Spádómsköku uppskrift (fortune cookies)

Þetta er soldið flókin uppskrift, en verður þess virði að erfiða, því kökurnar eru bæði skemmtilegar og einstaklega bragðgóðar. Þetta er tilvalið í flott matarboð.

Hráefni:
3 eggjahvítur
1/2 bolli (60 gr.) sigtaður flórsykur
45 gr. ósaltað smjör (brætt)
1/2 bolli (60 gr.) hveiti

Aðferð:

Búið til "spádóma", og klippið niður í litlar ræmur.

Forhitið ofninn í 180°, teiknið þrjá 8 cm. hringi á bökunarpappír, snúið svo pappírnum við og setjið á bökunarplötu. Best er að gera þrjá hringi, sökum þess að maður verður að hafa hraðann á þegar maður brýtur þetta saman.

Setjið eggjahvítur í hreina og þurra skál, og pískið þar til þær stífna. Bætið í smjöri (sem á að vera við stofuhita til þess að baka ekki eggjahvíturnar) og flórsykri og pískið þar til allt er blandað saman. Bætið svo hveiti við og pískið saman og látið standa í ca. 15 mín.

Með flötum pönnukökuspaða, setjið ca. 2 msk. í hringina á bökunarpappírnum, notið spaðann til þess að jafna úr þessu og engir hólar myndist, þetta á vera slétt. Bakið svo í 5 mín. eða þar til þetta er búið aðeins að brúnast lítillega meðfram hliðunum.

Takið kökuna strax af með pönnukökuspaða, setjið "spádóminn" í miðjuna. Sjá mynd að neðan:

 

 

 

 

 

Brjótið svo hringinn saman, sjá mynd að neðan:

 

 

 

 

 

Setjið svo kökuna á glasbrún og beyglið,  sjá mynd að neðan:

 

 

 

 

 

 

 

 

Leyfið svo kökunum að kólna og harðna, annað hvort í möffins móti, eða bara í glösum, sjá mynd að neðan:

 

 

 

 

 

Kökurnar eru þá tilbúnar! Verði ykkur að góðu! 

Athugasemdir

[Valgeir Matthías Pálsson (IP-tala skráð) 21.2.2009 kl. 13:24]

Guðsteinn minn, ég má ekki á mig nokkrum kílóum bæta sko. Þú veist það jafn vel og ég, en þetta var nú meira sagt í gamni en alvöru.

Heyrðu líst vel á þetta hjá þér.

[Guðsteinn Haukur Barkarson, 21.2.2009 kl. 13:30]

Ég vissi það Valgeir Mattías, enda skildi ég grínið hjá þér ... ... það er gaman að þessu.

[Ragnheiður Arna Magnúsdóttir (IP-tala skráð) 21.2.2009 kl. 13:44]

Takk Guðsteinn! Það verður gaman að spreyta sig á þessari uppskrift! Og gaman að koma vinum og fjölskyldu á óvart með Fortune Cookies svona home made!

[Guðsteinn Haukur Barkarson, 21.2.2009 kl. 13:51]

Ekki málið Ragnheiður, gangi þér vel að gera þær. Þetta er doldið föndur.

[Vilhjálmur Örn Vilhjálmsson, 22.2.2009 kl. 06:06]

Snjallt í kreppunni, þegar bænir eru hættar að duga.

[Guðsteinn Haukur Barkarson, 22.2.2009 kl. 10:05]

Og þetta kemur frá gyðing.

Snjallt í kreppunni, þegar bænir eru hættar að duga.

Sorglegt.

[Vilhjálmur Örn Vilhjálmsson, 22.2.2009 kl. 17:03]

Sorglegt! Það er ekkert sem bjargar Íslendingum frekar en gyðingum, en beygðu samt gyðinginn með mér:

Hér er gyðingur, um gyðing, frá gyðingi, til gyðings.

Í þágufalli er gyðingur gyðingi.

Ég sé að þessar kökur eru bráðnauðsynlegar. Þú getur klippt gömlu málfræðina þína í ræmur og sett inn í þær.

Notarðu alltaf hanska þegar þú bakar, Guðsteinn?

[Guðsteinn Haukur Barkarson, 22.2.2009 kl. 19:41]

Ja hérna hér, ertu vanur að nöldra svona í öllum sem þú hittir kæri Vilhjálmur?

En takk fyrir málfræðikennsluna, sem virðist vera fullkominn hjá þér kæri ven, og minni ég þig á að mönnum getur nú orðið á.

Þetta eru ekki myndir af mínum höndum, ég tók þetta af annnari síðu sem kennir svona.

[Vilhjálmur Örn Vilhjálmsson, 23.2.2009 kl. 14:35]

Snjallt í kreppunni, þegar bænir eru hættar að duga.

Mikið er menn drottins þrenningarinnar nú hársárir.  Var þessi litla athugasemd mín nöldur?

[Guðsteinn Haukur Barkarson, 23.2.2009 kl. 14:41]

Ég sé að þessar kökur eru bráðnauðsynlegar. Þú getur klippt gömlu málfræðina þína í ræmur og sett inn í þær.

Þetta er nöldur.