Karlrembu bíll?

Stelpur ... þurfið þið svona lagað? Virkilega?

Sem hálfgerður femínisti, þá set ég nokkrar spurningar við þessa frétt.
Í fréttinni stendur:

Bifreiðin verður sjálfskipt og útbúin búnaði sem mun auðvelda ökumanninum að leggja og rata á milli staða.

Þetta tel ég óþarfa, og ætti frekar að eiga við karlmenn sem eru mjög þrjóskir að spyrja til vegar, þar á meðal ég. Konur eru miklu duglegri að bjarga sér sjálfar á meðan við karlarnir hringsólum oftast um strætin í dramblæti okkar.

Þá mun tjakkurinn verða hannaður með þeim hætti konurnar þurfi ekki að óhreinka sig þurfi þær að skipta um dekk, segir á fréttavef breska ríkisútvarpsins.

Ekki man ég eftir að hafa orðið mjög skítugur við að eiga við tjakkinn sjálfan, það eru rærnar og að taka dekkið af sem veldur því að maður verður skítugur. Tjakkurinn er sennilega með þeim hreinlegri verkfærum.

Auk þess er bifreiðin sérstaklega hönnuð til að auðvelda konum að fara út í búð til að versla og aka börnunum í skólann. 

Ok ... það er sem sé bara verk kvenna? Að versla fyrir heimilið og sjá um börnin? Konan mín væri löngu búin að henda mér ef svo væri! Svo mikið er víst!

Fréttaskýrandi BBC segir ekki ólíklegt að þetta muni ýta enn frekar undir þá staðalmynd að Íran sé ríki karlrembunnar.

No kidding!!

Í nýlegri könnun fræðimanns, sem starfar við Allameh Tabatabaii háskólann í Teheran, kemur fram að útivinnandi íranskar konur séu á þeirri skoðun að karla og konur eigi að skipta með sér heimilisverkunum. Jafnframt kom í ljós að eiginmenn þeirra séu enn mjög íhaldssamir í skoðunum.

Jupp .. því að trúarbragð þeirra í Íran boðar ... jafnrétti ... Eða þannig.

Sem dæmi má nefna að þá þykja íranskir eiginmenn sem elda handa eiginkonum sínum vera afar sérvitrir.

Nei ... þarna fóru þeir alveg með það! Ég er til dæmis sá sem sér um næstum alla eldamennsku heima hjá mér,  og ekki er ég talinn skrítinn né "sérvitur" fyrir vikið, það er mjög algengt að karlmenn eldi og reyndar mættu sumir íslenskir karlmenn taka sig á í þeim efnum. Ekkert er betra en að gefa fjölskyldunni góðan mat og fullvissa sig um að fólk nærist almennilega.

Ég spyr ykkur öll, konur sem karla -  er það þetta sem við viljum sjá aftur? Hér erum gamlar karlrembu auglýsingar sem  tala sínu máli, og er sú fyrsta ekki ósvipuð viðfangsefni fréttarinnar:

 

 

Konunni þarna er stillt upp eins og hún sé gjörsamlega heilalaus og þurfi virkilega á "einföldum bíl" að halda!

 

Þessi "Kenwood" auglýsing segir allt sem segja þarf!

 

Smellið á þessa til þess að sjá betur hvað er um að vera, en þarna er karlremban allsráðandi!

 

Ég skil nú ekki "pointið" með þessari, hvað koma barsmíðar á konum kaffi við? (Smellið á myndina til þess að stækka, þá koma skilaboðin berlega í ljós)

 

Þessi er alveg kostuleg, er verið að spá nokkuð í þægindum á þessum brjóstahaldara? Neibb, það er bara verið að hugsa um að setja perraglott á karlinn og "halda honum ánægðum" ! Hvað var eiginlega að fólki að setja svona í blöð?? Hver var markhópurinn sem notar vöruna? 

 

Ja hérna! Þetta er tómatsósuflaska, fyrr má nún vera!!!

 

Er þetta nokkuð framtíðin?

 

NEI !!

 

 

 Sorrý ... svona lagað finnst mér bara pirrandi ... en það er bara mín skoðun.

Bifreið sem er sérhönnuð fyrir konur

Af hverju er árið 1844 svona mikilvægt?

Undan farið hefur mikið farið um Baháíistann Svan Gísla og aðventistann Mofi.

Ég rak mig á svolítið undarlegt þegar ég fór að kynna mér söfnuði þeirra félaga.

Bahá'í trúin:

Heimildir teknar héðan

Þar stendur:

"Fyrir þá sem eru af kristnum uppruna, uppfyllir Bahá'u'lláh hin mótsagnakenndu fyrirheit um endurkomu Krists „í dýrð föðurins“ og sem „þjófur á nóttu“. Upphaf trúarinnar 1844 tengist fjölmörgum kristnum spádómum. Þar má t.d. benda á að á árunum upp úr 1840 var Mið-Afríka loks opnuð fyrir kristni og var sá atburður mjög víða túlkaður sem uppfylling á fyrirheitinu um að Kristur myndi snúa aftur, eftir að „Guðspjallið hefði verið prédikað öllum þjóðum“. Í kenningum Bahá'u'lláh sjá átrúendurnir uppfyllingu loforðs Krists um að sameina allar þjóðir svo að „það skuli verða ein hjörð og einn hirðir.“"

Og um gyðinga segja þeir á sömu síðu:

"Bahá'íar, sem áður voru gyðingar, líta á Bahá'u'lláh sem birtingu hins fyrirheitna „Drottins herskaranna“ sem kemur niður „með þúsundum dýrlinga“, sem afkomanda Abrahams og „græðling af rót ættartrés Jesse“, föður Davíðs og að Bahá'u'lláh hafi komið til að greiða veg þjóðanna til „að smíða plógjárn úr sverðum sínum“. Margir þættir í nauðungarútlegð Bahá'u'lláh til Ísrael, ásamt öðrum sögulegum atburðum í lífi Bahá'u'lláh, eru taldir uppfylla fjölda spádóma í ritum gyðinga."

Hver er þá niðurstaðan? Eftir samtöl við fólk sem aðhyllist Bahá'í trúnni, þá segja þeir að það hafi orðið "andlegur heimsendir" árið 1844 og er það tengt við opinberunnar Bábbans á "fangaðarerindi" sínu.

Sem þýðir (út frá Kristnu sjónarhorni séð) að sá heimsendir sem boðaður er í biblíunni var lygi og rangur. Hvað varð þá um að himinn og jörð myndu farast? Að tunglið myndi verða blóðrautt og stjörnur himins mynda hrapa og að mannsonurinn myndi birtast í allri sinni dýrð og hvert mannsbarn myndi sjá hann!

Allt þetta hefur þá verið uppspuni samkvæmt Baháum, og kalla þeir það "mótsagnakennt".

Persónulega ætla ég að bíða þolinmóður eftir dóm Drottins og sleppa því að tengja hann við eitthvað sérstakt ár, allt mun koma í ljós og mun það gerast á þeim degi sem Guð hefur ætlað, hvenær sem það er.

Bíðum bara róleg og verum viðbúin endurkomu hans, sleppum öllum útreikningum og fullyrðingum um hvenær þetta verður.

Tölur eru teknar of alvarlega af sumum söfnuðum sem dæmi má nefna í þjóðsöng okkar: "Fyrir þér er einn dagur sem þúsund ár, og þúsund ár dagur ei meir." Sumir taka þessari samlíkingu fullalvarlega eins og t.d. góður vinur minn hann Mofi, sem heldur því fast fram að jörðin sé sex þúsund ára gömul og fer eftir þessu útí ystu æsar. Sem ég er ósammála.

Guð skapaði vissulega mannkynið og alla jörðina, en það tók lengra en sex þúsund ár, það er alveg á hreinu! Skoðum þá aðeins Aðventista út frá árinu 1844

Aðventistar:

Heimildir teknar héðan

Fyrir 1844 boðuðu aðventistar heimsendi sem átti að verða 1844. En augljóslega aldrei varð. Þeir fóru mikinn um að Kristnir ættu koma "út úr Babýlon" fyrir þetta skelfilega ár, og áttu þeir við alla Kristna söfnuði sem voru fastar í Babýlon samkvæmt þeim. Eftir að enginn heimsendir kom 1844 sögðu forsvarsmenn Aðventu kirkjunnar að 1844 hefði fremur verið það ár sem Jesús gekk inní: "hið allra helgasta á himnum", sem er líking við "hið allra helgasta" í musteri gyðinga þar sem sáttmálsörkin var geymd á sínum tíma, og aðeins æðsti presturinn átti aðgang að. Þetta var staðfest einhverjum árum seinna af Ellen G. White sem studdi þessa kenningu.

Þetta var þá greinilega merkilegt ár 1844 og er margt skrítið í kýrhausnum, en ég ætla persónulega að halda mig við að heimsendir sé óráðinn og alfarið höndum Guðs. Eða réttara sagt, hann kemur þegar hann kemur og vil ég sjálfur vera tilbúinn þegar sá dagur kemur, en þú?

Við karlarnir erum þá Narcissus-istar...

Það er nefnilega það, við karlarnir erum þá bara allir ríghaldnir ranghugmyndum um okkur sjálfa. Þrátt fyrir þá einföldu staðreynd að það þurfti nú ekki neina rannsókn til þess að komast að þessari einföldu niðurstöðu.

Flestir karlmenn eru þá kannski með Narcissus einkennið. Narcissus var rómverskur guð sem dýrkaði sjálfan sig svo mikið að hann varð alveg harmi sleginn eftir að hafa séð spegilmynd sína á stöðuvatni, þegar hann reyndi að kyssa spegilmyndina hvarf hún, og varð Narcissus fyrir fyrir svo mikilli höfnun og um leið áfalli að hann framdi sjálfsmorð. 
(Myndin er af honum hér til hægri)

Ég er ekki að segja að karlmenn séu eins slæmir og Narcissus, langt í frá, en við berum samt allir vott af hans sjálfsdýrkun oft á tíðum. Er það ekki strákar? Allir karlmenn ættu að skilja hvað ég á við .. svona ef þeir eru heiðarlegir.

Niðurstaðan er sem sé sú að sumir karlar (og reyndar konur líka) sumir hverjir ofmeta jú bæði fegurð sína sem og persónutöfra rétt eins og Narcissus gerði. Svona hefur þetta nú verið frá upphafi alda og ætti ekki að koma nokkrum manni á óvart, því ég er sjálfur í þessum hópi, og ofmet sjálfan mig stundum stórlega, enda ekkert augnayndi og eigi maður fullkominn.

En það er svo margt sem bæði kynin ofmeta að þar er varla hægt að telja það upp og tel ég svona rannsóknir aðeins endurtaka það sem allir vita hvort eð er.

Karlar ofmeta persónutöfra sína

Óréttlæti

Á sama tíma og þau gleðitíðindi berast að ljósmæður hafi samið við ríkið kemur þessi sorgarfrétt. Þarna finnst mér, að forráðamenn þessarar þjóðar ættu að sýna fordæmi og neita taka við svona hækkun. Allt samfélagið er á heljarþröm og kreppan alsráðandi.

Aðgerðarleysi og gunguháttur núverandi ráðamanna er eitthvað sem ég er ekki til í að styrkja, þeir virðast vera áskrifandi af launum sínum því til engra aðgerða er gripið til þess að sporna við þenslunni. Kæruleysisleg svör þeirra þegar þeir lýsa yfir: "engra aðgerða er þörf" þegar þörfin er hvað mest er til háborinnar skammar.

Sumir kunna að telja að þeir eigi fullan rétt á þessu, gott og vel, hafið þá skoðun en eigi get ég tekið undir slík rök sökum úræðaleysis þeirra.

Góður bloggvinur Þórarinn Þ. Gíslason gerir einmitt stórgóð skil á þessu hróplega óréttlæti sem stjórnvöld gert að staðreynd í okkar samfélagi. Ég mæli eindregið með að lesið þann pistil!

Laun æðstu embættismanna hækkuð

Ósmekklegt með meiru!

Er ég öfgamaður að finnast þetta rangt? Í þessu sérstaka tilfelli finnst mér það ekki. Á undanförnum áratugum hefur Kristur verið vanvirtur á ýmsa vegu, og ekki hafa Kristnir hótað stríði né hryðjuverkum vegna svona mála. Þetta er alls ekki nýtt af nálinni og má nefna Piss Christ (búinn til árið 1989) eftir Andres Serrano sem vakti álíka viðbrögð á sínum tíma alveg eins og þessi stytta sem fréttin er um.

En lítum aðeins á þetta, og horfum á þá vanvirðingu sem Kristi er sýndur með þessari svokölluðu "list". Sú fína lína sem listamenn hafa til þess að vekja viðbrögð er stundum auðvelt að fara yfir. Og verða þeir að gæta þess, sem og ávalt að hafa í huga að særa sem fæsta með verkum sínum.

Því tilfelli eins og þetta skilar nákvæmlega engu til manns nema viðbjóði og reiði, að minnsta kosti í mínu tilfelli. Ef einhver annar tilgangur væri á bak við þetta þá myndi málið kannski horfa öðruvísi við, en svo er ekki, þetta er skítkast og ekkert annað.

Ég sagt með fullri reisn að mér ofbauð þetta og vona að svona"listamenn" hugsi sinn gang áður en þeir gera svona, því ef þetta væri Múhameð, væri sennilega brostinn út styrjöld eða eitthvað annað eins. Eins og t.d. þessi frétt sannar vegna dönsku skopteikninganna sem himinn og haf skilja á milli hvað siðferði listamanna varðar:

Hóta hryðjuverkum í Danmörku

Kallið mig öfgamann ef þið viljið, en svei hvað mér þykir þetta ósmekklegt! En hvað veit ég, ég er bara listamaður ....  

Málsókn út af dónalegum Kristi

Skelfilegasta kjörtímabil í sögu Reykjavíkurborgar (með skopmynd af Hönnu Birnu) ;)

Aftur er skipt um sokka. Og greinilegt er að Sjálfgræðismenn fara ekki eftir niðurstöðum kosninga, Framsókn beið afhroð í seinustu kosningum og næstum þurrkaðist út. Sem segir mikið um álit sjálfgræðismanna á hugtakinu lýðræði.

Auðséð er, að þetta verður lengi í manna minnum sem þetta kjörtímabil mun standa uppi sem skelfilegasta kjörtímabil í sögu Reykjavíkurborgar. Hvers eigum við Reykvíkingar að gjalda eiginleg, ég bara spyr!

Þetta er sá fjórði í röðinni og finnist mér réttast að boða til kosninga ekki seinna en í gær og kjósa uppá nýtt! En það er bara ég.

Hanna Birna er þá óneitanlega orðinn hluti af "frjórhöfðaskrímslinu" eins og ég kalla það. En myndin sem ég var að skyssa upp, segir allt sem segja þarf um þetta embætti á þessu kjörtímabili !!

 

 

Fullyrt að samstarfi hafi verið slitið

Það er villa í þessari frétt

Það er algeng villa í þessari frétt. Ólafur F. er ekki í Frjálslyndaflokknum, heldur er hann í Íslandshreyfingunni. Og auk þess kemur þessi gagnrýni Sjálfgræðismanna á óvart, því ég man ekki betur en að Bingi og Óskar Bergs hafi einmitt verið í ráðum og nefndum út um allar trissur, og ekki kvörtuðu Sjálfgræðismenn þá. Því í fréttinni stendur:

Sjálfstæðismönnum þykir Frjálslyndir fullaðsópsmiklir í meirihlutasamstarfinu miðað við fylgi þeirra í síðustu borgarstjórnarkosningum. „Það eru allir að springa,“ sagði einn úr landsmálunum í gær.

Og nú vilja þeir ganga til liðs við þá sem einmitt gerðu nákvæmlega það sama!! 

Ég get ekki betur séð en það vanti einhverjar sellur í Sjálfgræðismenn. Best væri að þeir færu nú eftir niðurstöðum kosninganna og hleyptu öðrum að. Sjálfstæðismenn töpuðu talsverðu fylgi síðast og veit ég ekki betur en að í lýðræðisamfélagi teljist það vera rödd fólksins. Eða hvað?

Vilja breytingar á meirihlutasamstarfinu

Skemmdarverk á meistaraverki ...

Berlusconi ætti að gera iðran hið snarasta! Því ítalski Giovanni Battista Tiepolo (F. Mars 5, 1696 -  D. Mars 27, 1770) var einn af færustu 'Fresco málurum' sem til voru. Mannlíkaminn er fegursta sköpun Drottins, og ekkert til þess að skammast sín fyrir, sérstaklega kvenlíkamann eins um ræðir í þessari frétt. En það sem mér þykir verst er að hann er að ritskoða gömul meistaraverk! 

Það góða er í þessu öllu saman að um er að ræða afrit og er þetta ekki frummyndin sem hefur verið breytt/eyðilögð. (*phew*) En samt sem áður finnst mér þetta algjör firra, því Berlusconi valdi þessa mynd sjálfur! Ekki vildi ég hleypa þessum manni með tússpenna í neitt listasafn að minnsta kosti!

Meira að segja Vatíkanið fordæmir þennan verknað, í fréttinni stendur:

Antonio Paolucci, forstjóri safna Vatíkansins var þó ekki skemmt, og sagði það löngu liðna tíð, jafnvel í Vatíkaninu, að list sem sýndi nakta líkama væri ritskoðuð.

Hér ber að lýta nokkrar myndir eftir Giovanni Battista Tiepolo:

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Brjóstamál Berlusconis

Útvarp saga er flott stöð!

Í tilefni þess að Guðni Ágústsson rauk á dyr í þætti Sverris Stormskers núna nýverið, hefur gagnrýni komið fram sem ég er ekki alveg samála og er fremur ósáttur við að heyra.


Fullyrðing númer eitt: "Áróðursstöð fyrir Frjálslyndaflokkinn"

Þvílík vitleysa, allir flokkar hafa aðgang af þessari stöð og ber að nefna eftirfarandi nöfn sem Arnþrúður Karlsdóttir telur upp í athugasemd hjá JensGuð, hún segir að eftirfarandi þingmenn hafi aðgang að stöðinni:

"Skal í því sambandi nefna Jón Magnússon (F) Grétar Mar Jónsson (F) Óskar Bergsson (B) Birki Jón Jónsson (B) Birgi Ármannsson (D) Katrínu Júlíusdóttur (S) Ástu R.Jóhannesdóttur (S)Ágúst Ólaf Ágústsson (S)og  Ögmund Jónasson (VG). Það er nefnilega til fullt af góðu fólki."

Jafnvel heilu þættirnir eru helgaðir heilum flokkum alveg sér á partinn! Samfylkingin er t.d. með einn slíkan þátt! Þannig slíkar fullyrðingar eiga ekki rétt á sér og eru því ómarktækar. Eina sem er ánægjulegt við að fólk haldi þetta, er að fólk tekur greinilega meira eftir boðskap FF en hinna flokkanna!  ;)

Fullyrðing númer tvö: "útvarp Saga er með flissandi þáttastjórnendur"

Af eigin reynslu og hlustun get ég ekki tekið undir þetta. Ég var sjálfur í viðtali hjá Markúsi Þórhallssyni ásamt hinum víðfræga Skúla Skúlasyni í viðtali í Apríl síðast liðnum. Ekki var Markús flissandi eða neitt slíkt, hann tekur starfi sínu alvarlega og er verulega góður þáttastjórnandi !

Þetta er allavega mín reynsla af þessari góðu stöð, og er ég ekki tengdur henni á nokkurn hátt, þótt ég sé að verja hana.


 

Lengi lifi Baggalútur! Lengi lifi jafnrétti kynjanna!

Voðalega erum við orðinn 'pólitískt rétt' þessi þjóð. Ekkert má lengur vegna háværra radda frá sérhagsmunahópum, ef Femínistafélagið væri til dæmis sjálfri sér samkvæmt þá væri "ráðskona" karlahópsins þeirra; Hjálmar Sigmarsson (hér til hægri á fyrstu mynd) ekki ráðskona heldur maður. Mér er að minnsta kosti óskiljanlegt hvernig er hægt að vera "ráðskona" í karlahópi, sem væntanlega bara ætlaður karlmönnum!

Hitt er annað mál, að það má túlka þetta lag á hvorn máta sem er, því vissulega er textinn á gráu svæði þótt meiningin hafi verið önnur. Ég man hvernig þetta var einmitt árið 1993 þótt ég hafi ekki verið í eyjum, og er hann Bragi aðeins að vísa til hvernig þetta var þá, og því miður var ástandið svona eins og hann lýsir í laginu, og ekki voru það bara Vestmanneyjar sem voru svoleiðis.

En ég fann kastljós þáttinn á Rúv þar sem "ráðskonan" mikla er að verja orð sín með Braga V. Skúlasyni sem talar fyrir hönd Baggalúts. Og er hægt að hlusta á lagið og lesa þennan illræmda texta hér.

Meira að segja Hildur Sverrisdóttir fyrrverandi  fyrrverandi framkvæmdastjóri V-dagssamtakanna segir í þessari vísis grein:

„Textinn er grófur og hægt að gagnrýna hann fyrir margt. En að segja að þarna sé um nauðgun að ræða er hæpið,"

Einmitt Hildur! Hárrétt hjá þér! Það er þó vonarglæta hjá femínistum með þig þeirra röðum.

Ég vona bara að þessar konur sem eru forsvari fyrir femínista fari nú að vakna, einhliðamálflutningur þeirra um "kvenfrelsi" gengur þvert á stefnu annarra femínista samtaka í öðrum löndum. Þar er barist fyrir jafnrétti, ólíkt því sem öfgasamtökin hér á fróni gera.

Þeim verður þetta til ævinlegrar skammar svona einstefnu taktík, eins mikill femínisti og ég er sjálfur, þá neita ég að taka þátt í svona rugli eins og Sóley Tómasdóttir og vinkonur gera! Þvílík vitleysa!

Lengi lifi jafnrétti! Sem næst ekki með einhliða málflutningi og stefnu. Ég vona bara að ég fái einhverjar reiðar konur á mig og saka mig um karlrembu, en ef ég er karlremba fyrir að vilja jafnrétti BEGGJA kynja, þá er ég með krullað skott og baða mig í drullu!

Góðar stundir og þakka ég lesturinn.

„Texti Baggalúts snýst ekki um eðlilega hegðun"