eigi að bíða seinni tíma. Það er hægt að leysa öll vandamál, ef hugurinn er til staðar. Og hefur hann greinilega ekki verið það hvorki hjá ráðamönnum borgarinnar né ríkisins.

En hvað er þá hægt að gera? Ég er með nokkrar hugmyndir sem myndu kannski koma atvinnulífinu af stað, en er það nóg? Þarf ekki einnig hugarfarsbreytingu? Þurfum við ekki að fara vakna af 2007 vímunni og fara hjálpa náunga okkar?

Það er nefnilega til lausn á hugarfarinu og fjárhagnum. Við leysum vanda hugarfarsins með einni einfaldri setningu: "elska skalt þú náunga þinn eins og sjálfan þig".  Við leysum stórann hluta fjárhagsvandans með því að horfa aðeins útá hafið, eins og forfeður okkar gerðu forðum, og byggðu þetta land upp á þeirri óþrjótandi auðlind. Það má byrja þar, og taka gullið úr höndum örfárra útvaldra og færa það aftur þjóðarinnar þar sem það á heima.

Ég bið fyrir umboðsmanni skuldara að henni megi gefast sú viska sem til þarf að aðstoða sem flesta. Ég vona að við getum breytt hugarfari okkar og festumst ekki í smáatriðum eins dæmin sanna í umræðunni í dag. Ég vona bara að ástandið fari að lagast svo við getum tekið gleði okkar á ný og sagt stolt "ég er íslendingur" án þess að lúta höfði og roðna eins ástandið er núna. Það eru betri tímar framundan, alveg er ég viss um það!

Guð blessi ykkur og þakka ég lesturinn.

Fleiri sækja um greiðsluaðlögun

Tvö langveik börn sem þurfa þína hjálp - kerfið brást þeim!

Ég vona að allir sem þetta lesa leggi sitt að mörkum þessum fjölskyldum til hjálpar, því neyðin er mikil og er um líf þessara barna að ræða. Sú fyrsta móðir sem ég ætla að fjalla um heitir Hildur Arnar, og má finna hennar sögu hér. Hér er smá úrdráttur um stöðu þessarar fjölskyldu:

Þær Gabríella Kamí og Anika Rós eru 8 og 10 ára systur sem fyrir 8 árum greindust báðar með sama sjúkdóminn þegar Anika Rós fæddist. Þegar greiningin var staðfest fékkst loksins svar við þeim veikindum sem Gabríella Kamí hafði frá fæðingu þurft að glíma við. Heilkennið sem þær greindust með er ekki algengur en 1 af hverjum 26.000 lifandi fæðingum í heiminum eru með það. Í kjölfari af því þurftu þær að leita til Boston, USA til þess að fá lækningu.
Í byrjun tók kerfið þátt í þeim kostnaði en seinustu 4 ár hefur kerfið ekki alveg stutt við bakið á fjölskyldunni og situr hún nú upp með stóran skuldarbagga á bakinu. Síðustu 14 ferðir til Bandaríkjanna hafa að mestu leyti verið á kostnað fjölskyldunnar. Í dag er um 15 milljónir í vanskilum hjá sjúkrahúsinu í Boston þar sem TR/SÍ neitaði að greiða reikninginn fyrir seinustu tveimur aðgerðum. Þar fyrir utan hefur fjölskyldan tekið lán fyrir rúmlega 10 milljónir til að fjármagna lyfjagjafir og meðferðir í Boston.

 

Einnig vil ég benda á styrktartónleika til styrktar þessara barna,  þeir verða haldnir að Ásbrú í Reykjanesbæ/Keflavík. Dagskráin er á þessa leið:

Þeir tónlistarmenn sem munu koma fram eru m.a.

Veðurguðirnir
Klassart
B.Ruff & Anna Hlín
Haffi Haff
Hobbitarnir
Prumpustrumpar
Addi Trúbardor

Miðaverð verður 2000 kr. og vona ég að sem flestir láti sjá sig

Hægt að kaupa miða í forsölu með því að senda póst á [e-mail]
en einnig verður tekið við greiðslukortum á tónleikunum

Gerum gott styrkjum gott málefni
http://systurnar.barnaland.is/
STYRKTAR REIKNINGUR TÓNLEIKANNA
1109-05-413003
kt:180783-5479

 

Önnur er kona að nafni Ragna Erlendsdóttir og berst fyrir langveiku barni sínu, og er hér smá úrdráttur um hennar sögu:

Ella Dís er 4 ára í dag og mikið veik og lömuð vegna sjálfofnæmissjukdoms .
Ella fæddist alheilbrigð og var þannig til 18 mánaða aldurs. þá byrjaði hún að veikjast ill og fljótt, einnig áttu læknarnir í miklum erfiðleikum að finna út hvað amaði að henni og var hún án réttar sjúkdómsgreiningar i langan tíma og fékk þar af leiðandi ekki rétta meðferð og lyf.

En saga Ellu er löng og erfið en i hnotskurn þurfti Ella að fara erlendis til USA Ísrael og Þýskalands til að fá læknishjálp og meðferð vegna sjúkdóms hennar og tók TR/SÍ engan þátt í þeim gríðarlegum kostnaði sem nemur nærri 56 milljónum ísl. króna og hef ég alveg þurft að reiða mig a goðvild almennings og fyrirtækja til að standa undir þessum kostnaði. Í dag er staðan sú að ég er með yfir 6 milljónir i skuld a bakinu og þarf að finna leið til að fjármagna meðferðir sem Ella þarf að fara í án aðstoðar ríkisins .

Stofnaður hefur verið hópur á facebook um Ellu dís.

Reiknings númer:0525-15-020106, kt:020106-3870.

 

Ég grát bið ykkur, um hvaða skoðun sem þið kunnið að hafa á mér eða trú minni, að leggja það til hliðar og styrkja þessar tvær fjölskyldur. Enda tengist þetta mér ekki eða trú minni á nokkurn hátt, og hef ég enga hagsmuni á að auglýsa þetta annað en að hjálpa þessum fjölskyldum.

Það tekur mig sárt að heyra og lesa sögur sem þessar, og get ég aldrei sett mig í þau spor sem þau eru í. Ef sú litla hjálp sem ég og þú getum veitt er í formi peninga, þá tek ég þátt þar sem kerfið brást þeim.

En ég tek fram, að ég hafði samband við þessar mæður að fyrra bragði, og er þetta allt gert með þeirra samþykki. Ég fékk þær meira að segja til þess að skrifa þessa stuttu úrdrætti hér ofar til þess að kynna sögu sína, og vona ég að allir leggist á eitt!! 

Hafa áhyggjur af þjónustu við langveik börn

Burt með þessa vanhæfu ríkisstjórn!

Það er ekki nóg með að þið hækkið EKKI þau örfáu brauðmola sem aldraðir og öryrkjar fá, heldur sleppur barnafjölskyldur ekki heldur. Ég er afar hræddur um að miklu fleira fólk á eftir að flýja land ef þessi búskapur verður stundaður áfram.

Fólk er komið á vonarvöl með venjulega framfærslu! Meira að segja fólk sem á hvað minnst á milli handanna kemur að lokuðum dyrum hjá ríkinu? 

Það sýndi sig í mótmælunum nýlega að mikil reiði var í fólki, og var hlutum grýtt í presta og þingmenn. Ég skil vel þessa reiði, og hef ég sjálfur verulega þurft að herða sultarólina vegna vanhæfni háttvirtrar ríkisstjórnar að bjarga heimilunum í landinu. Eina skjaldborgin sem SamSpillingin (SS) hefur tekist að byggja er utan um eigin ráðherra, og eitur grænir hafa sig alla við að byggja fremur gjaldborg fremur en skjaldborg. Ekki einu sinni spítalarnir eru óhultir fyrir gjaldborg VG, og leggjast sennilega sumir spítalar af ef þarf að skera svona ofsalega niður.Þetta er sama fólkið og ætlaði að standa vörð um velferðarkerfið, en er nú að leggja drög að helferðakerfi. Svik á svik ofan.

Á mánudaginn verða svokölluð "tunnumótmæli" sem verður á meðan stefnuræða forsætisráðherra er. Ég hvet alla þá sem vettlingi geta haldið að mæta og vera með hávaða, það ætla ég að reyna að gera að minnsta kosti! Þeim hefur alveg mistekist að gera nokkurn skapaðan hlut rétt! Og láta þau hluti eins umsókn að einhverjum snobbuðum ESB klúbbi ganga fyrir eigin þegnum! Hve marga milljarða kostar umsóknin ein? Og hve mörg heimili væri hægt að bjarga með þeim peningum?

Nú er nóg komið, reynum að knýja fram kosningar sem allra fyrst, því það er lýðræðislegur réttur hvers manns að mótmæla og nýtum þann rétt, en án ofbeldis auðvitað!

Barnabætur lækkaðar

Enginn er yfir landslög hafinn

Sama hversu heilagur þú ert! Meira að segja Jesús var prófaður af samtímamönnum sínum, og athugað hvort hann færi ekki alveg örugglega eftir landslögum:

„Þeir koma og segja við hann .. Leyfist að gjalda keisaranum skatt eða ekki? Eigum við að gjalda eða ekki gjalda? .. Þeir fengu honum pening. Hann spyr: Hvers mynd og nafn er á peningnum? Þeir svöruðu: Keisarans. En Jesús sagði við þá: Gjaldið keisaranum það sem keisarans er og Guði það sem Guðs er.“ Mark. 12:13-17. 

Málið er einfalt, eins og ofangreint dæmi sýnir, enginn getur sett sig ofar en þau lög þess lands sem hann/hún býr í, því annars eru lögin gagnslaus. Skoðun Geirs finnst mér vera keimlík Kaþólskra presta, þar sem þeir sjá um að hlusta á "skriftir" sóknarbarna sinna. En málið er, að við erum ekki kaþólikkar, og er staðan ALLT öðruvísi hjá okkur vegna þess.

Prestar eiga vissulega vera sálusorgarar, og eigum við að geta þeim treyst jafnvel fyrir lífi okkar. En við eigum einnig að geta treyst því að þeir fari með alvarleg kynferðisbrotamál á hendur ungra barna til viðeigandi yfirvalda. Ég sé ekki að það sé brotinn einhver "heilagur trúnaður" ef prestur lætur yfirvöld vita, heldur er hann að sinna sínu starfi sem prestur og er að hjálpa þeim sem er í vanda staddur til þess að koma afbrotamönnum á bak við lás og slá. Öryggi sóknarbarna á ávallt að ganga fyrir, og því hlutverki sinnir þú ekki með því að þegja!

Ég vona bara að Geir Waage endurskoði afstöðu sína, og Guð blessi prestastétt Íslands.

„Nú þarf Geir Waage að hætta“

Has the international media been informed that we are not voting for anything that has not already been rejected?

Otherwise they would have stayed home.

Nothing decisive will happen, when the Icelandic public decides too support their presidents renouncement of the approved bill by Iceland's parliament, Althingi.

The former agreement was unfair, having the resemblance of a colonialism from the hand of the British and Dutch governments, where they seemed determined to hold the Icelandic public in whole responsible, ignoring the faulty economic legislation of the EES, despite the fact that the EU builds their own economy laws on the EES agreement.

The old agreement we were now rejecting, would have enslaved future generations of Icelanders to pay outrageously high interest, that the British and Dutch government would profit from, at the price of Iceland's economic freedom. Also they choose to ignore the fact that only a chosen few bankers played part in the economical disaster of Icesave.

Of course we would like them to take in to account that the terrorist law Gordon Brown stamped us with, ruined what was left of our economic system, with little hope for recovery in the near future. There are some disputed legal aspects that do not demand us to pay, regarding the faults in the financial guard system of EES.  But we will show responsibility. We are guilty of neglecting our own finance surveillance system, and letting corruption run a mock with our eyes closed.  We still want to meet our obligations and pay what is due, but a reasonable and fair amount.

Does the British government realize the amount of damage they did when they put Iceland on a blacklist with terrorists like Al-Qaeda and other terrorist groups. This particular financial damage they inflicted on us might even nullify their part of the figure they want us to pay for the Icesave bill.

We are still waiting for fair results.*

*This blog is originally written by my wife with a little assistance from myself, and is published here on my blog with her approval and consent.

ATH! Þessa grein skrifaði eiginkona mín með smá aðstoð frá mér. Mér finnst þessi grein vel til þess fallinn að birta hér og viðeigandi að tengja við þessa frétt (þetta er auðvitað birt með góðfúslegu leyfi spúsu minnar). En við skrifum þetta á ensku til þess koma skilaboðum víðar en bara á litla Íslandi, flestir eru hvort eð er vel læsir á ensku.

Bretar vilja sýna sveigjanleika

Minnumst þess hvað FLokkurinn gerði fyrir okkur ...

Myndir segja stundum meira en þúsund orð. Sú fyrsta er úr kosningunum fyrir hrun:

Þessi "trausta efnahagsstjórn" hefur skilað okkur hverju?

 

Hér er svo lógóið sem ég hannaði rétt fyrir kosningar, eftir að hafa heyrt Guðlaug Þór afsaka sig. Ég minni á að þeir eru ekki ennþá búnir að skila/endurgreiða umrædda styrki/mútur sem þeir fengu. Bjarni Ben sagði að það yrði gengið frá því rétt eftir kosningar, síðan hefur ekkert heyrst úr herbúðum þeirra. Þeir vilja sjálfsagt fara 2007 leiðina og þegja þetta í hel, eins og hefur tíðkast hjá Íslenskum stjórnmálamönnum í áratugi!

Ég vona bara að fólk átti sig á því að grasið er ekki alltaf grænna hinu megin. Munið þið þá ekki hver það sem upphaflega samdi um Icesave? Hefði sá þrælasamningur gengið eftir þá væri þjóð okkar líklega orðinn breks/hollensk nýlenda? Nei ég bara spyr!

Nei, gleymum ekki hverjum var bolað burt með pottum og pönnum á Austurvelli, núverandi ríkisstjórn er slæm - en sjálfgræðismenn þurfa mun lengra frí.

Það er ennþá fullt af kúlulánafólki innan þeirra raða, og á meðan flokkur þessi stendur vörð um stærsta mannréttindabroti sem komið hefur fyrir landsmenn, þ.e.a.s. kvótakerfið, þjónar hann engum nema framapoturum hjá sjálfum sér, og hyglar aðeins eigin flokksmönnum með gjafakvóta. Sem heitir eiginhagsmunagæsla og græðgi!

Ég veit að ég er ferlegur hræsnari að birta þessa grein og predika svo um betri samskipti milli manna. En staðreyndirnar tala sínu máli, og má valdagræðgi Sjálfgræðismanna ekki aftur ná tökum á Íslenskri þjóð, nógu mikið erum við búinn að vinna á daginn og grilla á kvöldin, sá tími er liðinn, og kominn tími á hugarfarsbreytingu.

Ég bið ykkur kæru landsmenn, að hugsa ykkur betur um!

Sjálfstæðisflokkurinn eykur fylgi sitt verulega

Barrátta Ólafs F. gegn mútuþægni verður að halda áfram!

Ég er búinn að fá nóg af gerspilltum lýðræðislegum kjörnum fulltrúum sem eiga að heita að stjórna þessu landi, og þess vegna styð ég Ólaf heilshugar í hans góðu barráttu gegn spillingu og afneita honum ekki eins og fyrrverandi félagar mínir úr F-listanum. 

Mér gæti ekki verið meira sama hvaða bókstafur er við hann kenndan, en barráttu hans styð ég heilshugar, hvort sem það heitir F eða óháður, ég hef hvort sem er litið á hann sem óháðan síðan hann klauf sig frá F-listanum! 

Svona menn er nauðsynlegir til þess að halda aftur af því fólki sem hefur misnotað aðstöðu sína, og er það einmitt hans hlutverk að benda á kýlin þegar þau skjóta upp sínum ljóta kolli. Og hvet ég Ólaf heilshugar að halda ótrauður áfram í því góða starfi sem hann hefur verið að sinna, þótt að það fari fyrir brjóstið á mörgum borgarfulltrúanum.

Helga Guðrún Eiríksdóttir, sem stýrir stuðningsmannasíðu forseta Íslands, hefur nú opnað nýja baráttusíðu til stuðnings Ólafi F Magnússyni geng mútuþegum.

Lengi lifi réttlætið og burt með spillinguna!

Afneita Ólafi F. Magnússyni