Sveittir borgarar ...

Ja hérna, þetta kemur spánskt fyrir sjónir. Þeir þingmenn sem eftir eru í Borgarahreyfingunni sitja þá sveittir yfir niðurstöðum landsfunds þeirra. Þetta er afar furðulegt þar sem nokkrir þeirra kusu þvert gegn stefnuskrá flokksins í málefni ESB ... ótrúlegt alveg og jaðrar við hræsni af hálfu þingmanna þeirra.

Auk þess, er þetta stjórnmálaflokkur hvort sem mönnum líkar betur eða verr, hann varð það þegar hann eignaðist þingmenn, og eru þeir taldir til stjórnmálastéttarinnar og náðu kjöri í gegnum viðjar flokks, í þessu tilfelli Borgarhreyfinarinnar.

Jæja, þeir um það, en furðuleg eru þessi átök. Ég ætla bara útí sjoppu að kaupa mér einn sveittan borgara helst með frönskum!

Lengi lifi lýðræðið!

Biðjum öll fyrir rammvilltum borgurum sem hafa fundið framsóknargenið sitt og vita ekki hvað gera skal!

P.s. þessi færsla er grín! 

Átök innan Borgarahreyfingarinnar

Athugasemdir

[Andrés Björgvin Böðvarsson / bakemono (IP-tala skráð) 13.9.2009 kl. 00:07]

Ætli vandamálið sé ekki helst það að meðlimir Borgarahreyfingarinnar hafi mismunandi hugmyndir um það hvernig stjórnmálaflokkur, sem er ekki stjórnmálaflokkur, virkar?

[Guðsteinn Haukur Barkarson, 13.9.2009 kl. 00:09]

Júbb, rétt Andrés, það virðist vera vandi þeirra. En fyrir mér er þetta borðleggjandi. En það er bara ég.

[Guðrún Þóra Hjaltadóttir, 13.9.2009 kl. 10:15]

Já, það fólk sem lenti í efstu sætum Borgarahreyfingunnar eru greinilega ekki að vinna í þágu allra hinna. Það er svolítið sérstakt.

Þeir náðu þó fram eitt af markmiðum sínum, það að þurfa ekki að mæta með bindi á þingið.

[Kristinn Ásgrímsson, 13.9.2009 kl. 11:15]

Er ekki best Haukur minn að þeir fari aftur til fyrri starfa. Að berja potta og pönnur og mótmæla, virðist auðveldara, en að ná samkomulagi um málefni. Ég sé nú ekki að neitt hafi lagast við stjórnarskiptin. Genginu haldið lágu til að berja á smælingunum. Er það Jafnaðarstefnan ? Nei, það er eins og ritað er: Hjarta heimskingjans stefnir til vinstri.

Eigðu góðan sunnudag minn kæri.

[Kristinn Ásgrímsson, 13.9.2009 kl. 11:17]

Þessi færsla grín ?? Ertu þá ekki að ná í "Borgara" Fannst það svolítið snemmt.

[Guðsteinn Haukur Barkarson, 13.9.2009 kl. 12:23]

Guðrún - tilgangurinn helgar meðalið, sér í lagi fyrir þá bindislausu.

Kiddi - hehehehe ... góður!

[Rósa Aðalsteinsdóttir, 13.9.2009 kl. 20:45]

Sæll Guðsteinn minn

Fyndin færsla og ekki skemma innleggin.

Hvernig bragðaðist svo borgarinn?

Guð veri með þér

Kær kveðja/Rósa