Bænarefni ekki aðhlátursefni

Þessi vesalings maður gengur greinilega ekki heill til skógar. Ég vona hann að finnist sem fyrst áður en hann deyr af völdum ofkælingar.

Enginn með réttu ráði gerir svona lagað, og þess vegna er bæn mín sú að hann sé heill og fái rétta meðhöndlun er hann kemur til baka í hlýjuna.

Þeir sem hafa séð (ó)sóma sinn í að fara með flymtan og spé yfir þessu atviki, ættu að setja skottið á milli fótanna á sér og skammast sín!

Guð blessi björgunarfólkið er leitar að honum, því enn er hann ófundinn.

 

Allsnakinn á Esjunni í 600 metra hæð

Athugasemdir

[Anna Guðný , 24.7.2008 kl. 23:29]

Heyr, heyr.

[Guðsteinn Haukur Barkarson, 24.7.2008 kl. 23:48]

einmitt Anna Guðný!

[Rauða Ljónið, 24.7.2008 kl. 23:49]

Sæll, Takk.

Kv. Sigurjón Vigfússon 

[Guðsteinn Haukur Barkarson, 24.7.2008 kl. 23:51]

Ekkert mál Sigurjón.

[Guðsteinn Haukur Barkarson, 25.7.2008 kl. 00:03]

Ég vona það líka Andrés ... svo sannarlega.

[Brynjar Jóhannsson, 25.7.2008 kl. 00:31]

Guðsteinn...

Auðvitað er þetta sorglegt og ekkert til að grín að. Verr og miður þá fá þessar fréttir mig samt til að glotta. Mér þykir það steypukennd hugdetta að sjá það fyrir mér að björgunarsveitin sé að leita að berstrípuðum manni sem sást á hlaupum upp Esjuna, Í raun er þetta gjörsamlega út í hött að gera sér slikt í hugarlund.  því ég skammast mín fyrir það um leið að finna þessa tilfinningu á mér því ég geri mér fyllilega grein fyrir því að þetta er mjög sorglegt. 

Þetta minnir á túristan sem fór upp á vatnajökul að vetri til fyrir meira en áratugi og hugðist lifa á krækiberum. Auðvitað var sá maður ekki með öllum mjalla enda vissi hver heilvitamaður að það yrði hans bani að fara þangað án mats og góðra klæða.  

[Ragnheiður , 25.7.2008 kl. 00:42]

Lögreglan er komin með fötin hans og skóna á jafnsléttu. Maðurinn er í slæmum málum þarna uppi í kuldanum.

Þetta er skelfilega vont ástand.

[Sigurður Þórðarson, 25.7.2008 kl. 00:54]

ÆÆÆ!

 Guðsteinn minn, er ekki í lagi að vera smá skrýtinn?

Sú var tíðin að kynlegir kvistir gengu um götur og torg. Ég get nefnt dæmi um Lása kokk, Hauk pressara, Valla graða Gvend dúllara og marga fleiri. Allir tóku þessir menn þátt í þjóðfélaginu, sumir voru sendlar aðrir í uppvaski eða við að pressa föt. Núna eru þessir menn umsvifalaust sendir á Klepp!  Þvílíkt rugl.  Þegar ég var barn horfði ég á þjóðkunnan stjórnanda symphoníuhjlómsveitarinnar æfa sig alsber  úti í á að stjórna stóru verki.  

[Rannveig H, 25.7.2008 kl. 01:18]

Ég er sammála þér Guðsteinn það er einhvað hjá þessum manni,vona svo sannarlega að hann finnist áður en það verður um sinan.

[Þórdís (IP-tala skráð) 25.7.2008 kl. 01:22]

Þetta er náttúrulega alvarlegt mál þegar maðurinn er ekki enn fundinn en mér finnst bara allt í lagi að fólk fái sér göngutúr allsnakið í náttúrunni.  Satt best að segja líður mér sjaldan jafn vel og þegar ég fæ að ráfa um íslenska náttúruna eins náttúruleg og ég gerist.  En fólk er víst eins misjafnt og það er margt. Vonandi að þessi maður komist til byggðar í heilu lagi!

[Guðsteinn Haukur Barkarson, 25.7.2008 kl. 08:31]

Brynjar - ég vil byrja á því að veita þér samúðaróskir með "bloggstalkerinn" þinn, og vona að það mál endi farsællega. Ég las yfir öll þessi fjölda athugasemda hjá þér og skil þá aðstöðu sem þú ert kominn í. En það sem ég á við með mínu erindi er að stríða ekki þeim sm eiga auðsæliga bágt, við erum ekki í leikskóla lengur.

Ragnheiður - já ekki er ástandið gott!

Siggi - auðvitað er í lagi að vera smá skrítinn, enginn er að halda öðru fram. En ég vona að bara að maðurinn finnist og það á lífi! 

Rannveig H - Guð blessi þig!

Þórdís - það er einmitt það, nekt er ekkert til þess að skammast sín fyrir, enda er heilagt musteri Drottins þarna á ferðinni.

[Sigurður Þórðarson, 25.7.2008 kl. 12:02]

Athugasemdin mín var vissulega  óvarkár en ekki illa meint.

Sú fregn hefur borist að umræddur maður sé búinn að gera það sem við hin eigum öll eftir það er að yfirgefa þennan heim.  

Hann mun nú kanna ókunn lönd og ég óska honum góðrar farar.  

Ég votta aðsandum samúð.

[Guðsteinn Haukur Barkarson, 25.7.2008 kl. 12:10]

Jú Siggi, ég vissi vel að þú meintir ekkert illt með þessu, enda ert þú með hjarta úr gulli.

En ég segi eins og þú, ég vil votta aðstandendum dýpstu samúð mína.

[Linda, 25.7.2008 kl. 13:32]

Tek undir þetta heilshugar með þér Haukur minn, þetta er ekkert grín.  Guð gefi að hann finnist heill svo hægt sé að hlúa að honum.

kv.

[Guðsteinn Haukur Barkarson, 25.7.2008 kl. 13:42]

Því miður er hann látinn Linda mín, sjá hér