Kristilegt siðgæði í hnotskurn

Samhjálp Hvítasunnumanna er að veita þá aðstoð sem kristilegt siðgæði byggist á: algeran óskilyrtan náunga kærleik. Svona á að gera þetta, það er greinilegt að við þurfum afturhvarf til okkar gamla góða kristilega siðgæðis til þess hlúa að heimilum landsins! 

Í fréttinni stendur:

Í janúar síðastliðnum komu um 3200 manns á kaffistofuna og þar af komu rétt rúmlega 1.000 í mat. ,„Ef það heldur áfram að fjölga, sem nú lítur út fyrir, verða heimsóknirnar í ár um 38 þúsund. Árið 2007 voru heimsóknirnar á kaffistofuna 21 þúsund en í fyrra voru þær 27 þúsund,“ segir Heiðar í viðtali við mbl.is.

Ef fer fram sem horfir er um að ræða næstum tvöfalda aukningu borið saman við árið 2007. Þetta segir sitt, og tek ég ofan fyrir Heiðari hjá Samhjálp, ég hvet fólk til þess að taka sér þessi samtök sér til fyrirmyndar, ég tek samt fram að ég er ekki að gera lítið úr öðrum sambærilegum samtökum, alls ekki. Ég vildi að vekja athygli á þessu góða starfi sem um er að ræða. 

Guð blessi ykkur öll og er ég sokkinn aftur ofan í lærdóminn.

Metaðsókn hjá Samhjálp

Athugasemdir

[Guðmundur St Ragnarsson, 28.3.2009 kl. 13:58]

Samhjálp er ein þarfasta stofnun samfélagsins í dag. Það má alveg fjalla meira um það hjá fjölmiðlum en það er eins og það sé feimni eða tabú að fjalla um kristnar stofnanir hér á landi.

Guð blessi þig daginn Guðsteinn.

Kv. Muggi.

[Guðsteinn Haukur Barkarson, 28.3.2009 kl. 14:15]

Mikið er ég innilega sammála ... Muggi. 

[baddi (IP-tala skráð) 28.3.2009 kl. 14:47]

er það eina ástæðan sem þetta fólk hefur fyrir því að gera góðverk, af því að guð sagði það?

[Valgeir Matthías Pálsson (IP-tala skráð) 28.3.2009 kl. 15:42]

Meiriháttar flott stofnun, þ.e. Samhjálp. Þetta er frábær stofnun og það er örugglega frábært að koma þangað og geta fengið eitthvað girnilegt í gogginn m.a. Þetta er frábært.

Gangi þeim góðu mönnum hjá Samhjálp vel sem standa í eldlínunni þar.

Bestu kveðjur.

Valgeir.

[Samhjálpargestur (IP-tala skráð) 28.3.2009 kl. 15:44]

"hlúa að heimilum í landsins"

Já ef það er hægt að kalla kompurnar sem farandaverkamenn þurfa að finna sig í heimili.

Það hefur orðið mikil aukning á komum fólks á Kaffistofu Samhjálpar ég þarf ekki neinar tölur til að sjá það, hef þurft að leita til Samhjálpar frá árinu 2004 vegna erfðiðleika eins og spilafíknar í boði Rauða Krossins, SÁÁ, björgunnarsveita landsins og Háskólans, en hvað er ég aumur maðurinn að skella skuldinni á þessar stofnanir, þau eru aðeins að veita þjónustu.

Ég er löngu laus við þessa fíkn en ég sit með þungann bagga í meir en áratug framávið og þarf því að nýta mér þessa hjálp Samhjálpar þar sem ég er orðinn svo til matarlaus um miðjan mánuðinn.

Ég koma þarna aftur í fyrravor eftir að hafa haft nóg að býta og brenna í um ár og þurfti síðan á því að halda á reglulegum fresti, margoft í hverjum mánuði í fyrra. Síðasta haust síðan varð ég meir og meir var við að farandverkamenn voru farnir að venja komur sínar. Nú í lok Janúar sá ég að þeir voru orðnir í algjörum meirihluta og enn meir í febrúar og enn meir nú í mars.

Meðan það geta verið 3 íslendingar þá eru kannski um 20 erlendir farandverkamenn á staðnum og brauðmaturinn hverfur mjög fjótt af borðum mun fyrr en áður. Venjulega er það mesta til staðar á borðinu um leið og það opnar hjá þeim og getur maður þá týnt á disk það sem manni langar í. Ef maður kemur þarna einum tíma seinna í staðinn þá er frekar lítið eftir. Starfsfólkið er stundum undirmannað að mér finnst og því erfitt fyrir það að fylla reglulega á borðin enda er þetta mikil vinna að mér sýnist sérstaklega þegar kveikt er undir súpunni nokkuð fljótt og það upptekið við þá vinnu.

Mér skilst að Samhjálp fái fjárveitingu frá borginni en mér finnst eins og það sé skítur á priki sérstaklega þegar haft er í huga að allar tilraunir mínar nema ein frá því í haust til að nálgast heitann mat um 3 leitið enda með því að ég þarf að borða súpu. Þá get ég alveg eins borðað vatn heima í stað þess að taka á mig ferð þangað.

Ég hef ekkert út á matinn sjálfan að setja, en þetta var miklu betra áður á Laugaveginum þegar maður fékk meira næringarríkari heitan mat. Ég er því hættur að taka á mig ferð þangað til að fá súpuna sama þó ég hafi ekkert nema brauð og vatn heima. Ég fór þó þangað síðasta Laugardag og var þá súpa enn eina ferðina. Ég reyndi einu sinni að fara a sunnudegi til að fá kjöt því þá er einmitt kjöt. Ég lennt þá í því að fá grænmetis lasagna. Þó það hafi verið gott þá dugði það bara í skamman tíma.

Það er greinilegt að Samhjálp þurfi á enn frekari fjárveitingu að halda sérstaklega þegar gestum fer fjölgandi fylgjandi aukinni komu erlendra farandverkamanna.

Þar sem ég hef verið gestur þarna frá árinu 2004 þá þekki ég orðið marga þarna og get ekki séð annað en að þeir sem hafa tjáð sig um þennan meirihluta farandverkamanna að það sé alls ekki hrifið. Það vill nefnilegs svo til að sumir farandaverkamennanna geta sett margra hæða brauðmat á disk hjá sér margoft. Þegar ég varð var við þetta fyrst þá blöskraði mér um leið og ég furðaði mig á þessu. En þegar ég fór að fylgast betur með þeim þá sá ég að þeir læddu  öllum matnum í poka eða bakpoka. Það virtist þá vera skýringin á því að maturinn hvarf af borðum mjög fljótt. Það er mjög leiðinlegt að koma að borðinu þegar kræsingarnar eru allar horfnar, jafnvel það sem á að fara ofan á brauðið þegar aðeins 1 eða 2 tímar hafa liðið frá opnun kaffistofunnar.

[Guðsteinn Haukur Barkarson, 28.3.2009 kl. 16:01]

Samhjálpargestur - ég þakka kærlega fyrir að deila þessu með okkur, og hvet ég alla til þess að lesa vel yfir athugasemd samhjálpargests. Þetta er ískaldur íslenskur veruleiki beint í æð, og þess vegna er mikilvægt að við töpum ekki gildum okkar.

Valgeir Mattías - sammála!

[Samhjálpargestur (IP-tala skráð) 28.3.2009 kl. 16:33]

Haft er eftir Heiðari í fréttinni að framlag birgja hafi minnkað undanfarið. Það er slæmt og skýrir þá fyrra innlegg mitt að hluta.

Ég hef ekkert nema gott um Kaffistofu Samhjálpar að segja og þar hef ég venjulega mætt vingjarnlegu og umhyggjusömu starfsfólki alveg eins og með Hjálpræðisherinn sem reyndist mér óhemjulega vel meðan ég bjó hjá þeim lengi vel, bæði á gistiheimilinu og síðan í íbúð sem ég leigði af þeim ásamt öðrum.

[Guðsteinn Haukur Barkarson, 28.3.2009 kl. 16:50]

Samhjálpargestur - þakka þér fyrir að benda á þetta. Ekki veitir af auglýsingunni fyrir þessa góðu starfsemi.

Hér var einhver "Baddi" að reyna koma þessari spurningu að:

"er það eina ástæðan sem þetta fólk hefur fyrir því að gera góðverk, af því að guð sagði það?"

Moggabloggið er þannig gert að það birtir ekki athugasemdir nema viðkomandi gefi upp netfang. Sem skorti í þessu tilfelli og þess vegna birtist hún ekki.

En svarið við spurningu þinni er nei, það er siðgæði okkar sem segir það.

[Rósa Aðalsteinsdóttir, 28.3.2009 kl. 17:49]

Sæll og blessaður Guðsteinn minn

Hef fylgst með starfi Samhjálpar frá upphafi. Þarna er unnið frábært starf og hef ég aðeins lagt þessu lið á árum áður þegar Samhjálp var með útgáfustarfsemi. Við pabbi fórum hér um bæinn saman að selja bækur og hljómplötur. 

Margir hafa fengið mikla bót og það sem hefur gert útslagið er trúin á Jesú Krist. Sumir hafa vitnað um að hafa farið í margar meðferðir en þegar þeim var bent á Jesú Krist og kærleika hans þá loksins kom lausn enda er Jesús lausnarinn okkar.

Takk fyrir að blogga um Samhjálp.

Guð veri með þér og þínum

Kær kveðja/Rósa

[Rósa Aðalsteinsdóttir, 28.3.2009 kl. 17:54]

Sæll aftur

Gleymdi að segja að ég er svo þakklát Samhjálpargesti að koma og segja okkur frá sinni reynslu. Sorglegt að góðgerðarsamtök afli  peninga til að hjálpa þeim sem minna mega sín með spilakössum sem gerir aðra að þrælum spilakassana og svo eru afleiðingarnar skelfilegar eins og Samhjálpargestur lýsir hér fyrir ofan. 

Vertu Guði falinn litli bróðir

Kær kveðja/Rósa

[Guðsteinn Haukur Barkarson, 28.3.2009 kl. 19:04]

Rósa - takk fyrir þetta, og er ég þakklátur þér og samhjálpargesti með þær upplýsingar sem þið veitið, þetta gefur mun skýrari mynd af því sem er raunverulega á bak við starfið, það er fólkið sem starfar í því og sækir það. Sama hvernig er, þá er mikil Guðs blessun á bak við þetta, og er þarfaverk að koma skilaboðum áleiðis að samtök eins og þessi þurfa fjárhagsstuðning til þess að reksturinn leggist ekki af.

[Birna Dis Vilbertsdóttir (IP-tala skráð) 28.3.2009 kl. 22:46]

Hjálpræðisherinn fær heilar 3 miljónir í styrk frá borginni til reksturs dagsetursins.Reksturinn kostar tæpar 20 miljónir á ári.Einn starfsmaður er á launum hitt sjálfboðaliðar.Á dagsetrinu er heitur matur og líka brauð og sætt meðlæti.Þar koma líka útlendingar frá ýmsum löndum,Póllandi,Albaníu,Rúmeníu,Ungverjalandi,S-Afríku,Litháen,Austurríki og Íslandi.ALLIR FÁ MAT.Það skiptir okkur ekki máli hvaðan eða hverrar þjóðar sá svangi er.Eða litur eða trú eða kyn eða kynhegðun.ALLIR ERU VELKOMNIR SEM ERU SVANGIR

[Guðsteinn Haukur Barkarson, 28.3.2009 kl. 23:03]

Takk Birna, það var nauðsynlegt að þetta kæmi fram. Því fleiri eru að gera það sama og Samhjálp.

[Sigurður Þórðarson, 28.3.2009 kl. 23:14]

Takk fyrir þessa góðu færslu Haukur. Samhjálp er göfugur félagsskapur sem starfar í guðlegum anda. Ég á nokkra kunningja sem  hafa starfað að þessum málum. Blessað sé starf þeirra allra í þágu þeirra sem minnst mega sín.

[Hilmar Gunnlaugsson, 28.3.2009 kl. 23:28]

Þetta er frábært hjá Samhjálp en ég tel þó að gestirnir á kaffistofuna væru fleiri ef ekki væri fyrir fordóma fólks í garð þess að leita sér hjálpar þegar á bjátar.

[Sigurður Þórðarson, 28.3.2009 kl. 23:54]

Hilmar, ég hef ekki heyrt um þessa fordóma sem þú talar um.

[Sigurlaugur (IP-tala skráð) 29.3.2009 kl. 00:04]

Ég held að það sé meira um að fólk sé alltof stolt til að leita að aðstoð sama hvaðan aðstoð kemur  

það eru margir sem eyða öllum sýnum peningum fyrst .  

Þetta er frábært starf hjá ykkur

[Guðsteinn Haukur Barkarson, 29.3.2009 kl. 00:23]

Takk Siggi, ég er hjartanlega sammála.

Hilmar - hvaða fordóma áttu við? Þeir voru kannski til þegar góðærið var, alveg eins og það var talinn skömm að vera atvinnulaus þá, en ég verð ekki var við þá núna. Þetta eru breyttir timar. Ég er atvinnulaus og efast um að fólk verði fyrir fordómum að leita sér hjálpar eins og staðan er í dag. En hafir þú rétt fyrir þér, Guð hjálpi því fólki sem er haldið slíkum fordómum!

[Guðsteinn Haukur Barkarson, 29.3.2009 kl. 00:24]

Sigurlaugur - sammála! Þú kemur eins ferskur andblær.

[Hilmar Gunnlaugsson, 29.3.2009 kl. 00:37]

Jæja kannski eru þeir horfnir. Vonum það allavega

[Guðsteinn Haukur Barkarson, 29.3.2009 kl. 00:48]

Nákvæmlega Hilmar, ég bið fyrir því.