Í upphafi var orðið ...

Miðvikudagur, 18. febrúar 2009

Uppskrift af því sem kemst næst því að vera Subway smákökur

Eftir mikla leit fann ég uppskrift frá framleiðanda Subway (Fyrirtækið Otis Spunkmeyer framleiðir þetta fyrir Subway) smákaka, eða það sem kemst næst því. Ég þori að veðja að ég er ekki sá eini sem þykir þessar kökur vera algjört hnossgæti! En hér er uppskrifin sem ég fann á þessari vefsíðu og þýddi ég hana fyrir þá sem ekki kunna ensku:

Hráefni:
290 g hveiti
1 tsk matarsódi
225 g smjör
50 g sykur
110 g púðursykur
1 tsk vanilludropar
1 pk royal vanillubúðingur
2 stór egg
Smartíes eða súkkulaði eftir hentisemi.

Aðferð:
Hveiti og matarsóda er blandað saman í skál og sett til hliðar.
Linað smjör, sykur, púðursykur og vanilludropar er blandað saman og hrært í hrærivél.
Vanillubúðingsdufti er blandað saman við og síðan eitt og eitt egg. Gott að hræra aðeins á milli.
Að lokum er hveitiblöndunni ásamt súkkulaðinu blandað saman við.
Bakað við 175 gráður í ca. 10-12 mínútur.

Þetta er sem sé grunn uppskriftin af smákökunum sem Subway selur, þær eru auðvitað ekki nákvæmlega eins, en alveg furðu nálægt því. Ég prófaði til dæmis að nota pecanhnetur og smarties í mínar og kom það afspyrnu vel út! Hafið í huga að geyma þær helst í pokum, þar sem þær þorna fljótt og verða harðar.

Verði ykkur að góðu, þegar ég bakaði þessar varð mikil kátína á mínu heimili, stundum elska ég að vera heimavinnandi húskarl, því brosið á þeim borðuðu þetta, gerir þetta allt þess virði ! Cool

Meginflokkur: Matur og drykkur | Aukaflokkar: Bloggar, Vefurinn, Vinir og fjölskylda | Breytt 11.8.2012 kl. 17:03 | Facebook

Athugasemdir

Er alveg sammála þér að kökurnar á Subway eru Delicious!!! Jummmmmííí!

Verð að prufa þessa uppskrift!

Ragnheiður Arna Magnúsdóttir (IP-tala skráð) 18.2.2009 kl. 20:23

Verði þér að góðu Ragnheiður!

Guðsteinn Haukur Barkarson, 18.2.2009 kl. 20:30

Mmmm verð að prófa þessa uppskrift, takk

Soffía, 18.2.2009 kl. 20:45

Verði þér einnig að góðu Soffía!

Guðsteinn Haukur Barkarson, 18.2.2009 kl. 20:57

Good morning Iceland. My name is Gordon Brown ad I will help us... Djók. Hafðu það sem best Guðsteinn Haukur.

Valgeir Matthías Pálsson (IP-tala skráð) 18.2.2009 kl. 22:52

Vá , verð sko að prófa þessar. Takk fyrir þetta

Anna Guðný , 19.2.2009 kl. 00:01

Ekki spurning, verð að baka þessar kökur...

Guðbjörg Elín Heiðarsdóttir, 19.2.2009 kl. 08:56

Smákakna!! Er ekki fallegra að segja smákaka?

Samanber betra að segja aukinn innflutningur hjólbara, frekar en aukinn innflutningur hjólbarna.

Doddi D (IP-tala skráð) 19.2.2009 kl. 09:57

Doddi - ég var satt að segja ekki viss á þessu orði, ég er ekkert slæmur í Íslensku en stundum vefst þetta fyrir manni ... og er ég búinn að leiðrétta greinina! Takk fyrir góða ábendingu.