Undirskriftarsöfnun til stuðnings Ásmundi Jóhannssonar

Það kom einhver sem kallar sig "Aðdánandi Ásmundar" í síðustu grein minni og spurði af hverju væri ekki undirskriftarlisti til stuðnings Ásmundar. Ég varð við þessa frábæru hugmynd hans og stofnaði slíkan lista sjálfur.

Undirskriftarlistann er að finna hér: 

http://www.petitiononline.com/mod_perl/signed.cgi?asmundur
 

Ég mun svo tala við nokkra þingmenn sem munu vonandi aðstoða mig við koma þessu til réttra aðila og hvernig ég stend að því.

En ég hvet alla til þess að skrifa undir og mótmæla mesta óréttlæti íslandssögunnar, því ekki viljum við sjá Ásmund fara í steinin ... eða hvað? 

Ég tók eftir að ekki allir vafrar styðja íslenska stafi, þess vegna birti ég þennan texta sem er inná undirskriftarsöfnunni fyrir þá sem lenda í því, þetta er erlend síða sem ræður afar illa við íslenska stafi:

Með undirskrift minni lýsi ég undirrit-uð (aður)yfir stuðningi við framlag
Ásmundar Jóhannssonar gegn kvótakerfinu.  Íslensk stjórnvöld höfðu skuldbundið
sig til að hlíta úrskurði Mannréttindanefndarinnar. Í stað þess að gera það
brjóta þau mannréttindi á öldnum sjómanni, því viljum við jafnframt mótmæla. 

Ég hvet alla landsmenn til þess að taka þátt í þessu, sama hvaða flokk þið tiheyrið. 

Með Guðs hjálp og ykkar getum við forðað Ásmundi frá harkalegum aðgerðum stjórnvalda!

Bátur á ólöglegum veiðum

Athugasemdir

[Jóhanna Magnúsar- og Völudóttir , 16.7.2008 kl. 23:19]

Búin að kvitta og hvet aðra sem vilja að róið sé með réttlætinu til að gera það sama.

[Guðsteinn Haukur Barkarson, 16.7.2008 kl. 23:21]

Glæsilegt Jóhanna! 

[Sigurður Þórðarson, 16.7.2008 kl. 23:31]

"Hálfnað er verk þá hafið er"  Til hamingju

[Hallgrímur Guðmundsson, 16.7.2008 kl. 23:34]

Flott framtak, til lukku með þetta.

[Guðsteinn Haukur Barkarson, 16.7.2008 kl. 23:35]

Takk Siggi og Hallgrímur. 

[Hilmar Gunnarsson (IP-tala skráð) 16.7.2008 kl. 23:40]

Já hinir tveir sjómennirnir í fyrra sem gerðu það sama og þessi Ásmundur, voru sendir í steininn. En það er svo fyndið að kvótabrask er á móti stjórnarskránni. Skrítið að fólk í svona siðmenntuðu landi fer í fangelsi fyrir reyna að láta ekki valta yfir sig.

[Rannveig H, 16.7.2008 kl. 23:51]

Flottur ertu Guðsteinn! Eg er búin að skrá mig með réttlætinu.

[Rósa Aðalsteinsdóttir, 16.7.2008 kl. 23:56]

Sæll Guðsteinn minn.

Búin að kvitta. Þoli ekki þetta viðbjóðslega kvótakerfi sem er að draga mátt úr landsbyggðinni. Fólki á landsbyggðinni fækkar og fækkar því það er enga atvinnu að fá.

Guð launi þér fyrir þetta frábæra framtak.

Baráttukveðjur/Rósa

[Kristján Pétursson, 17.7.2008 kl. 00:18]

Það er mannréttindabrot ef Ásmyndur verður dæmdur fyrir meintar veiðar innan fiskveiðilögsögunnar.Er ekki kominn tími til að öllum handfæra - og línubátum við Íslandsstrendur verði ýtt úr vör? Eftir að framsal og leiga á fiskveiðiheimildum var heimiluð fyrir 17 árum,var sameign þjóðarinnar tekin með ólögmætum hætti af þjóðinni.Nú á þjóðin að standa saman og sýna í verki,að hún hafni lögum,sem ganga gegn Stjórnarskrá lýðveldisins.

[Guðsteinn Haukur Barkarson, 17.7.2008 kl. 00:50]

Hilmar - einmitt, gott er að ég sé ekki sá eini sem sér kalhæðnina í þessu.

Rannveig - takk fyrir það!  :)

Rósa - stór ástæða fyrir þessu öllu er einmitt landsbyggðin. Guð blessi þig líka.

Kristján - Nákvæmlega! Sterkt innlegg hjá þér.

[Birgitta Jónsdóttir, 17.7.2008 kl. 01:08]

Búin að skrá mig:) gott að geta stutt hann á einhvern máta.

[Guðsteinn Haukur Barkarson, 17.7.2008 kl. 01:21]

Takk innilega Birgitta. 

[Óskar Helgi Helgason (IP-tala skráð) 17.7.2008 kl. 02:09]

Heill og sæll; Guðsteinn minn, sem aðrir skrifarar !

Varð; að beita mig, nokkrum átökum, að skrifa undir listann, hvar ég fyrlít Alþingi; heitt og innilega, sem hvert annað draugabæli, en,............ í virðingarskyni; við þann mæta dreng, sem hugrakka,, Ásmund Jóhannsson, sem og ykkur öll, hver reiðubúin eruð, að fylkja ykkur, um hann, og umvefja þeirri hlýju, sem hann á skilið, þá fannst mér rétt, að fylgja ykkur, í þessu alvarlega réttlætis máli, gott fólk.

Hafðu heilar þakkir; Guðsteinn Haukur, sem og þið öll, hver veita Ásmundi allt það brautargengi, sem hann sannarlega verðskuldar.

Með beztu kveðjum, úr Árnesþingi /

Óskar Helgi Helgason

[Theódór Norðkvist, 17.7.2008 kl. 07:50]

Sæll Haukur, Búinn að kvitta og bið þess að þetta framtak hljóti góðar undirtektir. Því fleiri sem skrifa undir því meiri sálræn áhrif það hefur á verjendur óréttlætisins.

[Eva Hauksdóttir (IP-tala skráð) 17.7.2008 kl. 10:05]

Ég var að reyna að undirrita en átta mig ekki á því hvort það tókst. Möguleikarnir sem birtast á mínum tölvuskjá eru preview signature og view without signing.

[Sigurður Þórðarson, 17.7.2008 kl. 11:22]

Sæl Eva, ég mæli með því að þú notir preview og síðan staðfesta.

Með því að fara inn á view current signatures sé ég að þú hefur ekki staðfest undirskriftina. Reyndu aftur. 

p.s. einhver góður maður þyrfti að taka sig til og þýða þetta á íslensku.

[Eva Hauksdóttir (IP-tala skráð) 17.7.2008 kl. 12:13]

Það þarf ekki mikla enskukunnáttu til að skilja þetta, annarsvegar er boðið uppá að forskoða undirskrift (og þá er venjulega átt við að skoða án þess að staðfesta um leið, sem maður hefur ekki ástæðu til þegar maður kann nafnið sitt og kennitölu utanað) og hinsvegar er boðið upp á að skoða án þess að undirrita. Það sem getur ruglað fólk þarna er að vera ekki boðið upp á möguleikann á að undirrita nema fara í preview fyrst.

[Theódór Norðkvist, 17.7.2008 kl. 12:47]

Hvað tæknilegu atriðin varðar mætti berast betri staðfesting á því að rafræn undirritun hafi farið fram.

Það er líka gott gagnvart liðinu sem á að veifa þessu framan í, því stjórnarherrarnir og þeirra undirsátar eru gjarnir á að fullyrða að ekkert sé að marka svona lista, sérstaklega þegar nöfn eins og Andrés önd sjást (eða Davíð Oddsson þegar var verið að mótmæla dómarahneykslinu í kringum son hans.)

Oft hefur verið hægt að skoða nöfnin á svona listum, en ég gat ekki séð þau (gat það einhver?) aðeins fjölda undirskrifta. Það er reyndar ágætt að nöfnin sjáist ekki á netinu, margir óska nafnleyndar af ýmsum gildum ástæðum.

[Guðsteinn Haukur Barkarson, 17.7.2008 kl. 15:28]

Jamms, ég sé að ég hef ekki valið nógu notendavænt umhverfi fyrir þetta. En er að vinna að lagfæriingum.

[Sigurbjörn Friðriksson, 17.7.2008 kl. 17:14]

Ég var að reyna að vera með - komst ég inn?

Kveðja, Björn bóndi.

[Birna M, 17.7.2008 kl. 17:46]

Búin að kvitta - auðvitað

[Birna M, 17.7.2008 kl. 17:49]

Eða réttara ég kvittaði í dag, var númer 51 en sá listi er horfinn, hvað varð um hann. Nú er bara einn á listanum.

[halkatla, 17.7.2008 kl. 20:24]

ég ætla að undirrita en vil vita meira um þennan Ásmund, er hann virkilega svona flottur? Vonandi endar hann ekki í steininum (og vonandi er þetta ekki eitthvað hræðilegt mál miðað við hvernig ég læt, hehumm)

[halkatla, 17.7.2008 kl. 20:26]

ok nú skil ég hvað þetta snýst um, hann er mjög flottur

[Gústaf Níelsson, 17.7.2008 kl. 22:27]

Guðsteinn Haukur, hví forðast þú svo þágufallið?

[Eiríkur Ingvar Ingvarsson, 18.7.2008 kl. 13:46]

Hvað með undirskriftasöfnun Árna Johnsen til handa. Hann er enn að réttlæta sín brot þar sem dómarar eru ekki hæfir og löginn sem hann setur eru Banana lög...

Þetta er galið Guðstein. Hann er að brjóta lög....á að fara að styðja menn í því...Er fólk ekki hugsandi lengur. Er kreppa þar líka...

Gott fólk Það er ekki vitlaust gefið.

[Gunnar Páll Gunnarsson, 18.7.2008 kl. 21:33]

Frábært framtak. Búinn að skrifa undir. Hvað annað.

Gunni Palli kokkur. 

[Þórarinn Þ Gíslason (IP-tala skráð) 20.7.2008 kl. 03:03]

Sæll Guðsteinn minn.

Gott málefni er ég alltaf tibúinn að styðja.

Heyrumst,sjáumst.

[Ása (IP-tala skráð) 21.7.2008 kl. 10:09]

Búin að reyna að kvitta 2x en kom error á mig!
Prufa aftur í dag.....

[egvania, 21.7.2008 kl. 21:16]

Flott hjá þér Guðsteinn, alltaf svo klár í kollinum, þakka þér fyrir frábært framtak.

Ég er þinn einlægi aðdáandi.

Ég kvittaði þann átjánda en er ekki viss um að ég hafi komist inn, get ég séð það einhverstaðar.

Gústaf er ekki aðalatriðið að við getum tjáð okkur hér á blogginu, ekki er öllum það gefið að skrifa rétt.

[Anna Benkovic Mikaelsdóttir, 23.7.2008 kl. 00:10]

kvitta..anna

[Rauða Ljónið, 25.7.2008 kl. 00:16]

Sæll. Kvittaði 18 júlí.

 Kv. Sigurjón Vigfússon