Til hamingju með daginn konur!

Það er enginn lygi þegar karlmenn eru spurðir um "betri helminginn" þegar konurnar okkar eru fjarri góðu gamni. Þið eruð allar yndislegar með tölu!

Líf mitt er uppfullt af yndislegum konum, eiginkonu minni, móður minni, systur, frænkum, vinkonum og allar þær í tengdafjölskyldunni. Svo að ég minnist nú ekki á allar þær yndislegu bloggvinkonur sem ég hef eignast í gegnum tíðina.

Ég lít á ykkur allar sem Guðs blessun, hafið þið flestar blessað líf mitt á einhverja vegu, og er ég afar þakklátur ykkur öllum og er mér sannur heiður að fá að kynnast ykkur.

En ekkert væri ég án eiginkonu minnar svo mikið er víst.  Ég elska hana afar heitt og er hún mér betri á flestum sviðum. Lífið væri einskinsvert án hennar, og þeirri fyrirmynd sem hún gefur að vera góð manneskja, það er sú fyrirmynd sem ég sæki í, ásamt trú okkar á Jesúm Krist og þeirri fyrirmynd sem hann gaf, sem er kærleikur í sinni tærustu mynd.

Að lokum ...

 

 

 

 

 

 

 

... Bryndís - ég elska þig!

P.s. mér til mikillar furðu þá birtist þessi grein í prentútgáfu morgunblaðins í dag!

Athugasemdir

[Bryndís Böðvarsdóttir, 22.2.2009 kl. 14:08]

Elska þig líka!

[Guðrún María Óskarsdóttir., 23.2.2009 kl. 00:42]

Kæri bloggvinur.

Kærar þakkir og falleg hugleiðing.

kv.Guðrún Maria.

[egvania, 23.2.2009 kl. 03:18]

Þið er svo falleg bæði og full að kærleika og hlýju til náungans.

Kveðja Ásgerður

[Sigurður Þórðarson, 23.2.2009 kl. 17:36]

Tek undir þetta: Til hamingju konur!

 Þið eruð flott par Haukur og Bryndís! Húrra fyrir ykkur!

[Benedikta E, 23.2.2009 kl. 17:50]

Takk - Guðsteinn Haukur og til hamingju með allar þínar konur.

Kveðja.

Benedikta.

[Guðsteinn Haukur Barkarson, 23.2.2009 kl. 17:53]

Hafið öll innilegar þakkir!

[Valgeir Matthías Pálsson (IP-tala skráð) 23.2.2009 kl. 19:07]

og þakka þér fyrir að skrifa þennan pistil til kvenna á Íslandi. Mjög þarft verkefni Guðsteinn Haukur.

[Linda, 23.2.2009 kl. 19:51]

Jæja karlinn, þér tókst að koma mér inn á mbl bloggið, hahah, ég sem er búin að lýsa frati á alla þá neikvæðni sem er hér inni, í allt og í garð alla, þá kemur vinur minn og sendir svona líka yndislega og jákvæða kveðju til okkar kvenna í hans lífi.  Ég tel líka þína yndislegu eiginkonu til mína persónulegra vina, og ég get tekið undir að þú ert lánsamur maður, ég vona að ég verði svona lánsöm þegar ég finn minn mann, eða hann með mig    Læt þig dæma um það muahha.

knús.

Linda, sem þakkar Túlípanana í leiðinni, þeir eru byrjaðir að springa út.

Guð blessi þig og þína.

[Guðsteinn Haukur Barkarson, 23.2.2009 kl. 22:21]

Valgeir - takk fyrir það!

Linda - jú, þú áttir nú skilið að fá blóm frá karlmanni þótt einstæð sért, til þess eru vinir. Ég tek undir orð þín um Bryndísi mína, ég er einstaklega heppinn. 

[Flower, 23.2.2009 kl. 22:36]

Þetta er krúttlegt