Í upphafi var orðið ...

Miðvikudagur, 1. apríl 2009

Mér hefur borist atvinnutilboð frá Kanada

Við hjónin höfum fengið atvinnutilboð frá Kanada í landinu þar sem ég ólst upp. Mér bauðst að gerast aðstoðarmaður prests í Vineyard hreyfingunni í Kanada. Eiginkona mín mun þar halda áfram námi við háskólann í Winnipeg. Miðað við núverandi ástand í þessu þjóðfélagi þá sjáum við ekki aðra leið færa en að flytja af landi brott.

Við munum flytja af landi brott, í ágúst mánuði, þar sem skólarnir í Kanada byrja mun fyrr en á Íslandi. Ég mun leysa af predikara í Vineyard kirkju og sjá um hans störf á meðan hann sjálfur fer í trúboðsferð.

Ég mun halda áfram að blogga, og mun birta tíðindi af okkur hjónunum áfram á þessum vettvangi.

Guð blessi Ísland og alla íslendinga!

Meginflokkur: Trúmál og siðferði | Aukaflokkar: Ferðalög, Stjórnmál og samfélag, Vinir og fjölskylda | Breytt s.d. kl. 15:13 | Facebook

Athugasemdir

Þegar ég fékk símtal í gærkveldi frá Bryndísi upp úr 10, um að koma og kíkja í kaffi, því þau hefðu fréttir að færa, óraði mér ekki fyrir því að ég væri að fá þær fréttir sem Haukur hefur lýst hér yfir.

Ég grét úr mér augun yfir kaffibolla og brúntertu, yfir þeirri tilhugsun að mínir bestu vinir væru að fara af landi brott. Ég reyndi að pjúra sjálfselsku að tala gegn þessu svo þau færu ekki. En þetta er vitanlega bara besti kosturinn eins og staðan er í dag, þrátt fyrir djúpan söknuð styð ég þau heilshugar. Hvað er eitt ár í tímans tönn.

Ég veit að ykkur mun ganga rosalega vel. Ég sakna ykkar nú þegar.

Knús

Linda, 1.4.2009 kl. 14:13

Svona Linda mín, eins og ég útskýrði fyrir þér í gær, þá er ég enginn grænjaxl hvað viðkemur Kanada. Ég þekki innviði þess og hvert á að leita. Hafðu engar áhyggjur.

Guðsteinn Haukur Barkarson, 1.4.2009 kl. 14:17

Ég óska þér velfarnaðar Guðsteinn minn. Ég hef verið að hugleiða sjálfur hvort e.t.v. væri rétt fyrir mig að leita að starfi utan landsteinanna en þar sem ég á fósturdóttur hér sem býr hjá móður sinni þá þykir mér kosturinn ekki ákostanlegur.

Hilmar Gunnlaugsson, 1.4.2009 kl. 14:35

Þakka þér fyrir Hilmar.

Guðsteinn Haukur Barkarson, 1.4.2009 kl. 14:47

Til hamingju með þetta og gangi ykkur vel!

Ein pínu aulaspurning - í hvaða söfnuði er þetta?

Mama G, 1.4.2009 kl. 16:43

Voruð þið að hugsa um að kasta kveðju á ættingjana þegar þið eruð flutt. En er ekki 1. apríl í dag. Ætti maður þá að trúa svona vitleysu?

Ágúst Böðvarsson, 1.4.2009 kl. 17:50

Þetta var þá ekki aprilgabb eins og ég gerði ráð fyrir á Facebook, enda hefði ég átt að segja mér það sjálf að það er ekki í anda boðorðanna að gabba fólk. En mér trýleysingjanum eða heiðingjanum leyfist það þó og notaði mér það Ég spái því að seinna verið þið fyrstu Biskupahjónin á Íslandi, ef það er hægt! Gangi ykkur vel með þetta allt saman.